അങ്ങേര് എന്നെ ഇട്ടേച്ച് പോയെടാ ജോ. അത്രേം പറഞ്ഞുകൊണ്ട് അവൾ ഉറക്കെ പൊട്ടി കരഞ്ഞു.
എനിക്ക് കാര്യം ഒന്നും മനസ്സിലാവാതെ, കരയുന്ന അവളെ അന്തംവിട്ട് നോക്കി നിന്നു.
എന്നാ നിമ്മി, നീ കാര്യം പറ.
ഒരു അഞ്ച് മിനിറ്റ് ആയിട്ടും കരച്ചിൽ നിർത്താത്ത അവളോട് ഞാൻ ചോദിച്ചു.
അവൾ കരഞ്ഞുകൊണ്ട് തന്നെ പറഞ്ഞു
എന്ത് കാര്യം, അങ്ങേർക്ക് നാട്ടിൽ കല്യാണം ഉറപ്പായിരുന്നു. ഇപ്പൊ കൂടുബോം പിള്ളേരും ഒക്കെ വേണം പോലും. ഞാൻ വെറും മണ്ടി. സഹിക്കുന്നില്ല ജോമോനെ, എന്റെ നെഞ്ച് പെടയുവാ ഓർക്കുമ്പോ.
നിമ്മി… എന്ത് പറഞ്ഞ് ആശ്വസിപ്പിക്കും എന്ന് അറിയാതെ ഞാൻ വിളിച്ചു.
നീ എനിക്ക് ആ കുപ്പി പൊട്ടിച്ച് ഒരെണ്ണം ഒഴിച്ച് തരാമോ? അവൾ കരഞ്ഞുകൊണ്ട് പറഞ്ഞു.
ഞാൻ അവൾക് ഒരു ഗ്ലാസും വെള്ളവും എടുത്തിട്ട് വന്ന് ഒരെണ്ണം ഒഴിച്ച് കൊടുത്തു. അത് കുടിച്ചിട്ട് ഒന്നുടെ ഒഴിക്കാൻ അവൾ ആംഗ്യം കാണിച്ചു, ഞാൻ പിന്നേം ഒഴിച്ചു.
അന്നേരത്തെ വിഷമത്തിൽ ഞാൻ ചിന്തിച്ചേ നീയും അറിഞ്ഞോണ്ടാ എന്ന്, അങ്ങേരു ഇത് പറഞ്ഞ് രണ്ട് ദിവസം കഴിഞ്ഞ് നീ സ്ഥലം മാറാൻ പോവാ എന്ന് മെസ്സേജ് അയച്ചപ്പോ.
നീ എന്നതാ നിമ്മി ഈ പറയുന്നേ? എനിക്ക് പുള്ളിയെ ശെരിക്ക് അറിയതുകൂടി ഇല്. അല്ലേൽ തന്നെ നീ കഴിഞ്ഞേ ഒള്ളു ഇന്നലെ കണ്ട അവൻ.
അല്ല ജോ എനിക്ക് പിന്നെ മനസിലായി നീ ഒന്നും അറിഞ്ഞില്ല എന്ന്.
നീ ഇവിടുന്ന് പോകുന്ന മുമ്പേ ഇതും പറഞ്ഞ് നിന്നേം കൂടെ വിഷമിപ്പിക്കേണ്ട എന്ന് വെച്ചാ നിന്നോട് ഒന്നും പറയാഞ്ഞേ. ഇപ്പോളും വന്ന് നിന്നെ കണ്ട് യാത്ര പറഞ്ഞ് പോണമെന്നേ ഉണ്ടാരുന്നോളു. പക്ഷെ സങ്കടം പിടിച് വെക്കാൻ പറ്റുന്നില്ലടാ, എനിക്ക് ഒന്ന് പറഞ്ഞ് കരയാൻ പോലും ആരും ഇല്ലെടാ ജോമോനെ…
ഞാൻ ഒന്നും മിണ്ടാതെ അവൾ പറയുന്നതും കേട്ട് ഇരുന്നു, എനിക്ക് വല്ലാത്ത വിഷമം ആയി അവളുടെ കരച്ചിൽ കണ്ട്.
നിനക്ക് അറിയാമോ ജോമോനെ, ഞാൻ ആ പൂറിമോനെ, ഇച്ചായാ എന്നല്ലാതെ പേര് തികച്ച് വിളിച്ചിട്ടില്ല. അവന് വേണ്ടി ഞാൻ ഗർഭം ആവാതെ ഇരിക്കാൻ ഉള്ള ഓപ്പറേഷൻ വരെ ചെയ്തു, അറിയാമോ? അത്കൊണ്ട് എന്റെ ജീവിതകാലം മുഴുവൻ ഇനി ഹോർമോൺ ഗുളിക തിന്നാലേ പറ്റത്തൊള്ളൂ.
എല്ലാം കേട്ട് ഞെട്ടി ഇരിക്കാൻ അല്ലാതെ ഒന്നും പറയാൻ എനിക്ക് പറ്റിയില്ല. അവൾ പിന്നേം കുപ്പിയിൽ നിന്ന് ഒഴിച്ച് കുടിച്ച് കൊണ്ടിരിന്നു, ഞാൻ ഒരു തുള്ളി പോലും കുടിച്ചില്ല. അവളോട് കുടിക്കേണ്ട എന്നും പറയാനും നിന്നില്ല.
ആ കുപ്പി പകുതിയും തീർത്ത്, അവരുടെ കഥകൾ മൊത്തം പറഞ്ഞിട്ട് അവൾ അവിടെ തന്നെ കിടന്നു. ഞാൻ പാക്ക് ചെയ്ത് വെച്ച ഒരു ബ്ലാങ്കറ്റ് എടുത്ത് അവളെ പുതപ്പിച്ചു.
എല്ലാം കേട്ടിട്ട് എന്ത് ചെയ്യണം എന്ന് എനിക്ക് ഒരു പിടിയും കിട്ടിയില്ല, അവൾ എന്തെങ്കിലും കടുംകൈ ചെയ്യുമോ എന്നായിരുന്നു എന്റെ പേടി.
രാവിലെ എണീച്ച് ഒരു കാപ്പി ഇട്ടിട്ട് ഞാൻ അവളെ വിളിച്ചു, അവൾ എണീച്ച് അത് വാങ്ങി കുടിച്ചു.
ഞാൻ ലോറിൻസിനെ വിളിച്ച് ഒന്ന് സംസാരിക്കട്ടെ? ഞാൻ അവളോട് ചോദിച്ചു.
അതൊന്നും വേണ്ട ജോമോനെ, എന്റെ പട്ടിക്കും വേണ്ട ഇനി അവനെ. അവന്റെ പേര് പോലും എനിക്ക് കേൾക്കണ്ട.
ഞാൻ തലയാട്ടി.
കുറച്ച് ബ്രെഡ് മോരിച്ച് ഒരു ഓംലെറ്റും ഉണ്ടാക്കി ഞാൻ അവൾക്ക് കൊടുത്തു, അവൾ ഒന്നും സംഭവിക്കാത്ത പോലെ സാധാരയായി എന്നോട് സംസാരിച്ചു. അവളുടെ വിഷമം കുറെ മാറി എന്ന് എനിക്ക് തോന്നി.
നീ പള്ളിൽ പറഞ്ഞോ പോവുന്ന കാര്യം?
ഇല്ല ഞാൻ പറഞ്ഞില്ല നിമ്മി, വീട്ടിൽ സൂചിപ്പിച്ചേ ഉള്ളു പക്ഷെ പറഞ്ഞില്ല നാളെ മാറുവാ എന്ന്.
ആരോടും പറയണ്ട, അതാ നല്ലേ. നി എപ്പോളാ ഇറങ്ങുന്നേ?
ഉച്ചക്ക് വണ്ടി വരാനാ പറഞ്ഞേക്കുന്നെ, രാത്രി ആവുന്ന മുമ്പ് അവിടെ എത്തണം.
എന്നാൽ ഞാൻ റൂമിൽ പോയി ഒന്ന് ഫ്രഷ് ആയെച്ചും വരാം, നീ ഉച്ചക്ക് ഒന്നും ഉണ്ടാക്കാൻ നിക്കേണ്ട ഞാൻ വരുന്ന വഴി മേടിച്ചോണ്ട് വരാം. അവൾ അതും പറഞ്ഞ് ഇറങ്ങി.
ഞാൻ അവൾ പോയി കഴിഞ്ഞ് കുറെ നേരം വെറുതെ ആലോചിച്ച് ഇരുന്നു. എന്തോ ഒരു മരവിപ്പ്, ഞാൻ ഒരിക്കലും പ്രതീക്ഷിച്ചില്ല അവർ തമ്മിൽ പിരിയും എന്ന്.