ദേവസുന്ദരി – 12അടിപൊളി  

Kambi Kadha  – Devasundari Part 12 | Author : Hercules

Previous Part

 

എന്നാലടുത്ത നിമിഷമെന്റെ ഹൃദയം ഒന്ന് നിലച്ചു. താടകയുടെ നേർക്ക് പാഞ്ഞടുക്കുന്ന ഒരു കറുത്ത മഹിന്ദ്ര താർ.!!

 

“” ഹേയ്…!! “” ഒരു വിറയലോടെ ഞാനലറിക്കൊണ്ട് താടകയുടെ നേർക്ക് ഓടി.

 

അവളൊന്ന് പതറി.! അത് കഴിഞ്ഞാണ് തനിക്കുനേരെ പാഞ്ഞടുക്കുന്ന വാഹനമവളുടെ ശ്രദ്ധയിൽ പെട്ടത്.

താടക തറഞ്ഞവിടെ നിന്നുപോയി. അതവളുടെ തൊട്ടടുത്ത് എത്തിയിരുന്നു. പേടിച്ചിട്ടൊരടിപോലുമവൾക്ക് അനങ്ങാനായില്ല. അവൾ കണ്ണുകൾ ഇറുക്കിയടച്ചു.

ആ കാഴ്ച കാണാനാവാതെ ഞാൻ തലയിൽ കൈവച്ചവിടെ ഇരുന്നുപോയി…!!

 

 

ഇതുപോലത്തെ അടിപൊളി കമ്പി കഥകൾ വായിക്കാൻ www.kambi.pw ഈ സൈറ്റ് ൽ വന്നാൽ മതി .........

********

 

 

ഒരു മൂളലോടെ താർ അവളുടെ തൊട്ടടുത്തുവച്ചൊന്ന് വെട്ടിച്ചു. പിന്നേ അതൊരിരമ്പലോടെ അവളെ ഉരുമ്മിയെന്നോണം പുറത്തേക്ക് പാഞ്ഞുപോയി.

 

അപ്പോൾ തോന്നിയ ആശ്വാസം..!!

 

തടകയപ്പോഴും ചെവിപൊത്തി കണ്ണുകൾ ഇറുക്കിയടച്ച് നിൽപ്പായിരുന്നു. അവളുടെ കയ്യിലുണ്ടായിരുന്ന വാഴയിലക്കീറ് മണ്ണിൽ വീണിരുന്നു.

 

ഞാൻ വേഗം തന്നെയവളുടെ അടുത്തേക്കൊടി. അവളപ്പോഴും മരവിച്ച് അതേ അവസ്ഥയിൽ തന്നെയായിരുന്നു.

 

“” ഡോ..! താനോക്കെയാണോ..! “”

 

അവളൊന്നുമറിയുന്നില്ല എന്ന് കണ്ട് ഒന്ന് പരിഭ്രമിച്ച ഞാൻ അവളുടെ തോളിൽ പിടിച്ചൊന്നിളക്കി ചോദിച്ചു.

അവൾ നല്ലപോലെ വിറക്കുന്നുണ്ടായിരുന്നു.

 

താടക പേടിയോടെ കണ്ണ് തുറന്നെന്നെയൊന്ന് നോക്കി. തൊട്ടടുത്ത നിമിഷമൊരു കരച്ചിലോടെയവളെന്റെ നെഞ്ചിൽ വീണു. ഒന്ന് പതറിയെങ്കിലും ഞാനവളെ ചേർത്തുപിടിച്ചു.

 

പാവം നല്ലപോലെ പേടിച്ചിട്ടുണ്ടെന്നേ..! അവളുടെ ശരീരം കിടന്ന് വിറക്കണത് അതിന് തെളിവാണ്.

 

“” ഡോ… ഓക്കെയാണോ?! “”

മറുപടിയൊന്നും ഇല്ലായെങ്കിലും അവളുടെ കേട്ടിപ്പിടുത്തമോരോ നിമിഷവും ഇറുകിക്കൊണ്ടിരുന്നു.

 

എന്നിലുള്ളയീ പിടിവിട്ടാലവള് മരിച്ചുപോവുമെന്നകണക്കെ.!!

 

“” അഭിരാമീ… ഡോ…! “”

 

അഭിരാമി !!. ആദ്യമായിട്ടാണെന്ന് തോന്നണു ഞാനവളെ പേര് വിളിക്കുന്നത്.

 

ഞാനൊരല്പം ബലം പിടിച്ചവളെ എന്നിൽനിന്നടർത്തി.

 

അവളിപ്പോ ഒന്ന് കൂളായപോലെ തോന്നി. അവളെന്നെയൊന്ന് മിഴിച്ച് നോക്കി.

 

പേടിച്ചണ്ടം കീറിപ്പോയ അവസ്ഥേൽ ഇത്രേന്നേരം എന്നേം ചുറ്റിപ്പിടിച്ചാണ് നിന്നതെന്നവൾ ഓർത്തുപോലുമില്ല. അതിന്റൊരു ചമ്മലവളുടെ മുഖത്ത് പൊടുന്നനെ പടർന്നു.

 

എന്നാൽ ഞാനത് കാര്യമാക്കിയില്ല. അവളുടെ അവസ്ഥ എനിക്ക് മനസിലാക്കാൻ പറ്റും.

 

“” അത്… അപ്പൊ…! സോറി!! “”

 

താടക ഒരു ജാള്യതയോടെ പറഞ്ഞു.

 

“” ഹേയ് കുഴപ്പുല്ലടോ…! താൻ ഓക്കെയാണോ..! “”

 

ഞാനിത്രയും മയത്തിലവളോട് സംസാരിക്കുന്നത് ആദ്യമായായതിനാലാവും അവളെന്നെയൊരമ്പരപ്പോടെ നോക്കിയത്.

 

“” കുഴപ്പൂല്ല… ഇടിച്ചൂന്നാ കര്ത്യേ!! “”

അപ്പോഴും വിട്ട് പോയിട്ടില്ലാത്ത ഒരു വിറയലോടെ അവൾ പറഞ്ഞു.

Kambikathakal:  സാംന്റെ അനുഭവങ്ങൾ

 

“” ഹ്മ്മ്…” ഞാനൊന്ന് മൂളി

 

ഇങ്ങനൊരാവസ്ഥേല് വണ്ടിനമ്പറൊന്നും നോട്ടെയ്യാൻ പറ്റീല. മിക്കവാറും ഏതേലും ഞരമ്പന്മാർ അവൾടടുത്ത് ഷോ ഇറക്കിയതാവും എന്ന നിഗമനത്തിൽ ആയിരുന്നു ഞാനപ്പോൾ.

 

“” എടൊ കുഴപ്പൊന്നൂല്ലല്ലോ…! നമുക്കെന്നാ പോയ്ക്കൂടെ..! “”

 

ഞാനൊന്നൂടെ ചോദിച്ചതും അവള് സമ്മതമെന്നോണം തലയാട്ടി. പിന്നേ മണ്ണിൽ വീണയാ ഇലക്കീറിലേക്കൊന്ന് പാളിനോക്കി.

 

അതിന് ശേഷമൊരു നെടുവീർപ്പോടെ അവൾ കാറിൽ വന്ന് കയറി. സമയമാകുന്നേയുള്ളു. ഓഫീസിലേക്ക് അധികം ദൂരവുമില്ല. ഇത്ര നേരത്തേ പോയാലവിടെ എന്തായാലും പോസ്റ്റടിക്കേണ്ടിവരും. തടകേം അതേ ചിന്തയിൽ ആണെന്നെനിക്ക് തോന്നി.

 

“” അതേയ്… ഇത്രേന്നേരത്തെ ഓഫീസിലോട്ട് പോണോ..? “”

 

എന്റെ തോന്നൽ ശരിയാണെന്ന് തെളിയിച്ചുകൊണ്ട് അവൾ മടിച്ച് മടിച്ചാണത്‌ ചോദിച്ചത്.

 

അവൾടെ ചോദ്യം കേട്ട് ഞാനവളെയൊന്ന് നോക്കിയതും അവള് മുഖം കുനിച്ചു. ഇവള് ഭയങ്കര ബോൾഡ് ആണെന്ന് കരുതിയിരുന്ന എന്റെ ചിന്തകളൊക്കെ തകർക്കുന്ന കാര്യങ്ങളാണല്ലോ കുറച്ചായിട്ട് നടന്നോണ്ടിരിക്കുന്നെ.

 

“” ഇപ്പോപ്പിന്നെ എവിടെ പോണംന്നാ.!! “”

 

ഞാനത് ചോദിച്ചതുമാവളൊരു അമ്പരപ്പോടെ എന്നെനോക്കി. ഞാൻ സമ്മതിക്കൂന്ന് അവളോർത്ത് കാണില്ല. അതിന്റൊരു സന്തോഷമൊക്കെയവളുടെ മുഖത്ത് പ്രകടമാണ്.

 

“” ഇവിടന്ന് കുറച്ചുപോയാലൊരു ഓർഫനേജുണ്ട്. ഒന്നത്രേടംവരെ പോയാലോ..! “”

 

ഞാനവളെയൊരത്ഭുതത്തോടെ നോക്കി. ഓർഫനെജ്ലിവൾക്കെന്താ പരുപാടി..!! മാസസിലിങ്ങനെ ഒരു ചിന്ത വന്നേലും ഞാനത് ചോദിച്ചില്ല.

 

“”ഹ്മ്മ്…””

ഒന്ന് മൂളി ഞാനവള് പറഞ്ഞ വഴിയേ കാറോടിച്ചു.

 

അവസാനം ഒരല്പം പഴക്കം തോന്നിക്കുന്ന കെട്ടിടത്തിനടുത്തെത്തിയപ്പോൾ അവിടേക്ക് കയറ്റാനവള് പറഞ്ഞു.

 

അവിടെ മുറ്റത്ത് നല്ലൊരു ഗാർഡൻ ഒരുക്കിയിട്ടുണ്ട്. അതിലെ പുൽത്തകിടിയിൽ കുറച്ച് കുട്ടികൾ കളിച്ച് നടക്കുന്നു. കാറ് വന്ന് നിന്നത് കണ്ട് അവരുടെ ശ്രദ്ധ ഒരുനിമിഷം അതിലേക്ക് തിരിഞ്ഞെങ്കിലും വീണ്ടുമവർ കളി തുടർന്നു.

 

കാർ വന്നത് കണ്ട് അവിടെ ചുമതലയുള്ള അല്പം പ്രായമുള്ള ഒരു സ്ത്രീയിറങ്ങിവന്നു. ഒപ്പം വേറെയും രണ്ട് സ്ത്രീകളുണ്ടായിരുന്നു.

 

അവരെ കണ്ട് ഒരു ചിരിയോടെ താടക വണ്ടിയിൽനിന്നിറങ്ങി.

അവൾക്ക് പിന്നാലെ ഞാനും. അവളെക്കണ്ടതും അവരുടെ മുഖത്തുമൊരു പുഞ്ചിരി വിടർന്നു.

 

ഞാനതൊക്കെ തെല്ലൊരു സംശയത്തോടെ നോക്കിനിന്നു.

 

ഇവളെന്തിനിവിടെ..? ഇവളെയവർക്കെങ്ങനെ പരിചയം? എന്നൊക്കെയുള്ള സംശയമെന്റെ ഉള്ളിലേക്ക് സ്വാഭാവികമായി വന്നു.

 

“” മോളേ… സുഖാണോ..! “”

ആ സ്ത്രീ അവളോട് ചോദിച്ചപ്പോൾ അവളൊരു ചിരിയോടെ തലയാട്ടി.

 

“” അക്ക മറന്നോ…! ഇന്നഭിരാമീടെ പിറന്നാളല്ലേ..! “”

അവരോടൊപ്പമുണ്ടായിരുന്ന സ്ത്രീ അവരെ ഓർമിപ്പിക്കാനെന്നോണം തിരക്കി.

 

“” അതെങ്ങനാ മറക്കുന്നെ… കുട്ടികളൊക്കെ ഇന്നലെത്തന്നെ അതുംപറഞ്ഞല്ലേ നടക്കുന്നെ…! “”

Kambikathakal:  ഞാൻ കഥയെഴുതുകയാണ് - 4

 

അവരോരു ചിരിയോടെ പറഞ്ഞവളുടെ തലയിലൊന്ന് തഴുകി.

 

“” അല്ല ഇതാരാ…! “”

 

പിന്നേ എന്നെയൊന്ന് നോക്കി ചിരിയോടെ അവളോടായി തിരക്കി.

 

“” എന്റെ ഭർത്താവാ അക്ക..! “”

അവളെന്നെയൊന്ന് നോക്കിയിട്ടാണത് പറഞ്ഞത്.

 

“” അപ്പൊ..! അന്ന് മുടങ്ങീത്?! “”

 

അവർ തെല്ലൊരു സംശയത്തോടെ തിരക്കി.

 

“” അത് മുടങ്ങി… ഇത് പെട്ടന്നുനടന്നതാ… ചെറിയ ചടങ്ങേ ഉണ്ടായുള്ളൂ. എന്റൊപ്പം ഓഫീസില് വർക്ക്‌ ചെയ്യണ ആളാണ് രാഹുൽ..! “”

 

ഞാൻ വല്ലോം പറയോ എന്ന പേടിയിൽ അവള് ചാടിക്കേറിപ്പറഞ്ഞത് കേട്ട് എനിക്ക് ചിരിവന്നെങ്കിലും ഞാനതൊതുക്കി.

 

അവർ എന്നെ നോക്കിയൊന്ന് പുഞ്ചിരിച്ചു.

ഞാനും.

 

“” അകത്തേക്ക് വാ..! “”

 

ഞങ്ങളെ അകത്തേക്ക് ക്ഷണിച്ച് തിരിച്ചുനടന്ന അവരെ താടക തടഞ്ഞു.

 

“” ഇല്ലക്ക…! ഇപ്പൊ കേറണില്ല…! ഓഫീസിലേക്ക് പോണം. ഞങ്ങള് വൈകീട്ട് വരാം.! “”

 

അവളാവസാനം എന്നെനോക്കിയാണ് പറഞ്ഞത്. അത് എന്തിനാണെന്ന് മനസിലായതും ഞാനവളെ നോക്കി വരാമെന്ന് സമ്മതിച്ചുകൊണ്ട് തലയാട്ടി. അല്ലേലും വൈകീട്ടവളെ എങ്ങനെ വൈകിപ്പിക്കാം എന്നോർത്ത് നടക്കുകയായിരുന്നല്ലോ ഞാൻ. അതോടവളുടെ മുഖമൊന്ന് വിടർന്നു.

 

“” ഉച്ചക്കത്തേക്കുള്ള ഫുഡ് ഞാൻ ഏല്പിച്ചിട്ടുണ്ട് അക്കാ..! സമയമാവുമ്പോ അവരത് കൊണ്ട് തരും. ഇതാ ഇത് വച്ചോ…!””

 

അവരോട് പറഞ്ഞിട്ടുവള് കുറച്ചഞ്ഞൂറിന്റെ നോട്ടവരുടെ കയ്യിലേക്ക് വച്ചുകൊടുത്തു. അവരത് വാങ്ങി രണ്ട് കണ്ണിലുമൊന്ന് തൊട്ട് തൊഴുത് സഹായിയുടെ കയ്യിലേൽപ്പിച്ചു.

 

“” ഇത്രേടം വരെ വന്നിട്ട് കേറാണ്ടെങ്ങനാ മോളേ…! “”

 

അവരൊന്നൂടെ പറഞ്ഞെങ്കിലും വൈകീട്ടുറപ്പായും വരുമെന്നവൾ വാക്ക് കൊടുത്തു. പിന്നേ അവരോട് യാത്ര പറഞ്ഞവിടുന്നിറങ്ങി.

 

“” എന്താ ഒന്നും മിണ്ടാണ്ടിരിക്കണേ…! “”

Leave a Reply

Your email address will not be published.

This site uses Akismet to reduce spam. Learn how your comment data is processed.