പൊന്നു ആരാടാ ഇതിനു പിന്നിൽ????
വേറെ ആരുമല്ല സിന്ധൂടി അവനാണ് ആ ” ജയരാജൻ ”
പേര് കേട്ടതും സിന്ധൂട്ടി ഒന്ന് ഞെട്ടി…
ജയ ….. ജയരാജനോ…???
അതെ…. പക്ഷെ എൻ്റെ സിന്ധൂട്ടി പേടിക്കണ്ട അവൻ്റെ ഫുൾ ഡീറ്റെയ്ൽസ് കിട്ടിയിട്ടുണ്ട് ഇനി വൈകാതെ തന്നെ അവനെ പൊക്കും ….
മോനെ സൂക്ഷിക്കണേടാ നിങ്ങൾ……
ഓ… പേടിക്കണ്ട സിന്ധുട്ടി ഞങ്ങൾ നോക്കിക്കോളാം പിന്നെ ഇപ്പോൾ ഇക്കാര്യം നമ്മൾ രണ്ടുമല്ലാതെ വേറെ ആരും അറിയണ്ടാട്ടോ….
മ്മ് ……
ഇപ്പോൾ എൻ്റെ സിന്ധമ്മയുടെ പിണക്കം മാറിയോ????
മ്മ്…. മാറി
എന്നാലെ സിന്ധൂട്ടിയുടെ പൊന്നൂട്ടന് ഒരുമ്മ തന്നേ
ഞാൻ എൻ്റെ മുഖം സിന്ധൂട്ടിയുടെ അടുത്തേക്കടുപ്പിച്ചു സിന്ധമ്മ എൻ്റെ കവിളിൽ ഉമ്മ തന്നു ഞാനും തിരിച്ചും കൊടുത്തു.
ദൈവമേ ഒരാളുടെ പിണക്കം മാറി ഇനി അടുത്തയാളെ ഞാൻ എങ്ങനെ ട്രാക്കിലാക്കും
ഒരു പുഞ്ചിരിയോടെ സിന്ധൂട്ടി പറഞ്ഞു
അത് അൽപ്പം പാടാണ് മോനെ
ദേവൂട്ടി നിന്നെ കാണാഞ്ഞിട്ട് ഇവിടെ ഉറഞ്ഞ് തുള്ളുവായിരുന്നു ഫുൾ കലിപ്പ് മോഡായിരുന്നു പെണ്ണിന്ന് …
അടിപൊളി അപ്പോൾ എൻ്റെ കാര്യത്തിൽ തീരുമാനമായ് സിന്ധൂട്ടി ഞാനെന്നാൽ അടുക്കളയിലേക്ക് പോകുവാ ദേവൂനെ വളക്കാൻ പറ്റുമോന്ന് നോക്കട്ടെ എന്ന് പറഞ്ഞ് ഞാൻ തിരിഞ്ഞു നടന്നു
പൊന്നൂട്ടാ…
എന്തോ…
“All The Best ”
ഒരളിഞ്ഞ ചിരിയോടെ സിന്ധൂട്ടി പറഞ്ഞു ഞാനും ഒരു ചിരി പാസ്സാക്കി അവിടെ നിന്നുമിറങ്ങി
അടുക്കളയിലെത്തിയപ്പോൾ അവിടെ ലക്ഷ്മി അമ്മയും ദേവുവും അമ്മുവുമുണ്ട്
ദേവൂ…..
ഞാൻ വിളിച്ചു പക്ഷെ
പെണ്ണ് നോക്കുന്നില്ല
ദേവൂസേ…
രക്ഷയില്ല
ദേവൂട്ടി….
ടീ ദേവു നിന്നെ വിളിക്കുന്നത് കേൾക്കാൻ മേലെ ലക്ഷ്മി അമ്മ പറഞ്ഞു
പെട്ടെന്ന് ദേവു എന്നെ നോക്കി മുഖം കൂർപ്പിച്ചിട്ട് വീണ്ടും അവൾ ചെയ്തിരുന്ന ജോലിയിൽ മുഴുകി
ഇനിയും നോക്കി നിന്നിട്ട് കാര്യമില്ലെന്ന് മനസ്സിലാക്കിയ ഞാൻ 18 മത്തെ അടവെടുത്തു
അവളുടെ അടുത്ത് ചെന്ന് അവളെ തിരിച്ചു നിർത്തി ഇടുപ്പിലൂടെ കയ്യിട്ട് എടുത്തുയർത്തി കറങ്ങുവാൻ തുടങ്ങി അമ്മുവും ലക്ഷ്മി അമ്മയും നോക്കി നിന്ന് ചിരിക്കുവാണ്
ദേവുക്കുരുപ്പ് എൻ്റെ രണ്ട് തോളത്തിട്ടും ഇടിക്കുകയാണ്.
ദേവു നീ എന്തിനാ മോനെ തല്ലുന്നത്?
ലക്ഷ്മി അമ്മയുടെ ചോദ്യം വന്നതും ഞങ്ങൾ രണ്ടാളും ഒന്ന് നിർത്തി
ഞാനിപ്പോഴും ദേവൂനെ എടുത്ത് പിടിച്ചിരിക്കുകയാണ്.
അതെ ഞാൻ എൻ്റെ കെട്ട്യോനെയാണ് തല്ലുന്നത് അതിനിപ്പോളെന്താ ?
ദേവൂട്ടിയുടെ മറുചോദ്യം എത്തി
ദേവൂ നല്ല വീക്ക് കൊടുക്ക് ചേട്ടനിട്ട് ഈയിടയായ് കുറച്ച് വഷളത്തരം കൂടുന്നുണ്ട്
അമ്മൂൻ്റെ കമൻ്റെത്തി
പോടീ കുറുമ്പി നിനക്ക് ഞാൻ വെച്ചിട്ടുണ്ടെടീ ഞാൻ അമ്മൂനോട് പറഞ്ഞു.
ഞാൻ പതിയെ ദേവൂനെ താഴെയിറക്കി എന്നിട്ട് ചോദിച്ചു ദേവൂസേ പിണക്കം മാറിയില്ലെ നിൻ്റെ???
ഇല്ല…..
രാവിലെ പോയതല്ലെ ഇന്നേരം വരെ എന്നെ ഓർത്തില്ലല്ലോ????
എവിടെയായിരുന്നു ഞാനെത്ര വട്ടം വിളിച്ചു എന്താ ഫോണെടുക്കാതിരുന്നത്???
ഞാൻ പതിയെ ദേവൂൻ്റെ കാതിനടുത്തേക്ക് മുഖമടുപ്പിച്ച് പറഞ്ഞു
“ഞാൻ പറഞ്ഞില്ലെ എൻ്റെ ദേവൂട്ടിയോട് എനിക്ക് ജയിക്കണമെന്ന് അതിൻ്റെ ആദ്യപടി ഞാനിന്ന് വിജയിച്ചു ”
അതിൻ്റെ തിരക്കിലായിരുന്നു അതാ ഞാൻ ഫോണെടുക്കാതിരുന്നതും എൻ്റെ ദേവൂനെ വിളിക്കാൻ പറ്റാഞ്ഞതും സോറീ ദേവൂസേ….
പറഞ്ഞ് തീർന്നതും പെണ്ണിൻ്റെ മുഖം സന്തോഷം കൊണ്ട് പൂത്തുലഞ്ഞു
ദേവു എൻ്റെ കണ്ണുകളിലേക്ക് നോക്കി നിന്നു
എന്താ രണ്ടും കൂടി ഒരു സ്വകാര്യം പറച്ചിലും റൊമാൻസും അമ്മുൻ്റെ അടുത്ത കമൻ്റെത്തി
പക്ഷെ ഇപ്രാവശ്യം ഞാൻ മറുപടി പറയുന്നതിനു മുൻപ് ദേവൂട്ടിയാണതിനു മറുപടി പറഞ്ഞത്
അതേ ഞാനും എൻ്റെ പൊന്നൂട്ടനും കൂടി പല രഹസ്യങ്ങളും പറയും അതിനു നിനക്കെന്താടി കുശുമ്പിപ്പാറു…..
ദേവൂൻ്റെ മറുപടി ചെന്നതും അമ്മു നന്നായൊന്ന് പ്ലിങ്ങി
ഓ അപ്പോൾ നിങ്ങൾ വീണ്ടും ” ചക്കരയും പീരയുമായ് ” ഞാൻ പുറത്തും …. മുഖം ചുളിപ്പിച്ച് അമ്മു പറഞ്ഞു.
ഞാൻ ദേവൂനെ കൂട്ടി അമ്മൂനടുത്തേക്ക് ചെന്ന് അവളെകൂടി ചേർത്ത് പിടിച്ചു പറഞ്ഞു എൻ്റെ കുറുമ്പിയെ ഈ ഏട്ടൻ പുറത്താക്കുമെന്ന് തോന്നുന്നുണ്ടോ….
നിങ്ങൾ എല്ലാരുമടങ്ങുന്നതാണ് എൻ്റെ ലോകം നിങ്ങളുടെ സന്തോഷമാണ് ഈ ഏട്ടന് എന്നും വലുത്
ഇതെല്ലാം കണ്ടിട്ട് ലക്ഷ്മി അമ്മയുടെ കണ്ണ് നിറഞ്ഞൊഴുകുന്നതാണ് ഞാൻ കാണുന്നത്….
ദേവൂസേ ദേ നോക്കിക്കെ നമ്മുടെ ലക്ഷ്മി അമ്മ കരയുന്നു …..
ഞാൻ പറഞ്ഞു
ദേവുവും അമ്മുവും എൻ്റെ ദേഹത്ത് നിന്നും അടർന്ന് മാറി ലക്ഷ്മി അമ്മയെ നോക്കി….
അമ്മേ അമ്മ എന്തിനാ കരയുന്നേ???
അമ്മു ചോദിച്ചു
ഒന്നുമില്ല മോളെ…
നിങ്ങളുടെ ഈ സ്നേഹം കണ്ടപ്പോൾ ഒരുപാട് സന്തോഷമായ് അറിയാതെ കണ്ണു നിറഞ്ഞുപോയതാ…
ഈ ലക്ഷ്മി അമ്മ എപ്പോഴുമിങ്ങനാ സന്തോഷം വന്നാലും സങ്കടം വന്നാലും കരയും അതേ ഇനി സന്തോഷം വരുമ്പോൾ ചിരിച്ചാൽ മതീട്ടോ … അമ്മു പറഞ്ഞു
ലക്ഷ്മി അമ്മ കണ്ണ് തുടച്ചുകൊണ്ട് പറഞ്ഞു ശരി മോളെ ….
—————————
ദേവൂ….
എന്താ ഏട്ടാ…
എനിക്ക് ഒരു ഗ്ലാസ് കാപ്പി തരാവോ ???
5 മിനിറ്റ് ഞാനിപ്പോൾ തിളപ്പിച്ചു തരാം
ആ എന്നാൽ ഞാൻ റൂമിൽ കാണും ഒന്ന് കുളിക്കണം നീ അങ്ങോട്ട് വന്നാൽ മതി
ശരി ഏട്ടാ….
ഞാനവിടുന്ന് തിരിഞ്ഞ് നടന്ന് സ്റ്റെയർ കയറുന്നതിനിടയിൽ ഫോണെടുത്ത് പ്രിയയെ വിളിക്കാനൊരുങ്ങി
ദൈവമേ പ്രിയയുടെ നമ്പറിൽ നിന്നും 21 മിസ് കോൾ
രണ്ടും കൽപ്പിച്ചു ഞാൻ ഡയൽ ചെയ്തു മൂന്നാമത്തെ റിങ്ങിൽ പ്രിയ ഫോണെടുത്തു പിന്നെ കമ്പക്കെട്ടിന് തിരികൊളുത്തും പോലായിരുന്നു അപ്പുറത്ത് നിന്നും ഫയറിംഗ് അവസാനം ഒരു വിധം ഞാൻ എല്ലാം പറഞ്ഞ് കോബ്ലിമെൻ്റാക്കി.
അപകടം നടന്നതറിയിക്കാത്തതിനുളള പിണക്കവും പരിഭവവുമായ് പിന്നെ, എല്ലാം ഞാൻ അതി വിദഗ്ദമായ് ഡീൽ ചെയ്തു
ടീ നീ എന്നാണ് തിരുവനന്തപുരത്തേക്ക് പോകുന്നത്
ഞാൻ നാളെ രാവിലെ പോകുമെടാ
നാളെ ഞായറാഴ്ചയല്ലേ നാളെ എന്തിനാ പോകുന്നേ
ടാ കോളേജിൽ ഇൻ്റേണൽ എക്സാം തുടങ്ങി എനിക്ക് തിങ്കളാഴ്ച എക്സാം സ്യൂട്ടി ഉണ്ട് അതാണ്.
നിന്നെ പോലെ അല്ലല്ലോ ഞാൻ , ഞാൻ പഠിപ്പിക്കുന്നത് ഗവൺമെൻ്റ് കോളേജില്ലേ …
ഓ നമ്മക്കിട്ട് ഉസ്തി അല്ലെ ?
പ്രിയ ചിരിച്ചു കൊണ്ട് പറഞ്ഞു ശരിയെടാ ഞാൻ അടുത്താഴ്ച വരാം അന്നേരം നേരിൽ കാണാം .
എന്നാൽ ശരിയെടി
ഫോൺ കട്ട് ചെയ്തു
ആ കടമ്പയും കടന്നു
ഇനിയുള്ളത് ഒരു “ഹൈഡ്രജൻ ബോംബാണ് ജിത്തു ”
പതിയെ നെറ്റ് ഓണാക്കി വാട്ട്സപ്പ് തുറന്നു
ചറപറ വരുന്നു ജിത്തുവിൻ്റെ മെസേജും മിസ്കോളും
ഞാൻ അവനെ വീഡിയോകോൾ ചെയ്തു ബെല്ലടിച്ചു തീരാറായതും അവൻ ഫോണെടുത്തു
എടാ പന്നക്കഴുവേറി
എൻ്റെ സിന്ധു അമ്മയ്ക്ക് ആക്സിഡൻ്റായിട്ട് ഇപ്പോൾ എത്ര ദിവസം കഴിഞ്ഞെടാ നീ എന്നെ ഒന്നറിയിച്ചോടാ അല്ലാത്തപ്പോൾ നീ മെസേജ് കൊണക്കുന്നതാണല്ലോ ആവശ്യമുള്ള കാര്യം വരുമ്പോൾ നീ മിണ്ടില്ലല്ലെ