ഒരു പയ്യൻ ഓർഡർ എടുക്കാൻ വന്നപ്പോൾ ഓപ്പോസിറ്റ് ഇരുന്ന മഞ്ജു എന്നെ നോക്കി .
“എന്തായാലും മതി “
ഞാൻ പതിയെ പറഞ്ഞു.
“ടു കാപ്പച്ചീനോ”
മഞ്ജു പതിയെ പറഞ്ഞു. അവൻ തലയാട്ടികൊണ്ട് എന്നെ ഒന്ന് നോക്കികൊണ്ട് പോയി . എന്റെ സെറ്റ് അപ്പ് ആണെന്ന പോലെ അവന്റെ ഒരു ഇളിഞ്ഞ ചിരി കണ്ടപ്പോൾ ഒന്ന് ഇട്ടുകൊടുക്കാൻ ആണ് തോന്നിയത് .
ഞാൻ കൈകൾ മുൻപിലെ ടേബിളിലേക്കു എടുത്തു വെച്ച് കൂട്ടിപിണച്ചു മഞ്ജുവിനെ നോക്കി.
“ഇനി പറ ..എന്താ കാര്യം..കുറെ നേരം ആയല്ലോ “
ഞാൻ അവളോടായി തിരക്കി.
“മ്മ്…പിന്നെ നീ ഈ ഇടക്കിടക്ക് ഉള്ള ഫോൺ വിളിയും മെസ്സേജിങ്ങും ഒന്നും ഇനി വേണ്ടാട്ടോ “
മഞ്ജു ഗൗരവത്തിൽ , ശബ്ദം താഴ്ത്തി പറഞ്ഞു .
ഞാൻ പെട്ടെന്ന് ഒന്ന് വല്ലാതെ ആയി.
“അതെന്താ ?”
ഞാൻ സംശയത്തോടെ ചോദിച്ചു .മഞ്ജു മാറിൽ കൈപിണച്ചു കെട്ടി കസേരയിൽ ചാരി നിവർന്നാണ് ഇരിക്കുന്നത് .
“വേണ്ട അത് തന്നെ ..”
മഞ്ജു കടുപ്പിച്ചുകൊണ്ട് പറഞ്ഞു.
“കാര്യം ?”
ഞാൻ ചോദിച്ചു.
“നോക്ക് കവിൻ ..കാര്യം ഒകെ ശരി..പക്ഷെ ഇടക്കൊക്കെ നമ്മള് സീരിയസ് ആകണം .അടുത്ത വീക്ക് കഴിഞ്ഞാ നിങ്ങള്ക്ക് എക്സാം അല്ലെ ..നീ വല്ലോം പഠിക്കുന്നുണ്ടോ?”
മഞ്ജു പെട്ടെന്ന് ലെക്ചർ മഞ്ജു നവീൻ ആയികൊണ്ട് പറഞ്ഞു. സോറി ..മഞ്ജു വേണുഗോപാൽ ! ഭർത്താവു ആയി ഡിവോഴ്സ് കേസ് നടക്കുക ആണല്ലോ..അപ്പൊ അച്ഛൻ കൂടെ ഇരിക്കട്ടെ !
ഞാൻ അത് കേട്ടതും സർവ മൂടും പോയ അവസ്ഥയിൽ ആയി.
“മ്മ്…പഠിക്കണം “
ഞാൻ ഒഴുക്കൻ മട്ടിൽ പറഞ്ഞു .
“എന്ന് ..ഇനി കഴിഞ്ഞിട്ടാണോ ?”
മഞ്ജു എന്നെ ഒന്ന് ആക്കികൊണ്ട് പറഞ്ഞു .
“നീ ഇനി എക്സാം കഴിയും വരെ എന്നെ വിളിക്കരുത് ..ഞാൻ കാരണം നിന്റെ ശ്രദ്ധ മാറി പോകരുത്..അറിഞ്ഞോ അറിയാതെയോ ഒക്കെ ഞാനും നിന്നെ പ്രോത്സാഹിപ്പിച്ചിട്ടുണ്ട് “
മഞ്ജു മടിച്ചു മടിച്ചു പറഞ്ഞു.
ഞാൻ ഒന്നും മിണ്ടിയില്ല.
അപ്പോഴേക്കും കോഫീ എത്തി. ഞങ്ങളുടെ മുൻപിലേക്ക് കപ്പും സൗസറും നീക്കി വെച്ച് തന്നു അവൻ കഴിക്കാൻ എന്തെങ്കിലും വേണോ എന്നാവശ്യപ്പെട്ടു . മഞ്ജു വേണ്ടെന്നു പറഞ്ഞതോടെ അവൻ പിൻവാങ്ങി.
വെളുത്ത കപ്പിൽ തവിട്ടു നിറത്തിൽ കോഫി..അതിന്റെ മീതെ വരഞ്ഞുണ്ടാക്കിയ പോലെ ലവ് / ഹാർട്ട് സിംബൽ ! ഞാൻ അതിലേക്കു നോക്കി മഞ്ജുവിനെ ഒന്ന് മുഖം ഉയർത്തി നോക്കി .
“മ്മ്..എന്താ ?”
അവളെന്നെ നോക്കി കൊണ്ട് ചോദിച്ചു.
“ഒന്നുമില്ല”
ഞാൻ പതിയെ പറഞ്ഞു .
“അപ്പൊ ഞാൻ പറഞ്ഞ കാര്യം ..?”
അവൾ എന്നെ ചോദ്യ ഭാവത്തിൽ നോക്കി .
“അത് വേണോ..?”
ഞാൻ നിരാശയോടെ അവളെ നോക്കി.
“വേണം…നോ കാളിങ് ആൻഡ് നോ മെസ്സേജിങ്…ഓക്കേ “
മഞ്ജു ചിരിയോടെ എന്നെ നോക്കി.
“മ്മ്…ഓക്കേ ..”
ഞാൻ നിരാശയോടെ ശ്വാസമെടുത്തുകൊണ്ട് പറഞ്ഞു. അവളതു കണ്ടു അടക്കി പിടിച്ചു ചിരിച്ചു കൊണ്ട് ഷാൾ ഉയർത്തി വാ പൊത്തി.
പിന്നെ കോഫി കപ്പ് എടുത്തു പതിയെ കുടിച്ച് തുടങ്ങി . പിന്നാലെ ഞാനും .
“മ്മ്…നീ പഠിക്കാൻ കഴിവുള്ള ആളാണ് ..അപ്പൊ അതിലും കുറച്ചൊക്കെ സിൻസിയർ ആവണം…”
മഞ്ജു അല്പം കോഫീ നുണഞ്ഞുകൊണ്ട് പറഞ്ഞു .
ഞാൻ കോഫി കപ്പ് ചുണ്ടോടു ചേർത്ത് പിടിച്ചുകൊണ്ട് തന്നെ അവളെ നോക്കി . പക്ഷെ ഒന്നും മിണ്ടാൻ പോയില്ല .
ഞാൻ അവളുടെ കയ്യിലിരിക്കുന്ന കോഫീ കപ്പിലേക്കാണ് ശ്രദ്ധിച്ചത്. മഞ്ജുസ് കുടിച്ചു പാതി ആകാറായി..അതൊന്നു എക്സ്ചേഞ്ച് ചെയ്യാൻ വല്ല വഴിയും ഉണ്ടോ ! ഞാൻ ശ്രദ്ധിക്കുന്നത് മഞ്ജുവും അറിയുന്നുണ്ട് .
“ആ കോഫില് മധുരം എങ്ങനെയാ ?”
ഞാൻ വെറുതെ ഒരു നമ്പർ ഇട്ടു.
“സാധാരണ പോലെ തന്നെ “
മഞ്ജു ചിരിയോടെ പറഞ്ഞു.
“മ്മ്..ഇത് സ്വല്പം കയ്പ്പാണല്ലേ”
ഞാൻ ഒന്നുടെ നുണഞ്ഞുകൊണ്ട് ചോദിച്ചപ്പോൾ അവൾ ചിരിച്ചു .
പിന്നെ എന്റെ ഉദ്ദേശം മാനസിലായെന്ന പോലെ ചുറ്റും നോക്കി .പിന്നെ അവളുടെ കപ്പ് സൗസെറിലേക്ക് വെച്ച് എന്നെ നോക്കി ..
ഞാൻ പ്രതീക്ഷയോടെ മഞ്ജുസിനെ നോക്കി . അവൾ ചിരിച്ചുകൊണ്ട് അത് എന്റെ അടുത്തേക്ക് നിരക്കി. കാമുകി കാമുകന്മാരെ പോലെ ഞങ്ങൾ പരസപരം നോക്കി പുഞ്ചിരിച്ചു .അവൾ എന്റെ മുൻപിലേക്ക് നിരക്കി വെച്ച കോഫി ഞാൻ വാങ്ങിക്കൊണ്ട് എന്റേത് അവൾക്കു നേരെ നിരക്കി കൊടുത്തു.