” ശ്യാമേട്ടാ …ആഹാരം കഴിക്കാന്‍ വാ “
” ഞാന്‍ പുറത്തൂന്നു കഴിച്ചു മനു ..നിങ്ങള്‍ കഴിച്ചു കിടന്നോളൂ”
അപ്പുറത്ത് ഫോണ്‍ കട്ടായപ്പോള്‍ ശ്യാം തിരികെ മുറിയിലെത്തി , തറയില്‍ നീണ്ടു നിവര്‍ന്നു കിടന്നു ….
രണ്ടു മിനുട്ട് കഴിഞ്ഞപ്പോള്‍ മനു മുകളിലേക്ക് കയറി വന്നു
“ശ്യാമേട്ടാ , വന്നു കൈ കഴുക്”
‘ മനു ഞാന്‍ കഴിച്ചതാ “
” ഹും …അതെനിക്കറിയാം ….നിങ്ങള്‍ കഴിച്ചിട്ടില്ലന്നു ….താഴെ ഒരാള്‍ പട്ടിണി കിടക്കുമ്പോള്‍ ശ്യമേട്ടന് കഴിക്കാന്‍ പറ്റുമോ ?”
ശ്യാം പെട്ടെന്നെഴുന്നേറ്റു അവള്‍ക്കൊപ്പം താഴെയെത്തി …
മനു ഡൈനിങ്ങ്‌ ടേബിളില്‍ നിന്നും കാസറോളില്‍ ചപ്പാത്തിയും ചിക്കന്‍ കറിയും പ്ലേറ്റില്‍ വിളമ്പി അവനു നീട്ടി
” അമ്മയെ കൊണ്ട് കഴിപ്പിച്ചിട്ടു വന്നാല്‍ മതി “
ശ്യാം അതും വാങ്ങി തലേന്നത്തെ മുറിയിലെത്തി . ചിത്ര അപ്പോഴും കട്ടിലില്‍ കമിഴ്ന്നു കിടക്കുവാരുന്നു ….മനു ഒരു ജഗ്ഗില്‍ വെള്ളവുമെടുത്തു അങ്ങോട്ട്‌ വന്നു
ശ്യാം അത് വാങ്ങി , അവളോട്‌ പൊക്കോളാന്‍ പറഞ്ഞു
ശ്യാം ചിത്രയുടെ അരികിലിരുന്നു , പുറത്തു തലോടി ..
” ചിത്രേച്ചി …..എഴുന്നെറ്റെ”
ചിത്ര ചെരിഞ്ഞവനെ നോക്കി വിങ്ങി പൊട്ടി “
” ദെ …..എഴുന്നേറ്റു ഇത് കഴിക്ക് ….മോള്‍ക്ക് വേണ്ടിയല്ലേ ചിത്രേച്ചി ജീവിക്കുന്നെ ….അവള് ഒരല്പം ഡെസ്പായി..പക്ഷെ ഇപ്പൊ നോക്കിക്കേ ….ഞാന്‍ എല്ലാം പറഞ്ഞു അവളോട്‌ …എല്ലാം ..ഇനി ഒരിക്കലും അവളമ്മയെ കുറ്റപെടുത്തില്ല “
പെട്ടന്ന് ചിത്ര പൊട്ടി കരഞ്ഞു, ശ്യാം അവളെ പൊക്കിയെടുത്തു നെഞ്ചോട്‌ ചേര്‍ത്തു
” ദെ …എന്റെ പൊന്നല്ലേ …കരയല്ലേ ..ചിത്രേച്ചി……ഞാന്‍ കാരണമല്ലേ …..എല്ലാം …കരയല്ലേ ചിത്രേച്ചി “
പെട്ടന്ന് ചിത്ര അവനെ നോക്കി ചോദിച്ചു
” ശ്യാമേ ….നിനക്ക് …നിനക്കവളെ കല്യാണം കഴിക്കാമോ …എനിക്ക് വേണ്ടി ……”
” ചിത്രേച്ചി !!!!!!!!!!!! “
” അവള്‍ക്കു നിന്നെ ഇഷ്ടമയിരുന്നെടാ ശ്യാമേ ….ഞാന്‍ ….ഞാന്‍ കാരണം ….നീ …നീയന്നു പറഞ്ഞതല്ലേ ….അവളെ കെട്ടാമെന്ന്” ചിത്ര അവന്റെ മുഖം തനിക്കു നേരെ തിരിച്ചു
” എനിക്കൊന്നു അവളോട്‌ സംസാരിക്കണം ‘
” ചെല്ല് …..സംസാരിച്ചിട്ടു വാ ….പൊ ശ്യാം …..”
ശ്യാം മനുവിന്റെ അടുത്തേക്ക് ചെന്നു…. ടിവി ഓണാക്കി വെച്ചിട്ടുണ്ടെങ്കിലും മനുവിന്റെ നോട്ടമോ ശ്രദ്ധയോ അതില്‍ അല്ലായിരുന്നു
‘ മനു ‘ ശ്യാം മറ്റൊരു ചെയര്‍ അവള്‍ക്കരികില്‍ വലിച്ചിട്ടിരുന്നു
‘ ശ്യാമേട്ടാ ……ശ്യമേട്ടന് പറയാന്‍ പോകുന്നത് എനിക്കറിയാം …..ഞാന്‍ ഒരിക്കലും ഒരു കളിപ്പാട്ടത്തിന് പോലും അമ്മയെ ശല്യം ചെയ്തിട്ടില്ല ….അര്‍ഹിക്കാത്തത്‌ ആഗ്രഹിച്ചിട്ടും ഇല്ല …..എനിക്കറിയേണ്ടത് എന്നെ കല്യാണം കഴിക്കാന്‍ ശ്യമേട്ടന് ഇഷ്ടമാണോ എന്ന് മാത്രമാണ് ‘
” മോളെ ….നിന്നെ പോലൊരു പെണ്ണിനെ കിട്ടാന്‍ പുണ്യം കിട്ടണം ……സുന്ദരി …നല്ല സ്വഭാവം ‘
‘ അതൊന്നും എനിക്കറിയണ്ട ..ശ്യാമേട്ടാ ..എനിക്ക്……”
‘മനു ….ട്രാന്‍സ്ഫറിനു നോക്കുവാണ്… നിന്നെ വിവാഹം കഴിക്കുന്നത് എനിക്ക് യാതൊരു ഇഷ്ടക്കെടുമില്ല ….പക്ഷെ …ചിത്രേച്ചി ..ഇവിടെ ഉള്ളിടത്തോളം കാലം ….ഞാന്‍ “
” ശ്യാമേട്ട ….എനിക്കത് കേട്ടാല്‍ മതി …..ശ്യാമേട്ടന്റെ വീട്ടില്‍ ?’
‘ അച്ഛന്‍ ഒരു പക്ഷെ എതിര്‍ത്തേക്കാം …പക്ഷെ …അമ്മ …അമ്മ എന്റെ കൂടെ നില്‍ക്കും ….അതെനിക്ക് ഉറപ്പാണ്”
‘ ശ്യാമേട്ട …..ഉടനെ …പറ്റുന്നിടത്തോളം നേരത്തെ എന്നെ രെജിസ്ടര്‍ ചെയ്യാന്‍ പറ്റുമോ ?”
” മനു ..നീ ?’
” ഞാന്‍ നല്ലവണ്ണം ആലോചിച്ചു…വിവാഹം ഞങ്ങള്‍ക്ക് വിളിക്കാന്‍ ആരുമില്ല …ശ്യാമേട്ടന്റെ വീട്ടില്‍ എതിര്‍പ്പില്ലെങ്കില്‍ അമ്പലത്തില്‍ വെച്ചു പിന്നെ താലി കെട്ടാം”
ശ്യാം ഒരു മിനുറ്റ് മിണ്ടാതെ ഇരുന്നു …എന്നിട്ട് മുകളിലേക്ക് പോയി
അര മണിക്കൂറിനകം അവന്‍ താഴെയിറങ്ങി വന്നവളോട് പറഞ്ഞു
‘ എന്‍റെയൊരു ഫ്രണ്ടിന്റെ ചേട്ടന്‍ ആണിവിടുത്തെ റെജിസ്ട്രാര്‍…..അവന്‍ പുള്ളിയെ വിളിച്ചു പറഞ്ഞു ..നാളെ പതിനൊന്നു കഴിയുമ്പോ അവിടെ എത്താന്‍ പറഞ്ഞു ….രണ്ടു സാക്ഷികള്‍ വേണം … ജയചെച്ചി വരും ….മനുവിന്റെ കൂട്ടുകാര്‍ ആരെങ്കിലും തന്റെ സൈഡില്‍ നിന്നു’
പെട്ടന്ന് മനു ചാടിയെണീറ്റ് അവന്റെ കവിളില്‍ ചുംബിച്ചു
” രണ്ടല്ല ..രണ്ടായിരം സാക്ഷികളെ ഉണ്ടാക്കും ഞാന്‍ ..”
അവള് ഫോണെടുത്തു അപ്പുറത്തെ മുറിയിലേക്ക് കയറി …അല്‍പ നേരം കഴിഞ്ഞു ചിത്രയുടെ അടുത്തേക്ക് കയറി പോകുന്നത് കണ്ടു …വീണ്ടുമല്‍പ നേരം കൂടി കഴിഞ്ഞപ്പോള്‍ അവള് ചിത്രയെയും കൂട്ടി ഇറങ്ങി വന്നു …ചിത്ര വാഷ്‌ ബേസിനില്‍ വന്നു മുഖം കഴുകി ചപ്പാത്തി തിന്നാനിരുന്നു… മനുവിന്റെ മുഖം സന്തോഷ ഭരിതമായിരുന്നു
”””””””””””””””””””””””””””””””””””””””””””””””””””””””’
പിറ്റേന്ന് മനുവും മറ്റൊരു പെണ്ണും കൂടി പതിനൊന്നു മണിക്ക് മുന്‍പേ രേജിസ്ട്രാര്‍ ഓഫീസില്‍ വന്നു ..ജയയും ശ്യാമും വേറൊരാളും കൂടി അവിടെ നേരത്തെ വന്നു എല്ലാം ചെയ്തിരുന്നു . ജയയെ കണ്ട പാടെ മനു അവളോട്‌ വര്‍ത്തമാനം പറയാന്‍ തുടങ്ങി . അവിടുത്തെ കാര്യങ്ങള്‍ തീര്‍ത്ത ശേഷം അവര്‍ പുറത്തേക്കിറങ്ങി .ശ്യാമിന്റെ ഫ്രന്റ്‌ വിളിച്ചു പറഞ്ഞത് കൊണ്ട് എല്ലാ കാര്യങ്ങളും പെട്ടന്ന് റെഡിയായി .ഇനി വേണ്ടത് അവര്‍ ചെയ്തു കൊള്ളും .ഒരു മാസം കഴിഞ്ഞു വന്നാല്‍ മതി ….
മനുവും കൂട്ടുകാരിയും കൂടി ബാങ്കിലേക്ക് തന്നെ പോയി ..ചിത്രയും ശ്യാമും ഓഫീസിലേക്കും .
വൈകുന്നേരം ആറു മണിയോടെയാണ് ശ്യാം വീട്ടിലെത്തിയത് . അവന്‍ മൊബൈല്‍ ഒക്കെ നോക്കി യതിനു ശേഷം താഴേക്കിറങ്ങി
മനു അവനെ കണ്ടു ചിരിച്ചു …ചിത്ര അടുക്കളയിലായിരുന്നു
” ശ്യാമേട്ടാ …..ഞാന്‍ വിളിക്കാനിരിക്കയായിരുന്നു …അമ്മെ …ദെ …ശ്യമേട്ടന് വന്നു ‘
” വരുന്നു മോളെ …കറിയൊന്നു ചൂടാക്കിയിട്ടു അപ്പം ചൂടോടെ ചുട്ടു തരാം “
ശ്യാം അടുക്കളയിലേക്കു കയറി ചെന്ന് .. ഒരു സൈഡില്‍ കറി ചൂടാക്കാന്‍ വെച്ചിരിക്കുന്നു .. അപ്പുറത്ത് തവ ചൂടാകാന്‍ വേണ്ടി വെച്ചിരിക്കുന്നു …ആദ്യത്തെ അപ്പം ചുട്ടതും ശ്യാം പ്ലേറ്റില്‍ അത് വാങ്ങി സ്ലാബിലേക്ക് കയറിയിരുന്നു . അപ്പോഴേക്കും മനുവും അങ്ങോട്ട്‌ വന്നു .അവളെ കണ്ട ശ്യാം നീങ്ങിയിരുന്നു …. മനു അവനോടു ചേര്‍ന്നു തന്നെയാണ് ഇരുന്നത് …അടുത്ത അപ്പം മനുവിന് കൊടുത്ത ശേഷം അടുത്തത് ശ്യാമിന്റെ പത്രത്തിലേക്ക് ഇട്ടപ്പോള്‍ മനു അത് പ്ലേറ്റില്‍ നിന്നെടുത്തു ..
” എടി ..അങ്ങോട്ട്‌ കൊടുക്കടി …നിനക്കിനിയത്തെ തരാം “
” വേണ്ട ,,,ഞാന്‍ അവള് കഴിക്കട്ടെ ചിത്രേച്ചി”
ശ്യാം പറഞ്ഞതും മനുവിന്റെ പ്ലേറ്റ് സഹിതം പിടിച്ചെടുത്തതും ഒപ്പമായിരുന്നു ..ചിത്ര അത് കണ്ടു ചിരി തുടങ്ങി …മനു പെട്ടന്ന് ചമ്മല്‍ മറക്കാന്‍ വേണ്ടി അവന്റെ കയ്യിലിരുന്ന പ്ലേറ്റില്‍ നിന്നു അപ്പം മുറിച്ചു തിന്നാന്‍ തുടങ്ങി
