ജാനി :എനിക്ക് നിങ്ങൾ തന്നെയാ അമ്മേ ഏറ്റവും വലുത് ഞാൻ അവനെ മറന്നോളാം പക്ഷെ ഒരു തവണ കൂടി എനിക്കവനെ കാണണം ഒരേ ഒരു തവണ
അമ്മ :ഇനി എന്തിനാ മോളേ
ജാനി പതിയെ തെരേസ നൽകിയ ചെക്ക് കയ്യിലെടുത്തു
ജാനി :ഇത് എനിക്ക് തിരികെ കൊടുക്കണം അമ്മേ ഇല്ലേങ്കിൽ പണത്തിനു വേണ്ടി അവനെ ഞാൻ ഉപേക്ഷിച്ചു എന്നവൻ കരുതും പിന്നെ എനിക്കവനോട്‌ സോറി പറയണം ഇത് മാത്രം മതിയമ്മേ ഒരൊറ്റ തവണ ഇനി ഞാൻ അവനെ കാണില്ല തീർച്ച
അമ്മ :ശെരി നീ നിന്റെ മനസ്സ് പറയുന്നത് പോലെ ചെയ്തോ
ഇത്രയും പറഞ്ഞു അമ്മ അകത്തേക്ക് പോയി
കുറച്ചു മണിക്കൂറുകൾക്ക്‌ ശേഷം ജെയ്സന്റെ വീട്
“അമ്മേ നിങ്ങൾ അവളെ പുറത്താക്കി അല്ലേ അമ്മേ ”
ജെയ്സൺ അലറി കൊണ്ട് വീടിനുള്ളിലേക്ക്‌ കയറി ജോൺ വേഗം തന്നെ ജെയ്സന്റെ അടുത്തേക്ക് എത്തി
ജോൺ :എന്താ സാർ ഇത്
ജെയ്സൺ :അമ്മ എവിടെ എനിക്ക് അമ്മയോട് സംസാരിക്കണം
ജോൺ :അമ്മ പോയി സാർ അച്ഛന് എന്തൊ സുഖമില്ലേന്ന് കാൾ വന്നു അപ്പോൾ തന്നെ അമ്മ ഇവിടെ നിന്ന് ഇറങ്ങി
ജെയ്സൺ :അച്ഛന് എന്താ
ജോൺ :അറിയില്ല സാർ സുഖമില്ല എന്ന് മാത്രമേ എനിക്കറിയാവു
പെട്ടെന്ന് ജെയ്സന്റെ ഫോൺ റിംഗ് ചെയ്തു
ജെയ്സൺ :ഹലോ ആരാ ജാനി നീയൊ നീ ഇപ്പോൾ എവിടെയാ ശെരി ഞാൻ ഇപ്പോൾ വരാം
ജെയ്സൺ വേഗം തന്നെ തന്റെ കാറിൽ പുറത്തേക്ക് ഇറങ്ങി
അല്പസമയത്തിനു ശേഷം
ജെയ്സൺ :ജാനി നീ എന്താ വീട്ടിൽ വരാത്തത് ഞാൻ എല്ലാം അറിഞ്ഞു പേടിക്കണ്ട ഞാൻ എല്ലാം ശെരിയാക്കാം
ജാനി പതിയെ തന്റെ കയ്യിലിരുന്ന ചെക്ക് ജെയ്സനു കയ്യിലേക്ക് നൽകി
ജെയ്സൺ :എന്താ ജാനി ഇത്
ജാനി :ഇത് നിന്റെ അമ്മ തന്നതാ ജൈസാ എന്റെ മാനത്തിന്റെ വില
ജെയ്സൺ :അമ്മ അറിയാതെ ഓരോന്ന് ചെയ്യുന്നതാ ജാനി അമ്മക്ക്‌ വേണ്ടി ഞാൻ ക്ഷമ ചോദിക്കാം
ജാനി :വേണ്ട ജൈസാ നീ ഒരു തെറ്റും ചെയ്തിട്ടില്ല നമുക്ക് ഒരിക്കലും ഒന്നിക്കാൻ ആകില്ല ജൈസാ അതാണ് സത്യം
ജെയ്സൺ :നീ എന്തൊക്കെയാ ജാനി ഈ പറയുന്നത്
ജാനി :സത്യമാണ് ജൈസാ നിന്റെ വീട്ടുകാർക്ക്‌ ഒരിക്കലും എന്നെ അംഗീകരിക്കാൻ കഴിയില്ല
ജെയ്സൺ :അങ്ങനെയല്ല ജാനി ആദ്യം കുറച്ച് എതിർത്താലും അവർ നിന്നെ അംഗീകരിക്കും എനിക്കുറപ്പുണ്ട്
ജാനി :വേണ്ട ജൈസാ ഞാൻ കാരണം എന്റെ അച്ഛനും അമ്മയും ഇന്ന്‌ ഒരുപാട് വേദനിച്ചു ഇനിയും എനിക്കവരെ വേദനിപ്പിക്കാനാകില്ല നമുക്ക് പിരിയാം ജൈസാ അതാണ് രണ്ട് പേർക്കും നല്ലത്
ഇത്രയും പറഞ്ഞു ജാനി കരയുവാൻ തുടങ്ങി
ജെയ്സൺ :പിരിയണം അല്ലേ അപ്പോൾ നീ എനിക്ക് തന്ന വാക്കോ നിന്റെ ഈ കണ്ണീർ തന്നെ പറയുന്നുണ്ട് നിനക്ക് എന്നെ എത്ര മാത്രം ഇഷ്ടമാണെന്ന് എന്തിനാണ് ജാനി സ്വയം എങ്ങനെ കപളിപ്പിക്കുന്നത്
ജാനി വേഗം തന്നെ ജെയ്സനെ കെട്ടിപിടിച്ചു
ജാനി :പിന്നെ ഞാൻ എന്താ ജൈസാ ചെയ്യുക നമുക്ക് ഒന്നിക്കാൻ ഒരുവഴിയുമില്ല
ജെയ്സൺ പതിയെ ജാനിയുടെ കണ്ണുകൾ തുടച്ചു നമുക്ക് എല്ലാം ശെരിയാക്കാം ഞാനല്ലേ പറയുന്നത്
പെട്ടെന്ന് തന്നെ അവരുടെ മുന്നിൽ ഒരു കാർ വന്നു നിന്നു അതിൽ നിന്ന് ജോൺ പുറത്തേക്ക് വന്നു
ജോൺ :സാർ വേഗം വരു നമുക്ക് മലേഷ്യ വരെ പോകണം
ജെയ്സൺ :എന്താ അങ്കിൾ പ്രശ്നം
ജോൺ :അത് മോനെ അച്ഛന് അസുഖം കൂടുതലാണ് അതുകൊണ്ട് സാർ ഉടനെ തന്നെ അവിടെ എത്തണം
ജെയ്സൺ :അങ്കിൾ അച്ഛൻ
ജോൺ :കുഴപ്പമൊന്നും ഇല്ല സാർ നല്ല നിങ്ങൾ വേഗം അവിടെ എത്തണം
ജെയ്സന്റെ കണ്ണുകൾ നിറയാൻ തുടങ്ങി അവൻ വേഗം ജാനിയുടെ അടുത്തേക്ക് എത്തി
ജെയ്സൺ :ജാനി എനിക്ക് ഇപ്പോൾ പോയേ പറ്റു
ജാനി :നീയും പോകുകയാണല്ലേ ജൈസാ
ജെയ്സൺ :ഇല്ല ജാനി ഞാൻ തിരിച്ചു വരും ഉറപ്പ് നീ എനിക്ക് വേണ്ടി കാത്തിരിക്കണം ഞാൻ ഉറപ്പായും നിനക്ക് വേണ്ടി തിരിച്ചു വരും അച്ഛനേയും അമ്മയേയും കൊണ്ട് ഞാൻ നമ്മുടെ വിവാഹത്തിന് സമ്മതിപ്പിക്കും
ഇത്രയും പറഞ്ഞു ജെയ്സൺ ജാനിയുടെ നെറ്റിയിൽ മുത്തമിട്ടു ശേഷം കാറിലേക്ക് കയറി ആ കാർ വളരെ വേഗം മുൻപോട്ടു പാഞ്ഞു
###############################
മൂന്ന് വർഷങ്ങൾക്ക് ശേഷം
ഇനി മൂന്ന് വർഷങ്ങൾക്ക് ശേഷമുള്ള കഥയാണ് അവതരിപ്പിക്കുന്നത് ഈ കാലയളവിൽ ജാനിയുടെ ജീവിതത്തിൽ പല മാറ്റങ്ങളും ഉണ്ടായി അവളുടെ അച്ഛൻ മരണപ്പെട്ടു അവളുടെ പഠിത്തവും നീന്തലും എല്ലാം അവസാനിച്ചു ബേക്കറിയിലെ ജോലിയും മറ്റു ജോലികളും ചെയ്തു അവളാണ് ഇപ്പോൾ അവളുടെ അമ്മയെ നോക്കുന്നത് പലതും മാറിയിട്ടും അവളുടെ ഉള്ളിലെ ജെയ്സനോടുള്ള ഇഷ്ടം മാത്രം ഇന്നും മാറിയിരുന്നില്ല
ഒരു ഞായറാഴ്ച ജാനിയും ജിൻസിയും കിരണിന്റെ വീട്ടിൽ
ജാനി :കിരണേ എന്തിനാ വരാൻ പറഞ്ഞത് വല്ല വിശേഷവും ഉണ്ടോ
ദേവ് :ഇവന് വട്ടാണ് ജാനി ഒരുകാര്യവുമില്ലാതെ എല്ലാവരുടെയും സമയം കളയാൻ
ജിൻസി :ദേവനും ഉണ്ടായിരുന്നോ
ദേവ് :ഉണ്ടാവാതെ പറ്റുമോ ഇന്നലെ മുതൽ മനുഷ്യന് സ്വസ്ഥത തന്നിട്ടില്ല എനിക്കിന്നൊരു മീറ്റിംഗ് ഉള്ളതായിരുന്നു
കിരൺ :എന്താടാ കൂട്ടുകാരെക്കാൾ വലുതാണോ നിനക്ക് ബിസ്സിനെസ്സ്
ദേവ് :അതേടാ എനിക്ക് ബിസ്സിനെസ്സ് തന്നെയാ വലുത് എല്ലാർക്കും സ്വന്തം കാര്യം തന്നെയല്ലേ വലുത് നമുക്ക് വേറേ രണ്ട് കൂട്ടുകാർ കൂടി ഉണ്ടായിരുന്നല്ലോ ഇപ്പോൾ ഇവിടെയാണെന്നെങ്കിലും അറിയാമോ
ജാനി :അവർക്ക് എന്തെങ്കിലും പ്രശ്നം കാണും ദേവ് ജെയ്സന്റെ അച്ഛൻ മരിച്ച കാര്യം നിങ്ങളും അറിഞ്ഞതല്ലേ
ദേവ് :നീ എന്തിനാണ് ജാനി അവരെ ഇങ്ങനെ ന്യായീകരിക്കുന്നത് ഇതിപ്പോൾ എത്ര വർഷമായി ഒരു തവണയെങ്കിലും അവൻമ്മാർ ഇങ്ങോട്ടേക്ക് ഒന്ന് വന്നോ
ഒന്ന് വിളിക്കതിരിക്കാൻ മാത്രം എന്ത് പ്രശ്നമാ അവൻമ്മാർക്ക് ജെയ്സന്റെ കാര്യം പോട്ടെ ജോയോ ആ മൈരൻമ്മാരെ ഒക്കെ ഫ്രണ്ട് ആക്കിയ നമ്മളെ പറഞ്ഞാൽ മതിയല്ലോ
കിരൺ :മതി ദേവ് നീ എന്തിനാ ഇമോഷണൽ ആകുന്നത്
ദേവ് :എന്താന്ന് വച്ചാൽ പറ എനിക്ക് പോണം
കിരൺ :എനിക്ക് അവരെ പറ്റി തന്നെയാ പറയാൻ ഉള്ളത്
ജാനി :എന്താ കിരൺ അവരെ പറ്റി വല്ല വിവരവും ലഭിച്ചോ
കിരൺ :ജോയെ കുറിച്ച് വലിയ അറിവൊന്നുമില്ല പക്ഷെ ജെയ്സൺ
ജാനി :എന്താ അവൻ അവൻ നിന്നെ വിളിക്കുകയോ മറ്റൊ ചെയ്തോ
കിരൺ :അവൻ നാളെ മലേഷ്യയിലേക്ക് തിരിച്ചു വരുന്നുണ്ട്
ദേവ് :ഇത് നീ എങ്ങനെ അറിഞ്ഞു
കിരൺ :എന്റെ ഒരു ഫ്രണ്ട് അവിടുത്തെ റിപ്പോർട്ടറാ അവൻ വഴി അറിഞ്ഞതാ നാളെ വന്നാൽ രണ്ടാഴ്ച അവൻ അവിടെ കാണും
ദേവ് :അവൻ അവിടെ ഉണ്ടെങ്കിൽ നമുക്കെന്താ പോകാൻ പറ പുല്ലനോട്‌
കിരൺ :മലേഷ്യയിലേക്ക് തിരിച്ചു വന്ന സ്ഥിതിക്ക് അവൻ ചിലപ്പോൾ നാട്ടിലേക്കും മടങ്ങി വരാൻ സാധ്യതയുണ്ട്
ജാനി :സത്യമാണോ കിരണേ അവൻ വരുമോ
ദേവ് :ഇവന് വട്ടാണ് ജാനി വെറുതെ നിനക്ക് പ്രതീക്ഷ തരാനായിട്ട് അവനെ മറന്നേക്ക് ജാനി
ജാനി :ഇല്ല ദേവ് അവൻ എനിക്ക് വാക്ക് തന്നിട്ടുള്ളതാ തിരികെ വരുമെന്ന് എനിക്ക് അവനെ വിശ്വാസമുണ്ട് കിരൺ മലേഷ്യയിൽ അവൻ എവിടെയാ
