എന്താ മാഷേ ഇത്???? പല്ലൊക്കെ ഇന്നു കടിച്ചു പൊട്ടിക്കുവോ???? ദേ സ്റ്റിച്ചും പൊട്ടിയെന്നാ തോന്നണെ…..വീണ്ടും പരിഭ്രമം നിറഞ്ഞ ആ കിളിനാദം കേട്ടാണ് കണ്ണുതുറന്നത്. മുന്നിൽ അവൾ.
ഞാൻ വെറുതെ ഒന്ന് ചിരിച്ചു.
ആരോടാ മാഷേ ഈ ദേഷ്യം???? സ്വന്തം പല്ല് കടിച്ചു പൊട്ടിക്കാൻ മാത്രം??? അവൾ നിറഞ്ഞ ചിരിയോടെ എന്നെ സമീപിച്ചു.
ഞാനൊന്നും പറഞ്ഞില്ല. ഞാൻ അവളെ നോക്കിക്കാണുകയായിരുന്നു. വല്യ സുന്ദരി ഒന്നുമല്ല. പക്ഷേ നല്ല സ്ട്രക്ച്ചർ. ഇരുനിറത്തിൽ അവിശ്യത്തിന് പൊക്കവും വണ്ണവും. ചുരുട്ടിക്കെട്ടി വെച്ചിരിക്കുന്ന മുടി. ചുരിദാറിന്റെ മുന്നിൽ ഇപ്പോ പുറത്തുചാടും എന്നപോലെ ഉയർന്ന മാറിടം. ദൈവമേ കാൻഡ്രോള് കളയല്ലേ…
സാധാരണ നഴ്സുമാർ ഒരു ഓവർക്കോട്ട് ഇടുന്നതാണ്. ഇവിടെ അതോന്നുമില്ലേ????എന്തായാലും കലക്കി. ഒരു നേരമ്പോക്ക് ആകുമല്ലോ.
ഹലോ മാഷേ….ഇതെവിടാ????അവൾ എനിക്കിട്ട് തട്ടിയപ്പോളാണ് ഉണർന്നത്.
അതുപിന്നെ…. ഞാൻ…. എന്തുപറയണം എന്നറിയാതെ നിന്നു വിക്കി.
ഓ…വേണ്ട വേണ്ട….ഞാൻ ദിവസോം എത്ര രോഗികളെ കാണുന്നതാ….അവൾ ഒരു കള്ളച്ചിരിയോടെ പറഞ്ഞു. അവൾ ഉദ്ദേശിച്ച രോഗി ഏതാണെന്ന് ആ കള്ളച്ചിരി വിളിച്ചോതി.
എനിക്ക് ഞരമ്പിന് കുഴപ്പം ഒന്നുമില്ല…. ഞാൻ പെട്ടെന്ന് പറഞ്ഞു.
അവൾ പൊട്ടിച്ചിരിച്ചു. പറഞ്ഞത് അബദ്ധമായിപ്പോയി.
അതിന് ഇയ്യാള് ഞരമ്പ് രോഗിയാന്നു ഞാൻ പറഞ്ഞോ????? വീണ്ടും ചിരി.
ഉള്ളത് പറയാമല്ലോ ആ ഒറ്റ ദിവസം കൊണ്ടുഞാനും അവളും തമ്മിൽ നല്ല കമ്പനിയായി. അവളുടെ പേര് ശ്രീജ എന്നാണ്. അന്നുമുതൽ ഇന്നുവരെ അവൾ എന്റെ ഏറ്റവും നല്ല സുഹൃത്തുക്കളിൽ ഒരാളാണ്. എന്തും പറയാവുന്ന ഒരു ചങ്ക്. പിറ്റേന്ന് എന്നെ ICU വിൽ നിന്ന് റൂമിലേക്ക് മാറ്റി. റൂമിലേക്ക് എന്നെ സ്ട്രെച്ചറിലാണ് കൊണ്ടുവന്നത്.
വന്നതെ ഞാൻ കണ്ടു. ഭിത്തിയിൽ ചാരി നിക്കുന്ന റോസും ശ്രീയും വിശാലും. കൂട്ടത്തിൽ എനിക്ക് പരിചയം ഇല്ലാത്ത ചിലരും.
റൂമിൽ വന്നതും അച്ചു ഓടിവന്നു. അച്ഛന്മാരും അറ്റെണ്ടർമാരും കൂടി എന്നെ എടുത്തു ബെഡിലേക്ക് കിടത്തി. അവളുടെ വിചാരം ആരെങ്കിലും എന്റെ എടുത്തില്ലെങ്കിൽ ഞാൻ ആ പോക്കിൽ തട്ടിപ്പോകുമെന്നാണെന്നു തോന്നി. അച്ചു കൊറേനേരം പതം പറഞ്ഞു. ചേച്ചിയും അമ്മമാരും കൂടി ഏതോ അമ്പലങ്ങളിലും പള്ളിയിലും നേർച്ച കഴിക്കാൻ പോയത്രെ. മകനെ തിരിച്ചു കിട്ടിയതിലുള്ള നന്ദി പ്രകാശനം.
കുറച്ചു കഴിഞ്ഞു ബാക്കി എല്ലാരും കേറി വന്നു. അവർ എന്തോ കണ്ണു കാണിച്ചു. അതോടെ അച്ചന്മാർ അച്ചുവിനെയും കൂട്ടി പുറത്തേക്കിറങ്ങി. പോകുന്ന പോക്കിൽ അച്ഛൻ എന്നെ നോക്കി ഒന്നുമില്ല എന്ന അർഥത്തിൽ ഒന്നു കണ്ണിറുക്കി കാണിച്ചു.
തല അൽപ്പം ഉയർത്തി 2 തലയിണയുടെ മുകളിലാണ് വെച്ചിരിക്കുന്നത്. ഒരു വശത്തായി ചെവിക്ക് മുകളിലാണ് അടി കിട്ടിയത്. അൽപ്പം പിന്നിലേക്ക് മാറിയിരുന്നു എങ്കിൽ കാറ്റു പോകുമായിരുന്നു. ഇതൊക്കെ ശ്രീജ പറഞ്ഞ അറിവാണ്. തലക്ക് ആ ഭാഗത്ത് നല്ല വേദനയാണ്. അതുകൊണ്ട് ആ വശത്തേക്ക് തല തിരിക്കാനാവില്ല. അതുകൊണ്ട് എല്ലാരും എനിക്ക് അഭിമുഖമായി വന്നു നിന്നു. ആരും ഒന്നും മിണ്ടുന്നില്ല.വീണ്ടും ശോകം.
ഹാ….നിങ്ങളെന്നാ ഒരുമാതിരി മരണവീട്ടിൽ വന്നപ്പോലെ…. ഞാൻ ചത്തില്ലടോ…… ഞാൻ ഒന്ന് തമാശിക്കാൻ ശ്രമിച്ചു.
പോ മൈ….. വീശാൽ പറയാൻ വന്ന തെറി പെണ്പിള്ളേര് ഉള്ളതിനാൽ അങ്ങു അടക്കി.
ഞാൻ ശ്രീയെ നോക്കി. അവൾ എന്നെ ഒരു നിർവികാര ഭാവത്തിൽ നോക്കി നിൽക്കുവാണ്. കണ്ണിൽ ഏതോ ഒരു ഫീലിംഗ്…. പ്രണയമാണോ???? സഹതാപം ആണോ അറിയില്ല. പ്രണയമാവണം. സിനിമയിൽ ആണെങ്കിൽ ഒരു ലൈൻ തുടങ്ങാനുള്ള കറക്റ്റ് ടൈം. എന്റെ ചുണ്ടിലൊരു ചിരി വിടർന്നു.
ടാ….ഇവര് വന്നത്……വിശാൽ എന്തോ പറയാൻ വന്നത് ഒന്നു നിർത്തി. എല്ലാരും പരസ്പരം ഒന്നു നോക്കി.
എന്താ?????
ടാ അതു….
കാര്യം പറയടാ……
അവനില്ലേ????? ആ ആൽബി.
ആര്?????
നിന്റെ തന്ത……ടാ നറീ…. നിന്നെ തല്ലിയവൻ. അവനെതിരെ ആരും സാക്ഷി പറയത്തകൊണ്ട്…..