എന്നിട്ടാളെവിടെ സാർ ?
ഞാൻ ചോദിച്ചു
രമേഷ് സാറേ … അവനെ ഒന്നിങ്ങ് കൊണ്ട് വന്നേ …..
SI സർ വിളിച്ച് പറഞ്ഞതും
ഡോർ തുറന്ന് ഒരു 45 വയസ് പ്രായം തോന്നിക്കുന്ന ഒരാളെ കൂട്ടി ഒരു പോലീസ് കാരൻ അകത്തേക്ക് വന്നു
കണ്ടാൽ തന്നെ പേടി തോന്നും നല്ല ഉറച്ച ശരീരം
ഞങ്ങൾ നാല് പേരും അവനെ മാറി മാറി നോക്കി ഞാനിതുവരെ കണ്ടിട്ടില്ലാത്തൊരു മുഖം
അച്ഛൻ്റെയും അനൂപിൻ്റെയും മുഖത്തും അതേ ഭാവമാണ് പക്ഷെ റോണി അയാളെ എവിടെയോ കണ്ട് പരിചയമുള്ള പോലെ നോക്കുവാണ്.
അറിയുമോ നിങ്ങളിവനെ ?
SI ചോദിച്ചു…
ഞാനും അച്ഛനും പരസ്പരമൊന്ന് നോക്കിയിട്ട് അറിയില്ലാന്ന് മറുപടി പറഞ്ഞു.
ഞാൻ ഒരിക്കൽ കൂടി ചോദിക്കുന്നു നിങ്ങൾക്ക് ആരെങ്കിലും ശത്രുക്കളുണ്ടോ? SI വീണ്ടും പഴയ ചോദ്യം ആവർത്തിച്ചു.
ഇല്ല സർ അച്ഛൻ മറുപടി പറഞ്ഞു..
എന്താ സർ വീണ്ടും അങ്ങനെ ചോദിച്ചത് ?
ഞാൻ SIയോട് ചോദിച്ചു.
ഇവനെ അറിയാത്തവർ ചുരുക്കമാണ്
ഇവൻ്റെ പേര് വെമ്പാല രാജനെന്നാണ് വീട് പുതിയകാവിൽ
ഈ കാണുന്ന പോലൊന്നുമല്ല
ഇവൻ
വല്യ പുള്ളിയാ വണ്ടിയോടിച്ച് ആക്സിഡൻ്റുണ്ടാക്കുന്നത് ഇവൻ്റെ സ്ഥിരം പണിയാണ്
അത് ചോദിക്കുന്നവരെ മർദ്ധിക്കുക.
പിന്നെ പോലീസുകാരുടെ മെക്കിട്ട് കയറുക ഇതൊക്കെയാണിവൻ്റെ കുൽസിത പ്രവർത്തികൾ
3 വർഷം മുമ്പ് വരെ പെരുമ്പാവൂരുള്ള ഒരു പാറമടയിലെ ഡ്രൈവറായിരുന്നിവൻ അവിടുന്ന് ഇവന് കുറച്ച് പുതിയ ബന്ധങ്ങൾ കിട്ടി
രാവിലെ മുതൽ തണ്ണിയിലാറാടിയാണ് നടപ്പ് അതുകൊണ്ട് നാട്ടുകാർ വിളിക്കുന്ന പേരാണ് വെമ്പാല രാജൻ
പിന്നെ ഇവനാപ്പേര് ബ്രാൻഡ് നെയിമാക്കി മാറ്റി
ബാ‌റ് വെളുപ്പിനെ തുറപ്പിച്ചാണ് മദ്യം വാങ്ങിക്കഴിക്കുന്നത് പത്ത് ദിവസം ഭക്ഷണം കൊടുത്തില്ലേൽ അവന് കുഴപ്പമില്ല ഒരു ദിവസം മദ്യമില്ലെങ്കിൽ ഇവന് ജീവിക്കാൻ പറ്റില്ല.
ഇവന് ഒരു ഭാര്യയുണ്ടായിരുന്നു ഇവൻ്റെ ഉപദ്രവം സഹിക്കവയ്യാതെ അവൾ ചിട്ടിപ്പിരിവിനു വരുന്ന ഒരുത്തനോടൊപ്പം ഒളിച്ചോടി അതോടെ ആ പെങ്കൊച്ച് രക്ഷപ്പെട്ടു.
ഇതൊന്നുമല്ല പ്രധാന കാര്യം
“പണ്ട് ഒരുപത്തിരുപത് വർഷങ്ങൾക്ക് മുമ്പ് നമ്മുടെ തോട്ടപ്പള്ളി പാലത്തിൽ വെച്ച് ഒരു ബൈക്ക്കാരനെ ടിപ്പറിടിപ്പിച്ചു
ബൈക്ക് കാരൻ തെറിച്ച് കായലിൽ വീണ് മരിച്ചു ”
SI സർ പറഞ്ഞവസാനിപ്പിച്ചതും ഞാനും അച്ഛനും ഒരു നിമിഷം മുഖാമുഖം നോക്കി
SI തുടർന്നു…
അന്നിവനെ ഹരിപ്പാട് വെച്ച് പോലീസ് അറസ്റ്റ് ചെയ്ത് കേസൊക്കെ എടുത്ത് കോടതിയിൽ ഹാജറാക്കി
പക്ഷെ ഇവൻ നിസ്സാര പുള്ളിയൊന്നുമല്ലെന്ന് തെളിയിച്ചു
നിമിഷ നേരങ്ങൾ കൊണ്ട് പുറത്ത് വന്ന് ഈ പുന്നാരമോൻ പോലീസ് ഡിപ്പാർട്ട്മെൻ്റിനെ തന്നെ ഞെട്ടിച്ചു ഒരുപാട് കഷ്ടപ്പെട്ടാണ് പോലീസ് ഇവനെ അന്ന് പൊക്കിയത്
കുറച്ചു മുഴുത്തവന്മാർ ഇവനു പിന്നിലുണ്ട് അതാണിവൻ്റെ അഹങ്കാരം
അന്നെൻ്റെ കയ്യിലായിരുന്നീ നായിൻ്റെ മോനെ കിട്ടിയിരുന്നെങ്കിൽ കുടിച്ച മുലപ്പാല് ഞാൻ കക്കിച്ചേനെ
SI അവനെ നോക്കി പല്ല് കടിച്ചുകൊണ്ട് പറഞ്ഞു.
RC അഡ്രസിൽ ഇവൻ്റെ പേര് കണ്ടതും ഞാൻ ഡീറ്റെയ്ൽ എടുപ്പിച്ചു അങ്ങനെയാണീ വിവരം എല്ലാം ഞാൻ അറിയുന്നത് .
പിന്നെ വെളുപ്പിനെ തന്നെ ഇവനെപ്പോയ് വീട്ടിൽ നിന്നും പൊക്കി വണ്ടിയും കസ്റ്റഡിയിൽ എടുത്തു
ഇവൻ്റെ ഫോൺ ഞാൻ വാങ്ങി വെച്ചിരിക്കുവാ ഇവനെ പൊക്കി എന്നറിഞ്ഞാൽ ഇവനു വേണ്ടി കൊണഞ്ഞ ഈർക്കിലി രാഷ്ട്രീയക്കാർ വിളി തുടങ്ങും .
കുറേ നാളുകൾക്ക് ശേഷമാണിവൻ സ്വന്തം വീട്ടിലേക്ക് തിരിച്ചു വന്നത് ഇവൻ്റെ വരവിൽ എന്തോ ചെറിയ പന്തികേട് എനിക്ക് തോന്നി അതാണ് ഞാൻ അങ്ങനെ ചോദിച്ചത്.
അപ്പോൾ നിങ്ങൾക്കാർക്കും ഇവനെ പരിചയമില്ലല്ലെ ?
SI വീണ്ടും ചോദിച്ചു….
ഇല്ല സർ ഞങ്ങളാദ്യായിട്ട് കാണുവാണിയാളെ അച്ഛനും ഞാനും മറുപടി പറഞ്ഞു.
ഉം ശരി….
SI മറുപടി പറഞ്ഞു.
സർ ഇനി എന്താണ് അടുത്ത നടപടി ?
ഞാൻ ചോദിച്ചു
നമുക്ക്‌ ഇവനെ ഒന്ന് ചെറുതായിട്ട് പൂട്ടാം അപകടമുണ്ടാക്കിയതിന് ഇവൻ്റ പേരിൽ കേസെടുത്തിട്ടുണ്ട് പിന്നെ സിന്ധുവിൻ്റെ അസ്ഥി ഒടിഞ്ഞിട്ടുള്ളതിനാൽ ഇവൻ്റ ലൈസൻസ് ഒരു വർഷത്തേക്ക് വെഹിക്കിൾ ഡിപ്പാർട്ട്മെൻ്റിനെകൊണ്ട് സസ്പെൻ്റ് ചെയ്യിക്കാം
നിങ്ങൾക്ക് ക്ലെയിം തുകയ്ക്കായുള്ള കാര്യങ്ങൾ ഞാൻ ചെയ്തു തരാം.
ഇവൻ്റെ വണ്ടി പോലീസ് കസ്റ്റഡിയിൽ തുടരും…
സർ ഞങ്ങൾക്ക് ക്ലയിം തുക ഒന്നും വേണ്ട
പിന്നെ ഇതിൻ്റെ പേരിൽ കോടതി കയറി ഇറങ്ങാനൊന്നും നേരമില്ല
ദൈവം സഹായിച്ച് അമ്മയുടെ ജീവന് ആപത്തൊന്നും സംഭവിച്ചില്ല അത്കൊണ്ട് കേസൊന്നും വേണ്ട അയാളെ വിട്ടേക്ക് അറിയാതെ സംഭവിച്ചതല്ലേ
കേസ് തുടരാൻ ഞങ്ങൾക്ക് താൽപ്പര്യമില്ല,കേസ് പിൻവലിക്കുവാൻ സാധിക്കുമോ സർ ?
ഞാൻ ചോദിച്ചു.
SI : നിങ്ങൾ കാര്യങ്ങൾ മനസിലാക്കി തന്നെയല്ലേ പറയുന്നത് ?
അതേ സർ ഇതിൻ്റെ പുറകേ നടക്കാൻ ഞങ്ങൾക്ക് കഴിയില്ല ….
ശരി നിങ്ങൾക്ക് പരാതിയില്ലേൽ പിന്നെ എനിക്കെന്താ പ്രശ്നം പരാതി ഞാൻ പിൻവലിച്ചോളാം പക്ഷെ ഇവനെ വെറുതെ വിടാൻ പറ്റില്ല അത്കൊണ്ട് അപകടം ഞാൻ റിപ്പോർട്ട് ചെയ്ത് വെഹിക്കിൾ ഡിപ്പാർട്ട്മെൻ്റിനയക്കും 1 വർഷത്തേക്ക് ഇവൻ ഒരു ബൈക്ക് പോലും ഓടിക്കരുത് ഇല്ലേലിവൻ വീണ്ടും വണ്ടി ഓടിച്ചാരെയെങ്കിലും ഇത് പോലെ ഇടിപ്പിക്കും. എന്തായാലും ഞാനിപ്പോൾ തന്നെ അതിനുള്ള നടപടികൾ സ്വീകരിക്കുവാണ് അതിനു ശേഷമേ ഇവന് ജാമ്യം ഞാൻ കൊടുക്കു SI പറഞ്ഞു.
എങ്കിൽ ഞങ്ങളിറങ്ങിക്കോട്ടെ സർ
ഓക്കെ നിങ്ങളെന്നാൽ പൊക്കോളു …
ഞങ്ങൾ 4 പേരും പുറത്തേക്കിറങ്ങി അച്ഛനോട് വണ്ടിയിലേക്ക് പൊക്കോളാൻ പറഞ്ഞിട്ട് അനുരാജേട്ടനെ കണ്ടു
അനുരാജേട്ടാ ആ നായിൻ്റ മോൻ പുറത്തിറങ്ങിയാൽ അപ്പോൾ എന്നെ വിളിക്കണം റോണി പറഞ്ഞു.
അനുരാജ് : ടാ നിങ്ങളെന്താ ഒപ്പിക്കാൻ പോണെ ?
ഏയ് അങ്ങനൊന്നുമില്ല ഏട്ടാ അവനിട്ട് ഒരു രണ്ടെണ്ണം പൊട്ടിക്കണം അത്രേ ഉള്ളു . അനൂപ് പറഞ്ഞു
അനുരാജ് : പൊട്ടിക്കുന്നതൊക്കെ കൊള്ളാം ഒളിയും മറയുമൊക്കെ വേണം പിന്നെ പ്രശ്നമാവാതെ നോക്കണം .
അതൊക്കെ ഞങ്ങൾ നോക്കിക്കോളാം ഏട്ടാ
ഏട്ടനവൻ ഇറങ്ങിയാലപ്പോൾ തന്നെ ഞങ്ങളെ വിളിച്ചറിയിക്ക്.
ഞാൻ പറഞ്ഞു.
ശരിയെടാ ഞാൻ അറിയിക്കാം നിങ്ങൾ ഇറങ്ങിക്കോളു
ശരിയേട്ടാന്ന് പറഞ്ഞ് ഞങ്ങൾ കാറിൽ കയറി റോണിയുടെ വണ്ടിയുടെ
അടുത്തേക്ക് പോയ് ഞങ്ങളവിടെ ഇറങ്ങിയ ശേഷം ഞാൽ അച്ഛനോട് പറഞ്ഞു സിന്ധൂട്ടിയോ ദേവൂട്ടിയോ ചോദിച്ചാൽ ഞങ്ങൾ എറണാകുളം വരെ പോയിരിക്കുവാണ് വരാൻ വൈകുമെന്ന് പറഞ്ഞാൽ മതി
അച്ഛൻ തലയാട്ടിക്കൊണ്ട് പറഞ്ഞു മക്കളെ സൂക്ഷിക്കണം….
പിന്നെ അവനെ കിട്ടിയാൽ പൂട്ടി ഇട്ടിരിക്കുന്ന നമ്മുടെ പഴയ ഗോഡൗണിലേക്ക് കൊണ്ട് പോര് ഇതാ ചാവി, ഞാൻ ചാവി വാങ്ങി പോക്കറ്റിലിട്ടു