“” ഏട്ടന്റെ കൂടെ വെളിയിലേക്ക് ഇറങ്ങിയപ്പോ ഒത്തിരി സന്തോഷം ഉണ്ടായിരുന്നെ… അപ്പോളാ ചേച്ചി പറഞ്ഞെ.. ഏട്ടൻ അത് വേണോ ഇത് വേണോന്ന് ചോദിക്കും ഒന്നും വേണ്ടന്ന് പറഞ്ഞാൽ മതീന്ന് പറയണം.. കാശ് കളയല്ല് ഇപ്പോ തന്നെ ഏട്ടൻ നമ്മക്ക് വേണ്ടി കുറെ ചെലവാക്കുണ്ട് ന്നൊക്കെ.. ശെരിയല്ലേ.. ഒരുപാട് ആയില്ലേ ഇപ്പൊ തന്നെ… “”
അവൾ ഇടത്തെ കൈത്തണ്ട കോണ്ട് കണ്ണീർ തുടച്ചു ഒന്ന് ചിരിച്ചു.. ന്തോ ന്റെ കൈ ആ തലയിൽ അറിയാതെ തഴുകി പോയി.. പുറത്തൊന്നു തട്ടി
“” ഒരുപാട് സന്തോഷം തോന്നുണ്ടെട്ടാ ഇപ്പോ…
കൂട്ടുകാരികൾ പണ്ടൊക്കെ ഏട്ടനെ കുറിച്ചൊക്കെ പറയുമ്പോ കൊതിച്ചിട്ടുണ്ട്.. നികും ഒരേട്ടൻ ഉണ്ടായില്ലല്ലോ ന്നോർത്ത്.. പക്ഷെ ഇപ്പോ നിക്ക് തോന്നുന്നു എന്റെ പ്രാർത്ഥന കൃഷ്ണൻ കേട്ടെന്ന്..
വീട്ടിൽ ചേച്ചിടെ കല്യാണം ഉറപ്പിച്ചെന്ന് പറഞ്ഞപ്പോ പേടിയായിരുന്നു..കുടുംബത്തിൽ ഉള്ളൊരു പറഞ്ഞ് എന്തേലും പോക്കിരി ആയിരിക്കും കെട്ടുന്നേ അതോടെ കഴിഞ്ഞു ന്നെല്ലാം.. ആദ്യം മണ്ഡപത്തിൽ വച് ഏട്ടനെ കണ്ടപോലും നിക്ക് പേടിയായിരുന്നു.. പിന്നേ ന്നോട് വന്ന് മിണ്ടില്ലേ അപ്പൊ മനസിലായി പാവന്ന്.. ഏട്ടനെ കുറിച്ച് ഒരുപാട് ഞാൻ പറഞ്ഞിട്ടുണ്ട് കോളേജിൽ, ആദ്യമൊക്കെ ഏട്ടന്റെ ഫോട്ടോസ് കാണിച്ചു ഇതാണ് ഏട്ടൻ ന്ന് പറയുമ്പോ തള്ളാണെന്ന് പറയും.. അവരേം കുറ്റം പറയാൻ പറ്റില്ലാലോ ഗതിയില്ലാത്ത വീട്ടിലെ പെണ്ണിന് എങ്ങനാ കിട്ടുന്ന അവര് ചോദിക്കുന്നെ.. ശെരിയല്ലേ.. പക്ഷെ അവളുമാർ കൂടെ പറഞ്ഞപ്പോ എല്ലാർക്കും വിശ്വാസമായി.. “”
അവളൊന്ന് നിർത്തി, കണ്ണുകൾ തുടച്ചു നികും എന്താ പറയേണ്ടതെന്ന് അറിയില്ല ആല്ലേൽ ന്ത് പറയാൻ.. ഈ കാലയളവിൽ ഈ കുഞ് ന്തോരം വിഷമിച്ചിട്ടുണ്ട്. ഞാൻ അവളെ ചേർത്ത് പിടിച്ച്
“” ആർക്കാ ന്റെ കൊച്ചു പറഞ്ഞിട്ട് വിശ്വാസം വരാതെന്ന് നോക്കണമല്ലോ.. നമ്മക്ക് നിന്റെ കോളേജിൽ ഒന്ന് പോയി പൊളിക്കണ്ടേ… “”
മ്മ്… അവളൊന്ന് മൂളി..
“” അഹ്.. അതെന്നാ ഒരു ഉഷാറില്ലാതെ.. മ്മ്മ് കനത്തിൽ ഒന്ന് മൂളിയെ നോക്കട്ടെ.. “”
അവള് ഒന്ന് ചിരിച്ചു ഒച്ചതിൽ ഒന്ന് മൂളി..
“” ആഹ് അത്രേം ഉള്ളൂ.. ഇനി ന്റെ കൊച്ചിന് ആരുമില്ലെന് കരുതരുത്. സ്നേഹിക്കാൻ ഇപ്പോ രണ്ട് അച്ഛനമ്മമാർ ഉണ്ട്., രണ്ടട്ടന്മാർ ഉണ്ട് പിന്നേ രണ്ട് ചേച്ചിമാരുമുണ്ട് കേട്ടോടാ .. “”
അതിനവൾ ഓളം വെട്ടുന്ന കണ്ണുകളോടെ എന്നെ നോക്കി കണ്ണീർ കലർന്ന നിറഞ്ഞ പുഞ്ചിരി നൽകി..
“” പിന്നെ നിന്റെ ചേച്ചി..! അവളോട് പോകാൻ പറയെടി.. അവളാര് ജഡ്ജിയോ തീരുമാനം അറിയിക്കാൻ., ന്റെ കൊച്ചിന് വേണ്ടതെല്ലാം ഈ ഏട്ടൻ വാങ്ങി തരും ഇല്ലേൽ പിന്നെ ഞാൻ ന്തിനാ നിന്റെ ഏട്ടനാണ് ന്ന് പറഞ്ഞ് നടക്കുന്നെ.. ഇപ്പോ ബാ നമ്മക്ക് നല്ല രണ്ട് കപ്പയും പോർക്കും തട്ടാം.. “”
പിന്നെ അതങ്ങോട്ട് കറക്കമായിരുന്നു, കപ്പയും കഴിച്ചു നങ്ങള് പോയത് ഫാൻസി കടയിലാണ് അവൾക് കുറെ എന്തോ സാധനം എടുത്ത്, വേണ്ടെന്ന് പറഞ്ഞെങ്കിലും എടുപ്പിച്ചു, കുറെ കറങ്ങി എന്റെ ഫ്രണ്ട്സിനെ എല്ലാമോന്ന് കണ്ടു എടക്കല്ലേ വരവൊള്ളൂ.ഇടക്ക് അവള് വിളിച്ചു വരാറായില്ലേ ന്ന് ചോദിച്ചപ്പോ മിറ്റത്തൊട്ട് ഇറങ്ങി നിന്നോ ദാ വന്നെന്ന് പറഞ്ഞിട്ട് ഇപ്പോ മണിക്കൂർ ഒന്നായി..
തിരിച്ചു എത്തിയപ്പോ സന്ധിയായി, വണ്ടിയുടെ ഇരമ്പൽ കേട്ടാണ് ഉമ്മറത് ഇരുന്ന അച്ഛനും ഏട്ടനും അമ്മായിയപ്പനും ന്നേ നോക്കുന്നെ.. കുട്ടത്തിൽ കട്ടള പടിയിൽ ഒരു തല മാത്രം പെട്ടന്ന് അത് അപ്രതീക്ഷിതമായി ,
“” ന്തൊരു ഒച്ചയാടാ ഈ വണ്ടിക്ക്..ങേ . കൊടുത്ത പൈസക്ക് ഗുണമുണ്ടോ…., അതുമില്ല..!! ഒന്ന് പുറകിൽ കേറാണെകിൽ ചെയിപ്പിന്ന് ഏണി കോണ്ട് വരണ്ട അവസ്ഥയാ..”