“നന്ദു നീ ഒന്നിങ്ങോട്ട് വന്നേ…”അമ്മ അടുക്കളയിൽ നിന്ന് വിളിക്കുന്ന ശബ്ദം ആണ് അത്.
“എന്താ..അമ്മേ..”
“ഇത് ഒരു മുറി ചക്കയാണ് നീ ഇത് കൊണ്ടുപോയി അനുവിന് കൊടുത്തിട്ട് വാ…”
“അമ്മേ ഞാൻ ഇപ്പോഴല്ലേ വന്ന് കിടന്നത്, എനിക്ക് വയ്യ അമ്മ തന്നെ പോയി കൊടുത്തോ…”
അതും പറഞ്ഞു തിരിഞ്ഞു നടന്നപ്പോഴാണ് എനിക്ക് അതിന്റെ ഒരു റിസ്ക് മനസ്സിലായത്. ഇനി ഈ സമയത്ത് അമ്മ അനുവേച്ചിയുടെ അടുത്ത് പോയാൽ ചേച്ചി എന്തെങ്കിലും പറഞ്ഞാലോ, അതിലും നല്ലത് ഞാൻ തന്നെ പോകുന്നതായിരിക്കും എന്ന് എനിക്ക് തോന്നി. മാത്രമല്ല ഒരു ചാൻസ് കിട്ടിയാൽ ചേച്ചിയോട് സോറി പറയാമല്ലോ. അങ്ങനെ ഞാൻ ചക്കയും വാങ്ങി ചേച്ചിയുടെ വീട്ടിലേക്ക് നടന്നു.
ഞാൻ പോകുമ്പോൾ ചേച്ചിയും അല്ലിയൂം ഉമ്മറക്കോലായിൽ ഇരിക്കുന്നുണ്ടായിരുന്നു. ഞാൻ ചേച്ചിയുടെ മുഖത്ത് നോക്കിയപ്പോൾ മുൻപൊന്നും കാണാറുണ്ടായിരുന്ന ഒരു ചിരിയോ സന്തോഷമോ എന്നെ കണ്ടപ്പോൾ ഇല്ലായിരുന്നു.
“ചേച്ചി ഇതിവിടെ തരാൻ അമ്മ തന്നതാ…”
ഞാൻ ചക്ക താഴെ വെച്ചു ചേച്ചിയോട് പറഞ്ഞു. ചേച്ചി എന്നെ ഒന്ന് നോക്കി അതു എടുത്ത് അകത്തേക്ക് പോയി.
ഞാനവിടെ അല്ലുവിൻ്റെ അടുത്തിരുന്നു. അവളോട് ഓരോന്ന് ചോദിച്ചു.
“അല്ലി, നീ പോയി കുറച്ചു ടിവി കാണ്, എനിക്ക് നന്ദു മാമനോട് കുറച്ച് സംസാരിക്കാൻ ഉണ്ട്..”
കേട്ടപാതി കേൾക്കാത്ത പാതി അല്ലി അകത്തേക്ക് പോയി ടിവി കാണാൻ തുടങ്ങി. ചേച്ചിയുടെ ചീത്തവിളി കേൾക്കാനായി ഞാൻ കാത്തിരുന്നു. അത് അല്ലാതെ വേറൊന്നും ഈ സമയത്ത് പറയാനില്ലല്ലോ.
“ഡാ.. നീയെന്താ നേരത്തെ അങ്ങനെയൊക്കെ ചോദിച്ചത്.. നിന്നെക്കുറിച്ച് പറയുമ്പോൾ കണ്ണേട്ടനും അമ്മയ്ക്കും അച്ഛനും എല്ലാം നൂറ് നാവാണല്ലോ ഇങ്ങനെയൊന്നും നിൻറെ അടുത്ത് നിന്ന് ഞാൻ പ്രതീക്ഷിച്ചില്ല..”
“അത് ചേച്ചി അങ്ങനെയൊന്നുമല്ല.. ഞാനപ്പോ എന്തോ ആലോചിച്ചപ്പോൾ..”
എനിക്ക് പറയാൻ വാക്കുകൾ ഒന്നും കിട്ടുന്നുണയിരുന്നില്ല.
“എങ്ങനെയല്ലെന്ന്… നന്ദു.. നിന്നെക്കുറിച്ച് എല്ലാവരും നല്ലത് പറയുന്നത് ഞാൻ ഇതുവരെ കേട്ടിട്ടുള്ളൂ.. അതുകൊണ്ടുതന്നെയാണ് നിനക്ക് ഈ വീട്ടിൽ ഇത്രയും സ്വാതന്ത്ര്യം കിട്ടിയതും. നിനക്കറിയാമല്ലോ എനിക്ക് അനിയനോ ചേട്ടനോ ആരുമില്ല നിന്നോട് കൂടെ കൂടിയപ്പോൾ എനിക്ക് അങ്ങനെ ആരൊക്കെയോ ഉണ്ടെന്ന് ഒരു തോന്നൽ വന്നു. അതുകൊണ്ടാ നീയുമായി ഞാൻ അത്രയും അടുത്ത് ഇടപഴകിയത്, നീ അത് വേറെ രീതിയിൽ മുതലാക്കാൻ ശ്രമിച്ചു.”
എന്റെ കൈയും കാലും വീണ്ടും വിറയ്ക്കാൻ തുടങ്ങി. ചേച്ചി എന്നെ ഒരു അനിയനെ പോലെയാണ് കണ്ടത് എന്നുകൂടെ പറഞ്ഞപ്പോൾ ഞാൻ അങ്ങ് ഇല്ലാതെയായി. അവിടെ നിന്ന് ഇറങ്ങിനിന്ന് ഇറങ്ങി ഓടിയാൽ മതിയെന്ന് പോലും എനിക്ക് തോന്നി.
“അങ്ങനെ തന്നെയാ ചേച്ചി എനിക്കും തോന്നിയത്.. ചേച്ചി എന്റെ സ്വന്തം ചേച്ചി ആയിട്ട് തന്നെയാ ഞാനും കണ്ടത്.. എൻറെ തല തോർത്തി തരുമ്പോൾ എന്തോ ഒരു ഇഷ്ടക്കൂടുതൽ തോന്നി.. അതുകൊണ്ടാ ഞാൻ എത്ര സ്നേഹമുണ്ടെന്നൊക്കെ ചോദിച്ചത്. സ്നേഹമുണ്ടെന്ന് പറഞ്ഞപ്പോഴാണ് ഞാൻ ഉമ്മയ്ക്ക് ചോദിച്ചത്.. അല്ലേലും ചേച്ചി അനിയന് ഉമ്മ കൊടുക്കുന്നതിൽ എന്താ തെറ്റ്…”
വീണ സ്ഥലത്ത് കിടന്നു ഉരുളുക എന്നൊക്കെ പറയില്ലേ. കുറച്ച് സമയം അതായിരുന്നു അവിടെ നടന്നത്. എൻറെ ഭാഗം പരമാവധി ന്യായീകരിക്കാൻ ഞാൻ ശ്രമിച്ചു. അത് എത്രത്തോളം വിജയിക്കുമെന്ന് എനിക്ക് ഉറപ്പില്ലായിരുന്നു.
പക്ഷേ അത് കേട്ടപ്പോൾ ചേച്ചി കുറച്ചുനേരത്തേക്ക് ഒന്നും മിണ്ടാതെ എന്തോ ആലോചിച്ചു. എൻറെ സെന്റി അപ്പ്രോച്ച് വർക്ക് ആവുമെന്ന് എനിക്ക് തോന്നി.
“ചേച്ചി തന്നെ ആലോചിച്ചു നോക്ക്.. ഇത്രയും കാലത്തിനിടയ്ക്ക് ചേച്ചിക്ക് ഏറ്റെടുത്ത് നിന്ന് എന്തെങ്കിലും മോശം അനുഭവം ഉണ്ടായിട്ടുണ്ടോ…”
“അതില്ല..”ഒരുപാട് ചിന്തിക്കാതെ തന്നെ ചേച്ചി മറുപടി പറഞ്ഞു.
“അതാ ഞാൻ പറഞ്ഞത് ആ സമയത്ത് ചേച്ചി തോർത്തി തരികയും ഇഷ്ടമാണെന്നൊക്കെ പറഞ്ഞപ്പോൾ എന്തോ എനിക്ക് എൻറെ സ്വന്തം ചേച്ചിയെ പോലെ തോന്നി. അതാ ഞാൻ ഉമ്മ ചോദിച്ചത്. എന്നാലും ഞാൻ ചോദിക്കരുത് ആയിരുന്നു എന്ന് എനിക്ക് ഇപ്പോൾ തോന്നുന്നു. സോറി ചേച്ചി..”
“എടാ നീ..”എൻറെ സെന്റി അപ്രോച്ചും സോറി പറച്ചിലും കൂടി ആയപ്പോൾ ചേച്ചിയുടെ ദേഷ്യം എല്ലാം മാറി വരുന്നുണ്ടെന്ന് എനിക്ക് തോന്നി.
“സോറി ചേച്ചി സോറി..” ആ സീന്നൊന്ന് കൊഴുപ്പിക്കാൻ വേണ്ടി ഒന്ന് രണ്ട് സോറി കൂടെ ഞാൻ തട്ടിവിട്ടു.
“മതി മതി.. സോറി പറഞ്ഞത് മതി.. മോനെ നിന്നെ എനിക്ക് ഒരുപാട് ഇഷ്ടമാണ്, എൻറെ കുഞ്ഞ് അനിയനെ പോലെ.. നിനക്കറിയുമോ ഞാൻ കഴിഞ്ഞ കുറച്ചു കാലങ്ങളായി അടുത്ത് ഇടപഴകിയിട്ടുള്ള ഒരു വിധം ആണുങ്ങളെല്ലാം ഞാൻ വളയുമോ എന്ന് തട്ടി നോക്കിയിട്ടുള്ളതാണ്. സ്കൂളിലെ കുട്ടികളെ കൊണ്ടുവരുന്ന ഓട്ടോ ഡ്രൈവർ, സ്കൂളിലെ ഷാജി മാഷ്, പിന്നെ നമ്മുടെ പച്ചക്കറി കട നടത്തുന്ന ബാലേട്ടൻ, അങ്ങനെ ഒരു വിധം പോന്ന എല്ലാവരും..”
അതു പറയുമ്പോൾ ചേച്ചിയുടെ രണ്ടു കണ്ണും നിറയുന്നുണ്ടായിരുന്നു. എനിക്കെന്തോ വല്ലാത്ത കുറ്റബോധം തോന്നി.
“ഞാൻ പറഞ്ഞല്ലോ ഞാൻ എന്റെ ചേച്ചിയായി കണ്ടുതന്നെയാണ് ചോദിച്ചത്.. അത് ചേച്ചിക്ക് സങ്കടം ഉണ്ടാക്കി എങ്കിൽ മാപ്പ്…”
“കുഴപ്പമില്ല നന്ദു… നീ അങ്ങനെ ചോദിച്ചപ്പോൾ നീയും എന്നെ അങ്ങനെയാണോ കാണുന്നത് എനിക്ക് തോന്നി.. അതാ സങ്കടം ആയത്…”
അങ്ങനെ സെൻറ് ഡയലോഗിലും പ്രകടനത്തിലും ചേച്ചിയുടെ മനസ്സലിഞ്ഞു. ഇപ്പോൾ എന്നോടുള്ള ദേഷ്യം മുഴുവൻ മാറി എന്നെനിക്കുറപ്പായി.
“ചേച്ചി ഇപ്പോഴും എന്നോട് ദേഷ്യം ഉണ്ടോ..”
“ഇല്ല മോനെ… പിന്നെ നിനക്കറിയില്ലേ എനിക്ക് ഇവിടെ ഈ നാട്ടിൽ അങ്ങനെ ഫ്രണ്ട്സ് ആയിട്ട് ആരുമില്ല. സ്കൂളിൽ ആണെങ്കിൽ രണ്ട് ലേഡി ടീച്ചർ ആണുള്ളത്. അവരാണെങ്കിൽ നല്ല പ്രായമുള്ളവരും.. ഞാൻ മുൻപൊക്കെ അനിയത്തിയുമായി ആയിരുന്നു സംസാരിക്കാറ്. ദിവസവും മണിക്കൂറുകളോളം ഞാൻ അവളുമായി സംസാരിക്കാറുണ്ടായിരുന്നു. ഇപ്പോ അവള് പ്രഗ്നൻറ് ആയതിനുശേഷം ഞാൻ അധികം നേരം സംസാരിക്കാൻ നിൽക്കാറില്ല. പ്രഗ്നൻസിയിൽ പരമാവധി ഫോൺ യൂസ് ചെയ്യാത്തത് അല്ലേ നല്ലത്… അതുകൊണ്ട് ഞാൻ മോനോട് ഒരു ഫ്രണ്ടിനോട് എന്നപോലെ എല്ലാകാര്യവും തുറന്ന് സംസാരിക്കുന്നത്.. നിൻറെ അടുത്ത് നിൽക്കുമ്പോഴും സംസാരിക്കുമ്പോഴും ഞാൻ ഭയങ്കര കംഫർട്ട് ആയിരുന്നു, ഇന്നലെ നീ അങ്ങനെ ചോദിക്കും വരെ”
“അത് വിട്ടുകള ചേച്ചി.. ഞാൻ ഒരിക്കലും ചേച്ചിയോട് വേറൊരു രീതിയിൽ പെരുമാറില്ല.. ചേച്ചിക്ക് എന്നെ ഒരു ഫ്രണ്ട് ആയിട്ടോ അനിയൻ ആയിട്ട് എങ്ങനെ വേണേലും കാണുകയും എന്തും പറയുകയും ചെയ്യാം..”