ചാരുലത ടീച്ചർ 2
Charulatha Teacher Part 2 | Author : Jomon
[ Previous Part ] [ www.kambi.pw ]
എന്റെയും ടീച്ചറുടെയും കഥ പറഞ്ഞു തുടങ്ങും മുൻപേ ഞാൻ എന്നെത്തന്നെ ആദ്യമേയങ്ങു പരിചയപ്പെടുത്താം……….
എന്റെ പേര് ആദിത്യൻ…..വലിയ വീട്ടിൽ രാമചന്ദ്രന്റെയും ദേവികായമ്മയുടെയും ആകെയുള്ളൊരു മകൻ…..അതുകൊണ്ട് തന്നെ എന്താ സകല ഉഡായിപ്പും തല്ലുക്കൊള്ളിത്തരവുമായിട്ടാണ് ഞാൻ വളർന്നത്….
വീട്ടുപേര് പോലെത്തന്നെ വലിയൊരു വീട്ടിലാണ് ഞാനും ജനിച്ചത്…കാശിനും സൗകര്യങ്ങൾക്കും യാതൊരുവിധ അല്ലലുമില്ലാതെ വളർന്നു വന്ന കാലം……പത്താം ക്ലാസ്സുവരെ ഞാനെല്ലാവരുടെയും കണ്ണിലുണ്ണിയായി വളർന്നുവെന്നത് ആണ് സത്യം…പിന്നീട് അങ്ങോട്ട് എന്റെ സ്വഭാവം മാറിയത് എങ്ങനെ ആണെന്ന് എനിക്കു പോലുമറിയത്തില്ല…അത് മറ്റൊരു സത്യം
അങ്ങനെ അല്ലറചില്ലറ അടിയും വഴക്കും വായിനോട്ടവുമൊക്കെയായി ഞാനൊരുവിധം +2 തട്ടിമുട്ടി പാസ്സ് ആയി…
അപ്പോളേക്കും അച്ഛനടുത്ത വള്ളിയും കൊണ്ടു വന്നു…..ഒരൂസം ഉച്ചതിരിഞ്ഞു ചോറും കഴിച്ചു വയറും തടവി സോഫയിൽ കിടന്ന എന്റെയടുത്തു വന്നച്ചനിരുന്നു….
“ഹ്മ്മ്…ന്താണ് പതിവില്ലാതെ….?
ഉച്ചക്ക് ജോലിക്കും പോവാതെ എന്റെയടുക്കെ വന്നിരുന്ന അച്ഛനെ നോക്കി ഞാനാ കിടന്ന കിടപ്പിൽ ചോദിച്ചു….എന്റെയാ കാർന്നോരു കളി കണ്ടിട്ട് ആണെന്ന് തോന്നുന്നു അച്ഛനൊരു ചിരിയോടെ സംസാരത്തിനു തുടക്കമിട്ടു
”ഇന്ദുചൂടന്റെ future plans എന്തിക്കെയാണ്…?
ആ ചോദ്യം കേട്ട ഞാനൊന്ന് ഞെട്ടിയെന്ന് ഉള്ളത് നേരാണ്….റിസൾട്ട് വന്നിട്ടും ഞാൻ ഭാവിയെക്കുറിച്ചൊന്നും പ്ലാൻ ചെയ്തിരുന്നില്ല
“അത് പിന്നെ….”
സോഫയിൽ നിന്നെണീറ്റ് നേരെയിരുന്നോണ്ട് ഞാൻ തപ്പിപ്പെറുക്കി
“നീ കമ്പനിയിൽ ജോയിൻ ചെയ്യുന്നോ…?
പെട്ടന്നങ്ങനെ അച്ഛൻ ചോദിച്ചപ്പോൾ ഞാനൊന്ന് ഞെട്ടിപ്പോയി…കാര്യം പുള്ളിയൊരു ചെറിയ ബിസിനസ് ഒക്കെയായി നടക്കുകയാണ് കൂടാതെ ടൗണിലും അടുത്തുള്ള ജംഗ്ഷനിലും കൂടെയായി ആകെമൊത്തം മൂന്ന് പെട്രോൾ പമ്പും ഒണ്ട്…
”അതിനെനിക്ക് ബിസിനസിനെക്കുറിച്ചു ഐഡിയ ഒന്നുമില്ലലോ അച്ഛാ…“
”അത് സാരമില്ലെടാ…ഓരോന്നും ഇങ്ങനെയൊക്കെയല്ലേ പഠിക്കുവാ…“
പുള്ളി എനിക്ക് ആത്മവിശ്വാസം തന്നുകൊണ്ട് പറഞ്ഞു…പക്ഷെ അതുകൊണ്ടൊന്നും എന്റെയുള്ളിൽ ധൈര്യം നിറക്കാമെന്ന് എനിക്ക് തോന്നീല…
”അച്ഛാ എനിക്കൊരു കാര്യം പറയാനൊണ്ട്..“
ഞാൻ കൊറച്ചു കാലമായി ഉപേക്ഷിച്ചയെന്റെ സ്വപ്‌നത്തെക്കുറിച്ചു പറയാൻ തീരുമാനിച്ചു…അല്ലെങ്കിൽ പുള്ളിയെന്നെ നാളെത്തന്നെ പിടിച്ചു പമ്പിൽ കൊണ്ടുപോയി ഇരുത്തുമെന്നെനിക്ക് തോന്നി
”പറയെടാ…“
ഞാനെന്താണ് പറയാൻ പോണതെന്ന് അറിയാനുള്ള ആഗ്രഹത്തോടെ അച്ഛനൊന്ന് നിവർന്നിരുന്നു…അപ്പോളേക്കും അടുക്കളയിലെ പണിയെല്ലാമൊതുക്കി അമ്മയുമെത്തി
”അതെനിക്ക് തുടർന്ന് പഠിക്കണമെന്നുണ്ട്..“
”അയ്യോ…പഠിക്കാനോ….രാമേട്ട നമ്മടെ മോൻ തന്നെയാണോ ഈ പറയണേ…“
എന്നെയും കളിയാക്കികൊണ്ടമ്മ അച്ഛന്റെ അടുക്കൽ വന്നിരുന്നു…അച്ഛനാവട്ടെ അതേ ചിരിയോടെ തന്നെയിരിക്കുന്നു
”അമ്മ പഠിച്ചു പഠിച്ചു വലിയ ആളവനൊന്നുമല്ല…എനിക്കൊരു ബേസിക് എഡ്യൂക്കേഷൻ വേണമെന്നുണ്ട്…ഒരിന്റർവ്യൂന് പോയാലും കാണിക്കാൻ പോന്നൊരു സർട്ടിഫിക്കറ്റ് അതിന് വേണ്ടി മാത്രം…“
”ഇന്റർവ്യൂവോ…എവിടെ..?
അച്ഛൻ ചോദിച്ചു……..
“അതെനിക്ക് വരയ്ക്കാൻ വലിയ ഇഷ്ടമാണെന്ന് നിങ്ങൾക്ക് അറിയാലോ….അതുകൊണ്ട് എനിക്കൊരു അനിമേറ്റർ ആവണം…”
പണ്ട് മുതലേ വരയ്ക്കാൻ കഴിവ് ഉണ്ടെന്ന് തിരിച്ചറിഞ്ഞപ്പോളെ ഉള്ളിൽ കേറിക്കൂടിയൊരു സ്വപ്നമായിരുന്നത്…
“അതിപ്പോ….എങ്ങനാടാ നല്ല സ്കോപ് ഉള്ള ഫീൽഡ് ആണോ…”
എന്റെയൊരാഗ്രഹത്തിനുപോലും എതിരുപറയാത്ത അച്ഛനെന്നോട് ചോദിച്ചു…പുള്ളിയുടെ ചോദ്യത്തിലുള്ള താല്പര്യം കണ്ടാൽ തന്നെയറിയാം എൻറെയാഗ്രഹം നടക്കുമെന്ന്
“അതെയച്ച…..ഞാനിപ്പോ ആലോചിക്കുന്നത് കൊറച്ചു യുട്യൂബ് ഒക്കെ നോക്കി ആദ്യം സ്വയം പഠിക്കാമെന്ന അതിന്റെ കൂടെ തന്നെ കോളേജിലും പോവാം…അതെല്ലാം കഴിഞ്ഞിട്ട് വേണമെനിക്ക് അനിമേഷനുമായി ബന്ധപ്പെട്ട ഏതെങ്കിലും നല്ല കോഴ്സ് എടുത്തു ചെയ്യാൻ….”
മനസ്സിലപ്പോളേക്കും തോന്നിയൊരു പ്ലാൻ ഞാനവർക്ക് പറഞ്ഞു കൊടുത്തു….രണ്ടിന്റെയും ഇരുത്തം കണ്ടാലറിയാം ഏകദേശം സമ്മതമാണെന്ന്…..
“നിന്റെയാഗ്രഹമിപ്പോ അങ്ങനെയാണെങ്കിൽ അതന്നെ നടക്കട്ടെ….അല്ലെ ദേവി…”
അച്ഛനമ്മയോട് അഭിപ്രായം ചോദിച്ചു…അല്ലേലും അവരങ്ങനെയാണ് പണ്ടുമുതലേ…എന്റെ എന്തു കാര്യങ്ങളിലുമവർ ഒരുമിച്ചേ തീരുമാനമെടുക്കു…
അലമ്പുകളിച്ചു നടന്ന ഞാനെന്റെ ഭാവി പ്ലാനുകളെക്കുറിച്ചു പറഞ്ഞപ്പോ സന്തോഷം തോന്നിയയമ്മ മറ്റൊന്നും പറയാതെ എന്റെ കവിളിലൊന്ന് തഴുകിയ ശേഷം എണീറ്റു പോയി….അമ്മയെങ്ങനെയാണ്…അധികമായി സ്നേഹമോ വാത്സല്യമോ തോന്നിയ ഒന്നെങ്കിൽ കവിളിൽ തലോടും അല്ലെങ്കിൽ മുടിയിലൂടെ വിരലുകയറ്റിയൊന്നു തഴുകി പോകും
അമ്മയുടെയാ പോക്കും നോക്കി ഞാനുമച്ഛനും ചിരിയോടെയിരുന്നു….
പിന്നീടൊരു നാലുമണി കഴിഞ്ഞതും എന്റെ ചങ്കു കൂട്ടുകാരനായ അജയന്റെ വിളിവന്നു
“അളിയാ ചായ കുടിക്കാൻ പോയാലോ…?
ഫോണെടുത്ത പാടെ ഹലോ പോലും പറയാതെയാണവനതു പറഞ്ഞത്
”ചായയോ….ചായ വേണേൽ നീ വീട്ടിലേക്ക് വാടാ…“
ഫോണും ചെവിയിൽ പിടിച്ചു ഞാനതു പറഞ്ഞു
”അങ്ങനല്ല കുട്ടാ…..ആ തെരേസ കോളേജിനടുത്തൊരുഗ്രൻ സ്പോട്ട് ഉണ്ട്….നല്ലടിച്ച ചായയും പത്തിരിയും കോഴി മുതൽ പോത്തു വരെ കിട്ടുമെന്ന അറിഞ്ഞേ..“
അവനെന്നെയൊന്ന് ഇളക്കാനായി പറഞ്ഞു…പക്ഷെ കേട്ട പാതി കേൾക്കാത്ത പാതിയിളകിയ ഞാൻ വണ്ടിയുടെ ചാവിയും തപ്പിയെടുത്തു മുറ്റത്തേക്ക് ഇറങ്ങി
”കുട്ടാ നീയിതെവിടെ പോവാ…?
ഞാൻ ഇറങ്ങുന്നത് കണ്ടുകൊണ്ടു വന്നയമ്മ ചോദിച്ചു
“അജയൻ വിളിച്ചായിരുന്നമ്മേ…ഒന്നവിടെ വരെപോയി നോക്കട്ടെ…”
“സന്ധ്യക്ക്‌ മുൻപേയിങ് വന്നേക്കണേ..”
അതും പറഞ്ഞമ്മ ഞാൻ വണ്ടി സ്റ്റാർട്ടാക്കുന്നത് നോക്കിയിരുന്നു
അച്ഛൻ പുതിയ ബുള്ളറ്റ് ക്ലാസ്സിക് എടുത്തപ്പോൾ എനിക്ക് കിട്ടിയതായിരുന്നി പഴയ പൾസർ 150….ഞാൻ പൊന്നുപോലെ നോക്കുന്നത് കൊണ്ടിന്നുമത് പുത്തൻ പോലെയായിരിക്കുന്നത്
അമ്മക്കൊരു റ്റാറ്റയും കൊടുത്തു ഞാനാ വണ്ടിയുമായി റോഡിലേക്കിറങ്ങി….അജയന്റെ വീട്ടിലേക്ക് എറിപോയാ പത്തു മിനുറ്റ് മാത്രമേ ദൂരം കാണൂ…ഞാൻ ചെന്നതേ അവനിറങ്ങി വന്നു പിറകിൽ കയറി
