ആരും കാണാതെ ബാഗിൽ ഒളിപ്പിച്ച പ്ലാസ്റ്റിക് കവറും റേഷൻ കാർഡും എടുത്തു കടക്കാരനു കൊടുത്ത ശേഷം അവൾ വീണ്ടും ചുറ്റിലും നോക്കി….
രണ്ട് മുറികൾ ആണ് റേഷൻ കടയുള്ള കെട്ടിടത്തിനു… ഒന്നിൽ അയാളുടെ ഭാര്യയുടെ പേരിൽ റേഷൻ കട…. തൊട്ടടുത്ത്, അയാളുടെ തന്നെ പലചരക്കു കട…..
“അയ്യോ മോളേ…. ഇനി നാല് മണിക്കേ തുറക്കൂലോ… കണ്ടില്ലേ ബോർഡ്…”
അപ്പോളും മുഴുവനായി അടഞ്ഞിട്ടില്ലാത്ത ഷോപ്പിൽ നിന്ന് അയാൾ പറഞ്ഞപ്പോൾ അവൾ നിരാശയോടെ തലയാട്ടി…
“ന്നാലും മോൾക്ക് വേണ്ടി ഞാൻ തരാം…. ആ കവറും കാർഡും തന്നേ…..”
അവളാ കാർഡ് നീട്ടിയപ്പോൾ കയ്യിൽ ഉരസി കൊണ്ടാണ് അയാൾ അത് വാങ്ങിയത്….
നല്ല ഫിനാൻഷ്യൽ ബാക്ക്ഗ്രൗണ്ട് ഉണ്ടായിരുന്ന കുട്ടി ആയിരുന്നു സോന…. പക്ഷേ എങ്ങനെ എന്ന് അറിയില്ല… അവളുടെ അച്ഛൻ നടത്തിയ ധനകാര്യസ്ഥാപനം പൊളിഞ്ഞു… എങ്ങനെ എന്ന് അന്വേഷിക്കാൻ നിൽക്കാതെ അച്ഛൻ ഒരു കുപ്പി മരുന്ന് ചിലവാക്കി… ശേഷം അമ്മയും സോനയും മാത്രം….
അധികം വൈകാതെ വീട് വിറ്റ് കടങ്ങൾ ഒരു വിധം ഒതുക്കി…. പതിയെ ജീവിതത്തിലേക്ക് തിരിച്ചു വരുന്ന നേരം ആണ് അമ്മയ്ക്ക് ക്യാൻസർ ആണെന്ന് കൂടെ അറിയുന്നത്.. അതോടെ അവൾ തളർന്നു തുടങ്ങി…. ഇനി എന്ത് ചെയ്യണം എന്ന് ഇതുവരെയും ഒരു ഐഡിയയും കിട്ടിയിട്ടില്ല അവൾക്ക് ഇത് വരെ…..
ഇതൊക്ക ആണെങ്കിലും ഒന്നും കോളേജിൽ അറിയിക്കാതെ നോക്കാൻ അവൾക്ക് കഴിഞ്ഞിട്ടുണ്ട്….
റേഷൻ എടുത്തു നൽകുന്ന കടക്കാരന്റെ ചൂഴ്ന്നുള്ള നോട്ടം അവഗണിച്ചു കൊണ്ട് അവൾ നിന്നു….. പക്ഷേ, പണം നൽകുമ്പോൾ മനഃപൂർവം അവളുടെ കയ്യിൽ അയാൾ സ്പർശിച്ചപ്പോൾ അവളിൽ ക്രോധം ഇരച്ചു കയറി…. ബാക്കി ഏതാനും നാണയതുട്ടുകൾ തിരിച്ചു നല്കുമ്പോളും….
“ദേ!!!!!”
ഇരച്ചു കയറിയ ദേഷ്യം കൊണ്ടവൾ അയാൾക്ക് നേരെ ചീറി….
“മോളാ, വലിയപുരക്കൽ ലേതല്ലേ?? ആത്മഹത്യ ചെയ്ത രാമഭദ്രന്റെ….”
അവളുടെ ശിരസ്സ് കുനിഞ്ഞു… ഒപ്പം അയാൾക്ക് നേരെ ചൂണ്ടിയ കയ്യും…..
“നിങ്ങൾക്ക് ഈ കാർഡ് അല്ലാലോ…. ഇത്രയൊന്നും അരി തരാൻ പറ്റില്ല….”
ആ അരി നിറച്ച കവർ അയാൾ കടയുടെ അൽപ്പം ഉള്ളിലേക്ക് കടത്തി വച്ച ശേഷം പറഞ്ഞു…
വീട്ടിൽ ഒരു മണി അരി കാണില്ലെന്ന് അവൾക്ക് നന്നായി അറിയാം… കയ്യിൽ ആണെങ്കിൽ വേറെ കാശുമില്ല… അക്ഷരാർത്ഥത്തിൽ പട്ടിണി ആവേണ്ടി വരും…. തങ്ങളെ തനിച്ചാക്കി പോയ അച്ഛനോട് പോലും വെറുപ്പ് തോന്നി അവൾക്കാ നിമിഷം….
“എന്നിട്ട്…. വേണോ അരി???? ”
തല അധികം ഉയർത്താതെ തന്നെ കണ്ണുകൾ അല്പം ഉയർത്തി അയാളെ നോക്കി അവൾ തലയാട്ടി….
പക്ഷേ, അയാൾ അവളെയല്ല ചുറ്റിലും ആണ് നോക്കി കൊണ്ടിരിക്കുന്നത്…. അവളുടെ കണ്ണുകളും ചുറ്റിലും പരതി…. അധികം അടുത്തായോ, അവരെ ശ്രദ്ധിക്കുന്ന നിലയിലോ ആരുമില്ല…. ചെറിയ തോതിൽ ഭയം അവളെ കീഴടക്കി തുടങ്ങി…..
“വന്നു എടുത്തോ….”
വേറെ വഴി ഇല്ലെന്ന് അവൾക്ക് മനസിലായി… അരി എടുക്കണമെങ്കിൽ ഉള്ളിലേക്ക് കയറണം…. ഉള്ളിൽ അയാൾ മാത്രം…. മടിച്ചു മടിച്ചു അവൾ ഉള്ളിലേക്കു കയറി….
അപ്പോളേക്കും അയാൾ ആ കവർ കയ്യിൽ എടുത്തു പിടിച്ചിട്ടുണ്ട്…. എങ്കിലും ഒരു അല്പം പോലും അവൾക്ക് നേരെ നീട്ടുന്നില്ല….
അവൾ അടുത്ത് ചെന്നു ആ കവറിൽ പിടിച്ചു… അയാളുടെ കൈകളിൽ സ്പർശിച്ചു കൊണ്ട്..
ആ കയ്യിൽ അയാൾ പിടിച്ചു… ആ നിമിഷം കവർ അവളിൽ നിന്നും നിലത്തേക്ക് വീണു അരി നിലത്തു ചിതറി….
“കണ്ടാ, അരി കളയാൻ പാടുണ്ടോ???? വാരി എടുക്കേണ്ടി വരില്ലേ ഇനി???”
അവൾക്ക് അയാളുടെ ഉദ്ദേശം വ്യക്തമായി അറിയാം… പക്ഷേ വേറെ വഴി ഇല്ലെന്ന് മനസിലായി ഷാൾ ഒക്കെ കൃത്യമായി ചുറ്റി അവൾ നിലത്തു പടർന്ന അരി വാരി കവറിലേക്ക് ഇട്ടു…..
അവൾക്കൊപ്പം അയാളും താഴോട്ടു ഇരുന്നു… അയാളുടെ കൈകൾ പക്ഷേ നീണ്ടത് നിലത്തു ചിതറിയ അരിമണികളിലേക്ക് അല്ല..
ചുരിദാറിന്റെ ഉള്ളിൽ കട്ടിയുള്ള ഇന്നർ വെയെഴ്സ് ഉണ്ടായിട്ട് കൂടി അയാളുടെ പരുക്കൻ വിരലുകളുടെ മൃദു സ്പർശം അവളുടെ മാറിനെ വേദനിപ്പിച്ചപ്പോൾ അവൾ കിട്ടിയ അരിയുമായി എണീറ്റ് ഓടിയിറങ്ങി….