താഴെ എത്തിയപ്പോൾ അച്ഛനും ചെറിയച്ഛനും വരാന്തയിലേക്ക് കയറുകയായിരുന്നു .
“ എന്തായി പോയിട്ട് . “
“ ഓ ഇന്നൊന്നും വന്നില്ലന്നെ വെറുതെ ഉറക്കം ഉളച്ചു.”
അച്ഛൻ പറഞ്ഞു .
“ കെളുവേട്ടന് ഉറക്കമില്ല , ഇന്നലെ എന്തോ കണ്ടെന്നും പറഞ്ഞ് തുടങ്ങിയതാ “
ചെറിയാൻ പറഞ്ഞുകൊണ്ട് ഉള്ളിലേക്ക് കയറി .
അച്ഛൻ അവരുടെ മുറിയിലേക്കും , ചെറിയച്ഛനും ഞങ്ങളും മുകളിലേക്കും കയറി .
“ നീയും കൂടി വരണമായിരുന്നെട അപ്പു . “
“ അതെന്നത്തിനാ”
“ കൊതുകിന്റെ കടി പങ്കിടാൻ “
ചെറിയച്ഛന്റെ ആ തമാശയ്ക്ക് എല്ലാവരും ചെറുതായൊന്ന് ചിരിച്ചു . കുഞ്ഞമ്മയും ചെറിയച്ഛനും അവരുടെ മുറികളിലേക്ക് കയറി , ഞാനും അമ്മുവും കുഞ്ചുവും അവരുടെ മുറിയിലേക് കയറി .
കുഞ്ചു അമ്മവീട്ടിലെ വിശേഷങ്ങളും സ്കൂളിലെ വിശേഷങ്ങളും ഒക്കെ പറഞ്ഞുകൊണ്ടിരുന്നു . നേരം 4 ആകാറായപ്പോൾ ഞാൻ മുറിയിൽ പോയി ഉറങ്ങി.
പതിയെ എപ്പഴോ കണ്ണു തുറന്നു . സമയം ഒരുപാട് കടന്നിരുന്നു തീർച്ച . അടുക്കള ഭാഗത്തെ ശബ്ദവും കേട്ട് അപ്പു ഉറക്ക പിച്ചയിൽ നിന്നും പതുക്കെ എഴുനേറ്റു വന്നു .
നീട്ടിയൊരു വായികോട്ട വിട്ട് പുതപ്പ് ശരീരത്തിൽ നിന്നും വലിച്ചുമാറ്റി അവൻ എഴുനേറ്റ് നടന്നു. വാതിൽ തുറന്ന് താഴേക്ക് പടികൾ ഇറങ്ങി .
വരാന്തയിലെ കസേരയിൽ പോയി ഇരുന്നു കുറച്ച് നേരം.ഉറക്കച്ചടവ് മാറിയപ്പോൾ അവിടെ നിന്നും എഴുനേറ്റ് അടുക്കള ഭാഗത്തേക്ക് നടന്നു. അവിടെ എത്തിയപ്പോൾ ഓരോരുത്തരും ഓരോ തിരക്ക് പിടിച്ച പണികളിലായിരുന്നു .
കുഞ്ചു കറിക്കുള്ളത് അരിയുന്നു , അമ്മു പാത്രങ്ങൾ കഴുകുന്ന ,അച്ഛമ്മ തോരനുള്ളത് അരിയുന്നു, കുഞ്ഞമ്മ അരി കഴുകി അടുപ്പിൽ കയറ്റുന്നു , ‘അമ്മ എന്നത്തെം പോലെ തിരക്കിട്ട് ഓടി പരക്കം പാഞ്ഞ് നടക്കുന്നു.
“ ഇന്നെന്നാ പണിക്കാരുണ്ടോ “
ആരോടെന്നില്ലാതെ അവൻ ചോദിച്ചു .എന്റെ ചോദ്യം കേട്ടതും കുഞ്ഞമ്മയും , അമ്മുവും എന്നെ തിരിഞ്ഞു നോക്കി, അതിന് മറുപടിയായി അച്ഛമ്മ ഒന്ന് മൂളി.
ഞാൻ മുറ്റത്തേക്കിറങ്ങി പല്ലുതേക്കുവാൻ തുടങ്ങി . രാവിലെതന്നെ ഒരു ഇളം കാറ്റ് എല്ലായിടത്തും വീശിയടിച്ച. ഒരു ഇലകൾ പോലുമില്ലാത്ത കുറ്റിച്ചൂലിന്റെ പാടുകൾ വീണ മണ്ണിലൂടെ നടന്ന് കിണറിന്റെ കരയിൽ ചെന്നു നിന്നു . അവിടെ നിന്നും നോക്കിയാൽ നിൽപാടം കാണാം . അവിടെ പണി എടുക്കുന്ന പണിക്കാരെയും .
പല്ല് തേച്ചുകൊണ്ടിരുന്നപ്പോൾ വാഴ തോട്ടത്തിൽ നിന്നും ചെറിയച്ഛൻ ഒരു കുലയും കൊത്തി കയറി വരുന്നുണ്ടായിരുന്നു. എന്നെ ഒന്ന് നോക്കി ചിരിച്ച് ചെറിയച്ഛൻ അടുക്കളയിലേക് പോയി .
പല്ലുതേച് കിണറ്റിൽ നിന്നും ഒരു തോട്ടി വെള്ളം കോരി വായും മുഖവും കഴുകി . ആ തണുത്ത കാറ്റിന്റെ കൂടെ തണുത്ത വെള്ളം മുഖത്ത് വീണപ്പോൾ മനസ്സിന് എന്തെന്നില്ലാത്ത ഒരു അനുഭൂതി . ചുറ്റിനും കാറ്റിന്റെ താളത്തിൽ ആടി ഉലയുന്ന ഇലകളുടെയും മരങ്ങളുടെയും , പക്ഷികളുടെയും കിളികളുടെയും ശബ്ദം മാത്രം .
കുറച്ച് നേരം ആ കിണറിന്റെ വക്കിൽ കയറി ചുമ്മാ ഇരുന്ന് ആ പ്രകൃതി ഭംഗി ആസ്വദിച്ചു നിന്നു.
“ ഡാ ചെക്കാ കിണറ്റിൻ വക്കത്തിരുന്ന് എന്തോ ആലോജിക്കുവാ “
അതിന് മറുപടിയായി ഒരു ചിരി മാത്രമാണ് ഞാൻ കുഞ്ഞമ്മയ്ക്ക് നൽകിയത് . കുഞ്ഞമ്മ അകത്തേക്ക് പോയപ്പോൾ ഞാൻ വീണ്ടും ഓരോന്നൊക്കെ ചിന്തിച്ചു. കുറച്ച് കഴിഞ്ഞപ്പോൾ കുഞ്ചു എന്റെ അടുത്തേക്ക് വന്നു .
“ ഏട്ടാ .”
“ഉം …”
“ ചായകുടിക്കുന്നില്ലേ “
“ഉം കുടിക്കാം “
“ നിങ്ങള് കഴിച്ചോ “
“ ഞാൻ കഴിച്ചു , അമ്മുചേച്ചി കഴിച്ചില്ല , ചേട്ടൻ വന്നിട്ടെ കഴിക്കുന്നുള്ളൂ എന്നാ പറഞ്ഞേ “
“ ഉം … “
“ ചേച്ചി പോകുന്നതിൽ വിഷമം ഉണ്ടല്ലേ എന്റെ ഏട്ടന് “
“ ഉം …”
കുഞ്ചു പിന്നീട് ഒന്നും ചോദിച്ചില്ല , കുറച്ച് കഴിഞ്ഞപ്പോൾ അമ്മു വന്നു ഞങ്ങൾക്കരികിലേക്ക് .
“ കഴിക്കുന്നില്ലേ “
“ കഴിക്കാം “
“ പിന്നെന്താ ഇവിടെ ഇരിക്കുന്നെ . വാ “
“ കുഞ്ചു മോള് പോയി ചായ എടുത്ത് വയ്ക്ക് ഞങ്ങളിപ്പോൾ വരാം “
“ ഉം .. ശെരി “
“ എന്താ അപ്പുവേട്ടാ “
“ ചെറിയമ്മേനെ വിളിക്കണം “
“ അമ്മേനെ എന്തിനാ ……. “
“ നീ വാ “
അപ്പു അവളുടെ കൈൽ പിടിച്ച് മുന്നിലൂടെ വീടിന്റെ അകത്ത് കയറി ഫോൺ വച്ച മുറിയിലേക്ക് ചെന്നു . അവൻ ഫോൺ എടുത്ത് അമ്മുവിന്റെ വീട്ടിലെ നമ്പർ ഡൈൽ ചെയ്തു .
“ ഹലോ … “
“ ഹലോ .. മുത്തശ്ശ ഞാൻ അപ്പുവാണ് ചെറിയമ്മയില്ലേ അവിടെ “
“ ആ .. അപ്പു ആ അവളിവിടെ ഉണ്ട് “
“ ഒന്ന് കൊടുക്കുവോ “
“ ആ കൊടുക്കാവേ “
“ ഹലോ ..”
“ കുഞ്ഞമ്മേ ഞാൻ അപ്പുവാ “
“ ആ പറയെടാ .”
“ കുഞ്ഞമ്മ എന്തിനാ അമ്മുനോട് ഇന്ന് തന്നെ വരാൻ പറഞ്ഞേ “
“ ആഹാ .. നീ ഇതറിയാൻ ആണോ വിളിച്ചെ , അത് അവൾക്ക് ക്ലാസ് തുടങ്ങാറായില്ലേ അതുകൊണ്ട് “
“ അവൾക്കും എനിക്കും ഒക്കെ ബുധനാഴ്ചയെ തുറക്കത്തുള്ളു , അതുകൊണ്ട് ചൊവ്വാഴിച്ചെ അവള് വരു കേട്ടോ “
“ അപ്പു … അതൊന്നും വേണ്ട മോനെ ഒരാഴ്ച ആയില്ലേ അവളവിടെ നിൽക്കുന്നു , ഇവിടേം പണി ഒക്കെ തുടങ്ങാറായി എനിക്കൊരു സഹായം വേണ്ടേ “
“ ഞാനൊരു കാര്യം തുറന്ന് ചോദിക്കട്ടെ “
“ഉം എന്താ ..”
“ ചെറിയമ്മയ്ക്ക് സ്വന്തം മോളെ വിശ്വാസം ഇല്ലേ . എന്റെ കാര്യം പോട്ടെ , സ്വന്തം മകളെ ചെറിയമ്മയ്ക്ക് വിശ്വാസക്കുറവുണ്ടോ ? “
“ എടാ അപ്പു അതൊന്നും ഇല്ല “
“ ഞാൻ ചോദിച്ചതിന് ചെറിയമ്മ മറുപടി താ “
“ എനിക്ക് അവളെ മാത്രമല്ല നിന്നേം വിശ്വാസമാണ് , അമ്മ വിളിച്ച് പറഞ്ഞപ്പോൾ എന്തായാലും സ്കൂൾ തുറക്കാൻ ആയില്ലേ ഇന്നാകുമ്പോ ഏട്ടനും അവിടുണ്ടാകും എന്നാ അവള് ഇങ് പൊന്നോട്ടെന്ന് പറഞ്ഞത് “
അപ്പുവിന് ഒന്നും പറയാൻ ഉണ്ടായിരുന്നില്ല .
“ നീയും വാ ഇന്ന് അവരുടെ കൂടെ ഇവിടെ അച്ഛനൊക്കെ ഉണ്ട് ഫോണിലൂടെ അതികം സംസാരിക്കാൻ പറ്റില്ല , നേരിട്ട് കാണുമ്പോൾ വിശദമായി പറയാം .”
“ ഉം … “
“ എന്നാ വയ്ക്കട്ടെ പണിക്കാരുണ്ടെടാ . അവിടെ ഉണ്ടോ ഇന്ന് “
“ ഉം.. “
“ ആ അമേനോടും ചേച്ചിയോടും ഷീജയോടും അന്വേഷണം പറഞ്ഞേക്ക് വൈകിട്ട് സമയം കിട്ടിയാൽ ഞാൻ വിളിക്കാം . ശെരിട്ടോ അപ്പു എന്നാലേ “
“ ഉം ശെരി “
ഫോൺ വച്ച് അപ്പു അമ്മുവിനെ നോക്കി , അമ്മു തിരിച് എന്താ എന്ന ഭാവത്തിൽ അവനെയും .
അവൻ ഒന്നും മിണ്ടാതെ നടന്നു
“ ഏട്ടാ വാ ചായ എടുത്ത് വച്ചു “
അവൻ ഊണ്മേശയിലേക്ക് നടന്നു അവന് പുറകെ അമ്മുവും , അവൻ കസേര വലിച്ച് അതിൽ ഇരുന്നു അമ്മു ഒരു പ്ലേറ്റ് അവന് മുന്നിൽ വച്ച് ദോശയും സാമ്പാറും അതിലേക്ക് ഒഴിച്ചുകൊടുത്തു, ഒരു ഗ്ലാസ് ചായയും കൊടുത്ത് അമ്മുവും അവന്റെ അരികിൽ ഇരുന്നു .
“ ‘അമ്മ എന്താ പറഞ്ഞേ . പ്രത്തേകിച്ചൊന്നും പറഞ്ഞില്ല . “
“ഉം ….. “
പിന്നെ പരസ്പരം ഒന്നും സംസാരിച്ചില്ല ചായ കുടിച്ച് കഴിഞ്ഞ് അമ്മു അവന്റെയും പാത്രവും എടുത്ത് അടുക്കളയിലേക്ക് പോയി .