വാദ്ധ്യാർ 1

Vadhyaar Part 1 | Author : Akhileshettan

[ Previous Part ] [ www.kambi.pw ]

---

 

അബിൻ തന്റെ ബൈക്ക് ആ ഹോട്ടലിനോട് ചേർത്ത് നിർത്തി. ശേഷം ഇറങ്ങി ഹോട്ടലിനുള്ളിലേക്ക് കയറി. അധികം ആളുകളൊന്നും അവിടെ ഉണ്ടായിരുന്നില്ല. അവൻ നേരെ കൗണ്ടറിനടുത്തേക്ക് ചെന്നു.

 

” അബ്ദുക്കാ നാല് സമൂസ വേണം… ”

 

” ആ.. ഇതാര് അബിയോ.. തന്നെ ഈ വഴിക്കൊന്നും കാണാൻ കിട്ടുന്നില്ലല്ലോടോ…. ”

 

” ജോലി തിരക്കായിരുന്നു അബ്ദുക്കാ… ”

 

“ഏ… അപ്പൊ നീ ഇപ്പോഴും ആ ഓട് കമ്പനിയിൽ ജോലി ഒഴിവാക്കിയില്ലേ…?”

 

” എങ്ങനെ ഒഴിവാക്കാനാണ് ഇക്ക… വീട്ടിൽ എന്നെ കൂടാതെ മൂന്ന് പേരു കൂടി ഇല്ലേ… അവരെ പട്ടിണിക്കിടാൻ പറ്റോ…? ”

 

” എന്നാലും അബി… നീ ഇത്രയൊക്കെ പഠിച്ചിട്ട് ഏറ്റാനും പിടിക്കാനുമൊക്കെ പോണോ… എവിടെയെങ്കിലും ഒന്ന് കയറിപ്പറ്റിക്കൂടെ…? ”

 

” നോക്കുന്നുണ്ട് ഇക്ക… എന്തെങ്കിലുമൊക്കെ ശെരിയാകുമായിരിക്കും… ”

 

അബിൻ ഒന്നു നെടുവീർപ്പിട്ടു…ആ സമയം അബ്ദുക്ക സമൂസ പൊതിഞ്ഞു ഒരു കവറിലേക്ക് ഇട്ട് അവനു കൊടുത്തു. അബിൻ അതും വാങ്ങി തന്റെ ബൈക്കുനടുത്തേക്ക് നടന്നു.

 

“പാവം ചെക്കൻ… എന്തോരം പഠിച്ചതാ…”

 

അവന്റെ ബൈക്ക് പോകുന്നതും നോക്കി അബ്ദുക്ക സ്വയം പറഞ്ഞു.

 

മുറ്റത്ത് അവന്റെ അമ്മ ഭവാനി മുളക് വെയിലത്ത് ഒരു ഷീറ്റിൽ വച്ചിരുന്നത് കവറിലേക്കാക്കുകയായിരുന്നു. ആ സമയത്താണ് അബിൻ ഗേറ്റ് കടന്ന് വരുന്നത് കണ്ടത്.

 

” ആ.. നീ എന്താ ഇന്ന് നേരത്തെ…? ”

 

” ഇന്ന് ലോഡ് കുറവായിരുന്നു. അത് കൊണ്ട് മുതലാളി നേരത്തെ പൊക്കോളാൻ പറഞ്ഞു. ”

 

” മ്മ്… ഞാൻ ചായ എടുക്കാം… ”

 

” അമ്മു ചേച്ചിയും മാളുവും എവിടെ അമ്മേ… ”

 

തന്റെ കയ്യിലുള്ള കവർ വീടിന്നുള്ളിലെ മേശയ്ക്ക് പുറത്ത് വെച്ച് തിരിഞ്ഞു അമ്മയോട് ചോദിച്ചു.

 

” അവരാ നിഷയുടെ വീട് വരെ പോയേക്കാ.. ഇപ്പൊ വരും… നീ ഇരിക്ക്.. ”

 

” ഞാൻ നാല് സമൂസ വാങ്ങിയിരുന്നു… അപ്പൊ വെറുതെ ചോദിച്ചതാ… ”

 

അതിലൊരു സമൂസ കടിച്ച് കൊണ്ട് അബിൻ അമ്മയോട് പറഞ്ഞു.

 

അവന്റെ അമ്മ മുളക്കെല്ലാം ആക്കിയ ആ കവറുമെടുത്ത് കിച്ചണിലേക്ക് പോയി. ശേഷം ഒരു ഗ്ലാസ്സിൽ കട്ടൻ ചായയുമായി അവന്റെ അടുത്ത് വന്ന് അവന് കൊടുത്തു.

 

ശേഷം തന്റെ സാരിത്തലപ്പ് കൊണ്ട് മുഖം തുടച്ച് അവനരികിലുള്ള സ്റ്റൂളിൽ അവൻ ചായ കുടിക്കുന്നത് നോക്കികൊണ്ടിരുന്നു.

 

പാവം എന്റെ മോൻ.. ഒരുപാട് കഷ്ടപ്പെടുന്നുണ്ട് അവൻ ഈ കുടുംബത്തിന് വേണ്ടി.

അങ്ങേര് വേറെ കെട്ടി എന്നെയും കൈ കുഞ്ഞായ എന്റെ മോനെയും അയാളുടെ വീട്ടിൽ നിന്ന് പുറത്താക്കിയപ്പോൾ എന്ത് ചെയ്യണം എന്നറിയാതെ നിന്നപ്പോഴാണ് ചേട്ടൻ വന്ന് ഞങ്ങളെ അവരുടെ ഈ വീട്ടിലേക്ക് കൊണ്ട് വരുന്നത്..

 

ചേട്ടന് രണ്ട് പെൺകുട്ടികളായിരുന്നു.. അമ്മുവും മാളുവും. അമ്മുവിന് അന്ന് അഞ്ചു വയസ്സായിരുന്നു പ്രായം. മാളു ഞങ്ങൾ അങ്ങോട്ട് താമസം മാറിയ ശേഷം ഒരു മൂന്ന് വർഷം കഴിഞ്ഞാണ് ജനിക്കുന്നത്. അന്ന് ചേട്ടനും ഏടത്തിയും കുഞ്ഞുങ്ങളുമായി മൂകാമ്പികയിലേക്ക് തൊഴാൻ പോയപ്പോഴാണ് എതിരെ വന്ന ലോറി അവരുടെ കാറിനെ ഇടിച്ചത്. ചേട്ടനായിരുന്നു വണ്ടി ഓടിച്ചിരുന്നത്. ഏടത്തി മുന്നിലെ സീറ്റിലും അമ്മുവും മാളുവും പുറകിലും.

 

ആ ഇടിയിൽ അവർ രണ്ട് പേരും അവിടെ വച്ച് തന്നെ മരിച്ചു. അമ്മുവും മാളുവും ദൈവ കൃപ കൊണ്ട് രക്ഷപ്പെട്ടു. പക്ഷേ സൈഡിലെ ഡോറിൽ തലയിടിച്ച് അമ്മുവിന്റെ കണ്ണിന് മുകളിൽ നന്നായി മുറിഞ്ഞിരുന്നു. ആ മുറിയുടെ പാട് പിന്നെ മാഞ്ഞില്ല. പിന്നീടങ്ങോട്ട് ഈ മൂന്ന് മക്കളെയും പോറ്റാൻ വേണ്ടി താൻ ചെയ്യാത്ത ജോലിയൊന്നും ഉണ്ടായിരുന്നില്ല.

 

അമ്മുവിന് കല്യാണ പ്രായം ആയപ്പോൾ ഒരുപാട് പേരെ നോക്കി. നല്ല വെളുത്ത നിറമായിരുന്നു അമ്മുവിന്. പക്ഷേ അവളുടെ മുഖത്തെ പാട് കാരണം ആർക്കും അവളെ ഇഷ്ടമായില്ല.