അമ്മയ്ക്കു മനസ്സിലായിട്ടുണ്ടാവണം നിന്നെ….
മരിച്ചു പോയ ദേവ നാരായണൻ എന്ന അമ്മാവനെ കുറിച്ച് അമ്മ പലപ്പോളും പറഞ്ഞു അറിഞ്ഞിട്ടുണ്ട്… പക്ഷെ.. എന്നെ മുത്തശ്ശിക് മനസ്സിലായിട്ടുണ്ടാവുമോ.. ഉണ്ടെങ്കിൽ തന്നെ മകന്റെ രൂപം ഉള്ള ഒരാൾ… അതു ആ മുത്തശ്ശിയുടെ മകളുടെ മകൻ ആണെന്ന് മനസ്സിലാവുമോ…അങ്ങനെ ഒരുപാട് ചിന്തകളും ആയിട്ടാണ്.. അമ്മയെ വീട്ടിൽ ഡ്രോപ്പ് ചെയ്തിട്ടു ഹോസ്പിറ്റലിലേക് വന്നതു…
ഗൈനക് OP യിലേക്ക് കടക്കാൻ ഡോറിനടുത്തേക് നടക്കുമ്പോൾ ശ്രുതി ഓടി പാഞ്ഞു വരുന്നത് കണ്ടു..
എന്തിനാ സിസ്റ്ററെ ഇങ്ങനെ ഓടുന്നെ.. അടുത്ത ഒളിമ്പിക്സിന് പോകാൻ പ്ലാനുണ്ടോ..
ഡോക്ടർ ഞാൻ… താക്കോൽ… ശ്രുതി വിറച്ചു കൊണ്ട് എന്തൊക്കെയോ പറയുന്നു..
സിസ്റ്റർ കാര്യം എന്താന്ന് വെച്ചാൽ പറയു
ഡോക്ടർ ഡോർ തുറന്നിട്ടില്ല.. കീ എന്റെ കയ്യിലാണ്…
ഓഹ്.. അതാണോ കാര്യം…
അതിനാണോ ഇത്ര വെപ്രാളം കാണിച്ചത്..
എന്നാൽ ഇനി തുറന്നോളു…
അവൾ സംശയത്തോടെ എന്നെ നോക്കുന്ന കണ്ടു.. ഞാൻ പുഞ്ചിരിയോടെ അവളുടെ വെപ്രാളം നോക്കുക ആയിരുന്നു…
അവൾ ഡോർ തുറന്നു ഉള്ളിലേക്കു കയറി.. പുറകെ ഞാനും..
ഇന്നെന്തു പറ്റി… പല്ലവി ഓഫ്‌ ആണൊ..
അല്ല ഡോക്ടർ അവൾ ഉച്ച കഴിഞ്ഞാണ്..
ഓഹ്.. ഓക്കേ..
എന്നാൽ ഫയൽ ഒക്കെ അറേഞ്ച് ചെയ്തു ഓരോ ടോക്കൺ ആയി വിളിച്ചോളൂ..
ശ്രുതി സിസ്റ്ററുടെ പേടി മാറിയിട്ടില്ല എന്നു അവളുടെ പെരു മാറ്റത്തിൽ നിന്നു മനസ്സിലായി… അതു കൊണ്ട് തന്നെ പലപ്പോളും ഓരോ അബദ്ധങ്ങൾ അവൾ കാണിച്ചു കൊണ്ടിരുന്നു..
മോർണിംഗ് സെക്ഷൻ കഴിയാൻ ഒന്നോ രണ്ടോ പേഷ്യന്റ് ബാക്കിയുള്ളപ്പോൾ ആണ്‌ 8മാസം പ്രേഗ്നെന്റ് ആയ സ്ത്രീ വന്നതു… പുറത്തു കുറച്ചു നേരമായി കാത്തിരുന്നതിന്റെ ആവണം അവർക്ക് നല്ല ഷീണം ഉണ്ടായിരുന്നു അവർക്ക് ഒപിയിൽ തന്നെ ഗ്ളൂക്കോസ് ഡ്രിപ് ഇടാൻ ശ്രുതിയോടു പറഞ്ഞു..ഡ്രിപ് ഇടാനുള്ള ക്യാനുല കണക്ട് ചെയ്യാൻ വേണ്ടിയാണ് അവരുടെ കയ്യിലേക് ശ്രുതി കുത്തിയത്.. പക്ഷെ ഞാൻ നോക്കുമ്പോൾ അവരുടെ കയ്യിൽ നിന്നും ബ്ലഡ്‌ പുറത്തേക് വന്നു ബെഡ് ഷീറ്റിലേക് ഡ്രോപ്പ് ചെയ്യുന്നു….
ശ്രുതി…ഞാൻ ഉറക്കെ വിളിച്ചു..
ഡോക്ടർ…
മാറി നിക്ക് ഞാൻ ചെയ്തോളാം…എനിക്ക് ദേഷ്യം വന്നെങ്കിലും പേഷ്യന്റിന്റെ മുൻപിൽ വെച്ചു അവളെ വഴക്ക് പറഞ്ഞില്ല.
മോർണിംഗ് സെക്ഷൻ കഴിഞ്ഞു പുറതെക്കു നടക്കുമ്പോൾ ശ്രുതിയെ വിളിച്ചു പറഞ്ഞു…
പല്ലവി തന്റെ കൂട്ടുകാരി അല്ലേ..
അതെ ഡോക്ടർ… എന്നാൽ കുറച്ചു നാളു ആ കുട്ടിയുടെ കൂടെ നിന്നു നഴ്സിംഗ് ജോലി എങ്ങനാ ചെയ്യേണ്ടത് എന്നു പഠിക്കു…
താൻ ഇഷ്ടപ്പെട്ടു പഠിച്ചതല്ലേ നഴ്സിംഗ്.. അല്ല അറിയാൻ വയ്യാഞ്ഞിട്ട് ചോദിച്ചതാ..
ഡോക്ടർ എനിക്കിത്ര നാളായിട്ടും ഒരബദ്ധവും സംഭവിച്ചിട്ടില്ല.. പക്ഷെ ഡോക്ടറുടെ കൂടെ വർക്ക്‌ ചെയ്യുമ്പോ എനിക്ക് പേടിയാ…
ഞാൻ എന്താ തന്നെ പിടിച്ചു തിന്നുവോ….
അവളുടെ മുഖത്തേക് നോക്കിയപ്പോൾ കൂടുതൽ ദേഷ്യ പെടാൻ തോന്നിയില്ല..
ഞാൻ മെല്ലെ വിളിച്ചു… ശ്രുതി…
മറ്റു ഏതൊരു പ്രൊഫെഷനെയും പോലെ അല്ല നമ്മുടെ പ്രൊഫെഷൻ… താനും ഞാനും ഒക്കെ ചെയ്യുന്നത് ഒന്ന് തന്നെയാണ് ആതുര സേവനം… ഒരു സിവിൽ എഞ്ചിനീയർ ക് ബില്ഡിങ്ങിന്റെ പ്ലാൻ മാറി പോയാൽ മാറ്റി വരക്കാം…. ഒരു ടീച്ചർക്ക്‌ പറഞ്ഞു കൊടുക്കുന്ന ഈക്വാഷൻ മാറി പോയാൽ രണ്ടാമത് തിരുത്താം.. നമ്മൾക്കു ഒരു തെറ്റു പറ്റിയാൽ നഷ്ടപ്പെടുന്നത് ഒരു ജീവൻ ആയിരിക്കും.. ഒരുപാട് പേരുടെ സ്വപ്‌നങ്ങൾ ആയിരിക്കും… അതു കൊണ്ട് നമ്മൾ ചെയ്യുന്ന ഓരോ പ്രവർത്തിയും സൂക്ഷിച്ചു ചെയ്യണം കേട്ടോ..
ഡോ… ടെൻഷൻ ഒക്കെ മാറ്റു… നമ്മൾ ഫ്രണ്ട്‌സ് അല്ലേ… അവളുടെ തോളത്തു തട്ടി അതും പറഞ്ഞു ഞാൻ മുന്നോട്ടു നടന്നു….
✳️✳️✳️ ✳️✳️✳️✳️✳️✳️✳️✳️✳️
അമ്പലത്തിൽ നിന്നു വരുമ്പോളേക്കും അച്ഛൻ പുറത്തു എവിടെയോ പോയിരിക്കുന്നു എന്നു പല്ലവിക് മനസ്സിലായി… മൂന്നു പേരും പല്ലവിയുടെ മുറിയിലേക്കു നടന്നു..
മോളെ ഞാൻ കഴിക്കാൻ വല്ലതും ഉണ്ടാക്കട്ടെ… ഡ്രസ്സ്‌ മാറ്റി കൊണ്ടിരിക്കുമ്പോൾ പല്ലവിയുടെ അമ്മ പറഞ്ഞു..
ഞാനും കൂടണോ അമ്മേ..
വേണ്ട മോളെ നീ മുത്തശ്ശിയുടെ അടുത്തിരുന്നോ.. ഉച്ചക്ക് നിനക്ക് പോകണ്ടേ
പോകണം അമ്മേ… ഇവിടെ ഈ വീട്ടിൽ കിടന്നുള്ള വീർപ്പു മുട്ടലിനു ആകയുള്ളോരു മോചനം ആണ്‌ ആ ജോലി..
പുതിയ ഡോക്ടർ വരും എന്നൊക്കെ പറഞ്ഞിട്ട് എന്തായി…. വന്നോ? അമ്മ പല്ലവിയോടു ചോദിച്ചു..
ഓഹ് വന്നമ്മേ.. ഒരു മുരടൻ… ഈ വീട്ടിലെങ്ങാണ്ട് ജനിക്കേണ്ട ആളായിരുന്നെന്ന തോന്നുന്നേ… എന്നോട് വല്ലാത്ത ദേഷ്യം ആണ്‌..
അപ്പോ ലേഡി ഡോക്ടർ അല്ലേ ഗൈനക്കോളജിയിൽ..
അല്ലമ്മേ.. ഈ പുള്ളി ത്രിശൂർ നിന്നെങ്ങാണ്ട വന്നേ…
താമസിക്കുന്നത് നമ്മുടെ സംഗീതേടെ വീടിന് അടുത്താ….
ചെറുപ്പക്കാരൻ ആണൊ.. ഫാമിലിയും ഇവിടെ ഉണ്ടാവും അല്ലേ..
ഹേയ് കല്യാണം കഴിച്ചതൊന്നും അല്ലെന്ന തോന്നുന്നേ… കൂടെ ആളുടെ അമ്മയെ മാത്രേ കണ്ടുള്ളു..
നീ എപ്പോ കണ്ടു
ഞാൻ അന്ന് സംഗീതയുടെ വീട്ടിൽ പോയി നിന്ന ദിവസം..
ഓഹ്… നല്ല ഡോക്ടർ ആണേൽ മുത്തശ്ശിയെ ഒന്ന് കൊണ്ട് കാണിക്കു… ഇടകിടക് വയറു വേദന എന്നൊക്കെ പറയുന്നില്ലേ.. സ്കാൻ ചെയ്‌തെങ്ങാനും നോക്കിയാൽ അറിയരുന്നു…
എനിക്കിപ്പോ എവിടേം പോകണ്ട… എനിക്കിപ്പോ വേദനയും ഇല്ല..
എല്ലാം കേട്ടു കിടക്കുക ആയിരുന്ന മുത്തശ്ശി പറഞ്ഞു…
മുത്തശ്ശി അങ്ങനെ എന്തേലും ഉണ്ടേൽ പറയണം.. നല്ല ഡോക്ടർ ആണ്‌.. ആള് മിടുക്കനാ..
ആഹാ നീയല്ലേ ഇപ്പൊ പറഞ്ഞെ.. ആളു മുരടൻ ആണെന്ന്….
അതെന്നോട് മാത്രം.. ബാക്കിയെല്ലാരോടും ആള് ഭയങ്കര ജോളിയാണ്..
നീ വല്ല കുരുത്തക്കേടും കാട്ടിയിട്ടുണ്ടാവും ല്ലേ കുട്ടീ… മുത്തശ്ശി ചോദിച്ചു…
പല്ലവി ഡോക്ടറെ ആദ്യം കണ്ട അന്ന് തൊട്ടു സംഭവിച്ചതെല്ലാം പറഞ്ഞു…
എല്ലാം കേട്ടു കഴിഞ്ഞു.. ഒരു ചിരിയോടെ മുത്തശ്ശി പറഞ്ഞു.. എന്നാ എനിക്ക് കാണണോല്ലോ ആ മിടുക്കനെ…. എന്നാലും നീ ഒരു ഡോക്ടറെ കൈ നീട്ടി അടിക്കുക എന്നൊക്കെ പറഞ്ഞാൽ മോശല്ലേ.. കുട്ടീ…
ഓഹ്.. അപ്പോ എന്നെ കേറി പിടിച്ചതോ..
അതു നീ വീഴാൻ പോയപ്പോൾ അല്ലേ കുറുമ്പീ…
അല്ല മുത്തശ്ശി എന്റെ സൈഡൊ അതോ ആ ഡോക്ടറുടെയോ… ദേഷ്യത്തിൽ ചിറി കോട്ടി കൊണ്ട് പല്ലവി ചോദിച്ചു..
അയ്യോ നിന്റെ സൈഡ് ആണേ…
മുത്തശ്ശി അമ്പലത്തിൽ പോകുമ്പോൾ ഇട്ട സെറ്റു മുണ്ട് മാറിയിരുന്നില്ല…..പല്ലവി മുത്തശ്ശിയുടെ അരികിലേക്കു ഇരുന്നു..
മുത്തശ്ശി അമ്പലത്തിൽ വെച്ചു മുത്തശ്ശിക് എന്താ പറ്റിയെ…
മുത്തശ്ശി വീണ്ടും ആ ഓര്മയിലേക് പോകുന്നു എന്നു പല്ലവിക് തോന്നി.. അമ്മ താഴെ അടുക്കളയിലേക്കു പോയിരുന്നു..
ഞാൻ ശെരിക്കും കണ്ടതാ…..മോളെ… എന്റെ ദേവൻ തന്നെ ആയിരുന്നു….ആ വെളുത്ത മുഖവും കട്ടിയുള്ള മീശയും… സൈഡിലേക് ചീകി വെച്ചിരിക്കുന്ന..നെറ്റിയിലേക്..വീണു കിടക്കുന്ന ചെമ്പൻ മുടിയിഴകൾ…ഇപ്പോളും..ഓർമയുണ്ട് എന്റെ ദേവനെ… അതെ രൂപം.. ആ കണ്ണുകൾ പോലും… ഞാൻ ശെരിക്കും കണ്ടതാ മോളെ…