എന്റെ ഡോക്ടറൂട്ടി – 28 20അടിപൊളി 

“”…ഏഹ്.! അപ്പൊ നീയൊന്നുമറിഞ്ഞില്ലേ..?? നാളെ മീനൂന്റെ ബെഡ്ഡെയല്ലേ… അതിനിന്നുവൈകിട്ടൊരു സർപ്രൈസ്പാർട്ടി സെറ്റാക്കിയേക്കുവാ നിന്റെതന്തപ്പടി..!!”””_ അവനടുത്തേയ്ക്കു വന്നുകൊണ്ട് പറഞ്ഞു…

“”…എന്നിട്ടെന്നോടാരുമൊന്നും പറഞ്ഞില്ലല്ലോ..!!”””

“”…പിന്നേ… അങ്ങേരുടെ തലയ്ക്കകത്തിരിയ്ക്കുന്ന കൊനഷ്ടൊക്കെ തോണ്ടിയെടുത്ത് നെനക്കു കാണിച്ചരാൻ ഞാൻ ദൈവോന്നുവല്ല… ഇതുതന്നെ രാവിലേവന്ന് ഏതേലുംകാറ്ററിങ്ങാരെ മുട്ടിച്ചുതരാൻ പറഞ്ഞോണ്ട് ഞാനറിഞ്ഞതാ..!!”””

“”…നല്ലത് തന്ന.! അല്ല, ഇപ്പൊപ്പെട്ടെന്നു മരുമോൾടെ ബെഡ്ഡെ ആഘോഷിയ്ക്കാൻ ഇങ്ങേരുടെ തലേലിടിവെട്ടിയോ..??”””

“”…എടാ… ഇതതൊന്നുവല്ല…
നിന്റെ കല്യാണത്തിനോ പുള്ളിയ്ക്കു പത്രാസുകാണിയ്ക്കാൻ പറ്റീലല്ലോ… അതോണ്ടവൾടെ ബെഡ്ഡെ ഗ്രാന്റായ്ട്ട്നടത്തി മരുമോളും ഡോക്ടറാന്ന്കീച്ചി പട്ടിഷോ കാണിയ്ക്കാനുള്ള പുറപ്പാടാ… എന്നിട്ടതിന്റെകൂട്ടത്തിൽ ചുളുവിന് കീത്തൂന്റെകല്യാണവും അനൗൺസ് ചെയ്യാലോ… അതാവാനേ വഴിയുള്ളൂ… ആം.! പറഞ്ഞിട്ടുകാര്യവില്ല.!
നിന്റെതന്തയല്ലേ, അപ്പൊപ്പിന്നെ പുള്ളിയെക്കൊണ്ട് ചിന്തിയ്ക്കാൻപറ്റുന്നേനും ഒരുപരിധിയൊക്കെയില്ലേ..!!”””_ അത്രയുംപറഞ്ഞ് ആക്കിയൊരു ചിരിയുംചിരിച്ച് അവനവന്റെ വീട്ടിലേയ്ക്കുനടന്നു…

…ശ്ശെ.! എന്നാലും നാളെയവൾടെ ബെഡ്ഡേയാണെന്ന് ഒരുവാക്കവളു പറഞ്ഞില്ലല്ലോ…

എന്നാലും ഇങ്ങേരിതൊക്കെ എങ്ങനെ കണ്ടുപിടിയ്ക്കുന്നൂന്നാണ്… കോപ്പ്.!

…അല്ല.! ഇനീപ്പോ ഞാനെന്താ ചെയ്യേണ്ടേ..??

ചുമ്മാ ചെന്നങ്ങു കേറിയാൽമതിയോ..??

അതോ തക്കുടൂന്റെ ബെഡ്ഡെയ്ക്ക് അവരൊക്കെ കൊണ്ടുവന്നപോലെ ഗിഫ്റ്റെന്തേലും കൊണ്ടുപോണോ..??

ഇതിപ്പാരോടാ ഒന്നുചോദിയ്ക്ക..??!!

ഒരെത്തുംപിടിയുമില്ലാതെ നിൽക്കുമ്പോൾ ആദ്യം മനസ്സിലേയ്ക്കുവന്നത് ജോക്കുട്ടന്റെമുഖമാണ്…

അവനാവുമ്പോൾ കണ്ട കിളുന്തുകൾക്കെല്ലാം ബെഡ്ഡെവിഷുംചെയ്തു
നടക്കുവല്ലേ…

പക്ഷേ, ഇതെന്തോ അവനോടോ ചേച്ചിയോടോ ചോദിയ്ക്കാനെന്റെ മനസ്സനുവദിച്ചില്ല…

അവർക്കെന്തേലും ഡൌട്ടടിച്ചാൽ അതുനേരേ മീനാക്ഷിയറിയും…

പിന്നെന്താവഴി..??

…അച്ചു.!

…അതേ… അവളാവുമ്പോൾ നമ്പാം.! അതുമതി.!

മനസ്സിൽ തീരുമാനമെടുത്തുടൻ ഫോണെടുത്ത് ഞാനച്ചുവിനെ വിളിച്ചു…

മൂന്നു റിങ്ങടിച്ചിട്ടുണ്ടാവും, അപ്പോഴേയ്ക്കുമവൾ ഫോണെടുത്തു…

“”…മ്മ്മ്..?? എന്താടാ..?? പതിവില്ലാതെ ഇങ്ങോട്ടേയ്ക്കൊരു വിളി… നിന്റെ ചേച്ചിക്കാളി ചത്തിട്ടൊന്നുവില്ല..!!”””_ കോളെടുത്തതേ ഒരു താല്പര്യവുമില്ലാത്തമട്ടിൽ മറുപടിയെത്തി…

“”…ഡീ കോപ്പേ… പരാതിയൊക്കെ പിന്നെ… ഞാനിപ്പോൾ അർജന്റായ്ട്ടൊരു കാര്യംചോദിയ്ക്കാനായി വിളിച്ചതാ..!!”””

“”…മ്മ്മ്..?? എന്താ..??”””_ അവൾടെ ശബ്ദമൊന്നു മയപ്പെട്ടു…

“”…അതേടീ… ഈ ബെഡ്ഡെ ഫങ്ഷനൊക്കെ പോവുമ്പോൾ പ്രത്യേകിച്ചെന്തേലും സിസ്റ്റമുണ്ടോ..??””

“”…ഉണ്ടല്ലോ… ഇതൊന്നും നിനക്കറിയില്ലേ..??”””_ അവൾ തിരിച്ചുചോദിച്ചു…

അതിന്

“”…ഇല്ല… അതോണ്ടല്ലേ
ചോദിച്ചത്..!!’””_ എന്നു ഞാൻ തിരിച്ചടിയ്ക്കുവേം ചെയ്തു…

“”…എന്നാ പറഞ്ഞുതരാം…
മാക്സിമം മുതലാക്കിക്കോണം… അതാ ചടങ്ങ്..!!”””

“”…മനസ്സിലായില്ല..!!”””

“”…എടാ പൊട്ടാ…
കേറിച്ചെന്നാൽ മാക്സിമം തിന്നുമുടിപ്പിച്ചിട്ടു പോരണംന്ന്..!!”””

“”…അല്ലാ… അതിനു ചുമ്മാതങ്ങു കേറിച്ചെന്നാൽ മതിയോന്നാ ഞാൻചോദിച്ചത്..!!”””

“”…ഏയ് പോരാ… മിനിമം രണ്ടുദിവസമെങ്കിലും പട്ടിണി കിടന്നിട്ടുവേണം പോകാൻ..!!”””

“”…എടീ കോപ്പേ… അതല്ല… ഇതത്യാവശ്യം സ്റ്റാൻഡേഡായ്ട്ടുള്ള സെറ്റപ്പാ… അതുകൊണ്ട് ചുമ്മാ കേറിയിരുന്ന് തിന്നാനൊരുമടി… അതാ നിന്നോടുചോദിച്ചേ..!!”””

“”…ആരുടെയാ..??
ഫ്രണ്ട്സിന്റെയാണോ..??
എന്നാക്കുറച്ചു മീൻവെള്ളമോ ചീമുട്ടയോ ഒക്കെ കൊണ്ടുപൊയ്ക്കോ…
തീറ്റയൊക്കെക്കഴിഞ്ഞിട്ട് അവരെയൊന്നു
കുളിപ്പിച്ചേച്ചുംപോര്..!!”””

“”…ദേ… എന്റെ മൂഡുവേറെയായ്പ്പോയി… അല്ലായ്രുന്നേല് ഇതിനുള്ളമറുപടി ഞാനങ്ങടു നിരത്തിപ്പിടിച്ചു തന്നേനെ…
എടീ കോപ്പേ… ഇതു ഫ്രണ്ട്സിന്റേം റിലേറ്റീവിന്റേമൊന്നുമല്ല…. അത്യാവശ്യം കാശുകാരൊക്കെ വരുന്നൊരു ടീമിന്റെ ബെഡ്ഡേഫങ്ഷനാ… അതിനിപ്പെന്താ ചെയ്യേണ്ടേന്ന് പറ..!!”””