ശ്യാം കൊടുങ്കാറ്റു പോലെ മുകളിലേക്ക് കയറി പോയി …കുറച്ചു കഴിഞ്ഞപ്പോള് ഗേറ്റ് വലിച്ചടക്കുന്ന ശബ്ദം കേട്ട് അവള് ഓടി വന്നു വാതില് തുറന്നു …..റോഡില് ടയറുകള് കത്തികരിയുന്ന ശബ്ദവും മണവും….
ചിത്ര തലയില് കൈവെച്ചു നടയില് ഇരുന്നു പോയി
”””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””””
സാറെ …..സാറെ …’
വാതിലിലുള്ള മുട്ട് കേട്ട് ശ്യാം പതുക്കെ എഴുന്നേറ്റു വാതില് തുറന്നു
‘ എന്താടാ ?”
വാതില്ക്കല് നില്ക്കുന്ന പയ്യനോട് ശ്യാം കയര്ത്തു
” സാറ് രാവിലേം ഒന്നും കഴിക്കാന് പോയി കണ്ടില്ല ….മാനേജര് പറഞ്ഞു ഒന്ന് പോയി നോക്കാന് ‘
!! ശെരിയാ ..നല്ല വിശപ്പുണ്ട് ..പക്ഷെ ഒന്നും കഴിക്കാന് തോന്നുന്നില്ല …നല്ല തലവേദനയും പനിയും !!
നീ പോയി ഒരു കുപ്പിയും കോളയും വാങ്ങീട്ടു വാ ..”
ശ്യാം ഹാങ്ങറില് തൂക്കിയിട്ട ഷര്ട്ടില് നിന്നു പൈസ എടുത്തു കൊടുത്തു ..പയ്യനതും വാങ്ങി പോയി
അല്പ നേരം കഴിഞ്ഞപ്പോള് വാതില്ക്കല് ഒരു ശബ്ദം ….
” ശ്യാം സാറെ ..എന്നാ പറ്റി …..വന്ന അന്ന് മുതല് അടിയാണല്ലോ…..എന്തെങ്കിലും പ്രശ്നമുണ്ടോ ?”
ലോഡ്ജു മാനേജര് ആണ് …പാലക്കാടു വല്ല മീറ്റിങ്ങിനും ഒക്കെ വന്നാല് തങ്ങുന്ന ഹോട്ടല് ആയതു കൊണ്ട് അവനെ അയാള്ക്ക് നന്നായി അറിയാം
‘ ഹേയ് ഒന്നുമില്ല ‘ അപ്പോള് ആ പയ്യന് വന്നു ..ബോട്ടിലും ഒരു പെപ്സി ബോട്ടിലും മറ്റൊരു പൊതിയും മേശപ്പുറത്തു വെച്ചു
‘ ബിരിയാണിയാ സാറെ …വല്ലതും കഴിക്ക് ..ഈ ചെറു പ്രായത്തില് വെറുതെ ശരീരം കളയണ്ട’ പറഞ്ഞിട്ട് അയാള് പോയി …..
ശ്യാം എഴുന്നേറ്റ് ബോട്ടില് തുറന്ന് മുക്കാല് ഗ്ലാസ്സോളം ബ്രാണ്ടി എടുത്തോഴിച്ചു
നാലു ദിവസം മുന്പ് ഇവിടെ വന്ന അന്ന് രാത്രിയാണ് ആദ്യമായി ഹോട്ട് അടിക്കുന്നത് ..പണ്ട് പഠിച്ചിരുന്ന കാലത്ത് കൂട്ടുകാരുടെ ഒപ്പം ബിയര് അടിച്ചിട്ടുണ്ട് .
ഗ്ലാസിലെ ബ്രാണ്ടി ഒറ്റ വലിക്കു കുടിച്ചു അവന് വീണ്ടും ബെഡിലെക്ക് കിടന്നപ്പോള് പുറത്തു എന്തോ കൊണ്ട് കയറി …കയ്യെത്തിച്ച് നോക്കിയപ്പോള് ഫോണ്
തലയിണയുടെ അടിയില് വെച്ചതാണ് ..സ്വിച്ച് ഓണ് ആക്കണോ …വന്ന അന്ന് ഒഫാക്കിയതാണ്………….ചാര്ജുണ്ടോ എന്നറിയില്ല ,,,,ചാര്ജറും കൊണ്ട് വന്നില്ല …. ഓണാക്കാന് തോന്നിയില്ല …ആരെയും വിളിക്കാനും സംസാരിക്കാനും ….ഒറ്റ ദിവസം കൊണ്ട് ആരുമില്ലതായവന് താന്!!!
ശ്യാം വീണ്ടും ഇവിടെ വന്നത് മുതലുള്ള കാര്യങ്ങള് ചിന്തിച്ചു
ആദ്യം പോയത് …..ഹോസ്പിറ്റലിലേക്ക് ….പിന്നെ പഞ്ചായത്ത് …പിന്നെ അച്ഛനും അമ്മയും …….താമസിച്ചിരുന്ന വീടിന്റെ അടുത്ത് …അവിടെ വെച്ചാണ് അവന് അച്ഛന്റെ പഴയ സ്വഭാവത്തെ പറ്റി അറിയുന്നത് ……അമ്മയെ ഇറക്കി വിട്ടപ്പോള് അവരാണ് പോലും വണ്ടിക്കൂലി കൊടുത്തു നാട്ടിലേക്കു പറഞ്ഞു വിട്ടതെന്ന് ഗതി കേട്ടാണ് തൻറെ അമ്മയന്ന് ഇറങ്ങി പോയതെന്ന് …കരഞ്ഞു വിളിച്ചിട്ടും ആ മഴയത്തു സ്വന്തം കുഞ്ഞിനെ ഒരു നോക്ക് പോലും കാണാൻ അനുവദിക്കുക പോലും ചെയ്തില്ലെന്ന് …പിന്നെ തന്നെ നോക്കാന് ഒരു വേലക്കാരിയെ നിര്ത്തി …..സ്വഭാവം കാരണം ആരും നില്ക്കാതെ ആയപ്പോള് ആണ് ശ്രീകലയെ കെട്ടിയത് …..മനോജ് എന്ന തന്റെ പേര് പോലും മാറ്റി ട്രാന്സ്ഫറും വാങ്ങി വയനാട്ടിലേക്ക് …കുടിച്ചു മദിച്ചു കഴിയുന്ന അയാള്ക്ക് ..തന്റെ അച്ഛന് ട്രാന്സ്ഫര് ചോദിക്കാതെ തന്നെ വയനാട്ടിലേക്ക് കിട്ടിയേനെ ………….മൂന്നര വയസ് പ്രായത്തില് തനിക്കു ഓര്മ വന്നില്ലേ പോലും ..അമ്മയെയും വളര്ത്തമ്മയെയും തിരിച്ചറിയാന് …ഓര്മ്മിക്കാന് ……പിന്നെ എപ്പോളാണ് അച്ഛന് കുടി നിര്ത്തിയത് ? കുടിച്ചാലും കുടിച്ചില്ലെങ്കിലും അയാള് ഒരു പോലെ തന്നെ …..അമ്മയെ ഇറക്കി വിട്ട ദ്രോഹി ………ഏതമ്മ?…….അമ്മ ….പെറ്റത് കൊണ്ട് മാത്രം അമ്മയകില്ലല്ലോ .. ചിത്രയെ കുറിച്ചോര്ത്തതും അവന്റെ മനസ് വിവിധ വികാരങ്ങളാല് വിക്ഷുബ്ധമായി…….