“”…എടീ… ഓന്തിനുണ്ടല്ലോ… ഓന്തിനുകാണോടീ കൊറച്ചൂടന്തസ്സ്… പിന്നെനിയ്ക്കൊരപേക്ഷയൊണ്ട്, ഇങ്ങനൊക്കെ നിറമ്മാറി നീയാ പാവംമിണ്ടാപ്രാണിയെ തോൽപ്പിച്ചുകളയരുത്..!!”””_ തൊഴുകൈകളോടെ ഞാനവളോട് അപേക്ഷിയ്ക്കുന്ന സ്വരത്തിൽപറഞ്ഞപ്പോൾ, മീനാക്ഷിയറിയാതെ അവളിലൊരു ചിരിവിടർന്നു…
എങ്കിലും മറുത്തൊന്നുമ്പറയാതെ അവളാ കൗണ്ടർടോപ്പിനു പുറത്തേയ്ക്ക് വലിഞ്ഞുകയറി കാലുകളുമാട്ടിയിരിയ്ക്കുകമാത്രമേ ചെയ്തുള്ളൂ…
“”…ഹൊ.! രാവിലെന്തായ്രുന്നൂ ഡയലോഗ്… മീനാക്ഷിയ്ക്കു നന്ദികേടു കാണിയ്ക്കാനറിഞ്ഞൂടെന്ന്..”””_ ഒന്നു നിർത്തിയശേഷം ഞാൻ വീണ്ടുമവൾടെ നേരേതിരിഞ്ഞു,
“”…എടീ… നക്കിത്തിന്ന ഭക്ഷണത്തോടു നന്ദികാണിയ്ക്കാനറിയൂലാത്ത നെനക്കു നന്ദികേടു കാണിയ്ക്കാനറിയത്തില്ലെന്നു പറയാൻ കൊറച്ചേലുമുളുപ്പൊണ്ടോടീ…??”””_ ആ ചോദിച്ചതിനും മറുപടി പറയാതവളു തലകുനിച്ചിരുന്നപ്പോൾ,
“”…കാണത്തില്ലെന്നറിയാടീ… അതെങ്ങനെ… അതൊക്കറിയണേല് ഒറ്റത്തന്തയ്ക്കു പെറക്കണം… ഇതിപ്പങ്ങനല്ലാതായ്പ്പോയതു നിന്റെ കുറ്റമല്ലല്ലോ..??!!”””_ പറഞ്ഞുനിർത്തി
ഞാനവസാനത്തെ ചപ്പാത്തിയും പാനിലേയ്ക്കിട്ടു…
“”…ഒറ്റത്തന്തയ്ക്കു പെറന്നഗുണം നീ കാണിയ്ക്കുന്നുണ്ടല്ലോ… അതുമതി..!!”””_ മീനാക്ഷി, മുഖത്തുനോക്കാതെ പിറുപിറുത്തു…
ശബ്ദംതാഴ്ത്തിയാണു പറഞ്ഞതെങ്കിലും ഞാനതുകേട്ടു…
“”…എടീ… സംഗതി വൻതോൽവിയാണേൽക്കൂടി എനിയ്ക്കു തന്തയൊന്നേയുള്ളൂ… അതോണ്ടാ നീയവിടക്കിടന്ന് അലമുറയിട്ടപ്പോൾ ഒണ്ടാക്കി തള്ളിത്തരാൻ തോന്നീതും..!!”””_ പോക്കറ്റിൽക്കിടന്ന ഏറ്റിഎംകാർഡെടുത്ത് അവൾടെ മേലേയ്ക്കു വലിച്ചെറിഞ്ഞിട്ടു ഞാനൊന്നു നിർത്തിയപ്പോൾ മീനാക്ഷിയുടെമുഖം വല്ലാതായി…
ഉടനെതന്നെ ഞാൻ തുടർന്നു,
“”…എന്നുവെച്ചു നിന്റെയാ മൊതലക്കണ്ണീരു കണ്ടിട്ടാണു ഞാനിതു ചെയ്തേന്നു നീ കരുതീട്ടുണ്ടേൽ അതുനിന്റെ തോന്നലാ… നീയൊക്കിവടെ മൂക്കുമുട്ടേ തിന്നിട്ടു നടക്കുമ്പോൾ വെറുംവെള്ളംമാത്രം കുടിച്ചോണ്ടു വന്നു കെടന്നിട്ടുണ്ട് ഞാൻ… അതോണ്ടീ വെശപ്പിന്റെ വെലയെന്താന്ന് എന്നെയാരും പഠിപ്പിയ്ക്കണ്ട… പിന്നെ അങ്ങനൊക്കെ പറഞ്ഞതും കാട്ടീതും ചുമ്മാ നിന്നെയൊന്നു ചൊറിയാമ്മേണ്ടി മാത്രവാ..!!”””_ പറഞ്ഞുകഴിഞ്ഞതും വോഷ്ബേസിനിൽ കൈയുംകഴുകി, ചിക്കൻ വറുത്തുവെച്ചിരുന്ന പാത്രവും ചപ്പാത്തിമാറ്റിവെച്ച ക്യാസ്ട്രോളുമൊരുമിച്ച് മീനാക്ഷിയുടെ മുന്നിലേയ്ക്കു നീക്കിയിട്ട് ഞാൻ അടുക്കളയിൽനിന്നുമിറങ്ങി റൂമിലേയ്ക്കു നടന്നു…
മീനാക്ഷിയോടുള്ള സകലകലിപ്പും പ്രകടമാക്കിക്കൊണ്ട് ഡോറുംവലിച്ചടച്ച് കട്ടിലിലേയ്ക്കു കമിഴ്ന്നുവീഴുമ്പോൾ മുഴുവനും എന്റെചിന്ത മീനാക്ഷിയ്ക്കുമുന്നിൽ ഞാൻ ചെറുതായിപ്പോയോ എന്നതായിരുന്നു…
ഇത്രയുംനാൾ അവൾടൊരു ഫീലിങ്സിനും വിലകൊടുക്കാതെ സ്വന്തം സ്റ്റാൻഡിൽത്തന്നെനിന്ന ഞാൻ പെട്ടെന്നവൾക്കുവേണ്ടി അങ്ങനെചെയ്തപ്പോൾ അവൾക്കുമുന്നിൽ ഞാനടിയറവു പറഞ്ഞതായി മീനാക്ഷി കരുതിയിട്ടുണ്ടാവുമോ..??
“”…സിദ്ധൂ..??”””_ അടഞ്ഞുകിടന്ന ഡോറിൽ രണ്ടു തട്ടുതട്ടിയശേഷം അവളത് തള്ളിത്തുറന്ന് അകത്തുകയറി…
“”…ഡാ… വന്നേ… നീയുമ്മന്നു കഴിയ്ക്ക്… വാ..!!”””_ ഇടതുവശത്തേയ്ക്കായി തലചെരിച്ചുകിടന്ന എന്റെ മുഖത്തിനഭിമുഖമായി വന്നുനിന്നവൾ വിളിച്ചു…
എന്നാൽ ഞാനതിനു മറുപടിപറയാതെ കണ്ണുകളടച്ചപ്പോൾ,
“”…ഡാ… എന്നോടുള്ള ദേഷ്യം വെറുതേ ആഹാരത്തോടു കാണിയ്ക്കണ്ടാട്ടോ… നിന്നൊന്നു ചൊറിയാമ്മേണ്ടി ഞാൻ വെറുതേപറഞ്ഞതാ… നീ കാര്യമാക്കണ്ട..!!”””_ പറഞ്ഞുകൊണ്ടവൾ വീണ്ടുമെന്നെ തട്ടി…
“”…നെനക്കു കേറ്റാനൊള്ളതവിടെ ഇരിപ്പില്ലേ… അതുമെടുത്തൊണ്ടാക്കിയേച്ച് എങ്ങോട്ടേലുമ്പോ… എന്നിട്ടു മനുഷ്യനു കൊറച്ചു സമാധാനന്താ..!!”””_ കലിതുള്ളിക്കൊണ്ടു ഞാൻ തിരിഞ്ഞുകിടന്നു…
“”…അതിന് ഒരാളെക്കൊണ്ടു കഷ്ടപ്പെട്ടുണ്ടാക്കിച്ചിട്ട്, അയാളെ പട്ടിണിയ്ക്കിട്ടതു കഴിയ്ക്കാനുള്ള മനസ്സൊന്നുമെനിയ്ക്കില്ല… അതോണ്ടാ പറേണേ… വാ വന്നെന്തേലും കഴിയ്ക്ക്..!!”””
“”…എനിയ്ക്കുവേണ്ടെന്നു ഞാമ്പറഞ്ഞതാ… നീ നിന്റെ പാടുനോക്കിപ്പോയാ നെനക്കുകൊള്ളാം..!!”””_ ഞാൻ ശബ്ദമൊന്നുകൂടി കടുപ്പിച്ചപ്പോൾ കുറച്ചുനേരമവളൊന്നും മിണ്ടീല…
പിന്നെ വീണ്ടുംതുടങ്ങി,
“”…അല്ലേലുമീ സിദ്ധു ദേഷ്യപ്പെടുമ്പോൾ കാണാനെന്തു രസാ… ആ മൊഖോക്കെ ചൊവന്നിട്ട്… ഹൊ.! ഹൃതിക്റോഷൻ തന്നെ..!!”””_ അവൾടെയാ ടോൺമാറീതും ഞാൻ കണ്ണുതുറന്നു…
കാണുന്നത്, തികട്ടിവന്ന ചിരിയൊളിപ്പിയ്ക്കാൻ കഷ്ടപ്പെടുന്ന മീനാക്ഷിയെ…
“”…സത്യത്തില് ദേഷ്യപ്പെടുമ്പോഴുള്ള നിന്റെയാഭംഗിയും ആ തെറിവിളിയുമൊക്കെ കേൾക്കുന്നതന്നെയൊരു സുഖവാന്നേ… അതല്ലേ ഞാഞ്ചുമ്മാ ചൊറിഞ്ഞോണ്ടു വരണേ..!!”””
“”…അതുനിന്റെ നട്ടെല്ലു ഞാഞ്ചവിട്ടിയൊടിച്ചാൽ തീരാവുന്ന പ്രശ്നമേയുള്ളൂ..!!”””_ പറഞ്ഞതും കട്ടിലിൽനിന്നുമെഴുന്നേറ്റതും ഒരുമിച്ചായിരുന്നു…
സമാധാനന്തരത്തില്ലാന്നു മനസ്സിലുറപ്പിച്ചിറങ്ങിയാ പിന്നെന്തോ ചെയ്യാനാ..??!!
“”…അതേ… കഴിയ്ക്കാമ്പോവുവാണോ..?? എന്നാ ദേ… ഞാനുമ്മരണൂ..!!”””_ പിന്നിൽനിന്നും വിളിച്ചുപറയുന്നതിനൊപ്പം ഞാനാ പാദസരത്തിന്റെ കിലുക്കവുംകേട്ടു…
താഴെവന്നപ്പോൾ ഡയനിങ്ടേബിളിൽ രണ്ടുപ്ളേറ്റിലായി ചപ്പാത്തിയും ചിക്കൻവറുത്തതുമവൾ മാറ്റിവെച്ചിട്ടുണ്ടായിരുന്നു…
അപ്പോളെന്നെ കഴിയ്ക്കാനായി താഴെയിറക്കാനായിരുന്നോ വന്നിരുന്നു ചൊറിഞ്ഞത്..??!!
ഞാനതിനടുത്തേയ്ക്കു ചെന്ന് പ്ളേറ്റിലേയ്ക്കു നോക്കുമ്പോൾ ചിക്കന്റെ എല്ലിൻപീസുകൾ മുഴുവൻ ഒരുപ്ളേറ്റിലും നോർമൽകഷ്ണങ്ങൾ മുഴുവൻ മറ്റൊരുപ്ളേറ്റിലും…
എല്ലിൻകഷ്ണമിരുന്ന പ്ളേറ്റിലെ ചപ്പാത്തിയുടെണ്ണം മറ്റേതിനെയപേക്ഷിച്ച് കൂടുതലാണോ..??
“”…അതെന്റെയാ…!!”””_ ചവിട്ടിക്കുലുക്കിക്കൊണ്ട് ഓടിവന്ന അവൾ എല്ലിൻകഷ്ണങ്ങളിരുന്ന പ്ളേറ്റു കയ്യിലെടുത്തു…
“”…എനിയ്ക്കതിഷ്ടോല്ല… ഇതായിഷ്ടം..!!”””_ പറഞ്ഞതിനൊപ്പം
നിന്നയതേനിൽപ്പിൽ ഒരെല്ലിൻ കഷ്ണമെടുത്തു കടിയ്ക്കുവേംചെയ്തു…
കണ്ടതുമെനിയ്ക്കങ്ങോട്ടു പൊളിഞ്ഞുകേറി…
അവൾക്കുവേണ്ടാത്തതു കഴിയ്ക്കാനെന്താ ഞാനവൾടെ പട്ടിയോ..??
“”…അങ്ങനെ എല്ലിൻകഷ്ണം മാത്രമായ്ട്ടു നീ മൂഞ്ചണ്ട… ഇങ്ങോട്ടെഡ്രീ..!!”””_ ന്നൊരു ചീറലോടെപറഞ്ഞു ഞാനവൾടെ പ്ളേറ്റു പിടിച്ചുവാങ്ങി…
എന്നിട്ടതിൽനിന്നും കയ്യിലൊതുങ്ങുന്നയളവിൽ കുറച്ചെണ്ണമെടുത്തെന്റെ പ്ളേറ്റിലേയ്ക്കിടുവേം ചെയ്തു…
“”…എടാ… രണ്ടുമൂന്നെണ്ണങ്കൂടിത്താടാ..!!”””_ അവൾടെ പ്ളേറ്റു തിരിച്ചുകൊടുത്തപ്പോൾ, അതിലേയ്ക്കുനോക്കി നിരാശയോടവൾ ചോദിച്ചു…
“”…വേണ്ട… കൂടുതലുതിന്ന് കൊഴുപ്പുകേറുമ്പോഴാ നിനക്കെന്നെ തളത്തിക്കിടത്താനൊക്കെ തോന്നുന്നേ… അതോണ്ടു നീ തല്ക്കാലമിതു മൂഞ്ച്..!!”””_ പറഞ്ഞുകൊണ്ടു ഞാനെന്റെ പ്ളേറ്റ് കയ്യിലെടുത്തു…