നെഞ്ചിൽ മുഖം പൂഴ്ത്തി കിടക്കുന്ന അവളെ ഒന്ന് പിടിച്ച് മാറ്റാൻ പോലും മനസ്സ് വിസമ്മതിച്ചു….
കൂടെ അവളുടെ മനം മയക്കുന്ന ഗന്ധം കൂടെ ആയപ്പോൾ ഞാനും എപ്പഴോ ഉറങ്ങി പോയി……
“ഹലോ….. എണീക്കുന്നില്ലേ…… വേഗം… ടൈം ആയി….”
പിറ്റേ ദിവസം കല്ല്യാണിയുടെ കുലുക്കി വിളി കേട്ടാണ് ഞാൻ എണീക്കുന്നത്…
ഈറൻ മുടിയുമായി കോളേജിലേക്ക് പോവാൻ റെഡി ആയി നിൽക്കുന്ന കല്ല്യാണിയേയാണ് ഞാൻ കണി കണ്ടത്..
കണി അത്ര മോശം ഒന്നും അല്ലായിരുന്നു… 😌
“വേഗം പോയി ഫ്രഷ് ആയി വാ…”
“ഞാൻ എന്തിനാ ഫ്രഷ് ആവുന്നേ നിന്നെ അവിടെ ഡ്രോപ്പ് ചെയ്താൽ പോരെ…. ”
“പ്രിൻസിപ്പാലിനെ കണ്ട് ലീവിന്റെ കാര്യം സംസാരിക്കാൻ അച്ഛൻ പറഞ്ഞാർന്നില്ലേ… മറന്നോ?… ”
“ഓ…അതോ…. അതൊക്കെ പിന്നെ വരാം ഇന്ന് വയ്യാ… “ഞാൻ വലിയ താൽപ്പര്യമില്ലാത്ത മട്ടിൽ അവളോട് പറഞ്ഞു….
അവളും കൂടുതൽ നിർബന്ധിച്ചില്ല പിന്നെ….
കോളേജിലേക്ക് ബൈക്കിൽ ആയിരുന്നു പോയത്… രാവിയണ്ണനോട് പറഞ്ഞപ്പോൾ തന്നെ പുള്ളിക്കാരൻ തന്റെ പഴയ ബുള്ളറ്റ് 350 എടുത്തു തന്നു… അല്ലെങ്കിലും കറങ്ങാൻ പോവാൻ ഒക്കെ ബൈക്ക് തന്നെ ആണ് നല്ലത്….
ഞാൻ കോളേജ് ഗേറ്റ് ന്റെ അവിടം വരെ പോയുള്ളു….. അവൾ അകത്തേക്ക് വരാൻ നിർബന്ധിച്ചെങ്കിലും ഞാൻ പോവാൻ കൂട്ടാക്കിയില്ല…
രണ്ട് ദിവസം കൂടെ കഴിഞ്ഞാൽ കോമ്പറ്റിഷൻ ആയത്കൊണ്ട് അവൾക്ക് ക്ലാസ്സ് ഒന്നും ഇല്ല പ്രാക്ടീസ് മാത്രെ ഉള്ളു….
വൈകുന്നേരം…..കൂട്ടികൊണ്ട് വരാനും അവൾ പറയാൻ മറന്നില്ല…
തിരിച്ചു അപ്പാർട്മെന്റിൽ പോകുമ്പോഴും ഇന്നലെ നടന്ന കാര്യങ്ങൾ ആയിരുന്നു മനസ്സിൽ…… എവിടൊക്കെയോ കല്ല്യാണിയേ ഇഷ്ടപെടും പോലെ…
വീട്ടിൽ എത്തിയതും കുറച്ച് നേരം കൂടെ കിടന്നു ശേഷം കുറച്ച് ഫ്രണ്ട്സിനെ കാണാൻ വേണ്ടി പോയി…. ഗ്രൂപ്പിൽ കല്ല്യാണ ഫോട്ടോ ഇട്ടതിനുശേഷം എല്ലാർക്കും പരാതി ആയിരുന്നു വിളിച്ചില്ലല്ലോ എന്ന്.. എന്നാൽ ഇന്ന് തന്നെ കുറച്ച് പേർക്ക് ചെലവ് കൊടുക്കാം എന്ന് വിചാരിച്ചു…. ഗോപുവും ഉണ്ടായിരുന്നു കൂടെ… പിന്നെ ചെറിയ ചെറിയ കാര്യങ്ങളിൽ ഒക്കെ ഏർപ്പെട്ട് സമയം വേഗം പോയി…വേഗം പോയി എന്ന് പറഞ്ഞാൽ ഇപ്പൊ സമയം ആറര ആയി…..
പെട്ടെന്നാണ് കല്ല്യാണിയുടെ ഓർമ വന്നത്… അവളെ കുറെ ഫോൺ വിളിച്ചു. റിംഗ് അടിക്കുന്നുണ്ട് എന്നല്ലാതെ ഫോൺ എടുക്കുന്നില്ല….
ഞാൻ വേഗം അപ്പാർട്മെന്റിലോട്ട് പോയി കൂടെ ഗോപുവും ഉണ്ട്….. റൂം ലോക്ക് തന്നെ ആണ്… അവൾ ഇങ്ങോട്ട് വന്നിട്ടില്ല….
ഇനി കോളേജിൽ തന്നെ ആയിരിക്കും മിക്കവാറും അവൾ
കോളേജ് കോമ്പൗണ്ടിന് ഉള്ളിലേക്ക് കാർ കയറി. ഞാൻ ചുറ്റും നോക്കി വിചാരിച്ചപോലെ കക്ഷി അവിടെത്തന്നെയുണ്ട് ഗ്രൗണ്ടിൽ നിന്നും മാറിയുള്ള ഏതോ ഒരു മരത്തിന് ചുറ്റും പണിത ഇരിപ്പിടത്തിൽ എന്തോ ആലോചിച്ചിരിക്കുകയാണ്.
ഞാൻ കാർ അങ്ങോട്ടേക്ക് എടുത്തു….
കാർ കണ്ടതും അവളുടെ മുഖം ഒന്ന് പ്രകാശിച്ചത് പോലെ തോന്നി. പക്ഷെ ആ പ്രകാശം ഗോപുവിനെ കാണുന്നത് വരെ മാത്രമേ ഉണ്ടായിരുന്നുള്ളു…..
അവൾ ഒന്നും മിണ്ടാതെ കാറിൽ കയറി…. തിരിച്ചു പോവുന്ന വഴി ഫുഡും വാങ്ങി പിന്നെ ഗോപുവിനെ ഡ്രോപ്പ് ചെയ്തിട്ടുമാണ് പോയത്…
അന്നത്തെ ദിവസവും ഒരക്ഷരം കല്ല്യാണി സംസാരിച്ചില്ല.
കിടക്കാൻ നേരമാണെങ്കിൽ ബെഡിന്റെ ഒരു അറ്റം പിടിച്ചായിരുന്നു.. അവൾ കിടന്നത്… ഒന്ന് സംസാരിച്ചാലോ എന്ന് വിചാരിച്ചെങ്കിലും ഈഗോ അതിന് സമ്മതിച്ചില്ല…..
പിറ്റേ ദിവസം ഞാൻ എണീക്കുമ്പോഴേക്കും അവൾ കോളേജിൽ പോയിരുന്നു…..
ഒരു പേപ്പറിൽ എഴുതി വച്ചിട്ടുണ്ടായിരുന്നു അവൾ….
എന്തെങ്കിലും മാവട്ടെ എന്ന് ഞാനും വിചാരിച്ചു. അന്ന് പുറത്തേക്ക് പോവാനുള്ള മൂഡ് ഉണ്ടായിരുന്നില്ല….
കല്ല്യാണി ഇതിനുമുന്പും സംസാരിക്കാതെ ഇരുന്നിട്ടുണ്ടെങ്കിലും. ഇപ്പൊ അവൾ അങ്ങനെ ചെയ്യുന്നത്….എനിക്കും എന്തോ പോലെ ആയി….