ഞാനടുപ്പു കത്തിച്ചശേഷം അതിലേയ്ക്കു പാനെടുത്തുവെച്ചു…
ഉച്ചയ്ക്കു ബിരിയാണി മേടിയ്ക്കാൻപോയപ്പോൾ കൂട്ടത്തിൽവാങ്ങിവന്നു ഫ്രിഡ്ജിൽകയറ്റിയ പീസാക്കിയ ചിക്കനും റെഡിമെയ്ഡ് ചപ്പാത്തിയും പുറത്തിറക്കി…
“”…ഇതെവിടെന്നാ..??”””_ കൈയിലെടുത്ത ചപ്പാത്തിപ്പാക്കറ്റിലേയ്ക്കും ചിക്കനിലേയ്ക്കും മാറിമാറി നോക്കിക്കൊണ്ടു മീനാക്ഷിതിരക്കി…
എഴുന്നേറ്റുനിൽക്കാൻ വയ്യെങ്കിലെന്ത്‌…?? ചോദ്യംചെയ്യലിനൊരു കുറവുമില്ല…
“”…എന്താ..?? എവിടെന്നാണെന്നറിഞ്ഞാലേ കേറ്റത്തുള്ളോ..??”””_ അതിഷ്ടപ്പെടാത്തമട്ടിൽ തിരിച്ചുചോദിച്ചതും മീനാക്ഷിയുടെ നാവടങ്ങി…
പിന്നവളെ ശ്രെദ്ധിയ്ക്കാൻ നിൽക്കാതെ ചിക്കനൊരു ചെരുവത്തിലാക്കി വോഷ്ബേസിനിലേയ്ക്കുവെച്ചു പൈപ്പുതുറന്നിട്ടശേഷം ചൂടായപാനിലേയ്ക്കു ചപ്പാത്തിക്കവർ പൊട്ടിച്ചൊരെണ്ണമിടുകയുംചെയ്തു…
പിന്നെ വോഷ്ബേസിനിൽത്തന്നെ ചിക്കൻ വൃത്തിയായികഴുകി, മുളകുപൊടിയും മഞ്ഞൾപ്പൊടിയും മല്ലിപ്പൊടിയും കുറച്ചു ചിക്കൻമസാലയും ഇഞ്ചി- വെളുത്തുള്ളിപേസ്റ്റും ചേർത്തു മസാലക്കൂട്ടുണ്ടാക്കി കഴുകിയ ചിക്കൻപീസിലേയ്ക്കു തേച്ചുപിടിപ്പിച്ചു…
അപ്പോഴേയ്ക്കും മറിച്ചിട്ടിരുന്ന ചപ്പാത്തിറെഡിയായിരുന്നു…
ഞാനതു ക്യാസ്ട്രോളിലേയ്ക്കു മാറ്റുമ്പോൾ, അത്രയുംനേരമെന്നെത്തന്നെ നിർന്നിമേഷയായി നോക്കിനിന്ന മീനാക്ഷി ആ ചപ്പാത്തി കൈക്കലാക്കുകയായിരുന്നു…
“”…എടീ കോപ്പേ… ചൂടാണെടീ… വാപൊള്ളിപ്പോവും..!!”””_ ക്യാസ്ട്രോളിൽ നിന്നുമെടുത്ത ചപ്പാത്തി റോളാക്കിയാർത്തിയോടെ കഴിച്ചയവളോടായി ഞാനതുപറഞ്ഞെങ്കിലും, അവളതു കേട്ടിട്ടുകൂടി കാണില്ല…
ആ ചപ്പാത്തിയുംകഴിച്ചു ഫ്രിഡ്ജിൽനിന്നും കുറേവെള്ളവും മടമടാ കുടിച്ചിട്ടവളെന്നെ
നോക്കിയപ്പോൾ,
“”…ഇപ്പൊ മനസ്സിലായോ..?? നീയൊക്കെ ഇത്രേയുള്ളൂ..!!”””_ എന്നുംപറഞ്ഞു ഞാൻ പാനിൽ വറുത്തുകൊണ്ടിരുന്ന ചിക്കൻപീസുകളോരോന്നായി പ്ളേറ്റിലേയ്ക്കു മാറ്റി…
എന്നാലതിനും അവൾടെ ഭാഗത്തുനിന്നുമൊരു മറുപടിയും വരാതിരുന്നപ്പോൾ മീനാക്ഷിയെയൊന്നു തുറിച്ചുനോക്കിക്കൊണ്ടു ഞാൻ രണ്ടാമത്തെ ചപ്പാത്തിയും ക്യാസ്ട്രോളിലേയ്ക്കു മാറ്റി…
ഉടനെതന്നെ അതുമവൾ കൈയിട്ടു വാരിയതു കണ്ടപ്പോൾ,
“”…ഉളുപ്പൊണ്ടോടീ മൈരേ നെനക്ക്..?? എന്നെ പട്ടിണിയ്ക്കിടാന്നോക്കീട്ട് ഞാനൊണ്ടാക്കീതെടുത്ത് കേറ്റാനുളുപ്പുണ്ടോന്ന്..??”””_ എന്നു ചോദിച്ചെങ്കിലും, ആക്രാന്തംമൂത്താ ചപ്പാത്തി വാനിറയെ കുത്തിക്കയറ്റി കണ്ണുംതള്ളി നിയ്ക്കുകയാണ് മീനാക്ഷി ചെയ്തത്…
“”…കൊറച്ചു വെള്ളങ്കുടി ശവമേ… അല്ലേ ശ്വാസമ്മുട്ടി പടമാവും..!!”””_ പെരുപ്പിച്ചുപിടിച്ച കവിളുമായിനിന്ന മീനാക്ഷിയോടങ്ങനെ പറഞ്ഞതും അവൾ പെട്ടെന്നടുത്തിരുന്ന വെള്ളമെടുത്തു വായിലേയ്ക്കു കമിഴ്ത്തി…
എന്നാലാ വെള്ളം കുടിയ്ക്കുന്നതിനിടയിലും കണ്ണുകൾ രണ്ടുമെന്നിലായിരുന്നു…
ആ നോട്ടത്തിന്റർത്ഥം മനസ്സിലാകാതെ ഞാനടുത്ത ചപ്പാത്തിയും പാകമാക്കി ക്യാസ്ട്രോളിലേയ്ക്കു മാറ്റിയിരുന്നു…
നിമിഷനേരംകൊണ്ടുതന്നെ അതും മീനാക്ഷി കൈയ്ക്കുള്ളിലാക്കി…
“”…എടീ… മനുഷ്യനെന്നു പറഞ്ഞാ കൊറച്ചന്തസ്സുവേണം… എന്നെ തളത്തിക്കിടത്താന്നോക്കീട്ട് ഞാനൊണ്ടാക്കീതുമേടിച്ചു ഞണ്ണാന്തോന്നുന്നല്ലോടീ… ഹെന്റെ പൊന്നോ… തൊലിക്കട്ടീന്നൊക്കെ പറഞ്ഞാലിതാണ്..!!”””_ മാക്സിമം ചൊറിയുകയെന്നുദ്ദേശം തന്നെയാർന്നെനിയ്ക്ക്…
“”…അരിക്കലോമെടുത്തു കട്ടോണ്ടുവെച്ചിട്ട് വല്യവർത്താനോന്നുമ്പറേണ്ട… വിളിച്ചപ്പം ചെറീമ്മതന്നെയാ പറഞ്ഞേ, നീയൊണ്ടാക്കിത്തരോന്ന്..!!”””_ ചപ്പാത്തിയുടെ ചവച്ചുകൊണ്ടിരുന്നഭാഗം വിഴുങ്ങിക്കൊണ്ടാണവളതു പറഞ്ഞത്…
“”…ഓ..! അങ്ങനെ പറഞ്ഞെന്നൊക്കെവെച്ച് ആത്മാഭിമാനമുള്ളോരിങ്ങനൊന്നും പെറുക്കി തിന്നൂല… അയ്യേ… ഇങ്ങനേമുണ്ടോ മനുഷ്യന്മാര്..!!”””_ ഞാൻ പറയുന്നതുകേട്ടു കുറച്ചുനേരം അവളൊന്നുംമിണ്ടാതെ കിച്ചൻസ്ലാബിലേയ്ക്കു ചാരിനിന്നു…
പിന്നെയും കുറച്ചൂടെവെള്ളമൊക്കെ കുടിച്ചപ്പോൾ കക്ഷി ലേശമുഷാറായെന്നു തോന്നുന്നു, അങ്ങനെ തോന്നാനുള്ള കാരണം അടുത്തതായി വന്ന ഡയലോഗ് തന്നായ്രുന്നു;
“”…അതേ… നീയങ്ങനെ വല്യാളാവുവൊന്നുമ്മേണ്ട… നീയൊറ്റൊരുത്തങ്കാരണാ ഞാനീയവസ്ഥേലായെ… എന്നിട്ടാ നിന്നെക്കൊണ്ടുത്തന്നെ ഞാൻ ഫുഡ്ഡൊണ്ടാക്കിപ്പിച്ചില്ലേ… മീനാക്ഷിയോടു കളിച്ചാലിങ്ങനിരിയ്ക്കും..!!”””_ കൈയിലു ബാക്കിയുണ്ടായിരുന്ന ചപ്പാത്തികൂടി വായിലേയ്ക്കു തിരുകിക്കൊണ്ടു മീനാക്ഷിയങ്ങനെ പറഞ്ഞപ്പോൾ, എനിയ്ക്കു കാലിന്റെ പെരുവെരളീന്നങ്ങടു പൊളിഞ്ഞുകേറി…
“”…എടീ… ബിസ്നെസ്സെന്നുമ്പറഞ്ഞു നാട്ടുകാർടെ പണംമുഴുവൻവലിപ്പിച്ചു മുണ്ടിന്റടിയിൽ തിരുകിനടക്കുന്നയാ രാജീവ്കൊണാപ്പനല്ലേ നിന്റെതന്ത… അപ്പൊപ്പിന്നെ പറഞ്ഞിട്ടുകാര്യോല്ല… നീയിങ്ങനേ പറയൂ..!!”””
“”…ദേ… ഒരാവശ്യോമില്ലാണ്ടെന്റെ അച്ഛനു പറഞ്ഞാലൊണ്ടല്ലും..!!”””_ ഞാനൊണ്ടാക്കിക്കൊടുത്തതു തൊണ്ടേന്നിറക്കുന്നതിനുമുന്നേ അവളെന്റെനേരേ വിരലുംചൂണ്ടിവന്നു…
“”…വെശക്കുന്നേ… തിന്നില്ലേലു ഞാൻ ചത്തുപോവുവേന്നുംപറഞ്ഞെന്റെ പിന്നാലെ മുക്രിയിട്ടോണ്ടുനടന്നിട്ടു പതിനഞ്ചുമിനിറ്റായോടീ മൈരേ..?? അപ്പൊ നീയെന്തൊക്കെയാ പറഞ്ഞേ… ഇനി ഞാനെന്തുപറഞ്ഞാലും നീയനുസരിച്ചോളും, ഇനി നീയായ്ട്ടൊരു ചൊറിച്ചിലിനും വരൂലാ, അടങ്ങിയൊതുങ്ങി കെടന്നോളാം… എന്നൊക്കെപറഞ്ഞെന്റെ കാലുപിടിച്ചില്ലേടീ കോപ്പേ… എന്നിട്ടിപ്പെന്നോടു ചീറുന്നോ നീയ്..??”””_ ചപ്പാത്തിയൊരെണ്ണം മറിച്ചിട്ടുകൊണ്ടു ഞാൻ ചോദിയ്ക്കുമ്പോൾ അതൊന്നുംകേട്ടഭാവം നടിയ്ക്കാതെ ചിക്കൻ വറുത്തുവെച്ചിരുന്ന പ്ളേറ്റിലേയ്ക്കു കൈനീട്ടുകയായിരുന്നു മീനാക്ഷി…
പെട്ടെന്നെന്റെ വാക്കുകൾ മുറിഞ്ഞവിടെ നിശബ്ദതപടർന്നപ്പോൾ അവളെന്നെ തലയുയർത്തിനോക്കി…
എന്നിട്ടെന്റെ മുഖഭാവംകണ്ടതും അവൾ പെട്ടെന്നു കൈപിൻവലിച്ചുകൊണ്ട് ഒന്നുമറിയാത്തഭാവത്തിൽ ചുറ്റുപാടുമൊക്കെ കള്ളനോട്ടം നോക്കുവേംചെയ്തു…
രണ്ടുമൂന്നുചപ്പാത്തിയും ഒരു കുപ്പിവെള്ളോമകത്തു ചെന്നപ്പോൾ ജീവൻവീണു…
അതിന്റഹങ്കാരമാ നാറിയ്ക്ക്.!
“”…ഞാമ്പറഞ്ഞതെന്തേലും നീ കേട്ടോ..??”””_ എന്റെയാ ചോദ്യത്തിനവൾ ഇല്ലെന്നമട്ടിൽ ചുമൽകൂച്ചിയപ്പോൾ,
“”…എടീ മൈരേ, കൊറച്ചുമുന്നേ നീയവടിരുന്നു കാറിയപ്പോൾ ഞാങ്കൊറേ നിബന്ധനകൾ വെച്ചിരുന്നു… എന്തേലുമോർമ്മയൊണ്ടോന്ന്..??”””_ ഞാനതൊന്നുകൂടി വ്യക്തമാക്കി…
അതിന്,
“”…ഇല്ലാ… എന്താ പറഞ്ഞേ..??”””_ എന്നായി അവൾ…
അതുകേട്ടതും, അവൾടെ കാലേൽപിടിച്ച് ജീൻസൊക്കെ അലക്കുകല്ലിന്മേലടിയ്ക്കുംപോലെ നാലെണ്ണം കൊടുക്കാനാണ് തോന്നീത്…
ഈ പുന്നാരമോൾടെ കരച്ചിലുകണ്ടുവന്നു വെച്ചുണ്ടാക്കിക്കൊടുക്കാൻ തോന്നിയ എന്നെ തെരണ്ടി വാലിനടിയ്ക്കണമെന്നുപോലും തോന്നിപ്പോയി…