“”…എന്നാലടുത്ത റൗണ്ടു തുടങ്ങിയാലോ…??”””_ എന്നൊരാക്കിയ ചോദ്യമിട്ടു…
“”…നിന്നുചൊറിയാതെ കേറിപ്പോടീ മൈരേ… ഇടികൊള്ളാനുംകാണോ
മനുഷ്യന്മാർക്കിത്രേം കൊതി..??!!”””_ എന്നതേമട്ടിൽ തിരിച്ചടിച്ചതും അവളുചുണ്ടുകൾ കടിച്ചമർത്തി ചിരിയടക്കിക്കൊണ്ട് അകത്തേയ്ക്കു കയറി…
പിന്നെയും അവിടെത്തന്നെ നോമിരുപ്പുറപ്പിച്ചപ്പോൾ, എന്നെത്തിരക്കി മീനാക്ഷി വീണ്ടുമിറങ്ങി വന്നു…
“”…ഞാങ്കഴിയ്ക്കാമ്പോവാ… വെളമ്പിവെയ്ക്കണോ..??”””_ തലേദിവസംരാത്രി പറഞ്ഞതിനെ അനുസ്മരിച്ചുകൊണ്ട് വാതിൽക്കൽനിന്നും വീണ്ടുമവൾ ചൊറിഞ്ഞതും,
“”…നെനക്കുവേണേലെടുത്തു കേറ്റടീ… അല്ലാണ്ടെന്നെ തീറ്റിയ്ക്കാന്നിയ്ക്കണ്ട..!!”””_ എന്നതിനു മറുപടിയുംപറഞ്ഞു വാതിൽക്കൽനിന്ന അവളെ തട്ടിമാറ്റി ഞാനെന്റെ റൂമിലേയ്ക്കു വെച്ചുപിടിച്ചു…
എന്തായാലുമിന്നു രണ്ടിലൊന്നു നടക്കും…
അപ്പൊപ്പിന്നെ കുളിച്ചു കുട്ടപ്പനായിനിന്ന് ഇരന്നു മേടിയ്ക്കാന്നുതന്നെ കരുതി…
അങ്ങനൊരു കുളിയൊക്കെകഴിഞ്ഞു കുറച്ചുനേരം ഫോണിൽകുത്തിയിരുന്ന ശേഷമാണ് ഞാൻ താഴത്തേയ്ക്കിറങ്ങീത്…
സ്റ്റെയറിറങ്ങി ഡൈനിങ്ഹോളിലെത്തിയപ്പോൾ കണ്ടത്, ബ്രേക്ക്ഫാസ്റ്റ് കഴിച്ചുകൊണ്ടിരിയ്ക്കുന്ന മീനാക്ഷിയെയാണ്…
ഞാനങ്ങോട്ടു ചെല്ലുന്നതുകണ്ടതും ഓൾറെഡി പ്ളേറ്റിലെടുത്തുവെച്ചിരുന്ന പൂരിയ്ക്കുപുറമേ രണ്ടെണ്ണംകൂടിയവൾ ക്യാസ്ട്രോളിൽനിന്നുമെടുത്തു പ്ളേറ്റിലേയ്ക്കിട്ടു…
എന്നിട്ട് ഞാനത് കണ്ടോന്നറിയാനൊരു നോട്ടംകൂടിയിട്ടു…
അല്ലേൽ ബാക്കിയുണ്ടാർന്നതു മുഴുവൻ ഞാനെടുത്താലോന്നുള്ള പേടിയായിരിയ്ക്കും ശവത്തിന്…
…തിന്നടീ… തിന്നുതിന്നു ചാവ് നീ… കെട്ടിക്കൊണ്ടുവന്ന അന്നുതന്നെ ആരുമില്ലാത്തപ്പോൾ പോയി കട്ടുതിന്നവളല്ലേ നീയ്..?? അപ്പൊപ്പിന്നിതല്ല ഇതിനപ്പുറോം നീ കാണിയ്ക്കും..!!_ മനസ്സിലങ്ങനെ പറഞ്ഞുകൊണ്ടു ഞാനും ചെയ്റുവലിച്ചിട്ടിരുന്നു…
വയറ്റുഭാഗ്യമുള്ളതുകൊണ്ടാവും മൂന്നുപൂരി ബാക്കിയുണ്ടാർന്നു…
അതും പ്ളേറ്റിലേയ്ക്കാക്കി ബൗളിൽ ബാക്കിയുണ്ടായ്രുന്ന കിഴങ്ങുകറിയും അതിലേയ്ക്കൊഴിച്ച് കഴിയ്ക്കാൻ തുടങ്ങുമ്പോൾ, എതിരെയുള്ള കസേരയിലിരുന്ന മീനാക്ഷിയെ ഞാനൊന്നു പാളിനോക്കി…
പ്ളേറ്റിലേയ്ക്കു തലയുംകുമ്പിട്ട് മറ്റെവിടേയ്ക്കും ശ്രെദ്ധിയ്ക്കാതൊറ്റ കഴിപ്പാണ്…
വെടിപൊട്ടീന്നു പറഞ്ഞാലറിയൂല, തീറ്റപ്രാന്തി…
…ഈശ്വരാ… നീയിതിനെ തിന്നാമ്മേണ്ടി മാത്രായ്ട്ടുണ്ടാക്കീതാണോ..??!!
തലകുനിച്ചിരുന്നു കഴിയ്ക്കുമ്പോൾ ഫ്രണ്ടിലായി വെട്ടിയിട്ടിരുന്ന മുടി ഇടയ്ക്കൊന്നു മുഖത്തേയ്ക്കുവീണതും, കഴിയ്ക്കുന്നതിൽനിന്നും ശ്രെദ്ധമാറ്റാതെതന്നെ ഇടതുകൈകൊണ്ടവളതു ചെവിയ്ക്കു
പിന്നിലേയ്ക്കൊതുക്കീതു കണ്ടപ്പോൾ ചെറിയൊരുസമാധാനം, അനക്കമുണ്ടല്ലോ…
പിന്നെ, ഞാനുമവളെ ശ്രെദ്ധിയ്ക്കാൻ കൂട്ടാക്കാതെ കഴിയ്ക്കാൻതുടങ്ങി…
പെട്ടെന്നാണ് അവളിൽനിന്നുമൊരേമ്പക്കം പുറത്തുവന്നത്… തലയുയർത്തി നോക്കിയപ്പോൾ നെഞ്ചിൽ കൈവെച്ചുകൊണ്ട് ഒന്നുകൂടി അവളിട്ടു….
…ഈ മൈരിന്റെ തൊണ്ടക്കുഴീലു വല്ല ഡോൾബീസിസ്റ്റവും കണക്ട്ചെയ്തിട്ടുണ്ടോ… മനുഷ്യനെ പേടിപ്പിയ്ക്കാനായ്ട്ട്.!
കുറച്ചു കലിപ്പോടെതന്നെ അവളെ നോക്കുമ്പോൾ, അവളൊരാക്കിയ ചിരിയോടെ വീണ്ടുമേമ്പക്കത്തിനായി മുതിർന്നു…
പക്ഷേ ആ സാധനം പുറത്തുവരാതെ വന്നപ്പോൾ, എന്നെ മനപ്പൂർവ്വം ശല്യഞ്ചെയ്യാനുള്ള അവൾടെ അടവാണെന്നെനിയ്ക്കു മനസ്സിലായി…
പക്ഷേ, സംയമനംപാലിച്ച് ഞാൻ പ്രതികരിയ്ക്കാതിരുന്നതുകൊണ്ടാവണം ചെറിതായൊന്നു ചൂളിക്കൊണ്ടവൾ പ്ളേറ്റുമെടുത്ത് അടുക്കളയിലേയ്ക്കു നടന്നത്…
ഞാനും കൂടുതല് ലാഗാക്കാതെ പെട്ടെന്നു കഴിച്ചുതീർത്തെഴുന്നേറ്റ് പ്ളേറ്റുംകഴുകിവെച്ച്, വണ്ടിയുടെ കീയുമെടുത്തു പുറത്തേയ്ക്കിറങ്ങി…
ലക്ഷ്യം ഗ്രൗണ്ടുതന്നെയായ്രുന്നു…
വൈകുന്നേരംവരെ അവിടെ സമയംചിലവാക്കുവാണേൽ, മീനാക്ഷിയുടെ ശല്യവുമുണ്ടാകില്ല…
ഒരു കൊലപാതകമൊഴിവാക്കുവേം ചെയ്യാം… അതായിരുന്നെന്റെ മനസ്സിൽ…
എന്നാൽ ഗ്രൗണ്ടിലെത്തിയപ്പോൾ അവിടൊരു പട്ടിക്കുഞ്ഞുപോലുമില്ല…