ബാക്കി സമയങ്ങൾ ഞങ്ങൾ സംസാരിച്ചിരിയ്കുന്നതാണ്…
അങ്കിൾ ഒൻപതരയ്ക് മുൻപ്
വരാതെയുമായി. എന്തെല്ലാമോ ഗൌരവമായ പ്രശ്നങ്ങൾ ഇപ്പോൾ അദ്ദേഹത്തിനുണ്ട്.
“കുട്ടാ.. നീയീ വലിച്ചുനീട്ടി മൃദുലേച്ചീന്ന് വിളിയ്കാതെ എന്നെ മിന്നൂന്ന് വിളിയെടാ…!”
“മിന്നുവോ….!”
ഞാൻ ചിരിച്ചു ചോദിച്ചു.
മൃദുലേച്ചിയുടെ കണ്ണുകൾ നിറഞ്ഞു:
“ഞങ്ങൾ മൂന്ന് പെൺകുട്ടികൾക്ക് ശേഷം ഒരാൺകുട്ടി കൂടി ഉണ്ടായി. അവൻ എന്നെ വിളിച്ചോണ്ടിരുന്ന പേരാ മിന്നു…! അവന്റെ വിളി കേട്ട് ചേച്ചിമാരും വിളി മിന്നൂന്നാക്കി!
പാവം ആറാം വയസ്സിൽ പോയി!
മഞ്ഞപ്പിത്തം കൂടിയതാ അറിഞ്ഞില്ലായിരുന്നു…
അവനും പോയി ആ പേര് വിളിച്ചിരുന്ന ചേച്ചിമാരുമില്ല….”
മൃദുലേച്ചിയുടെ കണ്ണിലൂടെ കണ്ണുനീർ ധാരധാരയായി ഒഴുകി….
ഞാൻ എണീറ്റ് ചെന്ന് ചേച്ചിയുടെ തലയിൽ പിടിച്ച് എന്റെ വയറിലേയ്ക് ചേർത്ത് അണച്ച് പിടിച്ച് മുടിയിൽ തലോടി….
“എന്റെ മിന്നൂട്ടിയ്ക് ഞാനില്ലേ….”
എന്റെ വയറിലേയ്ക് മുഖം പൂഴ്തിയ ചേച്ചി പെട്ടന്ന് സ്വബോധം വന്ന് എന്നെ തള്ളിമാറ്റി…!
പിന്നീടൊരു ദിവസം….
മൈഥിലി എന്താടാ നിന്നെ എന്തോ സംശയം ഉള്ളത് പോലെ പെരുമാറുന്നത് കണ്ടത്
നീ വഴക്കുണ്ടാക്കി അവള് കരയുകേം ചെയ്തു… എന്താ കാര്യം..?
“മിന്നൂന്റെ കാര്യത്തിൽ എനിക്കൽപ്പം താൽപ്പര്യക്കൂടുതൽ ഉണ്ടോന്ന് അവൾക്കൊരു പേടി…!
അതുകൊണ്ടാ രാത്രി മിന്നൂന് കൂട്ട് കിടക്കാൻ ദേ ആ കൂർക്കം വലിയ്കുന്ന സത്വത്തെ കൊണ്ടുവന്നത്….!”
ഞാൻ അരിശത്തോടെ പറഞ്ഞപ്പോൾ ചേച്ചി പൊട്ടിച്ചിരിച്ചു…!
“നന്നായി! പെങ്ങന്മാരായാൽ അങ്ങനെ തന്നെ വേണം..! അപ്പോൾ എന്റെ മാത്രം സംശയമല്ല അല്ലേ! കുട്ടനോട് ഞാൻ നേരത്തേ തൊട്ട് പറയുന്നത് വീണ്ടും പറയുകാ….
നിന്നെക്കാൾ എട്ട് വയസ്സിന് മൂത്തതാടാ ഞാൻ നിന്റെ ചേച്ചിയായേ നീ എന്നെ കാണാവൊള്ളു. ചീത്ത വിചാരങ്ങളൊന്നും എന്റെ മോൻ മനസ്സിൽ കൊണ്ടുനടക്കരുത്…”
ഞാൻ ദേഷ്യത്തിൽ കൊഞ്ഞനം കുത്തി കാട്ടിയിട്ട് കതക് വലിച്ച് തുറന്ന് സിറ്റൌട്ടിലെ കസേരയിൽ പോയിരുന്നു. ചേച്ചി പിന്നാലെ വന്ന് എന്റെ കൈയിൽ പിടിച്ച് വലിച്ച് എണീൽപ്പിച്ചു.
“ചേച്ചീടെ ചക്കരക്കുട്ടൻ പിണങ്ങാതെടാ…! മോന് നല്ലൊരു കൊച്ചുപെണ്ണിനെ ചേച്ചി കണ്ടുപിടിച്ച് തരും…”
“നീ പോടീ….! നീയങ്ങനെ കണ്ട് പിടിയ്കാൻ ബുദ്ധിമുട്ടെണ്ട!”
ഞാൻ കുതറിച്ച് കൈ വിടുവിപ്പിച്ചു.
“അതല്ലല്ലോ കുട്ടാ നിങ്ങൾ എപ്പോഴും എന്തൊക്കെയോ ഗൌരവമായാ സംസാരിച്ചോണ്ടിരുന്നേ…! ഞാൻ കേൾക്കാതെ!
എന്നെ ബാധിയ്കുന്ന എന്തോ ഗൌരവമുള്ള കാര്യം…?”
“ഞങ്ങളങ്ങനെ പലതും പറയും അതൊക്കെ ചോദിയ്കാൻ നീയാരാ…?”
ഞാൻ പരുഷമായി ചോദിച്ചു. മിന്നുവിന്റെ കണ്ണുകൾ വീണ്ടും തുളുമ്പി….വിങ്ങിപ്പൊട്ടി അവൾ:
“ശരിയാ…! ഞാൻ നിങ്ങടെ ആരാ..! കിടക്കാനിടമില്ലാതെ കൈമളങ്കിളിന്റെ ദയയിൽ വലിഞ്ഞ് കേറി വന്നവൾ! ആരോരുമില്ലാത്തവൾ!ആങ്ങളേം പെങ്ങളും തമ്മിൽ പറഞ്ഞത് തിരക്കാൻ എനിക്കെന്ത് കാര്യം…!”
ഞാൻ വല്ലാതായി….
“എന്റെ മിന്നൂട്ടീ ഞാൻ….”
സങ്കടം അണപൊട്ടിയൊഴുകിയ എന്റെ വാക്കുകളും മുറിഞ്ഞു.
“അയ്യേ….! ആണുങ്ങള് കരയുന്നോ… വന്നേ വന്ന് മുഖം കഴുകിക്കേ…”
മൃദുല വന്നെന്നെ പിടിച്ച് വാഷ് ബെയിസന് മുന്നിൽ കൊണ്ടെ നിർത്തി. ഞാൻ മുഖം കഴുകിയപ്പോൾ അവൾ തോളിൽ കിടന്ന ഷാളെടുത്ത് എന്റെ മുഖം തുടച്ചു.
എന്നെ പിടിച്ച് ദിവാനിലിരുത്തിയ അവൾ എന്നോട് ചേർന്നിരുന്നു. ഞാൻ അച്ചന്റെ സംശയവും എന്റെയും മൈഥിലിയുടേയും ആശങ്കകളും കൈമളങ്കിൾ പറഞ്ഞ ന്യായങ്ങൾ അളിയൻ സമ്മതിച്ചിട്ടും എനിക്കും മൈഥിലിയ്കും വിശ്വാസമാകാത്തതും എല്ലാം തുറന്ന് പറഞ്ഞു.
മൃദുലയുടെ മുഖം പ്രേതത്തെ കണ്ടതെന്ന പോലെ വിളറിവെളുത്തു…
ഭയന്ന് വിറച്ച മുഖഭാവത്തോടെ അവളെന്റെ മുഖത്തേയ്ക് ദയനീയഭാവത്തിൽ നോക്കി. ഞാൻ ചിരിച്ചുകൊണ്ടവളുടെ മൂക്കിൽ പിടിച്ച് കുലുക്കി:
“നീ പേടിയ്കെണ്ടടീ പെണ്ണേ! ഇവിടെ ഞങ്ങളൊക്കെയില്ലേ!”
അകലെ നിന്നും കൈമളങ്കിളിന്റെ കാറിന്റെ ഇരമ്പൽ കേട്ടതും ഞാൻ എണീറ്റ് മൃദുലയുടെ ഇരു തോളുകളിലും പിടിച്ച് മുഖം മുഖത്തിന് നേരേ അടുപ്പിച്ചു.
“എന്റെ മിന്നൂട്ടി പേടിയ്കെണ്ട സുഖമായി കിടന്നുറങ്ങിക്കോ…!
ഞാൻ ജീവിനോടെ ഇരിയ്കുമ്പോൾ നിന്നെയാർക്കും വിട്ടുകൊടുക്കില്ല!”
പറഞ്ഞതും കാറിന്റെ ഡോർ തുറന്നടയുന്ന ശബ്ദം കേട്ടു…!
ഞാൻ എന്റെ ചുണ്ടുകൾ അവളുടെ നെറ്റിയിലേയ്ക് ബലമായമർത്തി ചുംബിച്ചിട്ട് അമ്പരന്നിരുന്ന അവളെ കടന്ന് പുറത്തേയ്കിറങ്ങി.
ഞാൻ എന്റെ മിന്നുവിന് നൽകിയ ആദ്യ ചുംബനം…..
ഞാൻ കയറിച്ചെല്ലുമ്പോൾ മിന്നുവിനെ പുറത്തെങ്ങും
കണ്ടില്ല! സാധാരണ എന്നെയും കാത്ത് സിറ്റൌട്ടിൽ ഉണ്ടാകുന്നതാണ്. ഇന്നലത്തെ ഉമ്മയാണോ വാ ഇല്ലാത്തതിന്റെ കാരണം…!
ഞാനും വിളിയ്കാനൊന്നും പോയില്ല! പുസ്തകങ്ങൾ മേശമേലേയ്ക് വച്ചിട്ട് ഇരുന്ന് വായിക്കാൻ ആരംഭിച്ചു. കുറശ്ശ് കഴിഞ്ഞപ്പോൾ അച്ചന്റെ ഒരു നോവലുമായി വന്ന് മൃദുലേച്ചി അപ്പുറത്ത് സെറ്റിയിൽ ഇരുന്നു. കസേര ചേർത്തിട്ട് എന്നെ മുട്ടി എന്റെയൊപ്പം പഠിച്ച് കഴിയുന്നത് വരെ മറ്റൊന്നിനും പോകാതെ ഇരിയ്കുന്നവളാ! ഞാനും മൈന്റ് ചെയ്യാൻ പോയില്ല ബുക്കിലേയ്ക് തന്നെ ശ്രദ്ധിച്ചിരുന്നു.
“ചേച്ചീ…. ശരത്തിന് ചായ കൊടുക്കണേ…”
പുസ്തകത്തിൽ നിന്ന് മുഖമുയർത്തി ഭൂതത്തോട് വിളിച്ചുപറഞ്ഞ മൃദുലേച്ചി വീണ്ടും വായന തുടർന്നു!
അവർ ചായയുമായി വന്നപ്പോൾ പുസ്തകത്തിൽ നിന്നും മുഖമുയർത്താതെ തന്നെ:
“ശരത്തേ സംശയം വല്ലതുമുണ്ടെങ്കിൽ ചോദിച്ചാൽ മതി ട്ടോ..”
ഞാൻ കേട്ട ഭാവം പോലും നടിച്ചില്ല!
ഇത് കേട്ട ഭൂതം ചിരിയോടെ:
“ആഹാ….. മോങ്കുട്ടന്റെ പേര് ശരത്തെന്നാരുന്നോ …! എനിക്കത് അറിയില്ലാരുന്നു…! ഇതെന്താ ഇന്നിങ്ങനെ…! രണ്ടൂടെ അടിവെച്ചോ…!”
ഭീകരരൂപമാണെങ്കിലും നല്ല പെരുമാറ്റവും സ്നേഹവുമുള്ള ചേച്ചിയാണത്. അവർ ചായ തന്നിട്ട് പോയി!
അൽപ്പം കഴിഞ്ഞ് മൃദുല എണീറ്റ് മുറിയിലേയ്ക് പോയതും ഞാൻ ബുക്ക് മടക്കി എണീറ്റു. ഡൈനിംഗ് ടേബിളിൾ കൈയും വച്ചിരുന്ന പൂതനചേച്ചിയോട് കണ്ണ് കാട്ടിയ ഞാൻ ഇറങ്ങി വീടിലേയ്ക് പോയി….!
പിറ്റേന്ന് ഞാൻ മിന്നുവിന്റെ അടുത്തേയ്ക് പോയതേയില്ല! അമ്മ തിരക്കി:
“എന്താടാ ഇവളുമായും വഴക്ക് തുടങ്ങിയോ…!”
അമ്മ അടുക്കളയിലേയ്ക് പോയതും അച്ചൻ ചിരിച്ചു:
“മൃദുലയുടെ മാത്രം കുട്ടൻ….!
കുട്ടന്റെ മാത്രം മിന്നു….!
മോങ്കുട്ടന്റെ ജീവിതയാത്ര ഒരു തീരത്തടുക്കുവാണല്ലോടാ….!”
“പിന്നേ….! മനുഷ്യരെല്ലാരും അച്ചന്റെ നോവലിലെ പൊട്ട കഥാപാത്രങ്ങളല്ലേ! എഴുതിയെഴുതി എന്തും എഴുതാമെന്നായോ… മാണ്ട ട്ടോ!”
പറഞ്ഞതും ഞാനവിടുന്ന് തലയൂരി!
മൃദുല ആദ്യമായി മൈഥിലിയോടൊപ്പം ഇവിടെ വന്നപ്പോഴേ അച്ചൻ പ്രവചിച്ചതാണിത്.
പിറ്റേന്ന് രാവിലെ കോളജിലേയ്ക് ബൈക്കുമെടുത്ത് ഇറങ്ങിയ എന്റെ കണക്കുകൂട്ടലുകൾ പോലെ തന്നെ ഇരുകൈയും വിരിച്ച് വഴിമുടക്കി മൃദുല നിന്നു.! കലങ്ങിയ കണ്ണുകൾ… ഉറക്കമില്ലാഞ്ഞ മുഖം.!
വണ്ടിനിന്നതും അവളെന്റെ ഷർട്ടിൽ കുത്തിപ്പിടിച്ച് ഉലച്ചുകൊണ്ട് ദേഷ്യത്തോടെ വിങ്ങിപ്പൊട്ടി ചോദിച്ചു:
“എവിടെപ്പോയി കിടക്കുവാരുന്നെടാ നീ…! “
“അല്ല… അത്…. മൃദുലചേച്ചിയല്ലേ പറഞ്ഞേ സംശയം ഒണ്ടേ ചോദിച്ചാ മതീന്ന്..? ഇന്നലെയൊന്നും പഠിപ്പിച്ചില്ലായിരുന്നു അതാ….”
ഞാൻ പാവത്താന്റെ ശബ്ദത്തിൽ ഒരു ടീച്ചറോടുള്ള എല്ലാ ഭയഭക്തി ബഹുമാനങ്ങളും സ്വരത്തിൽ വരുത്തിക്കൊണ്ട് പറഞ്ഞു….!
ഒന്ന് ഞെട്ടിയ അവൾ എന്റെ ഷർട്ടിലെ പിടിവിട്ട് ഇരുകൈകളാലും എന്റെ കോളറിൽ പിടിച്ചുലച്ചുകൊണ്ട് സിംഹിയെപ്പോലെ മുരണ്ടു:
“ആരാടാ നിന്റെ ചേച്ചി? നീ പഠിക്കാനാണോടാ വരുന്നേ… ഞാനെങ്ങനെ നിന്നെക്കാണാതെ ഇരിക്കുമെന്ന് നീയോർത്തോടാ കുട്ടാ..”
അവസാനഭാഗത്ത് മിന്നു പൊട്ടിക്കരഞ്ഞുപോയി..!
കണ്ണീരോടെ അവളെന്റെ ഇരുകവിളുകളും ഉമ്മകൾകൊണ്ട് മൂടി….!
ഞാനവളെ തള്ളിമാറ്റി:
“വണ്ടീം മറിച്ചിടുവല്ലോടീ..പെരുവഴിയാടീ പെണ്ണേ ഇത്..!”
അവൾക്കും സ്ഥലകാലബോധം അപ്പോളാണ് ഉണ്ടായത്. നാണിച്ച ചിരിയോടെ ഷാളെടുത്ത് കണ്ണീർ തുടച്ച അവളോട് ഞാൻ പറഞ്ഞു:
“വൈകുന്നേരം നേരേയങ്ങ് വന്നോളാം എന്റെ മിന്നൂട്ടി പോയി കുളിച്ചൊരുങ്ങി സുന്ദരിയായിരുന്നേക്കണേ….”
“ഛീ…! പോടാ വൃത്തികെട്ടവനേ..”
ചിരിച്ച് തലവെട്ടിച്ച് അവൾ പറഞ്ഞതും ഞാൻ ബൈക്ക് സ്റ്റാർട്ടാക്കി. ഞാൻ മുന്നോട്ട് നീങ്ങി. അവൾ വീട്ടിലേയ്കും.
ഒറ്റ ദിവസം കാണാതിരുന്നപ്പോഴേ മൃദുല വളരെ പാടുപെട്ട് അണിഞ്ഞിരുന്ന മുഖംമൂടി അതിദയനീയമായി അഴിഞ്ഞ് വീണു….!
വൈകുന്നേരം ഞാൻ കോളജിൽ നിന്ന് നേരേ കൈമളങ്കിളിന്റെ വീട്ടിലേയ്കെത്തി. ഊഹം തെറ്റിയില്ല മിന്നു മുറ്റത്തിറങ്ങി വഴിക്കണ്ണുമായി നിൽപ്പുണ്ട്. അകത്ത് നിന്നും ചേച്ചി ചിരിയോടെ ഇറങ്ങിവന്നു:
“ന്റെ മോങ്കുട്ടാ…. ഉച്ചയായപ്പം തുടങ്ങിയതാ ഈ നിപ്പ്..! ഇന്നലെയീ പെണ്ണ് ഒരുവക കഴിച്ചിട്ടില്ല! ഒരു ദിവസം പോലും പിടിച്ചുനിക്കാൻ മേലാത്തോര് പിണങ്ങാൻ പോകല്ല്…!”
മൃദുല നുണക്കുഴികൾ കാട്ടി.
ഞാൻ ചെന്ന് ഒന്ന് കുളിച്ച് തുണിയും മാറി ഉടനേ വന്നേയ്കാം. പറഞ്ഞിട്ട് ഞാൻ വീട്ടിലേയ്ക് പോയി.
അന്നോടെ കെട്ടിപ്പിടിച്ച് ഇരുന്ന് ചുണ്ടുകളിൽ ഉമ്മവെയ്കാനും അത്യാവശ്യം ചുരിദാറിനുള്ളിലൂടെ കൈയിട്ട് മുലകൾ തഴുകുവാനുമൊക്കെയുള്ള ലൈസൻസ് എനിയ്ക് ലഭിച്ചു…!
ഞാൻ ഇതിനിടയിൽ ശശിയേട്ടനെ പരുവത്തിന് ഒറ്റയ്ക് കിട്ടിയപ്പോൾ സംസാരിച്ചു. പുള്ളിയ്കും കൃത്യമായ വിവരമൊന്നുമില്ല പക്ഷേ അറിഞ്ഞത് അത്ര ആശ്വാസകരം അല്ലായിരുന്നു താനും…!
ഒരു കൊലപാതകത്തിൽ കൈമളങ്കിളിന്റെ പങ്കിനെപ്പറ്റി എസ്സ്പിയ്ക് വ്യക്തമായ വിവരം ലഭിച്ചായിരുന്നു. അങ്കിളിന്റെ സ്വാധീനം ഉപയോഗിച്ച് എസ്സ്പിയെ സ്ഥലം മാറ്റിച്ചു..!
എന്നാൽ കേസ്സ് സ്പെഷ്യൽ ബ്രാഞ്ചിന് ശുപാർശചെയ്തിട്ടാണ് അദ്ദേഹം പോയത്…!
കേസ്സ് അങ്കിൾ കാശുമുടക്കി താമസിപ്പിയ്കുന്നുണ്ട്… പക്ഷേ അന്വേഷണം വരും!
അത് പരമാവധി താമസിപ്പിച്ച് കന്യകമാരായ നാടൻപെൺകുട്ടികളെ കിട്ടിയാൽ എന്ത് വൃത്തികേടിനും കൂട്ടുനിൽക്കുന്ന ഒരു ഡിവൈ എസ്സ് പിയെ തന്റെ സ്വാധീനവും പണവും ഉപയോഗിച്ച് കേസ്സ് ഏൽപ്പിക്കാനാണ് കൈമളങ്കിളിന്റെ ശ്രമം!
മൃദുലയെ കൊണ്ടുവന്നത് അവളെ ആ നാറിയ്ക് കാഴ്ചവച്ച് ആ കേസ്സ് തേച്ചുമായ്ച് കളയുക എന്ന ഒരേയൊരു ഉദ്ദേശത്തോടുകൂടി മാത്രമാകണം ….!
“കുട്ടാ… നിനക്കിതെന്തു പറ്റി! എന്തോ വലിയ കാര്യം നീയെന്നെ ഒളിയ്കുന്നുണ്ട്! എന്റെ മുഖത്തോട്ട് നോക്കുമ്പോളുള്ള നിന്റെ വിഷമം എന്നെ ഭയപ്പെടുത്തുന്നു…! എന്തായാലും കുട്ടൻ പറ! ഞാൻ സഹിയ്കാൻ തയ്യാറാ…!”
കൈമളങ്കിൾ സ്ഥലത്തില്ലാഞ്ഞ ഒരുദിവസം അത്താഴവും കഴിഞ്ഞ് ലൈറ്റണച്ച് സിറ്റൌട്ടിലെ തറയിൽ ആലിംഗനബദ്ധരായി ഞങ്ങൾ ഇരുന്നപ്പോൾ പെട്ടന്ന് വേർപെട്ടിരുന്നാണ് ചോദ്യം! ഇരുട്ടിൽ അവളുടെ കണ്ണുകളുടെ തിളക്കം ഞാൻ കണ്ടു…!
ഞാൻ ഒന്നും മിണ്ടാതെ എണീറ്റു. ഒപ്പം അവളും കതകടച്ച് കുറ്റിയിട്ട ഞാൻ അവളുടെ മുറിയിലേയ്ക് അവളുമായി കയറി കതകടച്ചു.
കട്ടിലിലിരുന്ന ഞാൻ അവളെ ചേർത്തിരുത്തി അണച്ചുപിടിച്ച് പുറത്ത് തടവി.
“എന്റെ മോള് പേടിയ്കെണ്ട! എന്ത് തന്നെയായാലും നിന്നെ കാക്കാൻ ഞാനില്ലേ! ഞാൻ ഒറ്റയ്കല്ലല്ലോ… എന്നോടൊപ്പം മൈഥിലിയില്ലേ? എന്റച്ചനില്ലേ…?”
എന്റെ മാറിൽ നന്നായി മുഖം പൂഴ്തിയിരുന്ന മൃദുല മന്ത്രിച്ചു:
“എനിക്ക് പേടിയില്ല കുട്ടാ! ഇത്രയും സുരക്ഷിതത്വത്തിൽ ഇരിക്കുന്ന ഞാൻ എന്ത് പേടിയ്കാനാ… അതല്ലേ എന്തായാലും കുട്ടൻ പറഞ്ഞോളാൻ പറഞ്ഞത്..!”
“നമുക്കിനി ഇവിടെ അധികം കാലമില്ല! ഏത് സമയത്തും ഒരു ഒളിച്ചോട്ടം! അത് എവിടേയ്കെന്ന് അച്ചനും മൈഥിലിയ്കും മാത്രമേ അറിയൂ…”
“അവർക്കും അറിയാമോ നമ്മടെ ഇതൊക്കെ….!”
അതേ ഇരുപ്പിൽ മിന്നുവിന്റെ പതിഞ്ഞ ചോദ്യം കേട്ട ഞാൻ ചിരിച്ചു:
“നമ്മൾ രണ്ടാളും അറിയുന്നതിനും വളരെ മുൻപേ അറിഞ്ഞതല്ലേ അവരീ ബന്ധം…!”
“ന്റെ കുട്ടൻ ന്തായാലും പറഞ്ഞോ..! മനസ്സിനെ ഒന്ന് ബലപ്പെടുത്തി ഇരിയ്കാലോ…”
