അനാമിക ചേച്ചി മൈ ലൗവ് 1
Anamika Chechi My Love Part 1 | Author : Esthapan

നേരം പുലർന്നു വരുന്നെ ഉള്ളൂ…അടുത്തുള്ള അമ്പലത്തിൽ നിന്നും സുപ്രഭാതം കേൾക്കുന്നുണ്ട്.ഞാൻ പുതപ്പ് കൊണ്ട് തല ഒന്നു കൂടെ മൂടി കിടന്നു.

ഇവൻ ഇത് വരെ എണീറ്റില്ലേ..എന്തൊരു ഉറക്കം ആണ് ചെക്കൻ.

ഡാ എണീക്ക്.എന്തൊരു ഉറക്കമാ ഇത്..അവിടെ എല്ലാവരും എത്തി പൂജ തുടങ്ങാൻ ആയി.

“ഞാൻ എണീറ്റോളം അമ്മേ,അമ്മ പൊയ്ക്കോ..”

“അതു വേണ്ടല്ലോ മോനെ..ഞാൻ പോയാൽ പിന്നെ നീ പൂജയും കഴിഞ്ഞു വെണ്ണീർ വാരിയാലേ എത്തുള്ളൂ.. എണീറ്റേ നീ…”അതും പറഞ്ഞു അമ്മ എൻ്റെ പുതപ്പ് എടുത്തു മാറ്റി..ലൈറ്റും ഇട്ടു..

“ഈ അമ്മയെ കൊണ്ട് തോറ്റല്ലോ..ഉറക്കവും കളഞ്ഞു…”

ഇതാണ് എൻ്റെ അമ്മ..പേര് ശാന്ത.ഇവിടെ അടുത്ത് ഒരു സ്കൂളിൽ ഹെൽപ്പർ ആയിട്ട് ജോലി ചെയ്യുന്നു.അമ്മ ദിവസവും രാവിലെ അഞ്ചു മണിക്കൊക്കെ എഴുന്നേൽക്കുന്ന ആളാണ്.ഞാൻ പക്ഷെ ഒരു ഏഴര എട്ടു മണി ആവാതെ ഒന്നും എണീക്കാറില്ല..

ഇന്ന് ഇത്ര നേരത്തേ തന്നെ എന്നെ വിളിച്ചുണർത്താൻ കാരണം ഒരു വീട്ടുകൂടൽ ആണ്..നല്ല മലയാളത്തിൽ പറഞാൽ ഗൃഹപ്രവേശം.അമ്മയുടെ ചേട്ടൻ്റെ മോൻ പുതുതായി ഒരു വീട് എടുത്തിരിക്കുന്നു..

ഞങ്ങൾ ഇപ്പോ താമസിക്കുന്നത് ആണ് അച്ഛൻ്റെ തറവാട്ടിൽ ആണ്.അച്ഛന് ഒരു ചേട്ടൻ മാത്രമെ ഉള്ളൂ.സ്വത്ത് ഭാഗം വെച്ചപ്പോ തറവാട് അച്ഛന് കൊടുത്തു.അച്ഛൻ്റെ ചേട്ടൻ അത്യാവശ്യം നല്ല സെറ്റപ്പിൽ ആണ്.ചേട്ടൻ ലവ് മാര്യേജ് ചെയ്തത് ഒരു പൂത്ത കാശുള്ള ഫാമിലിയിൽ നിന്നായിരുന്നു.സ്വന്തമായി ഒരു സ്കൂളും മറ്റ് സ്വത്തുക്കളും ഒക്കെ ഉള്ള നല്ല ഒരു കുടുംബത്തിൽ നിന്ന്.അതും ഒറ്റ മോളായിരുന്നോണ്ട് എല്ലാം അങ്ങേർക്ക് തന്നെ കിട്ടി.അമ്മ ഇവരുടെ സ്കൂളിൽ ആണ് ഹെൽപ്പർ ആയിട്ട് വർക്ക് ചെയ്യുന്നത്..അതു കൊണ്ട് കാര്യങ്ങൾ ഒക്കെ കുഴപ്പം ഇല്ലാതെ പോകുന്നു..

എൻ്റെ അച്ഛൻ എനിക്ക് ഒരു പത്തു വയസുള്ളപ്പോൾ ഒരു ആക്‌സിഡൻ്റിൽ മരിച്ചതാ.എനിക്ക് താഴെ ഒരു അനിയത്തി ഉണ്ട്.മാളു.എന്നെക്കാൾ ഏഴ് വയസിന് ചെറുപ്പം.

പിന്നെ ഞാൻ,അർജുൻ, നന്ദുവെന്നു പറഞ്ഞാലേ എല്ലാവർക്കും അറിയൂ.അർജുൻ എന്ന് ടീച്ചേഴ്സ് മാത്രമേ വിളിക്കാറുള്ളൂ.പ്ലസ്ടു കഴിഞ്ഞു നേരെ വെച്ച് പിടിച്ചത് സേലത്തിലേക്ക്,നാല് വർഷത്തെ സാഹസങ്ങൾക്ക് ശേഷം ബിടെക് കഴിഞ്ഞു..പഠിക്കാൻ അത്ര മോശം ഒന്നും അല്ലാത്തത് കൊണ്ട് പേപ്പർസ് എല്ലാം കിട്ടിയിരുന്നു.കോഴ്‌സ് കഴിഞ്ഞു വന്നിട്ട് ഇപ്പൊ ഒരു മാസം ആവാറായി.

**********************************

വീട്ടു കൂടലിൻ്റെ അന്ന് പുലർചെ തന്നെ ഗണപതി ഹോമം നടത്തും.അതിന് പോകാൻ വേണ്ടിയാണ് അമ്മ എൻ്റെ ഉറക്കം കളഞ്ഞത്.

അമ്മയുടെ ചേട്ടൻ്റെ മോൻ രാഹുൽ,ഞങ്ങൾക്കെല്ലാം കണ്ണേട്ടൻ.ദുബായിൽ എഞ്ചിനീയർ ആയിട്ട് വർക്ക് ചെയ്യുന്നു.ഭാര്യ അനാമിക,അനു എന്ന് വിളിക്കും.

അതെ ഇതാണ് നമ്മുടെ നായിക. അനു എന്ന അനാമിക.മുപ്പത്തി രണ്ടു വയസ് ആണ്. കല്യാണം കഴിഞ്ഞിട്ട് ഏഴു വർഷം ആയിക്കാണും.അഞ്ചു വയസുള്ള ഒരു മോളുണ്ട്. ചേച്ചി B.Ed കഴിഞ്ഞു വീടിനു അടുത്തുള്ള ഏതോ സ്കൂളിൽ താൽക്കാലികമായി ടീച്ചറായി ജോലി ചെയ്യുമ്പോൾ ആയിരുന്നു കല്ല്യാണം.പിന്നെ കല്ല്യാണം കഴിഞ്ഞപ്പോൾ ചേട്ടൻ്റെ കൂടെ ദുബായിലേക്ക് പോയി.അവിടെ ഏതോ ഒരു സ്കൂളിൽ ടീച്ചർ ആയിരുന്നു.

ഒരു വർഷം മുന്നേ ചേട്ടൻ്റെ അച്ഛന് ബിപി കൂടി സ്ട്രോക്ക് വന്നു.അതോടെ അച്ഛൻ നോക്കി നടത്തി വന്ന സ്കൂൾ നാഥനില്ല കളരി പോലെ ആയി.അങ്ങനെയാണ് ചേച്ചിയും കുഞ്ഞനും കൂടെ നാട്ടിലേക്ക് മാറുന്നത്.ചേച്ചി അവരുടെ സ്കൂളിൽ തന്നെ ടീച്ചർ ആയി കയറുകയും സ്കൂൾ കാര്യങ്ങളിൽ ശ്രദ്ധിക്കാനും തുടങ്ങിയത്. അതിനു ശേഷമാണ് അതു വരെ മെല്ലെ പോയിരുന്ന് വീട് പണി പെട്ടെന്ന് തീർക്കുന്നതും ഇന്നിപ്പോ പാൽ കാച്ചൽ വരെ എത്തി നിൽക്കുന്നതും..

ഞാൻ കുളിച്ചു റെഡി ആയി അവിടേക്ക് വെച്ച് പിടിച്ചു.നല്ല കിടിലൻ ഇരു നില വീട്.മൂവായിരം സ്ക്വയർ ഫീറ്റ് എങ്ങാൻ ആണ്.അല്ലേലും പൈസക്ക് ഒന്നും ഒരു കുറവ് ഇല്ലാത്തതുകൊണ്ട് 5000 സ്ക്വയർ ഫീറ്റ് വേണമെങ്കിലും വെക്കാല്ലോ.