“ഇന്നെന്താ വൈകിയേ “
“ ഉറങ്ങി പോയി മാധവേട്ടാ “
ഞാൻ ചെയറിൽ കയറി ഇരുന്നു . എന്റെ മുഖത്തെ വിഷമം കണ്ടിട്ടാവണം നാൻസിയെ അമ്പിളിയോ ആരും ഒന്നും ചോദിക്കാൻ നിന്നില്ല. ഉച്ചയായപ്പോൾ ഭക്ഷണം കഴിക്കാൻ അമ്പിളി വന്നു വിളിച്ചു.
“ഹരി ഭക്ഷണം……”
“നിങ്ങള് കഴിച്ചോ ഞാൻ എടുത്തില്ല “
“ ഞാൻ തരലോ വാ “
“വേണ്ട നിങ്ങള് കഴിച്ചോ . എനിക് ഒരു മൂടില്ല “
അമ്പിളി പിന്നെ ഒന്നും പറയാതെ നേരെ നാൻസിയുടെ അടുത്തേക്ക് ചെന്നു . കുറച്ച് കഴിഞ്ഞപ്പോൾ നാൻസി വന്നു.
“ ഡാ …വാ..”
“ എനിക് വിശപ്പില്ല കഴിച്ചോളൂ “
“നിന്നോട് വരാനാ പറഞ്ഞത് “
ശബ്ദം റ്റ്താഴ്ത്തി അല്പം ഗൗരവമായി പറഞ്ഞു .
ഞാൻ പതിയെ നാൻസിയുടെ പുറകെ മുകളിലേക്ക് നടന്നു .
“വാ ഇരിക്ക് . “
ഞാൻ ബെഞ്ചിൽ പോയി ഇരുന്നു . നാൻസി അവളുടെ പാത്രം തുറന്ന് അടപ്പിലേക്ക് കുറച്ച് ചോറ്‌ മാറ്റി ബാക്കി എനിക്ക് നീട്ടി .
“ എനിക്ക് വേണ്ട “
“ നീ കഴിക്ക്”
അതും പറഞ്ഞ് എന്നെ മൈൻഡ് ചെയ്യാതെ അമ്പിളിയുടെ പാത്രത്തിൽ നിന്നും എനിക് നീട്ടിയ പാത്രത്തിൽ നിന്നും കറി എടുത്ത് അവര് കഴിക്കാൻ തുടങ്ങി.
“ ഇതിന്ന് കുറച്ചൂടെ എടുത്തോ “
അവരത് മൈൻഡ് പോലും ചെയ്യാതെ അമ്പിളിയോട് സംസാരിച്ചു. അമ്പിളി അത് കണ്ട് ചെറുതായി ചിരിച്ചുകൊണ്ട് കഴിക്കാൻ തുടങ്ങി.
വച്ചു നീട്ടിയ ആഹാരം അവഗണിക്കുന്നത് മോശമായതുകൊണ്ട് ഞാനും കഴിക്കാൻ തുടങ്ങി. നാൻസിയുടെ അടപ്പിലെ ആഹാരം തീർന്നപ്പോൾ അമ്പിളി അവർക്ക് കുറച്ച് ഇട്ടുകൊടുത്തു.
“ഇതിന്ന് എടുത്തോ ഞാൻ കഴിക്കില്ല ഇത്രയും “
അവരതും മൈൻഡ് ചെയ്തില്ല .
മനസ്സ് ശാന്തമല്ലാത്തതുകൊണ്ട് ഞാൻ കുറച്ചുമാത്രമേ കഴിച്ചുള്ളൂ.
“ എനിക്ക് മതി ചേച്ചി “
ഞാൻ എഴുനേറ്റ് കൈകഴുകാൻ ചെന്നപ്പോൾ പാത്രത്തിൽ ബാക്കി ഉള്ള ചോറ്‌ ചേച്ചി കഴിച്ചുതീർത്തു. കൈ കഴുകി ഞാൻ ബെഞ്ചിൽ പോയി ഇരുന്നു. എനിക്ക് കുടിക്കാൻ അമ്പിളി വെള്ളം തന്നിട്ട് താഴേക്ക് പോയി .
ചേച്ചി കൈ കഴുകി എന്റെ അടുത്തേക്ക് വന്നു.
“ എന്താടാ എന്താ പറ്റിയെ നിനക്ക് “
“ ഏയ്‌ ഒന്നുല്ല ചേച്ചി “
“ അത് കള , നീ കാര്യം പറ ഹരി “
“ അവള് ,… അമ്മു ,…. അവള് തിരിച്ചു പോയി . “
“ ഓ… നിങ്ങള് തമ്മിൽ അത്രയ്ക്ക് ഇതിട്ടത്തിലാ “
“ ഈ ഒരു ഏഴുദിവസം ഒരു ഭർത്താവ് എന്നത് പോലെ എന്നെ നോക്കി . ഒരു ഭാര്യയുടെ സ്ഥാനത്ത് നിന്ന് എന്റെ എല്ലാ കാര്യങ്ങളും നോക്കി . സ്നേഹിച്ചു പരിചരിച്ചു ,ലാളിച്ചു , ശാസിച്ചു, എന്നെ പൊന്നുപോലെ നോക്കി “
എന്റെ കണ്ണുകൾ നിറഞ്ഞത് കണ്ടിട്ടാവണം ചേച്ചി ഒന്നും മിണ്ടാതെ നിന്നു.
“ കരയല്ലേടാ “
“ ഉം…. “
“ നിനക്കുള്ളത് തന്നെയല്ലേ അവള് പിന്നെന്നാ “
“ ശെരിയ … പക്ഷെ ഇത്രേം ദിവസം കൂടെ ഉണ്ടായിട്ട് പെട്ടന്ന് പോയപ്പോൾ “
“ നീ ഇത്രയ്ക് തൊട്ടാവാടി ആയിരുന്നോ . ഞാൻ കരുതി … “
ഞാൻ അവരെ ഒന്ന് നോക്കി .
“ പോയി മുഖം കഴുകി വാ “
ഞാൻ എഴുനേറ്റ് മുഖം കഴുകി താഴേക്ക് ചെന്നു . എന്നതേം പോലെ ആ ദിവസവും നീങ്ങി. വീട്ടിലേക്ക് പോയി . എന്റെ ഉള്ളിലെ വിഷമം പതിയെ കുറഞ്ഞു വന്നു . വീട്ടിലെത്തിയപ്പോൾ അമ്മുവിനെ ഫോൺ വിളിക്കാൻ തോന്നി . പിന്നെ ഒന്നും ചിന്തിച്ചില്ല നേരെ ചെറിയമ്മയുടെ വീട്ടിലേക്ക് വിളിച്ചു.
“ ഹലോ “
“ഹലോ”
“ഞാൻ അപ്പുവാണ് “
“ ആ അളിയാ എന്തുണ്ട് “
“ എന്തുണ്ടളിയ , എന്തെടുക്കുവാടാ “
“ഓ എന്നത് ഇങ്ങനെ ഇരിക്കുന്നു. പഠിക്കാൻ തുടക്കാനുള്ള തയ്യാറെടുപ്പ് “
“ഓഹോ അതൊക്കെ ഉണ്ടോ “
“എന്നാ ചെയ്യാനാ ചേച്ചി വന്ന് ചൊറിഞ്ഞോണ്ടിരിക്കുന്നെ “
“ഹ ഹ ഹ … ചെറിയമ്മ എന്തിയെ “
“ ‘അമ്മ അടുക്കളിയിലോ മറ്റോ ഉണ്ട് . വിളിക്കണോ “
“ ഏയ്‌ വേണൊന്നില്ല . അമ്മു എന്തിയെ നി അവൾക്ക് കൊടുക്ക് “
“ ഡി… ചേച്ചി നിനക്ക് ഫോൺ വാ….. നിങ്ങള് പോയതിനു ശേഷം എന്നാ കരച്ചിലായിരുന്നെന്നോ. രാവിലെ ഞാനും അമ്മയും നല്ലോണം കളിയാക്കി “
“ ഹ ഹ ഹ ഹ എന്നിട്ട് ഇപ്പൊ എങ്ങനുണ്ട് , “
“ ആ ഇപ്പൊ ഏതാണ്ടൊക്കെ ഒക്കെ ആയി . ആ അളിയാ ദേ ചേച്ചിക്ക് കൊടുക്കാവേ “
“ ആ ശെരിട “
“ ഹലോ അപ്പുവേട്ടാ “
“ ഡീ അമ്മൂട്ടി “
അവളുടെ സംസാരത്തിൽ വളരെയധികം സന്തോഷത്തിൽ ആയിരുന്നു കൂടെ ഞാനും
“ അപ്പുവേട്ടാ കോരങ്ങാ എന്തെടുക്കുവാ “
“ ഞാൻ ദേ കേറി വന്നേ ഉള്ളു . അപ്പൊ തോന്നി എന്റെ കെട്ടിയോളെ ഒന്ന് വിളിച്ചേക്കാന്ന് “
“ ആഹഹ നല്ല കാര്യം . ഞാൻ ഇങ്ങനെ ആലോചിച്ചിരിക്കുവായിരുന്നു വീട്ടിൽ വന്നു കാണുമോ കുളിച്ചു കാണുമോ എന്നൊക്കെ “
“ നീർക്കോലി “
“ നീ പോടാ തവളെ”
“മരപ്പട്ടി “
“ പോടാ അലവലാതി “
“ അമ്മിണി “
“ ആ ……”
“love യൂ “
“ തിരിച്ചും അങ്ങനൊക്കെ തന്നെ “
“ ഏ… നേരെ പറ അമ്മു “
അമ്മു അല്പം ശബ്ദം താഴ്ത്തി
“ അച്ഛച്ഛൻ അടുത്തുണ്ടെടാ പട്ടി “
“ ഓ എന്നാ പോട്ട് . പിന്നെ ഇന്നലെ എന്നാ കരച്ചിലാടി കരഞ്ഞെ “
“ ഓ അത് സങ്കടം സഹിക്കാൻ വയ്യാഞ്ഞിട്ടല്ലേ “
“എന്നാലും അയ്യയ്യേ നാണക്കേട് “
“ അയ്യോടാ … ഇവിടന്ന് വണ്ടിയും എടുത്ത് പോയിട്ട് ആ റോഡിൽ വച്ച് മോൻ പൊട്ടി പൊട്ടി കരഞ്ഞപ്പോ നാണം ഉണ്ടായിരുന്നോ ആവോ “
“ ഏ 😳 ….നീ ഇതെങ്ങനെ അറിഞ്ഞു . ‘അമ്മ വിളിച്ചിരുന്നു മോനെ ഉച്ചയ്ക്ക് എന്നെ . അപ്പൊ കുഞ്ഞമ്മ പറഞ്ഞു . കുഞ്ഞിപിള്ളേരെ പോലെ കാരച്ചിലാരുന്നു എന്ന് .”
“ ഈ……….”
“ ഹും … എന്നിട്ടാ എന്നെ കളിയാക്കാൻ വരുന്നേ . ലോലൻ “
“ ലോലൻ നിന്ടെ അച്ഛൻ “
“ നോ അച്ഛന്റെ മരുമോൻ . കൂതറയായ ലോലൻ .”
“ ഓ … “
“ ഇന്ന് എങ്ങാനുണ്ടായിരുന്നു “
“ സത്യം അമ്മു നീ ഇല്ലാതെ ആകെ മടുത്തുപോയി . വെറുത്തുപോയി “
“ ഹും … അപ്പൊ ഞാൻ ഇല്ലേൽ ഭയങ്കര വിഷമം ആണല്ലേ “
“ നീ ഇല്ലാതെ പറ്റില്ലല്ലോ എനിക്ക് “
“ ഹും .. കഴിച്ചോ “
“ ഇല്ല … വന്നേ ഉള്ളു “
“ എന്നാ പോയി കുളിക്കെടാ ലോല “
“ പോടി പട്ടി “
“ ദേ അച്ഛൻ വരുമ്പോ വരണോട്ടോ . “
“ തീർച്ചയായും “
“ ആ എന്നാ പോയി കുളിക്ക് എന്റെ ചക്കര കെട്ടിയോൻ “
“ ശെരി കെട്ടിയോളെ “
“ ടാറ്റാ “
“ ടാറ്റാ “
അപ്പു കോൾ കട്ട് ചെയ്ത് കുളിക്കാൻ പോയി . കുളി കഴിഞ്ഞ് ആഹാരവും കഴിച് മുകളിലേക്ക് പോയി കുറച്ചുനേരം കുഞ്ചുവിനോടും കുഞ്ഞമ്മയോടും കത്തിയടിച് ഉറങ്ങാൻ പോയി .
