“ഏട്ടാ……”
ഞാൻ എഴുന്നേറ്റ് തിരിഞ്ഞതും പിറകിൽ നിന്ന് ഗീതൂന്റെ പതിഞ്ഞ സ്വരം …….
അലത്തല്ലുന്ന മഴയുടെ സ്വരത്തിന് അതലിഞ്ഞ് ചേർന്ന പോലെ . തിരിഞ്ഞു ഗീതൂന്റെ കണ്ണുകളിൽ നോക്കിയപ്പോഴും ഞാൻ കണ്ടത് മഴയിൽ കുളിച്ച മന്ദാരം പോലുള്ള എന്റെ ഗീതുവിനെ ആണ് ……
ഗീതു ചാരി ഇരുന്ന് കൊണ്ട് തന്റെ ഇടത്തെ കൈ ഉയർത്തി നീട്ടുകയായിരുന്നു…
ഞാനാ കരം ഗ്രഹിച്ച് ഗീതുനെ മെലെ ഉയർത്തി. കാലുകൾ നിലത്ത് ഊന്നിയ പാടെ അവൾ ശിരസ്സ് എന്റെ മാറിൽ ചായ്ചിരുന്നു. ഞാൻ തോളിലൂടെ കൈയ്യിട്ട് അവളെ ചേർത്ത് പിടിച്ച് ഡൈനിങ് റൂമിലേക്ക് നീങ്ങി…
ഇതാണ് എന്റെ ഗീതു ..എനിക്കൊരിക്കലും മനസ്സിലാക്കാൻ കഴിയാത്ത ഒരു പ്രഹേളിക പോലെ അവളിന്നും എന്നെ തോൽപ്പിക്കുന്നു…. സ്നേഹം കൊണ്ടോ ? സൗന്ദര്യം കൊണ്ടോ രൗദ്രം കൊണ്ടൊ ?….. അറിയില്ല……..
പ്ലാവില കുമ്പിൾ മുക്കി പാത്രം മുമ്പിൽ വച്ച് കൊടുത്തിട്ടും ഗീതു അനങ്ങിയില്ല..
അവളുടെ കണ്ണുകൾക്ക് പിടിക്കൊടുക്കാതെ പപ്പടമെടുക്കുമ്പോഴും മുളക് കിണ്ണത്തിലാക്കുമ്പോഴുമൊക്കെ എന്തോ വലിയ കള്ളത്തരം ചെയ്യുന്ന പോലായിരുന്നു എന്റെ ശരീരം . അവസാനം അവൾക്ക് പിടി കൊടുകേണ്ടി വന്നു.
മിനിട്ടുകളോളം എന്നെ നോക്കി നിന്ന ഗീതൂന്റെ കണ്ണുകളിൽ അറിയാതെ ഞാൻ നോക്കി പോയി. എന്താവും ഇവളുടെ മനസ്സിൽ . ക്രൂശിക്കാനാവുമോ….? ഉള്ള് പിടഞ്ഞു….
“വാരി തര്വോ ഏട്ടാ …….” ഒമനത്വം നിറഞ്ഞ കെഞ്ചൽ. ഹിറ്റ്ലർക്ക് പോലും അവഗണിക്കാൻ പറ്റാത്ത എന്തോ അന്നേരം എന്റെ ഗീതൂന്റെ മുഖത്ത് നിറഞ്ഞിരുന്നു… കൊടുങ്കാറ്റ് പോലെ വന്നത് ഇളംക്കാറ്റു പോലെ ആയ ഫീല് …
ഞാനൊന്നും മിണ്ടാതെ ഗീതൂന്റെ അരികിലേക്ക് കസേര നീക്കിയിട്ടു. പ്ലാവില കുമ്പിളിൽ കഞ്ഞി കോരി ഊതി ആറ്റി ഗീതൂന്റെ ചുണ്ടത്തേയ്ക്ക് വച്ചു നീട്ടി. ഗീതു കൊച്ച് കുട്ടിയെ പോലെ കുമ്പിളിൽ നിന്ന് കഞ്ഞി വലിച്ച് കുടിച്ചപ്പോൾ നിറഞ്ഞത് എന്റെ മനസ്സാണ്.
കോമഡി എന്തെന്നാൽ ഈ പെണ്ണ് വലിച്ച് കുടിക്കുമ്പോൾ വെള്ളം മാത്രമാണ് ഉള്ളിൽ ചെല്ലുന്നത് ചോറ് കുമ്പിളിൽ തന്നെ ബാക്കിയാവും.
മൂന്നാമത്തെ തവണ ഞാൻ പ്ലാവിലക്കുമ്പിൾ അല്പം പൊക്കി. എല്ലാം വായ്ക്കകത്ത് പോവാനായിരുന്നു. പക്ഷെ പകുതിയും വെളിയിലാണ് പോയത്.
ചെറു ചൂട് വെള്ളം ദേഹത്ത് വീണതും ഗീതു “സ്സ് “എന്ന് ശബ്ദമുണ്ടാക്കി …..
കഴുത്തിൽ നിന്നും കഞ്ഞി വെള്ളം അവളുടെ നൈറ്റിക്കുള്ളിലേയ്ക്ക് ഊർന്നിറങ്ങി.. തള്ളി നിന്ന നെഞ്ചിലത് നനവ് തീർത്തപ്പോൾ എനിക്ക് അവിടെ നിന്ന് കണ്ണെടുക്കാനായില്ല.. എടുത്തോ പിടിച്ചോ എന്നവണ്ണം തള്ളി നിൽക്കുന്ന അവളുടെ മുല എന്നെ വീണ്ടും കുഴപ്പങ്ങളിലേയ്ക്ക് ചാടിയ്ക്കുവാണെന്ന് മനസ്സിലായ ഞാൻ അതിൽ നിന്നും എന്റെ കണ്ണ് പറിച്ചെടുക്കുകയായിരുന്നു , സത്യം പറഞ്ഞാൽ…..
താടിയിൽ കൈ കൊടുത്ത് എന്നെ നോക്കി കള്ളം കയ്യോടെ പിടിച്ച പോലെ മന്ദഹസിക്കുന്ന ഗീതുനെയാണ് ഞാൻ പിന്നെ കണ്ടത്.
ഞാ..ഞാൻ സ്പൂൺ. ഇത് ശരിയാവൂല്ല… സ്പൂൺ എടുത്തിട്ട് വരാം…..
പറഞ്ഞപ്പോഴെക്കും എന്റെ കയ്യിൽ നിന്ന് പ്ലാവില വഴുതി താഴെ പോയിരുന്നു…
” ച്ഛെ ……….”
സ്പൂണുമായ് തിരികെ വന്നപോഴും ഗീതൂന്റെ ചുണ്ടുകളിൽ നേരത്തേ ഉണ്ടായിരുന്ന പുഞ്ചിരി എവിടെയൊക്കെയോ ഒളിഞ്ഞ് കിടപ്പുണ്ടായിരുന്നു..
സ്പൂണിൽ അവൾക്ക് വാരി നൽകുമ്പോൾ തുളുബാതിരിക്കാൻ ഞാൻ പ്രേത്യേകം ശ്രദ്ധിച്ചു.
“ഏട്ടാ മുളക് വേണം ….”
കൈകൾ രണ്ടും കോർത്ത് പിടിച്ച് ഗീതുവിന്റെ ആവശ്യം….
എടുത്ത് കഴിക്ക് ഗീതൂ എന്ന് പറയാൻ തോന്നീല. ചില സമയങ്ങളിൽ നമ്മളെല്ലാം അതേപടി അനുസരിക്കുന്നതാവും നല്ലത്. അതിനി എത്ര ബാലിശമായാലും ശരി. നോട്ട് ദ പോയിന്റാ …. ആവശ്യം വരും…
മുളകിൻ കഷ്ണം വായിൽ വച്ച് കൊടുത്തു. കറുമുറോം കടിച്ച് രസിക്കുവാണ് നമ്മുടെ കക്ഷി….
പപ്പടം എടുത്ത് താടാ എന്ന് പറയും മുന്നേ പപ്പടം അവളുടെ തത്തമ്മ ചുണ്ടിനിടയിലേക്ക് തിരുകാൻ ഞാൻ മറന്നില്ല…
വിടർന്ന കണ്ണുകളാൻ എന്നെ നോക്കി ഗീതു പുഞ്ചിരിച്ചു. ഗുഡ് ബോയ് എന്നല്ലേ ആ കണ്ണുകളിൽ തെളിഞ്ഞത് ..