ഞങ്ങളെ എല്ലാവർക്കും അറിയുന്നത് കൊണ്ട് ചെറിയ തോതിലൊരു ഞെട്ടൽ മാത്രമേ മറ്റുള്ളവരിൽ ഉണ്ടായുള്ളൂ പക്ഷെ ഞാൻ നന്നായി ഞെട്ടി തരിച്ചു നിന്നു .
ചെറിയമ്മയെ നോക്കിയപ്പോൾ ചെറിയമ്മയുടെ കണ്ണുകൾ നിറഞ്ഞിരുന്നു . ഞാൻ ഒന്നും മിണ്ടാതെ മുട്ടിലേക്ക് നടന്നു . ഓരോ ചുവട് വയ്ക്കുമ്പോഴും എന്റെ ഉള്ളിലെ സങ്കടം അണ പൊട്ടി പൊട്ടി വരാൻ തുടങ്ങി . മുന്നിൽ കയറി ഞാൻ എന്ടെ വിഷമത്തെ കടിച്ചമർത്തി വണ്ടി സ്റ്റാർട്ട് ചെയ്തു .
ഓരോരുത്തരായി കയറി . ചെറിയച്ഛനാണ്എന്റെ കൂടെ നിന്നത് , എല്ലാവരും കയറിയതും ഞാൻ വണ്ടി മുന്നോട്ടെടുത്തു.
ആ വീടിന്റെ മുറ്റവും കടന്ന് , കമുങ്ങിൻ തൊപ്പിൻ ഇടയിലെ പാതയിലൂടെ മുന്നോട്ട് പോയി . മെയിൻ റോഡിൽ കയറിയതും ഞാൻ ജീപ്പ് സൈഡിലേക്ക് ഒതുക്കി ഓഫ് ആക്കി ഒന്നും മിണ്ടാതെ വണ്ടിയിൽ നിന്നും ഇറങ്ങി , സൈഡിൽ വണ്ടിൽ തലവച് എന്റെ ഉള്ളിലെ സങ്കടങ്ങളുടെ കൂട് തുറന്നുവിട്ടു .
ഞാൻ അവിടെ നിന്ന് പൊട്ടി കരഞ്ഞു . എന്റെ പെട്ടന്നുള്ള പ്രവർത്തി കണ്ട് ചെറിയച്ഛൻ വണ്ടിയിൽ നിന്നും ഇറങ്ങി ഓടി വന്നു .
“ ഡാ അപ്പു എന്താടാ എന്താടാ ഇത് “
കുഞ്ഞമ്മയും പെട്ടന്ന് പുറകിൽ നിന്നും ഇറങ്ങി വന്നു.
കുഞ്ഞമ്മ ഒന്നും ചോദിക്കാതെ എന്നെ താങ്ങി പിടിച്ച് പുറകിലേക്ക് കൊണ്ടുപോയി
“ കേറ് .. കേറപ്പു”
ഞാൻ വിതുമ്പികൊണ്ട് വണ്ടിക്കകത്തേക്ക് കയറി . ഞങ്ങൾ കയറിയതും ചെറിയച്ഛൻ മുന്നിൽ കയറി വണ്ടി സ്റ്റാർട്ട് ചെയ്ത് വീട്ടിലേക്ക് പുറപ്പെട്ടു.
ഞാൻ കുഞ്ഞമ്മയുടെ മടിയിൽ തവലച്ചു കിടന്ന് എന്റെ ഉള്ളിലെ സങ്കടം തീർത്തുകൊണ്ടിരുന്നു .
“ അവള് കരഞ്ഞുകൊണ്ട് ഓടി പോയപ്പഴേ ഞാൻ പ്രദീക്ഷിച്ചതാ ഇവന്റെ കരച്ചിൽ “
ആരോടെന്നില്ലാതെ കുഞ്ഞമ്മ പറഞ്ഞു. ആരും ഒന്നും മിണ്ടിയില്ല . എന്റെ ഉള്ളിലെ സങ്കടം എനിക് നിയന്ത്രിക്കാൻ പറ്റിയിരുന്നില്ല. അത് അണപൊട്ടി ഒഴുകിക്കൊണ്ടേ ഇരുന്നു . കുഞ്ഞമ്മ എന്റെ മുടിയിൽ വാത്സല്യത്തോടെ തഴുകിക്കൊണ്ടേ ഇരുന്നു .
“ അപ്പു എണീക്ക് വീടെത്താറായി “
കുഞ്ഞമ്മ എന്നെ തട്ടി വിളിച്ചു. എന്റെ സങ്കടം ഒരു പരിദിയോളം കുറഞ്ഞിരുന്നു. ഞാൻ നേരെ ഇരുന്ന് കണ്ണുകൾ തുടച്ചു. വീട്ടിൽ വണ്ടി നിർത്തിയപ്പോൾ കുഞ്ചു ഡോർ തുറന്നിറങ്ങി പുറകെ പിള്ളേരും ഇറങ്ങി അതിന് ശേഷം ഞാനും കുഞ്ഞമ്മയും.
ഞാൻ ഒന്നും മിണ്ടാതെ നേരെ മുകളിലേക്ക് കയറി . എന്റെ മുഖം കണ്ടിട് അച്ഛമ്മ ചോദിച്ചു
“ അപ്പുനെന്താ പറ്റിയെ “
ഞാൻ ഒന്നും മിണ്ടാതെ കയറി പോയി പുറകെ വന്ന കുഞ്ഞമ്മ പറഞ്ഞു .
“ പോരാൻ നേരം അവള് കരച്ചിലും പിഴിച്ചിലും അത് കണ്ട് ഇവനും കരഞ്ഞു .”
അത്ര മാത്രമേ ഞാൻ കേട്ടുള്ളൂ. ഞാൻ മുറിയിൽ കയറി കതകടച് കിടന്നു . എന്റെ മനസ്സിൽ അമ്മു മാത്രമേ ഉണ്ടായിരുന്നുള്ളു. അവളുടെ ഓർമകളിലൂടെ നടന്ന് പതിയെ ഉറക്കത്തിലേക്ക് വീണു.
ഡോറിൽ ഉണ്ടായ മട്ട് കേട്ടാണ് ഉണർന്നത് ഞാൻ പതിയെ ഡോർ തുറന്നു.
“ എന്നാ കിടത്തമാടാ ഇന്ന് കടയിൽ പോണില്ലേ “
“ ചെറിയച്ഛൻ എന്തിയെ “
“പോകാൻ നോക്കുന്നു “
“ചെറിയച്ഛനോട് പൊക്കോളാണ് പറഞ്ഞേക്ക് കുഞ്ഞേ ഞാൻ ബസ്സിൽ പൊക്കോളാം “
“ ആ ശെരി ഇനിയും കയറി കിടന്നെക്കല്ല് എനിക്കിനി മുകളിലേക്ക് കയറി വന്ന് വിളിക്കാനൊന്നും വയ്യ “
“ ഉം … ഇല്ല “
ഞാൻ വീണ്ടും മുറിക്കുള്ളിലേക്ക് കയറി രാവിലെ വല്ലാത്തൊരു ഒറ്റപ്പെടൽ . ഏകാന്തത . കുറച്ചു നേരം കൂടി കിടന്നു . ചെറുതായൊന്ന് മയങ്ങി വീണ്ടും ഡോറിൽ ആരോ മുട്ടുന്നു. എഴുനേറ്റ് ചെന്ന് വാതിൽ തുറന്നപ്പോൾ മുത്തശ്ശിയായിരുന്നു.
“ എന്താ അപ്പുവേ കടയിലേക്കൊന്നും പോണില്ലേ നീ “
“ ഉണ്ട് …”
“ ഇനി എപ്പഴാ . സമയം പത്താകാറായി. പോ പോയി പല്ലുതേച് കുളിച്ചെച് വന്നേ , ചെല്ല് “
ഞാൻ പതിയെ താഴേക്ക് ഇറങ്ങി. ബ്രഷും എടുത്ത് കുളത്തിൽ പോയി ഇരുന്നു . ആകെ ഒരു മൂകത കുറെ നേരം അവിടെത്തന്നെ ഇരുന്നു . പിന്നെ പല്ലും തേച് കുളിയും കഴിഞ്ഞ് വീട്ടിലേക് ചെന്നു.
“അമ്മേ ഷർട്ട് എവിടെ “
കുറച്ച് കഴിഞ്ഞപ്പോൾ കുഞ്ചു ഒരു ഷർട്ടും പാന്റും കൊണ്ടുവന്നു