ഈ സമയത്താണ് ദേവു കാപ്പിയുമായ് കയറി വരുന്നത്
“ടാ ഞാനൊന്ന് പറയട്ടെ ”
നീ ഇനി ഒന്നും പറയണ്ട നീ ഫോൺ ദേവൂട്ടിക്ക് കൊടുത്തേ ഞാനവളോട് പറഞ്ഞോളാം
ഫോൺ ഞാൻ ദേവൂന് കൊടുത്തു
ആ എന്താ ഏട്ടാ ???
ദേവൂ നിനക്കറിയുമോ ഈ ജിത്തു ഇന്ന് ജീവനോടെ ഇരിക്കുന്നുണ്ടേൽ അതിനു കാരണം നിൻ്റെ എട്ടനും കുടുംബവുമാണ്
ജീവിതത്തിൽ തകർന്ന് പോയ എന്നെയും കുടുംബത്തെയും കൈപിടിച്ചുയർത്തിയത് വേറെ ആരുമല്ല ദേവൂന് മുന്നിലിരിക്കുന്ന ആ മഹാനാണ്
പെറ്റമ്മയുടെ സ്നേഹം എനിക്ക് ആവോളം തന്നത് സിന്ധു അമ്മയാണ് ആ അമ്മയാണ് ഇന്ന് വയ്യാതെ കിടക്കുന്നത് (ജിത്തു കരയുവാൻ തുടങ്ങി അത് കണ്ട് ദേവുവും തുടങ്ങി കരച്ചില്)
ദേവു മോളെ നീ അജിത്തിനോട് പറ സിന്ധു അമ്മ എന്നെ പ്രസവിച്ചില്ലന്നേ ഉള്ളു ഞാനും അമ്മയുടെ മോനാണെന്ന് …
ഇത്രയും പറഞ്ഞവൻ ഫോൺ കട്ടാക്കി
ദേവു ഫോൺ എൻ്റെ കയ്യിൽ തന്നിട്ട് പറഞ്ഞു എന്താ ഏട്ടാ ഇത്
അവരോടൊക്കെ വിളിച്ച് കാര്യമൊക്കെ പറയണ്ടേ ജിത്തുവേട്ടൻ പ്രിയേച്ചിയുടെ ഫോണിൽ വീഡിയോകോൾ വിളിച്ച് സിന്ധൂട്ടിയുടെ മുന്നിൽ കരയുവായിരുന്നു വൈകുന്നേരം
ഞങ്ങളെല്ലാരും അത് കണ്ട് കരഞ്ഞു പോയ് അവസാനം സിന്ധൂട്ടിയാണ് കുഴപ്പമില്ല മോനെ എന്നൊക്കെ പറഞ്ഞ് ആശ്വസിപ്പിച്ചത്.
ദേവൂട്ടി ഞാനവനോട് മനപ്പൂർവ്വം പറയാതിരുന്നതാണ് ഒരു പാട് ട്രാജഡികൾ നേരിട്ടതാ ജിത്തു ഇത് കൂടി പറഞ്ഞ് അവനെ വേദനിപ്പിക്കണ്ടാന്ന് കരുതിയാ ഞാനവനോട് പറയാതിരുന്നത് …
ഇനിയിപ്പോൾ പോട്ടെ ഏട്ടൻ സങ്കടപ്പെടണ്ട നമ്മുടെ ജിത്തുവേട്ടനല്ലെ പിണങ്ങി എവിടെ പോവാനാണ് ഇപ്പോൾ തന്നെ വിളിക്കും കണ്ടോളു…
ഏട്ടൻ ഈ കാപ്പി കുടിച്ചിട്ട് കുളിച്ച് റെഡിയായ് വാ ഞാൻ സിന്ധൂട്ടിയുടെ അടുത്തുണ്ടാവും
വേഗം കുളിച്ച് വാ എന്ന് പറഞ്ഞ് ദേവു എന്നെ ഉന്തിത്തള്ളി ബാത്റൂമിൽ കയറ്റിയിട്ട് അവൾ താഴേക്ക് പോയി ഞാനൊരു കുളിയൊക്കെക്കഴിഞ്ഞ് ഡ്രസ്സൊക്കെ ഇട്ട് താഴേക്കിറങ്ങാൻ റെഡിയായതും ജിത്തു വാട്ട്സാപ്പിൽ വോയ്സ്കോൾ ചെയ്തു ഞാൻ കോൾ അറ്റൻഡ് ചെയ്തു
“ഹലോ ജിത്തു ”
“എത് പന്നക്കഴുവേറികളാടാ ഇതിനു പിന്നിൽ “???
പെട്ടെനവൻ്റെ ചോദ്യം കേട്ടതും ഞാനൊന്ന് ഞെട്ടി……
‘ടാ പറയാൻ ആരാണ് സിന്ധു അമ്മയെ വണ്ടി ഇടിപ്പിച്ചത് ????
ടാ അത് …. ആ ജയരാജനാടാ…
നീ എങ്ങനെ അറിഞ്ഞെടാ ഇത്
ഞാനറിഞ്ഞതവിടെ നിൽക്കട്ടെ,
നീ എന്താ ചെയ്യാൻ പോകുന്നത്???
“അവനെ പൊക്കാൻ പോകുവാടാ അവനെ അടപടലം പൂട്ടും ”
ടാ എനിക്കിനി ഇവിടെ 2 മാസം കൂടിയേ വിസാ കാലാവധിയുള്ളു ഞാനത് ഇന്ന് തന്നെ ക്യാൻസൽ ചെയ്ത് തിരിച്ചു പോരാൻ പോകുവാ ഫ്ളൈറ്റ് ടിക്കറ്റ് എടുത്തു
തിങ്കളാഴ്ച രാവിലെ 7 മണിക്ക് കൊച്ചി എയർപോർട്ടിൽ ഞാൻ വരും നീയും റോണിയും അനൂപും കൂടി വന്നേക്കണം എന്നെ കൂട്ടാൻ….
ടാ നീ… നീ…’ സത്യമാണോ ഈ പറയുന്നത് ‘
അതേടാ ഞാനും ഉണ്ടെടാ അവനെ പൊക്കാൻ ഇനി ഞാൻ തിരികെ പോകുന്നില്ലെടാ എന്നും അവിടെ ഉണ്ടാവും .
ഞാൻ റോണിയെ വിളിച്ചപ്പോഴാ കാര്യങ്ങൾ എല്ലാം എന്നോടവൻ പറഞ്ഞത് അത് കേട്ടിട്ട് എനിക്കിവിടെ ഇരിപ്പുറക്കുന്നില്ലെടാ ഞാൻ വരുവാണ് നാട്ടിലേക്ക്
ടാ എന്നാൽ ഞാൻ നാളെ വിളിക്കാം ബാക്കി ഫോർമാലിറ്റീസ് കൂടി തീർക്കട്ടെ ഞാൻ പറഞ്ഞത് മറക്കണ്ട തിങ്കളാഴ്ച 7 മണി CIAL ൽ വെച്ച് നമുക്ക് കാണാം 0K Da
OK Da
എനിക്ക് എന്ത് പറയണമെന്നറിയില്ല ഒത്തിരി സന്തോഷം തോന്നുന്നു
ജിത്തു ഞങ്ങളുടെ ചങ്ക് തിരിച്ച് വരുന്നു….
ഞങ്ങളുടെ ചാത്തൻതറ വീണ്ടും ഉണരുന്നു….
ഞാൻ മുറിയിൽ നിന്നും പുറത്തിറങ്ങി എല്ലാരോടും പറയണോ ??
വേണ്ട ഇത് ഒരു യമണ്ടൻ സർപ്രൈസിനുള്ള വകുപ്പുണ്ട് നൈസായിട്ട് അവനെ കൊണ്ട് വന്നാൽ മതി അങ്ങനെ ചിന്തിച്ച് ഞാൻ താഴെ എത്തി അച്ഛനും സനലും അവിടെ ഉണ്ടായിരുന്നു എല്ലാരുമായ് ഭക്ഷണം കഴിച്ചു സിന്ധുട്ടിയുടെ അടുത്ത് കുറച്ച് നേരമിരുന്നിട്ട് ഞാൻ റൂമിലേക്ക് പോകാനൊരുങ്ങിയപ്പോൾ ദേവു ഒരു ജഗ്ഗിൽ വെള്ളം എൻ്റെ കയ്യിൽ തന്നിട്ട് പറഞ്ഞു ഏട്ടൻ പൊക്കോളു ഞാൻ പാത്രമൊക്കെ കഴുകീട്ട് വരാം….
ഞാൽ ശരി എന്ന് പറഞ്ഞ് തലയാട്ടിക്കൊണ്ട് റൂമിലെത്തി ജഗ് ടേബിളിൽ വെച്ചിട്ട് കട്ടിലിൻ്റെ ക്രാസിൽ ചാരി കണ്ണുകളടച്ചു ഇരുന്നു……….
തുടരും…….
സുഹൃത്ത്ക്കളെ കഥ എത്രമാത്രം നിങ്ങൾക്ക് ഇഷ്ടപ്പെടുന്നുണ്ടെന്ന് എനിക്കറിയില്ല…
വായിച്ചതിനു ശേഷം നിങ്ങളുടെ വിലയേറിയ അഭിപ്രായം രേഖപ്പെടുത്താൻ മറക്കരുത്
കഥയ്ക്ക് നൽകുന്ന പ്രോത്സാഹനത്തിന് ഒരിക്കൽ കൂടി നന്ദി പറയുന്നു….
അടുത്ത പാർട്ട് മുതൽ നമ്മൾ അജിത്തിൻ്റെ കോളേജ് കാലഘട്ടത്തിലേക്ക് കടക്കുകയാണ് .
ഇവിടെയാണ് കഥയിലെ പല വ്യക്തികളെയും നമ്മൾ ഡീറ്റെയ്ലായ് പരിചയപ്പെടുന്നത്…. തുടർന്നും എല്ലാരുടെയും സപ്പോർട്ട് ഉണ്ടാവുമെന്ന് പ്രതീക്ഷിച്ചുകൊണ്ട്
ഒത്തിരി സ്നേഹത്തോടെ,……❤️❤️❤️❤️❤️❤️❤️❤️
അരുൺ മാധവ്