” ഞങ്ങളേഴു പേരാ മക്കള് … അതും പെൺമക്കൾ ….”
” ഓ , അതെനിക്കറിയില്ലായിരുന്നു … ഇങ്ങള് കാര്യത്തിലേക്ക് വാമ്മാ …”
” തിരക്കു കൂട്ടാതെടാ ….”
” ന്റെ മൂത്ത താത്തയുടെ മോളും ഞാനും തമ്മിൽ രണ്ട് വയസ്സ് വ്യത്യാസമേയുള്ളൂ … ഞാൻ മൂത്തതാ …”
” ങ്ങും … ”
” ന്റെ കല്യാണമായപ്പോഴേക്കും ഉപ്പ മരിച്ചു. ഉമ്മയ്ക്കു വയസ്സുമായി … ”
” കല്യാണത്തിനങ്ങനെ സ്വർണ്ണവും പണവുമൊന്നും കാര്യമായില്ലായിരുന്നു. മാഷും പിന്നെ മഹല്ല് കമ്മറ്റിക്കാരും നാട്ടുകാരുമൊക്കെയാ നടത്തിയേ ….”
“ഉം … ”
” താത്തമാരൊക്കെ അവരവരുടേതായ ബുദ്ധിമുട്ടിലായിരുന്നു.. ”
ഷാനു മൗനം …
” കല്യാണം കഴിഞ്ഞ് രണ്ടു വർഷത്തിനുള്ളിൽ ന്റെ ഒള്ള സ്വർണ്ണം വിറ്റാണ് അന്റുപ്പാ പോയത് … അതിനിടയിൽ ഇയ്യും ഉണ്ടായി … ”
ഷാനു ഒന്ന് ഇളകിക്കിടന്നു…
” ഇക്കായുടെ വീട്ടിലും പ്രശ്നങ്ങളായിരുന്നു … ”
ജാസ്മിൻ ഒന്ന് നിർത്തി .. ബാക്കി അവനോടു പറയേണമോ എന്നൊരു സന്ദേഹം അവൾക്കുണ്ടായിരുന്നു.
” പറയുമ്മാ ….”
” പറയാടാ ….” അവളവനെ വീണ്ടും മാറോടു ചേർത്തു.
” അന്റെ വല്യാപ്പയുടെയാണല്ലോ കമ്പളക്കാട്ടെ പൊര , … ”
” ഉം…”
“അന്റെ വാപ്പയെക്കുറിച്ച് കുറേക്കാലം ഒരറിവും ഇല്ലായിരുന്നു … ഏതോ ഏജന്റ് പറ്റിച്ചതാണെന്നോ, അതല്ല കാട്ടറബിയുടെ കൂടെയാണെന്നോ ഒക്കെയാ അന്നറിയാൻ കഴിഞ്ഞേ ….”
” ന്നിട്ട് … ”
” കരയാൻ മാത്രമായിരുന്നു ന്റെ വിധി ..” ജാസ്മിന്റെ സ്വരമൊന്നിടറി ….
അതറിഞ്ഞാലെന്നവണ്ണം അവൻ അവളുടെ പുറത്തു കയ്യിട്ട് തടവിക്കൊണ്ടിരുന്നു …
” അന്നും നിന്നെ ഇങ്ങനെ ചേർത്തു പിടിച്ചാ ഞാൻ കരയാറും കിടക്കാറും ….”
ഷാനു ഒന്നുകൂടി അവളിലേക്ക് ചേർന്നു …
” അന്റെ വല്യാപ്പയും കൊച്ചാപ്പയും തീരെ ശരിയല്ലായിരുന്നു … ”
ഒരു നടുക്കം ഷാനുവിൽ വീണു … അവൾ പറഞ്ഞതെന്താണെന്ന് അവന് മനസ്സിലായിരുന്നു …
” എല്ലാം സഹിച്ചു … ന്റെ താത്തമാരുടെയടുത്ത് ഇക്കാര്യം പറഞ്ഞപ്പോൾ … ” ജാസ്മിനൊന്ന് ഏങ്ങി …
“ജാസൂമ്മാ …. ങ്ങള് കരയല്ലേ ….”
” ഭർത്താവ് ഗൾഫിൽ ആണോന്നു പോലും അറിയില്ല , അന്നേപ്പോലൊരു കുട്ടിയെയും കൊണ്ട് ഞാൻ-… ” അവൾ വീണ്ടും വിങ്ങി ….
“കരയാനാണെങ്കിൽ ഇനി പറയണ്ട ….” ഷാനു എഴുന്നേറ്റു .. കട്ടിൽ ക്രാസിയിലേക്ക് തലയിണ ചാരി അവൻ കിടന്നു …
” ഇല്ലെടാ ….”
“കരയില്ലെന്ന് ഉറപ്പുണ്ടേൽ പറഞ്ഞാൽ മതി … ”
ഷാനുവിന് ഏറെക്കുറേ കാര്യങ്ങൾ വ്യക്തമായിത്തുടങ്ങിയിരുന്നു …
“ഉം … ” അവൾ മൂളി …
ഷാനു അവളെ പതിയെ നെഞ്ചിലേക്കിട്ടു …
” ഞാനവരെ വശീകരിക്കാൻ ശ്രമിച്ചെന്നാ ന്റെ ഒരു സ്വന്തം താത്ത പറഞ്ഞത് … ”
” ആരാ അത് …?” മൂത്തുമ്മമാരുടെ എല്ലാവരുടെയും മുഖം മനസ്സിലോടിച്ചു കൊണ്ട് അവൻ തിരക്കി ..
” അതിയ്യറിയണ്ട ….”
” ഒന്നോ രണ്ടോ ദിവസങ്ങളൊക്കെ അന്നെയും കൂട്ടി അവരുടെയൊക്കെ വീട്ടിൽ ഞാൻ പോയി നിൽക്കുമായിരുന്നു … “
ഷാനുവിനും അതിനേക്കുറിച്ച് ചെറിയ ഓർമ്മയുണ്ട് …
“അവിടെയും മടുത്തായിരുന്നു .. എനിക്ക് കെട്ട്യോനില്ലാതാക്കരുതെന്ന് ഒരു താത്ത കൂടി പറഞ്ഞതോടെ …..”
അവളൊന്ന് ഏങ്ങലടിച്ചു …
അതാരാണെന്നു അവൻ ചോദിച്ചില്ല … ഉമ്മ പറയില്ലെന്നും അവനറിയാമായിരുന്നു …
“പിന്നീട് വീണ്ടും കമ്പളക്കാട്ടേക്ക് … ”
” അവിടെയും പ്രശ്നക്കാരുണ്ടായിരുന്നല്ലോ …”
“ബാക്കി ഇങ്ങള് പറയണ്ട ….” ഷാനു പറഞ്ഞു …
” അതെന്തേ….?”
” വല്യാപ്പയുടെ കരണത്തടിച്ചത് നിക്ക് ഓർമ്മയുണ്ട് … ”
അവളൊന്ന് നിശ്വസിച്ചു …
” അന്ന് മാഷിന്റെ കൂടെ വന്നപ്പോൾ നമ്മളു കിടന്ന മുറിയാ ഇത് … ”
” പക്ഷേ അന്നത്തെ കട്ടിലല്ല ഇന്ന് … ” ആ സാഹചര്യം ലഘൂകരിക്കാനെന്നവണ്ണം അവൻ തമാശ പറഞ്ഞു …
അതു കഴിഞ്ഞ് വാപ്പ വന്നതും മാഷിന്റെ സഹായത്താൽ വീണ്ടും ഗൾഫിൽ പോയതും ഷാനുവിന് ഓർമ്മയുണ്ടായിരുന്നു .. അടുത്ത വരവിലാണ് വീട് വാങ്ങിയതും അങ്ങോട്ടു മാറിയതും …
“കുറേയൊക്കെ എനിക്കും അറിയാം മ്മാ …”
സ്വന്തക്കാരും ബന്ധുക്കളും ഇല്ലാഞ്ഞിട്ടല്ല, തക്കതായ കാരണങ്ങൾ ഉണ്ടായിട്ടായിരിക്കും ഉമ്മ എവിടേക്കും പോകാത്ത തെന്ന് ചിന്തിക്കാനുള്ള ബോധമൊക്കെ അവനുണ്ടായിരുന്നുവല്ലോ…