പാത്രങ്ങൾ കഴുകി വൃത്തിയാക്കി വെച്ച് ഷാനു അവൾക്കടുത്തേക്ക് വന്നിരുന്നു …
“ങ്ങക്ക് കിടന്നൂടാരുന്നോ ….?”
” ന്ന് മൊത്തം കിടപ്പല്ലാരുന്നോ ….?”
ഷാനു പതിയെ അവളുടെ കാൽച്ചുവട്ടിലേക്കിരുന്നു ..
അവൾ പറയാതെ തന്നെ അവളുടെ ഇരുകാലുകളുടെയും വിരലുകൾ പിടിച്ച്, അവൻ ഞൊട്ട പൊട്ടിച്ചു …
മുട്ടിനു താഴേക്ക് , അവളുടെ കാലുകൾ ഒരു തൂവലാൽ ഉഴിയുന്ന പോലെ അവനുഴിഞ്ഞു കൊണ്ടിരുന്നു …
“ഷാ ….”
” ന്താ മ്മാ …..?”
“മതീടാ ….”
” ന്തേ ….?”
“ഇയ്യിന്ന് കൊറേ കഷ്ടപ്പെട്ടതല്ലേ ….?”
“അതെന്റെ കടമയല്ലേ മ്മാ ….” അവൻ ചിരിച്ചു കൊണ്ട് പറഞ്ഞു ….
ഹൃദയം പേരറിയാത്ത ഏതോ ഒരു വികാരത്താൽ വേലിയേറ്റം കൊള്ളുന്നത് അവളറിയുന്നുണ്ടായിരുന്നു …
അവനെന്ത് പകരം കൊടുക്കും എന്നതോർത്ത് അവളുടെ മനസ്സു നീറി….
ഒരാൾക്ക് സമർപ്പിച്ച മനസ്സും ശരീരവും കൊടുക്കാൻ മാത്രം മോശക്കാരനല്ല അവൻ …
താൻ ചെയ്യുന്നതെല്ലാം അവനോടു ചെയ്യുന്ന ചതിയാണെന്ന് അവളുടെ മനസ്സു പറഞ്ഞു …
“എഴുന്നേൽക്കുമ്മാ ….”
ഷാനു അവളെ പിടിച്ചെഴുന്നേൽപ്പിച്ചു …
മോളിയെ ഷാനു കട്ടിലിൽ കൊണ്ടു പോയി കിടത്തിയിരുന്നു..
“ഉറങ്ങണ്ടേ….?”
മറുപടി പറയാതെ ജാസ്മിൻ അവനെ മിഴിച്ചു നോക്കിക്കൊണ്ടിരുന്നു …
അവളെ റൂമിന്റെ വാതിൽക്കൽ വരെ കൊണ്ടു ചെന്നാക്കിയിട്ട് ഷാനു അവളുടെ മൂർദ്ധാവിൽ മുകർന്നു …
” ഗുഡ് നൈറ്റ് ജാസൂമ്മാ …..”
അവൻ തിരിയുന്നത് കണ്ടു കൊണ്ട് അവൾ മുറിക്കകത്തേക്ക് കയറി …
വാതിലിലേക്ക് പിൻവശം ചാരി മുളചീന്തും പോലെ അവൾ പൊട്ടിക്കരഞ്ഞു …
” ന്റെ വാവേ ….”
10 : 00 AM
ഷാനുവാണ് മോളിയെ ഒരുക്കിയത് ….
ചുരിദാർ ധരിച്ച് ജാസ്മിനും ഹാളിലേക്ക് വന്നു ..
” പോകാം …” അവൻ ഉമ്മയെ നോക്കി …
ഷാനു കാർ തിരിച്ചിട്ടിരുന്നു …
“ങ്ങളെന്താ ന്നും മിണ്ടാത്തെ …?”
ഡ്രൈവിംഗിനിടയിൽ അവൻ ചോദിച്ചു …
” ഒന്നുമില്ലെടാ ….”
അവളുടെ അവസ്ഥ അറിയാവുന്ന ഷാനു പിന്നീട് ഒന്നും സംസാരിച്ചില്ല …
സുജയുടെ വീട്ടിൽ ജാസ്മിനേയും മോളിയേയും ഇറക്കി വിട്ട ശേഷം ഷാനു സിം എടുക്കാൻ ടൗണിലേക്ക് പോയി..
“കുറേയായല്ലോ ജാസി കണ്ടിട്ട് …. ?”
അവളെ കണ്ടതേ സുജ ചോദിച്ചു …
” സുയാൺടീ ….” എന്ന വിളിയോടെ മോളി ഓടിച്ചെന്ന് അവളുടെ കാൽ മുട്ടുകളിൽ വട്ടം കെട്ടിപ്പിടിച്ചു …
” വരണമെന്ന് കരുതും … സമയം കിട്ടണ്ടേ ….?”
“പിന്നേ നീയവിടെ മലമറിക്കുകയല്ലേ …”
” ഏർവാടിയിൽ പോയി വന്നു മോളിക്കൊരു പനി, പിന്നെ എനിക്ക് … അതു കഴിഞ്ഞപ്പോ പെരും മഴയും…” ജാസ്മിൻ വിശദീകരിച്ചു തുടങ്ങി …
“ഏതായാലും നീ ഒന്ന് ഒടഞ്ഞിട്ടുണ്ട്..” ജാസ്മിനെ ഒന്നിരുത്തി നോക്കിക്കൊണ്ട് സുജ പറഞ്ഞു …
ജാസ്മിന്റെ ഉള്ളിൽ ഒരു കൊളുത്തു വീണു …
“വല്ല അവിഹിതോം വന്നു ചാടിയോ ടീ …..”
” പോടീ പന്നത്തരം പറയാതെ … ” ജാസ്മിൻ ദേഷ്യപ്പെട്ടു …
“വാ … ചായയെടുക്കാം … ”
സുജ മോളിയെ എടുത്തു അകത്തേക്ക് നടന്നു … പിന്നാലെ ജാസ്മിനും …
ഒരു പെണ്ണ് മറ്റൊരു പെണ്ണിന്റെ ശരീര ഭാഗങ്ങളുടെ കാര്യത്തിൽ എത്രമാത്രം ശ്രദ്ധാലുവാണെന്ന് ജാസ്മിൻ തിരിച്ചറിയുകയായിരുന്നു …
പെണ്ണ് പെണ്ണിനെ അറിയും…. അത് അധൃഷ്യമായ ഒരു സത്യം തന്നെയാണെന്ന് സുജയുടെ വാക്കുകളാൽ അവൾ മനസ്സിലാക്കി …
“ഷാനു എവിടെ ….?”
“അവൻ ടൗണിലേക്ക് പോയി … ഒരു സിമ്മെടുക്കാൻ …..”
” എന്തേ …. ?”
“ഇക്ക വരുന്നുണ്ട് … ”
” അപ്പോ ചുമ്മാതല്ല ശരീരമൊക്കെ ഒന്ന് തുടുത്തത് … ” സുജ ചിരിച്ചു …
“നിനക്കീ ഒരു കാര്യം മാത്രേ പറയാനുള്ളോ …?”
സഹികെട്ട് ജാസ്മിൻ ചോദിച്ചു …
“പിന്നല്ലാതെ ….” സുജ ചിരിച്ചു …
“ആകെ ക്ഷീണാടീ… പീരീഡാ ….”
വിഷയം മാറ്റാനായി ജാസ്മിൻ പറഞ്ഞു …
” അത് നീ വണ്ടിയിറങ്ങിയപ്പോഴേ എനിക്ക് മനസ്സിലായിരുന്നു ….”
തിളയ്ക്കുന്ന വെള്ളത്തിൽ ചായപ്പൊടിയിട്ടു കൊണ്ട് , തിരിഞ്ഞു നോക്കാതെ സുജ പറഞ്ഞു …
ഇത്തവണ ജാസ്മിൻ ശരിക്കും നടുങ്ങി … ഇത്തരം കാര്യങ്ങളിൽ സുജയ്ക്കുള്ള പരിജ്ഞാനമോർത്ത് അവൾ ഉള്ളാലെ അത്ഭുതപ്പെടുകയും ചെയ്തു..
ഷാനു വന്നു, ഉച്ചയൂണും കഴിച്ച ശേഷമാണ് മൂവരും തിരികെ വീട്ടിലേക്ക് പോയത് …