പിന്നെ ദേഷ്യവും സങ്കടവുമൊക്കെ ഇടകലർന്നൊരു ഭാവത്തിൽ,
“”…ങ്ഹ്.. ങ്ഹ്.. ങ്ഹ്…!!”””_ ഇങ്ങനൊരു ചിണുങ്ങലോടെ മീനാക്ഷി കട്ടിലിൽനിന്നുമെഴുന്നേറ്റ് വീണ്ടുമാ മുഖഭാവത്തോടെ കണ്ണുകളിൽദയനീയത നിറച്ചെന്നെനോക്കി…
എന്നാലാ നോട്ടത്തിനെന്നിലൊരു ചലനമാറ്റവും സൃഷ്ടിയ്ക്കാനായില്ലെന്നു ബോധ്യംവന്നപ്പോൾ കാലുരണ്ടുംനിലത്തിട്ടു രണ്ടുചവിട്ടുംചവിട്ടി പുറത്തേയ്ക്കൊറ്റ തെറിപ്പായിരുന്നു…
“”…അതേ… ആ ചായേല് തുപ്പുവോ മറ്റോ ചെയ്താൽ സത്യായ്ട്ടും നിന്നെക്കൊണ്ടുഞാൻ ക്ലോസെറ്റിലെ വെള്ളങ്കുടിപ്പിയ്ക്കും… പറഞ്ഞേക്കാം..!!”””_ അവളു റൂമീന്നിറങ്ങിപ്പോയതിനു പിന്നാലെ ഞാൻ വിളിച്ചുപറഞ്ഞു…
…പറഞ്ഞതുകേട്ടോ… കേട്ടില്ലയോ… പക്ഷേ, മറുപടിയൊന്നുംവന്നില്ല…
അതുകൊണ്ടുതന്നെ ചായവരുമെന്നൊന്നും എനിയ്ക്കൊരു
പ്രതീക്ഷേമില്ലായിരുന്നു…
അങ്ങനെവീണ്ടും പുതച്ചുമൂടി കുറച്ചുനേരംകൂടി കിടന്നപ്പോൾ പാദസരത്തിന്റെ മണിയൊച്ച അടുത്തടുത്തുവന്നു…
സത്യത്തിലത്രയുംനാൾ മീനാക്ഷിയടുത്തു വരുമ്പോഴൊന്നും ഞാനാകിലുക്കം കേട്ടിരുന്നില്ല…
പക്ഷേയിപ്പോൾ രണ്ടുദിവസമായി മണികിലുക്കം മാത്രമേ കേൾക്കുന്നുള്ളൂ… ഇനി ഞാനറിയാതെയോ മറ്റോ പാദസരം മാറ്റിക്കാണോ…??
“”…ചായ..!!”””_ ഒരാവശ്യോമില്ലാതെ ഓരോന്നു ചിന്തിച്ചുകിടന്ന എന്റെ മുഖത്തിനുനേരേ ചായക്കപ്പും നീട്ടിപ്പിടിച്ചുകൊണ്ടവൾ പറഞ്ഞു…..!
“”…എന്നിട്ടിതിലു വെഷംതന്നെയാണോ കലക്കിയേ..?? അതോ തുപ്പിയിട്ടോ..??”””_ ചായക്കപ്പെന്റെനേരേ നീട്ടിയതുകണ്ടു ചോദിച്ചതും മീനാക്ഷിയുടെ മുഖംചുവന്നു…
അതിന്,
“”…വേണേല് കുടിച്ചേച്ചു പോടാ പട്ടീ..!!”””_ അതായിരുന്നവൾടെ മറുപടി…
അതോടെയാ ചായേലവളൊന്നും ചേർത്തിട്ടില്ലെന്നെനിയ്ക്കുറപ്പായി…
ഞാനാചായ കയ്യിലേയ്ക്കു മേടിച്ചതും അവളുവീണ്ടും കട്ടിലേക്കുതന്നെ കേറിക്കിടന്നു…
“”…നീയപ്പൊ വീണ്ടും കെടക്കാമ്പോവുവാ..?? പോയ് ബ്രേക്ക്‌ഫാസ്റ്റൊണ്ടാക്കെടീ..!!”””_ ഞാനൊന്നുകൂടി മുരണ്ടു…
“”…എനിയ്ക്കൊണ്ടാക്കാനൊന്നുമറിയത്തില്ല… ഞാഞ്ചായയൊണ്ടാക്കി തന്നില്ലേ… ബ്രേക്ക്‌ഫാസ്റ്റു നീയൊണ്ടാക്ക്..!!”””_ മറുപടിയോടൊപ്പമവൾ പുതപ്പിനുള്ളിലേയ്ക്കൂർന്നിറങ്ങി…
എന്നാലവളെ കുത്തിയെഴുന്നേൽപ്പിയ്ക്കാനായി ഞാൻ വീണ്ടുമോരോന്നൊക്കെ ചൊറിഞ്ഞു നോക്കിയെങ്കിലും ഒത്തില്ല…
പെണ്ണപ്പോഴേയ്ക്കും പൂണ്ടയുറക്കമ്പിടിച്ചിരുന്നു…
പിന്നെക്കുറച്ചുനേരംകൂടി കിടന്നശേഷമാണ് ഞാനെഴുന്നേറ്റത്…
എഴുന്നേറ്റുടൻ ബാത്ത്റൂമിലേയ്ക്കു കേറുമ്പോഴുമവൾടെ പള്ളിയുറക്കങ്കഴിഞ്ഞിരുന്നില്ല…
എന്നാലവിടെക്കിടക്കട്ടേന്നു ഞാനുങ്കരുതി… എന്നേം തളിച്ചേച്ചു കേറിക്കിടന്നതല്ലേ…
എന്നാലിന്നിവളു കോളേജിപ്പോണ്ടെന്നു ഞാനുമങ്ങുതീരുമാനിച്ചു…
പക്ഷേ, കുളീങ്കഴിഞ്ഞു ഞാനിറങ്ങീതേ അവളോടി ബാത്റൂമിക്കേറി…
വാതിൽക്കൽ പതുങ്ങിനിൽക്കുവായിരുന്നെന്നു തോന്നുന്നു…
എന്തായാലും ഞാൻ റെഡിയാകുംമുന്നേ അവളുംകുളിച്ചിട്ടിറങ്ങി…
ഇനി നേരമ്പോകോന്നു കരുതി കുളിയ്ക്കാണ്ടാണോ ഇറങ്ങീത്..??
വിശ്വസിയ്ക്കാമ്പറ്റില്ലേ…
പിന്നെ, കുളിച്ചാലുങ്കുളിച്ചില്ലേലും അതു നമ്മളെ ബാധിയ്ക്കുന്ന വിഷയമല്ലാത്തതിനാൽ ഞാനതു ചെകയാനുമ്പോയില്ല…
ഡ്രെസ്സുമാറാനുള്ളുദ്ദേശത്തോടെ തുണിയും കൈയിൽപ്പിടിച്ചവൾ തിരിഞ്ഞുകളിച്ചപ്പോൾ, ബാഗുമെടുത്തു ഞാൻ പുറത്തേയ്ക്കുനടന്നു…
ഞാമ്പോകുവാണെന്നു കരുതിയവൾ,
“”…ഒരഞ്ചു മിനിറ്റെടാ… ഞാനുമ്മരണൂ..!!”””_ ന്ന് പിന്നീന്നുവിളിച്ചുകൂവിയത്
സ്റ്റെയറിറങ്ങുമ്പഴേയ്ക്കും ഞാൻകേട്ടു…
എന്നാലതിനു മറുപടിയൊന്നും കൊടുക്കാൻ നിൽക്കാത്തതു കൊണ്ടാവും ഞാൻ പുറത്തേയ്ക്കിറങ്ങുന്നതിനുമുന്നേ അവളും ഓടിപ്പാഞ്ഞെത്തീത്…
ഒരുകൈയിൽ ബാഗുംപിടിച്ച് മറുകൈകൊണ്ടു വയലറ്റുനിറത്തിലുള്ള ചുരിദാർ, ഇടുപ്പിന്റെഭാഗത്തുനിന്നും താഴേയ്ക്കു വലിച്ചിട്ടഡ്ജസ്റ്റു ചെയ്തുകൊണ്ടാണ് കക്ഷീടെവരവ്…
സിറ്റൗട്ടിലെത്തീതും പെട്ടെന്നോർത്തപോലവൾ,
“”… ഡാ… നീയൊന്നുങ്കഴിയ്ക്കുന്നില്ലേ..??”””_ ന്നൊരു ചോദ്യം…
ഇത്രേംദിവസമെന്നെ പട്ടിണിയ്ക്കിട്ടു കൊല്ലാന്നോക്കിയവൾടെ ക്ഷേമാന്വേഷണങ്കണ്ടു ഞാനവളെയൊന്നു ചുഴിഞ്ഞുനോക്കി…
അപ്പോഴാണോർത്തത് അതിനിന്നൊന്നുമുണ്ടാക്കീലല്ലോന്ന്…
ഇനി അതറിഞ്ഞോണ്ടെന്നെ ഊതാന്നോക്കുവാണോ ഈ മറ്റവൾ..??
“”…നിന്റെ തന്തയുണ്ടാക്കിവെച്ചേക്കുന്നോ തിന്നാൻ..??”””_ കലിപ്പോടെതന്നെ ഞാഞ്ചോദിച്ചു…
“”…അതിന്നലുണ്ടാക്കിയ ചപ്പാത്തീന്നു മൂന്നാലെണ്ണം ഞാൻമാറ്റിവെച്ചിട്ടുണ്ട്… അതുതരാം..!!”””
“”…ഓ.! രാവിലത്തെ കൊലത്തീറ്റയ്ക്കുള്ളതൂടെ രാത്രിലടിച്ചുമാറ്റി വെച്ചിരിയ്ക്കുവാലേ..?? തിന്നാൻ നേരങ്കിട്ടാത്തോണ്ടാവും തിന്നാത്തത്..??””” _ആ
പറഞ്ഞതു സത്യമായതുകൊണ്ടാവും മറുപടിയൊന്നും വന്നില്ല….
മനുഷ്യനായാൽ ഇങ്ങനേമുണ്ടോ ഒരാർത്തി…
ഇവൾടെ വയറ്റിലിനി കോഴീംകുഞ്ഞും കിടപ്പുണ്ടോ..??
ചെറിയൊരു വെശപ്പുണ്ടായ്രുന്നേലും ഞാൻ തിന്നാനൊന്നും നിന്നില്ല…
കഴിയ്ക്കാഞ്ചെല്ലുവാണേൽ അവളുകരുതും അവളെടുത്തു മാറ്റിവെച്ചില്ലായ്രുന്നേൽ ഞാനിന്നു പട്ടിണികിടന്നേനെന്ന്…
അതിനെന്റാത്മാഭിമാനം സമ്മതിച്ചില്ല…
വെശന്നണ്ടംകീറിയാലും വേണ്ടില്ല, അവൾടെമുന്നിലു തോൽക്കരുത്… അതായിരുന്നെന്റെ പോളിസി…
എന്നാൽ ഞാങ്കഴിയ്ക്കാതിറങ്ങീതും മീനാക്ഷിയുടെ തനിനിറം പുറത്തുവന്നു…
എന്നോട്,
“”…നീ കഴിയ്ക്കാണ്ടു പോവുവാണോ..??”””_ ന്നൊരു ചോദ്യം…
ചോദ്യത്തിന്റെ ലക്ഷ്യമെന്തെന്നു മനസ്സിലാകാത്തതുകൊണ്ട് ഞാനതിനു മറുപടികൊടുത്തില്ല…
അപ്പോളുടനേ,
“”…നീ കഴിയ്ക്കുന്നില്ലേൽ അതു ഞാൻ കൊണ്ടോയ്ക്കോട്ടെ..??”””_ എന്നായി മീനാക്ഷി…
അപ്പഴാണെനിയ്ക്കവളുടെ നേരത്തേചോദിച്ച ചോദ്യത്തിന്റർത്ഥം മനസ്സിലായത്…
എന്നെകഴിപ്പിയ്ക്കാനുള്ള വ്യഗ്രതയൊന്നുവല്ല, കോളേജിക്കൊണ്ടുപോവാനുള്ള പ്ലാനാണു കക്ഷി നടത്തിക്കൊണ്ടിരുന്നത്…
“”…ഓ.! അപ്പെന്നെത്തീറ്റാനല്ല, നിന്റാനവയറു നെറയ്ക്കാനുള്ള പ്ലാനാർന്നല്ലേ..??”””
“”…അതു നീ കഴിയ്ക്കുന്നില്ലേലേ ഞാങ്കൊണ്ടോണുള്ളൂ..!!”””_ എന്റടുക്കലായിനിന്നു മുഖംകുനിച്ചുകൊണ്ടായിരുന്നു മറുപടി…
“”…അയ്യോ.! കൊണ്ടോയാൽ മാത്രമ്മതിയോ..?? ഇപ്പഴ്ത്തേം വൈന്നേരത്തേം തീറ്റയ്ക്കുള്ളതൂടെ വേണ്ടേ..?? അതിനി ഹോട്ടലീന്നോമറ്റോ വാങ്ങിതന്നാലോ..?? അതോ ഞാനിപ്പഴേയുണ്ടാക്കി വെയ്ക്കണോ..??”””_ അവൾടെ മുഖഭാവംകണ്ടു ചൊറിഞ്ഞുവന്ന ഞാൻ
പരിഹാസഭാവത്തോടെ ചോദ്യമിട്ടു…
“”…ഞാനുച്ചയ്ക്കുള്ളതു ക്യാന്റീനീന്നു കഴിച്ചോളാം… വൈകിട്ടത്തേതു
ഞാൻവന്നിട്ട് അരിയിട്ടോളാം..!!”””
“”…അല്ലടീ… അതിനുള്ളേങ്കൂടെ ഞാന്നിനക്കു കെട്ടിപ്പൊതിഞ്ഞുതരാം… വയറും വാടകയ്ക്കെടുത്തെറങ്ങിയേക്കുവാ ആർത്തിപ്പണ്ടാരം..!!”””_ അപ്പോഴും ഒരു പൊടിയ്ക്കടങ്ങാൻ ഞാൻ കൂട്ടാക്കീരുന്നില്ല…