“നീ പതിവില്ലാതെ കുളിച്ചൊരുങ്ങിയിട്ടാണല്ലോ…ന്താണ് മോനെ ഉദ്ദേശം…ചായ കുടിക്കാൻ തന്നെയല്ലേ…”
കുളിച്ചൊരുങ്ങി പുത്തൻ ഷർട്ടും പാന്റും മുഖത്തൊരു ടിൻ പൗഡറും പൂശിയിറങ്ങിയ അജയനെ നോക്കി ഞാൻ ചോദിച്ചു
“അല്ലെളിയാ…ചായ കുടിക്കാൻ വേണ്ടി തന്ന…പക്ഷെ കോളേജിന്റെ അടുത്തെന്നൊക്കെ പറയുമ്പോ അഡ്മിഷനെടുക്കാനൊക്കെ വരുന്ന പെണ്പിള്ളേര് കാണില്ലേ…അതിനിടയിലേക്ക് നിന്നെപ്പോലെയീ നരച്ച ബനിയനും നിക്കറിമിട്ട് കേറിച്ചെല്ലാനൊക്കുമോ…”
എനിക്കിട്ടൊന്ന് താങ്ങിക്കൊണ്ടവൻ പറഞ്ഞു…സത്യം പറയാലോ എനിക്കതങ്ങു പിടിച്ചില്ല….
“പിന്നെ പിന്നേയ്….അവളുമാര് വരുന്നത് നിന്നെ കാണാൻ ആയിരിക്കുമല്ലോ…ഒന്ന് പോയേഡേർക്ക…ഒന്നുവില്ലേലും ഞാന്റെയീ കണ്ണുകൊണ്ട് പിടിച്ചു നിക്കുമെടാ…”
“വോ….പൂച്ചകണ്ണുള്ളതിന്റെ കുന്തളിപ്പ്…”
അവനെന്നെ പുച്ഛിച്ചുകൊണ്ട് പറഞ്ഞു
“ആടാ…നീ കണ്ടോ…ഞാനീ കണ്ണുകൊണ്ടവിടൊരു താജ്മഹല് പണിയും…”
അവനെയും നോക്കിയൊരു വെകിടചിരിയും ചിരിച്ചുകൊണ്ടാ ചായ കടയുടെ മുൻപിലേക്ക് ബൈക്ക് നിർത്തി
അതികം വലിപ്പമില്ലാത്തൊരു കട…പുതിയതായി തുടങ്ങിയതിന്റെ ലക്ഷണങ്ങളെല്ലാം അവിടകമാനം കാണാം…പോരാഞ്ഞിട്ട് അല്പം തിരക്കുള്ളൊരു അന്തരീക്ഷവും
“അളിയാ വണ്ടിനീയാ മരച്ചുവട്ടിലേക്ക് മാറ്റി നിർത്തിയേക്ക്…”
വണ്ടിയിൽ നിന്നിറങ്ങിക്കൊണ്ട് അജയൻ പറഞ്ഞു….അവൻ പറഞ്ഞതും നേരാണ് പാർക്കിംഗ് ഫുൾ ആണ് ആകെയൊരൽപം വിടവ് ഉള്ള കൊറച്ചപ്പുറം മാറിയുള്ള മരച്ചുവട്ടിലാണ്…ഇനി അവിടെയും വല്ലവരും വണ്ടി കൊണ്ടിടുന്നതിന് മുന്നെയായി ഞാനെന്റെ വണ്ടിയിടനായി പോയി….രണ്ടു കാറുകൾക്ക് ഇടയിലുള്ള സ്ഥലമാണ്…ഞാനെന്റെ പൾസറോടിച്ചു കയറ്റും മുൻപേയൊരു നീല ഫസ്സിനോ പാഞ്ഞു വന്നവിടേക്ക് കയറി
“ഏഹ്…..!!!!
വണ്ടിയുമുരുട്ടി അവിടെവരെയെത്തിച്ച ഞാനെന്താ പൊട്ടനാ……
”ടി…ടി…ടി……ഇത് ഞാൻ വണ്ടി കൊണ്ടിടാൻ വച്ച സ്ഥലമാ….“
ബൈക്കിൽ ഇരുന്നുകൊണ്ട് തന്നെ ഞാൻ വിളിച്ചു പറഞ്ഞു……
ഞാനത്രയുമുറക്കെ പറഞ്ഞട്ടും യാതൊരു കൂസലുമില്ലാതെയൊരുത്തിയാ സ്കൂട്ടിയിൽ തന്നെയിരിക്കുന്നു…ഏതാണോ ദൈവമേ ഇവളൊക്കെ….അവൾടൊരു നീല വണ്ടിയും നീല ചുരിദാറും…പോരാഞ്ഞിട്ട് നല്ല ടൈറ്റ് ആയൊരു വെള്ള ലെഗ്ഗിൻസും….പക്ഷെ തലക്ക് മുകളിൽ ചട്ടി കമിഴ്ത്തിയത് പോലുള്ളൊരു പരട്ടഹെൽമെറ്റ് ഇട്ടിരുന്നത് കൊണ്ടു മുഖം കാണാൻ ഒത്തില്ല…..സ്ഥലമോ കിട്ടിയില്ല മുഖമെങ്കിൽ കാണാൻ വഴിയുണ്ടോന്ന് നോക്കട്ടെ……….പെണ്ണിന്റെ മണമടിച്ചപ്പോ ഉള്ളിന്റെയുള്ളിലെ കോഴി സർ തലപൊക്കിയതാണ്
ഞാൻ വണ്ടി സ്റ്റാന്റിൽ ഇട്ടിറങ്ങി അവളുടെ അടുക്കലേക്ക് നടന്നു…..പക്ഷെ അവിടെയിങ്ങനൊരു സംഭവമേ നടന്നിട്ടില്ലായെന്ന ഭാവത്തിൽ വണ്ടിയിൽ തന്നെയിരുന്നു ഫോണിൽ കുത്തുകയാണാ പെണ്ണ്
“ഡീ….!!!!!
അല്പം ഉറക്കെത്തന്നെ ഞാൻ വിളിച്ചു…പക്ഷെ വിളിയുടെ വോളിയം കൂടിയത് കൊണ്ടാണോ എന്തോ ഒന്ന് ഞെട്ടിവിറച്ചുകൊണ്ടവളുടെ കയ്യിലിരുന്ന ഫോൺ താഴെ പോയി…
”അയ്യോ….!!!!!!!
എന്നവളുടെ മനോഹരമായ ശബ്ദത്തിലുള്ള നിലവിളിയും……പണി പാളിയോ….ഫോൺ താഴെ പോയത് കണ്ട ഞാനൊന്ന് പേടിച്ചെങ്കിലും അവളുടെ ശബ്ദം കേട്ടപ്പോ പറഞ്ഞറിയിക്കാൻ പറ്റാത്തൊരു അവസ്ഥയിലേക്ക് മാറിയിരുന്നു ഞാൻ………..എന്ത് രസമുള്ള ശബ്ദമാ ദൈവമേ ഈ പെണ്ണിന്റെ……….ഒരു പാട്ട് പാടിയാൽ കേൾക്കാൻ തന്നെ വൈബ് ആയിരിക്കുമല്ലോ….
“കണ്ണില്ലെടാ പൊട്ടാ നിനക്ക്…”“
ഓരോന്നോർത്തു വായും തുറന്നു നിന്ന ഞാൻ കേട്ടത് പിന്നീയീ ചോദ്യമാണ്….
”കണ്ണോ….“
ഇവളിപ്പോയെന്തിനാ എന്നോട് കണ്ണ് ചോദിക്കുന്നെ….പെട്ടെന്നൊന്നും മനസിലാവാതെ ഞാനങ്ങനെ നിന്നു
അപ്പോളാണവൾ തലയിലൂടെ കമിഴ്ത്തിയിരുന്ന കിരീടം മാറ്റിയെന്നെ നോക്കിയത്………..പടച്ചോനെ ഇത്രയും സുന്ദരിയായ പെണ്ണോ…………സത്യം പറഞ്ഞാ എന്റെ ജീവിതത്തിൽ ഇത്രയും ആകർഷണം തോന്നിയുടെ സ്ത്രീയുടെ മുഖം വേറെഞാൻ കണ്ടിട്ടില്ല….കണ്ടിട്ടുണ്ടാവും പക്ഷെ ശ്രദ്ധിച്ചിരുന്നില്ല എന്ന് പറയുന്നതാവും കുറച്ചു കൂടിയുചിതം……
”ടോ…!!!!!
ഓരോന്ന് ഓർത്തു നിന്നയെന്റെ മുഖത്തിനു നേരെ വിരൽ ഞൊടിച്ചുകൊണ്ടവൾ വിളിച്ചു
“അതീ ബൈക്ക്…”
കാര്യം പറയാനായി ഞാൻ വാ തുറന്നെങ്കിലും വാലും മുറിയും മാത്രമേ വെളിയിൽ വരുന്നുള്ളു…അവളാകട്ടെ ഇവനെന്താ ഈ പറയുന്നതെന്ന ഭാവത്തിൽ എളിയിൽ കയ്യും കുത്തി നിൽക്കുന്നു…..
“സോറി….”“
അതും പറഞ്ഞുഞാൻ വണ്ടിയുടെ ചാവി പോലുമൂരാതെ തിരിഞ്ഞു നടന്നു…..തലക്കൊരടി കിട്ടിയ ഫീൽ……എന്താ പറയുവാ അതിനെ…ആഹ് തലയുടെ പിന്നാമ്പുറത്താകെയൊരു മരവിപ്പ്…ഉള്ളം കാലിലും കൈ വെള്ളയിലും വിയർപ്പു നിറഞ്ഞു നനയുന്നത് ഞാൻ അറിയുന്നുണ്ടായിരുന്നു……പക്ഷെ അവളുടെ അടുക്കൽ നിന്ന് കൊറച്ചകലം മാറിനിക്കണമെന്നാണെന്റെ മനസ്സപ്പോഴും മന്ത്രിച്ചുകൊണ്ടിരുന്നത്….
ചായക്കട കഴിഞ്ഞും ഞാൻ വിട്ടടിച്ചു പോകുന്നത് കണ്ടാണ് അജയനെന്നെ വിളിച്ചത്
”നീയിതെവിടെ പോണെടാ..?
അവന്റെ മുൻപിലും നിന്ന് പൊട്ടൻ കളിക്കാൻ മനസ്സനുവദിക്കാതിരുന്നത് കൊണ്ട് ഞാനൊന്നും പറയാതെ അവനെയും വിളിച്ചു കൊറച്ചപ്പുറം മാറിയൊരു കസേരയിൽ ഇരുന്നു….അപ്പോളേക്കും അവൻ ഓർഡർ ചെയ്ത രണ്ടു ചായയുമായൊരു പയ്യൻ ഞാനങ്ങളെ തേടിപിടിച്ചെത്തി.,..,
തൊണ്ട വരണ്ടിരുന്ന ഞാനാ ചായ ഒറ്റയടിക്കു കുടിച്ചിറക്കി….ഇതെല്ലാം കണ്ടുകൊണ്ട് അന്തം വീട്ടിരിക്കുന്ന അജയനെ നോക്കി ഞാനൊന്നിളിച്ചു കാട്ടി
“പറ…ആരാ അവള്…?
എന്തോ കണ്ടുപിടിച്ച ഭാവത്തിൽ അവൻ കസേരയിലേക്ക് ചാരിയിരുന്നുകൊണ്ട് ചോദിച്ചു
അപ്പോളുമെന്റെ ചുണ്ടിലെ ചിരി മാഞ്ഞിരുന്നില്ല എന്നത് വേറെരു കാര്യം
”അറിയില്ല അജയാ…പക്ഷെ എന്താ പറയാ love at first sight എന്ന് പറയില്ലേ…അതുപോലെ ഒരു ഇത്….പക്ഷെ love അല്ല വേറെയെന്തോ ഒരു ഫീലിംഗ്…“
”വേറെയെന്ന് പറയുമ്പോ….?
ഈ കാര്യം അങ്ങനെ വിടാൻ ഒരുക്കമല്ലാത്തത് പോലവൻ ചോദിച്ചു….പൊതുവെ കുത്തികുത്തി ചോദിക്കുന്നത് കേട്ടാൽ ദേഷ്യം കൊണ്ടു വിറക്കുന്ന ഞാനന്നവിടെ ഫ്രിഡ്ജിൽ വെച്ച മീൻ പോലെ മരവിച്ചിരുന്നു
“അതെങ്ങനെ ആടാ ഇപ്പൊ പറഞ്ഞു തരുവാ ഞാൻ…ആകെക്കൂടെ ഒരു തരിപ്പ് ആയിരുന്നു….തൊണ്ടയും വറ്റി…കാലും കയ്യും വിറച്ച് ദേഹം മുഴുവനും വിയർത്തു തുടങ്ങിയിരുന്നു…”“
”ആ മതി മതി…..നീ കൂടുതൽ വിയർക്കണ്ട….ഇതേ മറ്റേത് തന്ന…“
”മറ്റേതോ…??