“ എന്റെ മോള് കരയണ്ടാട്ടോ “
“ഉം …”
“ അപ്പു നീ കഴിക്കുന്നില്ല “
“ആ …”
“ എന്നാ പോയി കുളിക്കാൻ നോക്ക് “
അതും പറഞ്ഞ് അച്ഛമ്മ പുറത്തേക്ക് നടന്നു .
“ അപ്പുവേട്ടാ ‘അമ്മ വിളിച്ചിരുന്നു വൈകിട്ട് , നാളെ ചെല്ലാൻ പറഞ്ഞു “
അത് കേട്ടപ്പോൾ അപ്പു ഒന്ന് ഞെട്ടി .
“ ചെറിയമ്മ അറിഞ്ഞോ “
“ അറിയില്ല , സ്കൂൾ തുറക്കാൻ ആയില്ലേ നാളെ പോന്നേക്ക് എന്ന് പറഞ്ഞു. അച്ഛമ്മ സംസാരിച്ചിട്ട എന്നെ വിളിച്ചെ അറിഞ്ഞു കാണും .”
“ ബുധനഴ്‌ചയല്ലേ തുറക്കു അതിന് നാളെ തന്നെ പോണോ “
“എനിക്ക് അറിയില്ല “
അവൾ വീണ്ടും സങ്കടപ്പെട്ടു .
“ ചെറിയമ്മേനെ നാളെ ഞാനൊന്ന് വിളിച്ച് നോക്കട്ടെ “
അവൻ വിഷമിച്ചിരുന്നപ്പോൾ അപ്പു പുറത്തേക്കിറങ്ങി കുളിക്കാൻ കുളത്തിലേക്ക് പോയി .
കുളത്തിന്റെ പടിയിൽ ആ ഇരുട്ടിൽ അവൻ ഇരുന്നു . അമ്മു അതുമാത്രമായിരുന്നു അവന്റെ മനസ്സിൽ . ഇത്രയും ദിവസം എന്റെ കൂടെ ഉണ്ടായിരുന്ന അമ്മു നാളെ തിരിച്ചു പോയാൽ ? .
അപ്പുവിന്റെ ചിന്തകൾ പുറകിലേക്ക് സഞ്ചരിച്ചു , എന്നും രാവിലെ വന്ന് എഴുനേല്പിക്കാറുള്ള , പൂർണ സ്വാതന്ദ്രത്തോടെ ഉള്ള അവളുടെ പെരുമാറ്റം , എന്റെ എല്ലാ കാര്യങ്ങളും ഒരു ഭാര്യ എന്ന സ്ഥാനത്ത് നിന്ന് അവൾ ചെയ്തുതന്നു . അവളെ പിരിഞ്ഞിരിക്കുന്നത് ഓർക്കുമ്പോൾ ഉള്ളിൽ ഒരു പുകച്ചിൽ .
അവളുടെ ആ ചിരി , കൊഞ്ചൽ , ദേഷ്യം , പിണക്കം , ചുമ്പനം , മണം , മുഖത്തെ തേജ്വസ് , പെരുമാറ്റം . അമ്മു എന്റെ ഭാഗ്യമാണ് , ദൈവം എനിക്കുതന്ന ഐശ്വര്യം . ഇനി അവളെ പിരിഞ്ഞ് ഞാൻ ഒറ്റയ്ക് .
അപ്പുവിന്റെ കണ്ണുകൾ കലങ്ങി തുടങ്ങി അവൻ പതിയെ വെള്ളത്തിലേക്കിറങ്ങി ഒന്ന് മുങ്ങി നിവർന്നു , ശരീരം തണുത്തപ്പോഴും മനസ്സ് പുകഞ്ഞുകൊണ്ടിരുന്നു , കണ്ണുകളിൽ ചൂട് അനുഭവപ്പെടുന്നു , അവൻ വെള്ളത്തിൽ ശ്വാസം നിൽക്കുന്ന അത്രയും നേരം മുങ്ങി കണ്ണുതുറന്ന് നിന്നു .
അവനാ തണുത്ത ശരീരവും മരവിച്ച മനസുമായി ഇരുൾ വീണ വഴിയിലൂടെ വടക്കേടത്ത് വീട്ടിലേക്ക് അമ്മുവിനെ മാത്രം മനസിൽ ഓർത്ത് യാത്രികമായി നടന്നു നീങ്ങി.
വീടിൻടെ പടികൾ കയറുമ്പോൾ വല്ലാത്തൊരു ഒറ്റപ്പെടൽ അവന് അനുഭവപ്പെട്ടു , മറ്റേതോ ഒരു ലോകത്ത് നിന്ന് നോക്കുമ്പോലെ തരിച്ചു നിന്ന് വീക്ഷിച്ചു. അമ്മു നടന്ന് വരുന്നു , മുഖത്തേക്ക് നോക്കി എന്തോ പറഞ്ഞു അവനത് കേട്ടില്ല മനസിലായില്ല .
അവൾ മുകളിലേക്ക് പടികൾ കയറി അവനും എന്തിനോ അവളുടെ പുറകെ , അവൾ മുറിയിൽ കയറി അവന് മുണ്ടും ഷർട്ടും എടുത്ത് കൊടുത്തു. അവനത് വാങ്ങി തികച്ചും യാന്ത്രികമായി അത് ഉടുത്ത് കട്ടിലിലേക്ക് കയറി കിടന്നു.
“ എന്നതാ അപ്പുവേട്ടാ ഭക്ഷണം ഒന്നും കഴിക്കുന്നില്ല “
അവൻ പതിയെ തിരിഞ്ഞ് അവളെ നോക്കി
“ഇതെന്നാ നേരത്തെ കിടക്കുന്നെ “
ഒന്നുമില്ല എന്ന അർഥത്തിൽ അവൻ ശബ്ദം ഉണ്ടാക്കി
“ എഴുനേൽക്ക് വാ കഴിക്കാം “
“ വേണ്ട “
“ ഇതെന്നാ , ഇന്നലേം കഴിച്ചില്ല ഇന്നും കഴിച്ചില്ല ,പറ്റില്ല വാ “
“ വിശപ്പില്ല “
“ അതൊന്നും പറഞ്ഞാൽ പറ്റില്ല , ദേ ഞാൻ ഉച്ചതൊട്ട് ഒന്നും കഴിച്ചില്ല നല്ല വിശപ്പുണ്ട് അപ്പുവേട്ടൻ കഴിച്ചില്ലേൽ ഞാനും കഴിക്കില്ല “
“അമ്മുവേചി ഭക്ഷണം കഴിക്കാം വാ “
“ ദേ വരുന്നു കുഞ്ചു “
“ ഈ ചേട്ടൻ എന്നാ ഇങ്ങനെ കിടക്കുന്നെ “
“ അറിയില്ല അപ്പുവേട്ടന് വേണ്ടന്ന് “
“ ആഹാ .. എന്ന പിടിക്ക് ചേച്ചി കൈൽ “
അവർ രണ്ടുപേരും അപ്പുവിന്റെ കൈൽ പിടിച്ച് വലിച്ച് എഴുന്നേൽപ്പിച്ചു . അപ്പു മനസ്സില്ലാ മനസ്സോടെ അവരുടെ നിയന്ത്രണത്തിൽ നടന്നു.
ഭക്ഷണം കഴിക്കുമ്പോഴും എന്റെ മനസിന് ഒരു സ്വസ്ഥതയും ഉണ്ടായിരുന്നില്ല . അത്താഴം കഴിഞ്ഞ് ഞാൻ മുകളിലേക്ക് കയറി സമയം ഏതാണ്ട് 10 ആകാറായപ്പോൾ കുഞ്ചു വന്നു
“ ചേട്ടാ അച്ഛനും ചെറിയച്ഛനും പറമ്പിൽ പോകുവാ ചേട്ടൻ പോകുന്നുണ്ടോന്ന് “
“ ഞാൻ ഇല്ലന്ന് പറഞ്ഞേക്ക് “
“ ചെറിയച്ചാ …….”
“ ആ..”
“ ചേട്ടൻ വരുന്നില്ലന്ന് “
കുഞ്ചു മുകളിൽ നിന്നും വിളിച്ചുപറഞ്ഞു . ഇന്നും പന്നികൾ ഇറങ്ങി കാണും . ഞാൻ കട്ടിലിൽ ചെരിഞ്ഞു കിടന്നു .
കുട്ടികളെ ഉറക്കി കുഞ്ഞമ്മ എന്റെ അടുത്തേക്ക് വന്നു .
“ ഡാ….”
“ഉം…. “
“ എന്താടാ അണ്ടി പോയ അണ്ണാനെപോലെ ഇരിക്കുന്നെ “
“ ഒന്നുല്ല കുഞ്ഞേ “
“ നീ എന്നാ അവരുടെ കൂടെ പോകഞ്ഞെ “
“ ഒന്നുല്ല … മനസ്സിനൊരു സുഗം പോരാ “
“ എന്താടാ അവളുടെ സങ്കടം കണ്ടിട്ടാണോ “
കുഞ്ഞമ്മ അവൻന്റെ അരികിൽ കട്ടിലിൽ കയറി ഇരുന്നു . അവൻ കട്ടിലിൽ ചാരി ഇരുന്നു .
“ കുഞ്ഞമ്മയ്ക്ക് തോനുന്നുണ്ടോ ഈ ഒരു പ്രശ്‌നത്തിന്റെ പേരിലാ അവളിങ്ങനെ വിഷമിക്കുന്നത് എന്ന് “
“ പിന്നെ എന്താ….”
“ നാളെ അവള് പോകും കുഞ്ഞമ്മേ “
അത് പറഞ്ഞപ്പോൾ അവന്റെ കണ്ണുകൾ നിറഞ്ഞു , കുഞ്ഞമ്മ കാണാതെ അവനത് തുടച്ചെങ്കിലും കുഞ്ഞമ്മ നിറഞ്ഞ അവന്റെ കണ്ണുകൾ കണ്ടിരുന്നു .
“ ഉം…..”
“ ഞങ്ങൾ ഇപ്പഴാ കുഞ്ഞേ ശെരിക്കും സ്നേഹിക്കാൻ തുടങ്ങിയെ , ഇത്രയും ദിവസം എന്റെ എല്ലാ കാര്യങ്ങളും നോക്കിയും കണ്ടും അവൾ ചെയ്തു , വീണ്ടും ഞാൻ ഒറ്റയ്ക്ക് ആവില്ലേ .”
“ അയ്യേ എന്തുവാ അപ്പു ഇത് , കാത്തിരിപ്പിന്റെ സുഖം നിങ്ങൾക്ക് അറിയാത്തത് കൊണ്ടാണ് അത് അറിയുമ്പോൾ നിങ്ങളുടെ ഇപ്പഴത്തെ വിഷമമൊക്കെ മാറിക്കോളും “
അപ്പു ഒന്നും മിണ്ടിയില്ല
“ നിങ്ങളിപ്പോ പ്രേമിക്ക് അല്ലാതെ ജീവിക്കല്ല് , പ്രേമിക്കുമ്പോൾ കിട്ടുന്ന അനുഭൂതി ഒന്നും ജീവിതത്തിൽ പൂർണമായും കിട്ടില്ല , അതുകൊണ്ട് പ്രേമിക്കുക ശരീരം കൊണ്ടല്ല മനസ്സ് കൊണ്ട് “
അവൻ ഒന്നും പറയാതെ എല്ലാം കേട്ടിരുന്നു. അവർ സംസാരിച് ഇരുന്നപ്പോൾ കുഞ്ചുവും അമ്മുവും മുറിയിലേക്ക് കയറി വന്നു .
“ കുഞ്ഞമ്മേ ഈ ചേട്ടനെന്നാ ഇങ്ങനെ ഇരിക്കുന്നെ “
“ ചേട്ടന്റെ ശ്വാസം നഷ്ടപ്പെടാൻ പോകുന്നതായി തോനുന്നുപോലും , “
അത് പറഞ്ഞപ്പോൾ അമ്മു അപ്പുവിനെ നോക്കി
വിഷമിച്ചിരിക്കുന്ന അവന്റെ മുഖമാണ് അവൾ കണ്ടത് , അവൾ ഒന്നും മിണ്ടാതെ നിന്നും , കുഞ്ഞമ്മ ഞങ്ങളുടെ മൂഡ് മാറ്റാൻ മറ്റുപലകര്യങ്ങളും സംസാരിച്ചു തുടങ്ങി . പതിയെ പതിയെ ഞങ്ങൾ കുഞ്ഞമ്മയുടെ തമാശകളിൽ പങ്കുചേർന്നു .
നേരം കടന്നു പോയികൊണ്ടേ ഇരുന്നു കളിയും , കഥപറച്ചിലും , തമാശയും അങ്ങനെ അങ്ങനെ .. ഏതാണ്ട് 2 മാണി ആകാറായപ്പോൾ മുറ്റത്ത് ചെറിയച്ഛന്റെയും അച്ഛന്റെയും സംസാരം കെട്ടി. കുഞ്ഞമ്മ വേകം താഴേക്ക് പോയി കതക് തുറക്കാൻ പുറകെ ഞങ്ങളും .
കുഞ്ചുവിന്റെ പുറകിൽ അമ്മു അമ്മുവിന്റെ പുറകിൽ ഞാൻ അങ്ങനെ താഴേക്ക് ഇറക്കിയപ്പോൾ ഞാൻ പെട്ടെന്ന് അമ്മുവിന്റെ വലത് കവിളിൽ ഒരു ഉമ്മ കൊടുത്ത് നേരെ നടന്നു . അമ്മു കുഞ്ചുവിനെ ഒന്ന് നോക്കി പിന്നെ തിരിഞ്ഞ് എന്നെ നോക്കി ചിരിച്ചു .
