എന്നാൽ ഞാൻ വീട്ടിലേക്ക് പോകുവാ എന്തെങ്കിലുമുണ്ടേൽ വിളിച്ചാൽ മതി എന്ന് പറഞ്ഞ് അച്ഛൻ തിരികെപ്പോയ്.
ഞങ്ങൾ റോണിയുടെ വണ്ടിയിൽ കയറി .
ടാ നമുക്ക് കുറച്ച് സാധനങ്ങൾ വാങ്ങാനുണ്ട്
വണ്ടി ഓടിച്ചുകൊണ്ട് റോണി പറഞ്ഞു .
എന്ത് സാധനം ?
ഞാൻ ചോദിച്ചു.
റോണി : ആദ്യം കുറച്ചു കയർ വാങ്ങണം.
ഞാൻ : കയറോ എന്തിന് ?
റോണി ഇത്തിരി കലിപ്പിൽ പറഞ്ഞു ”മണ്ടയിൽ കെട്ടി വണ്ടി വലിച്ചോണ്ട് നടക്കാൻ ” അതിനല്ലേ നമ്മൾ ഇപ്പോൾ ഇറങ്ങിയിരിക്കുന്നത്
ടാ പൊട്ടൻന്മാരെ നമുക്കവനെ പൊക്കണ്ടേ ?
വേണം…..
അപ്പോളവനെ പിടിച്ചു കെട്ടണ്ടെ അതിനാണ് കയറ് വാങ്ങാൻ പറഞ്ഞത്.
അതിന് നമ്മൾ ഇപ്പോളേ അവനെ പൊക്കാൻ പോകുവാണോ ?
അനൂപ് ചോദിച്ചു
റോണി : അതെ
ടാ പകൽ എങ്ങനെയാടാ അവനെ പൊക്കുന്നത് ?
ഞാൻ ചോദിച്ചു
ടാ നമ്മുടെ സിന്ധു അമ്മയെ പട്ടാപ്പകൽ അവന് വണ്ടി ഇടിപ്പിക്കാമെങ്കിൽ നമുക്കെന്തുകൊണ്ടവനെ പകൽ പൊക്കിക്കൂടാ ?
അത്കൊണ്ട് രണ്ടും ചോദ്യങ്ങൾ ചോദിക്കാതെ ഞാൻ പറയുന്നതങ്ങോട്ട് കേട്ടാൽ മതി റോണി പറഞ്ഞു
ഇനി ചൊറിയാൻ ചെന്നാൽ അവൻ തെറികൊണ്ടാറാട്ട് നടത്തും അതിനാൽ ഞങ്ങൾ ഒന്നും മിണ്ടിയില്ല
വണ്ടി ഒരു Hardware കടയിൽ നിർത്തി പ്ലാസ്റ്റിക് കയർ വാങ്ങി
തുർന്ന് യാത്രയായ് ടൗണിൽ നിർത്തിയിട്ട് റോണി പറഞ്ഞു
ടാ നമുക്ക് ഒരു കിലോ പഞ്ചസാരയും 2 ലിറ്റർ വെള്ളവും പിന്നെ ചെറിയൊരു ബക്കറ്റും വാങ്ങണം.
റോണി പറഞ്ഞതും ഞാനും അനൂപും ആശ്ചര്യത്തോടെ നോക്കി.
ടാ എന്തിനാടാ ഇതൊക്കെ വാങ്ങുന്നത് ?
അനൂപ് ചോദിച്ചു
ടാ കുണ്ണകളെ ഈ റോണി കാണിക്കും അപ്പോൾ കണ്ടാൽ മതി എല്ലാം
വേഗം ചെന്ന് പറഞ്ഞ സാധനങ്ങൾ വാങ്ങി വാ .
ഞാനും അനൂപും കൂടി റോണി പറഞ്ഞപോലെ സാധനങ്ങൾ വാങ്ങി വണ്ടിയുടെ പുറകിൽ വെച്ചു
വേഗന്ന് തന്നെ വണ്ടിയിൽ കയറി പിന്നെ വണ്ടി ചെന്ന് നിന്നത് അടുത്തുള്ള പങ്കജ് ബാറിൻ്റെ ലോക്കൽസിനായുള്ള ഗേറ്റിനു മുന്നിലാണ് അവിടെ നിന്നും അൽപ്പം മുന്നോട്ട് മാറ്റി റോണി വണ്ടി നിർത്തി .
ടാ എന്താടാ ഇവിടെ നിർത്തിയത് ?
ഞാൻ ചോദിച്ചു
റോണി : അവനെ പൊക്കാൻ…
അനൂപ് : അവനിവിടെ വരുമെന്ന് നിന്നോടാരു പറഞ്ഞു ?
റോണി : ആരും പറയണ്ട അൽപ്പം കോമൺസെൻസ് മതി
അത് മനസ്സിലാക്കാൻ.
അനൂപ് : എങ്ങനെ??
റോണി : എടാ മണ്ടന്മാരെ SI പറഞ്ഞത് നീയൊക്കെ മറന്നു പോയോ?
അവൻ ഒരു ആൽക്കഹോളിക്കാണ് മദ്യമില്ലാതെ അവന് ജീവിക്കാൻ പറ്റില്ല പിന്നെ അതിരാവിലെ തന്നെ പോലീസ് അവനെ പൊക്കിയിരുന്നു .
മദ്യം കിട്ടാത്തതിൻ്റെ എല്ലാ കുഴപ്പങ്ങളും അവൻ്റെ മുഖത്ത് പ്രകടമായിരുന്നു അതുകൊണ്ട് സ്റ്റേഷനിൽ നിന്നിറങ്ങിയാൽ അവനാദ്യം വരുന്നത് ഇങ്ങോട്ടായിരിക്കും കാരണം പോലീസ് സ്റ്റേഷനടുത്തുള്ള ഒരേ ഒരു ബാർ ഇതാണ് അവൻ തീർശ്ചയായും ഇവിടെ എത്തിയിരിക്കും ഇല്ലെങ്കിലെൻ്റെ ചാത്തൻമ്മാരവനെ ഇവിടെ കൊണ്ട് വന്നിരിക്കും .
മ്മ്….
“എന്നാലും എനിക്ക് അവനെ കണ്ട് ഒരു പരിചയവുമില്ല ആരായിരിക്കും അവനു പിന്നിൽ ” ?
ഞാൻ പറഞ്ഞു
റോണി : ടാ മോനെ അജിത്തേ നിനക്കവനെ കണ്ടൊരു പരിചയവുമുണ്ടാവില്ല
പക്ഷെ അവന് നിന്നെ നന്നായറിയാം അതറിയാവുന്നത് കൊണ്ടാണവൻ നിന്നെ കണ്ടിട്ടും പേടിക്കാതെ SI യുടെ മുന്നിൽ നിന്നത് .
അത്പോലെ എനിക്കും അവനെ അറിയാം
പക്ഷെ എനിക്ക് അവനെ അറിയാമെന്നത് അവനറിയത്തില്ല അതിനൊരു കാരണവുമുണ്ട് .
ഞാൻ : ടാ നീ ഇതെന്തൊക്കെയാ ഈ പറയുന്നത് അവൻ എങ്ങനെയാ എന്നെ അറിയുന്നത്?
റോണി : നീ ഓർക്കുന്നുണ്ടോടാ ഒരു മൂന്ന് കൊല്ലം മുമ്പ് നമ്മൾ രണ്ടും കൂടി ചാത്തൻ തറയിൽ നിന്നും ബിയറടി കഴിഞ്ഞ് വീട്ടിലേക്ക് പോയത് അന്ന് നീ എന്നെ വീട്ടിലാക്കി പോയി വീട്ടിൽ കയറിയപ്പോഴാണ് ഞാൻ ഓർത്തത് എൻ്റെ ഫോൺ നീ ബിയർ വാങ്ങിക്കൊണ്ട് വന്ന ബാഗിൽ നിന്നെടുക്കാൻ മറന്നു പോയെന്ന് എനിക്ക് അതിരാവിലെ എറണാകുളത്തേക്ക് പോവണ്ടതിനാൽ അപ്പോൾത്തന്നെ ഞാൻ നിൻ്റെ വീട്ടിലേക്ക് പോന്നു ബൈക്കുമെടുത്ത് ഹെൽമെറ്റും വെച്ച് ഫോൺ വാങ്ങുവാനായ് നിൻ്റെ വീട്ടിലേക്ക് ഞാൻ വരുവായിരുന്നു
വരുന്ന വഴി ഒരു ജീപ്പ് വേഗത്തിൽ വരുന്നത് കണ്ട് ഞാൻ ഇലക്ട്രിക് പോസ്റ്റിൻ്റെ അടുത്തേക്ക് വണ്ടി ഒതുക്കി നിർത്തി ആ വണ്ടിയിലേക്ക് നോക്കി
സ്ട്രീറ്റ് ലൈറ്റിൻ്റെ വെട്ടത്തിൽ ഞാനന്നവിടെ കണ്ട ഡ്രൈവറുടെ മുഖം പിന്നെ ഞാൻ കാണുന്നത് അൽപ്പം മുൻപ് സ്റ്റേഷനിൽ വെച്ചാണ് .
അതേടാ അന്ന് നിന്നെ തല്ലി അവശനാക്കിയവരുടെ കൂടെ ഇവനുമുണ്ടായിരുന്നു പക്ഷെ ഇവൻ വണ്ടിയിൽ തന്നെ ഇരുന്നത് കൊണ്ടായിരിക്കാം നീ ഇവനെ കണ്ടു കാണില്ല.
ഞാൻ മുന്നോട്ട് വരുമ്പോഴാണ് അടികൊണ്ട് കിടക്കുന്ന നിന്നെ കാണുന്നത് ഉടനെ തന്നെ ഞാൻ ഒരു വണ്ടി വിളിച്ചു വന്ന് നിന്നെ സിറ്റി ഹോസ്പിറ്റലിലാക്കി .
ഇപ്പോൾ നിനക്ക് മനസ്സിലായില്ലെ ഇതിനു പിന്നിൽ ആരാന്നെന്ന്????
റോണി പറഞ്ഞ് തീർന്നതും ഒരു നിമിഷം എൻ്റെ ചിന്ത പഴയകാലത്തിലേക്ക് പോയി ആ ഓർമ്മയിൽ നിന്നും യാന്ത്രികമായ് എൻ്റെ ചുണ്ടുകൾ ഒരു പേര് ഉരുവിട്ടു “ജയരാജൻ”
അതെ എന്നോടും എൻ്റെ കുടുംബത്തോടും ശത്രുതയുള്ള ഒരേ ഒരാൾ “ജയരാജൻ”
അതേടാ ഇതിനു പിന്നിൽ അവനാണ് ആ പട്ടിക്കഴുവേറി ജയരാജൻ റോണി പറഞ്ഞു .
നീ പഴയപോലെ ആയപ്പോൾ നിന്നെ പണിഞ്ഞ 4 അവന്മാരെയും നമ്മൾ തിരിച്ചു പണിതു പക്ഷെ അന്നേരം മുതൽ ഇന്ന് വരെ ഈ റോണി തിരയുന്ന ഒരു മുഖമുണ്ടായിരുന്നു. ഇന്ന് നമ്മൾ കണ്ട വെമ്പാല രാജൻ്റെ മുഖം അതിന് ശേഷം അവനെ കാണുന്നതിന്നാണ്
ജയരാജനെ തല്ലി ഒതുക്കി അവൻ്റെ പാറമടയും ബിസ്നസ്സും എല്ലാം നമ്മൾ പൂട്ടിച്ചു, പക്ഷെ അവൻ അടികൊണ്ട് പോയ ഒരു മൂർഖൻ പാമ്പായിരുന്നു വീണ്ടും അവൻ്റെ തല പൊങ്ങിയപ്പോൾ അവൻ തിരിച്ച് കൊത്താൻ ആരംഭിച്ചു.
ഇനി നമുക്കവനെ എന്നന്നേക്കുമായ് പൂട്ടണം അതിനുവേണ്ടിയുള്ള കാര്യങ്ങൾ നമ്മൾ മെനയണം അതിനാദ്യം വെമ്പാല രാജനെ പൊക്കണം അവനേത് മാളത്തിലാണെന്ന് കണ്ടെത്തണം എന്നിട്ട് ആ മാളമുൾപ്പടെ പെട്രോളൊഴിച്ച് കത്തിക്കണം
അതേടാ അവനെ തകർക്കണം ഇല്ലേലവൻ നമ്മളെ വെറുതേ വിടില്ല
ഞാൻ പറഞ്ഞു
റോണി : അവനെ പൊക്കാമെടാ അവൻ അടുത്ത പണിക്ക് മുതിരുന്നതിനു മുമ്പ് നമുക്കവനിട്ട് പണിയാടാ നീ പേടിക്കണ്ട…
എടാ റോണി ദേ അനുരാജേട്ടൻ വിളിക്കുന്നുണ്ട്
അനുപ് പറഞ്ഞുകൊണ്ട് ഫോൺ അറ്റൻഡ് ചെയ്ത് ലൗഡ് സ്പീക്കറിൽ ഇട്ടു
ടാ അവൻ പുറത്തിറങ്ങിയിട്ടുണ്ട് സ്റ്റേഷനു വാതിൽക്കൽ നിന്നും ഒരു ഓട്ടോ പിടിച്ച് ടൗണിലേക്ക് പോന്നിട്ടുണ്ട്.
ആ ശരി ഏട്ടാ ബാക്കി ഞങ്ങൾ നോക്കിക്കോളാം അനൂപ് പറഞ്ഞു
ടാ സൂക്ഷിക്കണം അവൻ നിങ്ങളുദ്ദേശിക്കുന്ന പോലെ നിസ്സാരക്കാരനല്ല
അതൊക്കെ ഞങ്ങൾ നോക്കിക്കോളാ ഏട്ടാ ന്ന് പറഞ്ഞ് അനൂപ് കോൾ കട്ടാക്കി