എന്റെ ഡോക്ടറൂട്ടി – 28 20അടിപൊളി 

“”…അതേ… എനിയ്ക്കിന്നുമുതൽ നൈറ്റാ..!!”””

“”…നൈറ്റോ..??”””

“”…ആം.! എനിയ്ക്കിന്നുമുതൽ രാത്രീലാ പോവണ്ടേ..!!”””_
അവൾടെയാ മറുപടികേട്ടതും അത്രേംനേരമുണ്ടായ്രുന്ന എന്റെ മുഴുവൻ കടിയുമങ്ങുതീർന്നു…

“”…അതിന് നൈറ്റ്ക്ലാസിനുപോവാൻ നീയെന്താ പത്താംക്ലാസിലാണോ പഠിയ്ക്കുന്നേ..??”””

“”…ഹലോ.! പത്താംക്ലാസ്സിനു മാത്രമൊന്നുമല്ല നൈറ്റ്ക്ലാസ്സുള്ളത്..!!”””_ എന്നെ പുച്ഛിച്ചോണ്ടവളതു പറഞ്ഞതും എനിയ്ക്കങ്ങടു പൊളിഞ്ഞു…

“”…ചോദിയ്ക്കുമ്പൊ തർക്കുത്തരംപറയുന്നാടീ..??”””_ ന്നുംചോദിച്ച് അവൾടടുത്തേയ്ക്കു പാഞ്ഞ ഞാൻ,

“”…ദേ… ക്ലാസ്സെന്നും കോപ്പെന്നുമ്പറഞ്ഞ് കണ്ടേടം
നിരങ്ങാമ്പോയാലുണ്ടല്ലോ..!!”””_ ന്നുംപറഞ്ഞ് ഒന്നുചാടുവേംചെയ്തു…

“”…അതിന് ഞാനേതിലേപോയാലും നിനക്കെന്താ..?? നിനക്കെന്നെ കാണാതിരിയ്ക്കുന്നതല്ലേ സൗകര്യം..??”””_ അവളും വിടുന്നുണ്ടായില്ല…

ഇങ്ങനവൾ പോയിന്റുകൾ തിരിച്ചടിയ്ക്കാൻനിന്നാൽ ഞാൻ വലിച്ചു പോവത്തേയുള്ളൂന്ന് മനസ്സിലായതും ഒന്നു യുടേണെടുത്തേക്കാന്നു കരുതി…

“”…അത്… അതു പിന്നങ്ങനൊക്കാണേലും
നീയീ കണ്ടെടത്തൂടൊക്കെ തെണ്ടിത്തിരിഞ്ഞു നടക്കുന്നൂന്നുപറഞ്ഞാ അതിന്റെ നാണക്കേടെനിയ്ക്കുങ്കൂടല്ലേ..??”””_ ഒന്നെറിഞ്ഞുനോക്കി; കൊണ്ടാലൂട്ടി… ഇല്ലേലൂമ്പി…

“”…ആ.! തൽക്കാലം നീ നാണിയ്ക്കേണ്ടതായ്ട്ടൊന്നും ഞാനിപ്പോ ചെയ്യുന്നില്ല… ഞാനെന്റെ
കോളേജിലേയ്ക്കുതന്നാ പോണേ..!!”””_ വലിയ താല്പര്യമില്ലാത്തമട്ടിലുള്ള അവൾടെമറുപടികേട്ടതും,

“”…കോളേജിലേയ്ക്കുപോവാൻ നെനക്കെന്തിനാ ഇത്രേംബാഗ്..?? വല്ലതും താങ്ങിക്കൊണ്ടു വരാന്തന്നേടീ..??”””_ എന്റെസംശയം ഞാനതേപടി തിരക്കി…

“”…ആണെങ്കി..?? എന്തേയ്..?? നിനക്കെന്തേലും വേണോ..??”””

“”…ആം.! പോക്കിങ്ങനാണേൽ എനിയ്ക്കുടനേയൊരു ശവപ്പെട്ടിവേണ്ടിവരും… കിട്ടോ ഒരെണ്ണം..??”””_ എന്റെചോദ്യംകേട്ടതും അവളെന്നെ കണ്ണുതുറിപ്പിച്ചൊരുനോട്ടം…

“”…നീയതിന്
ഉണ്ടക്കണ്ണുരുട്ടുവൊന്നും വേണ്ട… അതെന്റച്ഛനു വേണ്ടീട്ടാ… കാര്യങ്ങളിങ്ങനാണു പോണേങ്കിൽ ഉടനേയൊരെണ്ണത്തിന്റെ ആവശ്യംവരും..!!”””_ ശബ്ദംതാഴ്ത്തി പറയുന്നതിനിടയിലും ഞാനാ ബാഗിലേയ്ക്കു രൂക്ഷമായി നോക്കുന്നുണ്ടായ്രുന്നു…

“”…നോക്കി ഗർഭമുണ്ടാക്കണ്ട… ഇതിനകത്തെന്റെ ഡ്രെസ്സാ… ഞാനിന്നുമുതൽ
ഹോസ്റ്റലിലേയ്ക്കു മാറുവാ..!!”””

“”…ഹോസ്റ്റലിലേയ്ക്കോ..??
എന്തിന്..??”””_ മോങ്ങാൻനിന്ന പട്ടീടെതലേലേയ്ക്കു തേങ്ങാവീണപോലായി
ഞാൻ…

ബാഗുമായിനിന്നപ്പോളേ ഒന്നുഞെട്ടിയ ഞാൻ, ഹോസ്റ്റലിലേയ്ക്കു
പോകുവാന്നുകൂടി അറിഞ്ഞപ്പോൾ കിടുങ്ങിയില്ലാന്നുപറഞ്ഞാൽ നുണയായ്പ്പോവും…

“”…ങാ… നൈറ്റാവുമ്പോ അവടുന്നുപോകുന്നതാ സൗകര്യം… എന്നുമിവടെവന്നിട്ടു
പോകുന്നതൊക്കെ പാടല്ലേ..??”””_ കയ്യിലിരുന്നബാഗൊന്നു താഴെവെച്ച് നെഞ്ചിൽക്കിടന്ന ഷോളൊന്നുകൂടി വലിച്ചിട്ടുകൊണ്ടവൾ ചോദിച്ചതും,

“”…ആർക്കുപാട്..?? ഇവടാർക്കുമൊരുപാടുമില്ല… നീയിവടെന്ന് പോയേച്ചാമതി..!!”””_ പറയുമ്പോൾ ഉള്ളിലുണ്ടായ്രുന്ന വെപ്രാളം ശബ്ദത്തിൽ പ്രതിഫലിച്ചോന്നൊരു സംശയം…

…ഓ.! ഇനിയിപ്പൊ പ്രതിഫലിച്ചാലും പറിയാണ്.!

“”…അതു നീയാണോ തീരുമാനിയ്ക്കുന്നെ..??”””_ അടീന്നുവെള്ളംകേറി വള്ളം മുങ്ങിക്കൊണ്ടിരിയ്ക്കുമ്പോഴും അവൾടെ സ്ട്രോയിട്ടുള്ള വലിപ്പുനിർത്തീല…

അതോടെനിയ്ക്കു പിന്നുംപൊളിഞ്ഞു…

“”…പിന്നല്ലാണ്ടാര് നിന്റച്ഛൻവന്നു തീരുമാനിയ്ക്കോ..?? എന്നാലിങ്ങോട്ടുവരാമ്പറേടീ… കുടുംബത്തുകേറിയാ
നായിന്റെമോന്റെ കാലുഞാൻ കരിമ്പുചെത്തുന്നപോലെ ചെത്തും..!!”””_ പിടിവിട്ടുപോയ ഞാൻ നിന്നലറിയശേഷം,

“”…നീയിവടുന്നു പോയാമതി…
നിന്നെ ഞാങ്കൊണ്ടു വിട്ടോളാം..!!”””_ ന്നൊരു തീരുമാനവുമറിയിച്ചു…

പക്ഷേ, ഏറ്റില്ല.!

“”…എന്നിട്ടു നിനക്കെന്നെ വിടാണ്ടിരിയ്ക്കാനല്ലേ..??
അന്നെന്നെ കോളേജിന്നുകൂട്ടാൻ വരാണ്ടിരുന്നപോലെ നീയെന്തേലും ഉടായിപ്പുപറഞ്ഞൊഴിയും… അതോണ്ടതൊന്നും പറ്റൂല… ഞാൻ ഹോസ്റ്റലീന്നുതന്നെ പൊയ്ക്കോളാം..!!”””_ അവൾടെയാ വാക്കുകൾക്കു കുറച്ചുറപ്പ് കൂടുതലായ്രുന്നു…