എല്ലാവരുടെ മുന്നിലും ഒരുങ്ങി കെട്ടി പോയി നിന്ന് അവസാനം അവൾക്കും മടുത്തു. അവസാനം അവൾ തയ്യൽ പഠിക്കാൻ പോട്ടെ എന്ന് ചോദിച്ചപ്പോൾ ഞാൻ മനസ്സില്ലാ മനസ്സോടെ സമ്മതിച്ചു.
അങ്ങനെ അവൾ നാട്ടിലെ രമണി ചേച്ചിയുടെ അടുത്ത് പോയി കൊണ്ടിരുന്നു. പതിയെ പതിയെ അവൾക്ക് കുറഞ്ഞ വരുമാനവും അവിടന്ന് കിട്ടി തുടങ്ങിയിരുന്നു.
പഠിക്കാൻ മിടുക്കാനായിരുന്ന അബിനെ ബി. എഡ് പഠിപ്പിക്കാൻ അവളും ഞാനും നല്ലോണം കഷ്ടപ്പെട്ടിട്ടുണ്ട്.
പക്ഷെ എന്ത് പഠിച്ചിട്ടെന്താ കാര്യം ഒരു നല്ല ജോലി വാങ്ങാൻ അവനെ കൊണ്ട് ആയില്ല.
പി എസ് സി എഴുതി മടുത്തു. പ്രൈവറ്റ് സ്കൂളിൽ ശമ്പളം വളരെ കുറവുണ്ടായിരുന്നു. അത് കൊണ്ടവൻ ആ ഓട് കമ്പിനിയിൽ ഏറ്റാനും മറ്റും പോക്ക് തുടങ്ങിയത്.
അതെല്ലാം ആലോചിച്ച് ഭവാനി ഒരു നെടുവീർപ്പിട്ടു. ആ സമയത്ത് അമ്മുവും മാളുവും വരുന്നത് അവൻ കണ്ടത്.
അവർ ഉള്ളിലേക്ക് കയറിയപ്പോൾ സ്റ്റൂളിൽ ഇരുന്നു ചായ കുടിക്കുന്ന അബിനെയാണ് കണ്ടത്.
” ആ.. നീയെന്താടാ ഇന്ന് നേരത്തെ… ”
അമ്മു അവിടെ വെച്ചിരുന്ന സമൂസയിൽ ഒന്ന് എടുത്ത് കടിച്ച് കൊണ്ട് ചോദിച്ചു.
” ഇന്ന് ലോഡ് കുറവായിരുന്നു ചേച്ചി… ടീ നിനക്ക് വേണ്ടേ…? ”
അവൻ അവിടെ ഉണ്ടായിരുന്ന ഒരു സമൂസ മാളുവിന്റെ നേരെ നീട്ടി ചോദിച്ചു.
” ഞാൻ ചായ എടുത്ത് വരാടാ…”
അതും പറഞ്ഞു മാളു കിച്ചണിലേക്ക് നടന്നു. അവനെക്കാൾ അവൾ മൂന്ന് വയസ്സ് ഇളയതാണെങ്കിലും അവർ തമ്മിൽ എടാ പോടാ എന്നെ വിളിക്കാറുള്ളു..
” എടി.. എനിക്കും എടുക്കണേ…”
അമ്മു അകത്തേക്ക് വിളിച്ച് പറഞ്ഞു.
” അമ്മ എന്താ കഴിക്കുന്നില്ലേ…? ”
ഒരു സമൂസ അമ്മയ്ക്ക് നേരെ നീട്ടി അവൻ ചോദിച്ചു.. ഭവാനി അത് ചിരിച്ച് കൊണ്ട് മേടിച്ചു. ആ സമയം മാളു രണ്ട് കയ്യിലും ചായ എടുത്ത് അങ്ങോട്ട് വന്നു മേശയിൽ വച്ചു.
ശേഷം വീണ്ടും അകത്തേക്ക് പോയി ഒരു ഗ്ലാസ് ചായ കൊണ്ട് വന്ന് അത് അമ്മയുടെ കയ്യിൽ കൊടുത്തു. അവർ നാല് പേരും ചായയും സമൂസയും അല്പം തമാശയും പറഞ്ഞു കഴിച്ചു. അതിനിടയിൽ പെട്ടെന്ന് എന്തോ ഓർത്തപോലെ അമ്മു അബിനോട് പറഞ്ഞു.
” ആ… അബി ഞാൻ മറന്നു. ഇന്ന് നിഷയുടെ വീട്ടിലെ പത്രത്തിൽ ഒരു പരസ്യം കണ്ടു. ബാംഗ്ലൂരിൽ ഇംഗ്ലീഷ് ടീച്ചർ വാക്കൻസി ഒഴിവുണ്ടെന്ന്… മാസം മുപ്പത്തയ്യായിരം രൂപ ശമ്പളവും റൂമൊക്കെ ഉണ്ടത്രേ…?.. നിനക്കൊന്ന് നോക്കിക്കൂടെ…? ”
” ആണോ … ചേച്ചി നമ്പർ നോക്കിയോ…? ”
” ആടാ.. ഇതാ നമ്പർ നീ ഒന്ന് വിളിച്ചു നോക്ക്… ”
അതും പറഞ്ഞവൾ തന്റെ ഫോൺ അവന് നേരെ നീട്ടി.
അവൻ അവളുടെ ഫോൺ നോക്കി. അമ്മു ആ പരസ്യം ഫോട്ടോ എടുത്ത് വെച്ചിട്ടുണ്ട്. അവൻ വേഗം ആ നമ്പർ തന്റെ മൊബൈലിലേക്ക് പകർത്തി.. ശേഷം ആ നമ്പറിലേക്ക് ഡയൽ ചെയ്ത് ഫോണുമായി ഹാളിൽ നിന്നും വീടിന് പുറത്തേക്ക് ഇറങ്ങി.
മൂന്ന് നാല് റിങ്ങിന് ശേഷം മറുതലയ്ക്കൽ നിന്ന് ഒരാൾ ഫോൺ എടുത്തു.
” ഹലോ… ആരാണ്…? ”
“സാർ.. എന്റെ പേര് അബിൻ.. ഞാൻ പേപ്പറിലെ പരസ്യം കണ്ട് വിളിച്ചതാണ്.. ഇംഗ്ലീഷ് ടീച്ചറെ വാക്കൻസി ഉണ്ടെന്ന് കണ്ട്…”
” ഓഹ്… യെസ്… യെസ്… അബിൻ എവിടന്നാണ് വിളിക്കുന്നത്…? ”
” ഞാൻ പാലക്കാടുള്ള കലവൂർ എന്ന സ്ഥലത്ത് നിന്നാണ് സാർ … ”
” ഓക്കേ.. അബിൻ ഒരു കാര്യം ചെയ്യ്… നാളെ ടൗൺഹാളിന് അടുത്തുള്ള റോസി ഹോട്ടലിൽ രാവിലെ ഇന്റർവ്യൂ ഇണ്ട്. രാവിലെ പത്തു മണി ആവുമ്പോഴേക്കും എത്താൻ ശ്രമിക്ക്… അവിടെ എത്തിയിട്ട് ഈ നമ്പറിൽ വിളിച്ചാൽ മതി… ”
” ഓക്കേ… സാർ… താങ്ക്യൂ… ”
” ഓക്കേ… ”
ഫോൺ കട്ടാക്കിയ ശേഷം അബിൻ വീടിന് അകത്തേക്ക് കയറി. അമ്മു ചേച്ചിയും മാളുവും അമ്മയും എന്റെ മുഖത്തേയ്ക്ക് ഫോണിൽ സംസാരിച്ച കാര്യങ്ങൾ അറിയാൻ കൗതുകത്തോടെ നോക്കി…
” അവരെന്താ പറഞ്ഞെ മോനെ….? ”