“അമ്മ എന്താ പറയുന്നേ… ഞങ്ങളെയോ എങ്ങനെ ”
“അമ്മ പറയാം മോനെ… മോനു ഉണ്ടായപോലെ ഒന്നായിരുന്നു ആ കുട്ടിക്കും നടന്നത് “
“അമ്മ എന്താ തെളിച്ചു പറ ”
ഞാൻ അമ്മയെ നോക്കി…അമ്മ എന്നോട് അന്ന് അവൾക്കു സംഭവിച്ച കാര്യങ്ങൾ എനിക്ക് പറഞ്ഞു തന്നു….
>>>>>>>>>>>>>>>⚡️<<<<<<<<<<<<<<<<
(എന്റെയും അവളുടെയും കല്യാണം നടന്ന ദിവസം )
രമിത ഫോൺ എടുത്തു ഗോകുലിനെ ഡയൽ ചെയ്തു…..
എന്താടി പോത്തേ രാവിലേ തന്നെ മനുഷ്യനെ ഉറങ്ങാനും സമ്മതിക്കില്ലേ..”
“എണിറ്റു പോടാ കുംഭകര്ണ……. മണി 10 ആയി..”
“ഡി രാവിലെ എന്നെ കളിയാക്കാൻ ആണോ വിളിച്ചേ….”
ഞാൻ ദേഷ്യത്തിൽ ചോദിച്ചു…..
“അല്ലേടാ…. ഞാൻ ഇന്ന് നാട്ടിൽ പോകുവാ.. അച്ഛൻ വിളിച്ചു… അത് പറയാൻ വിളിച്ചത…. ”
“നീ എങ്ങോട്ടോ കെട്ടി എടു…. ഞാൻ എന്ത് വേണം…. മനുഷ്യനെ ഉറങ്ങാനും സമ്മതിക്കില്ല ”
“എന്നാൽ ശെരി ഗുണ്ട ഉറങ്ങിക്കോ…. ഞാൻ വീട്ടിൽ എത്തീട്ടു വിളിച്ചു പറയാം ”
“ശെരി നോക്കി പോ…… ഓക്കേ ബൈ…..
ഫോൺ വച്ച ശേഷം… തുണി എല്ലാം പാക്ക് ചെയ്‌ത് അവൾ നാട്ടിൽ പോകാനായി ഇറങ്ങി… കൊട്ടുകാരോട് എല്ലാം യാത്ര പറഞ്ഞു അവൾ പോകാനായി ഹോസ്റ്റൽ വിട്ടു ഇറങ്ങി…..
അവളുടെ ഹോസ്റ്റൽ മെയിൻ റോഡിൽ നിന്നും കുറച്ചു ഉള്ളിൽ ആണ് അത് കൊണ്ട് ഒരു ഇടവഴി കയറി വേണം മെയിൻ റോഡിൽ എത്താൻ.. അവൾ ബാഗും തൂക്കി ഇടവഴിയിലുടെ നടന്നു. അപ്പോൾ തന്നെ അവളുടെ പുറകെ ഒരു കാർ വരുന്നുണ്ട്.. അവൾ അതിനു പോകാൻ വേണ്ടി കുറച്ചു ഒതുങ്ങി എങ്കിലും ആ വണ്ടി അവളുടെ അടുത്ത് നിർത്തി….. ഇടവഴിക്കു സാമിപം വീടുകൾ ഉണ്ട് എങ്കിലും വഴിയിൽ ആരും തന്നെ ഉണ്ടായിരുന്നില്ല…..
ആ വണ്ടി അവളുടെ അടുത്ത് നിർത്തിയതും അവൾ ഒന്ന് ചെറുതായിട്ട് പേടിച്ചു.. ഉടനെ വണ്ടിയിൽ നിന്നു ഇറങ്ങിയ ആൾ അവളെ വലിച്ചു വണ്ടിയിൽ ഇട്ടു.. അവളുടെ മുഖത്തു എന്തോ സ്പ്രേ ചെയ്തു.. അവൾക്കു അപ്പോൾ തന്നെ ബോധം പോയി….
ബോധം വരുമ്പോൾ അവൾ ഒരു കട്ടിലിൽ കിടക്കുക ആയിരുന്നു….. പതുക്കെ പതുക്കെ കണ്ണ് തുറന്നപ്പോൾ അവൾക്കു മനസ്സിലായി അത് ഒരു റൂം ആയിരുന്നു….
നോക്കിയപ്പോൾ തൊട്ടടുത്തു ആരോ കിടക്കുന്നു…. അവനെ കണ്ടപ്പോൾ അവൾ ഒന്ന് ഞെട്ടി… ഗോകുൽ.. അവൾ അത് ഓർത്തു കരയാൻ തുടങ്ങി…
<><><><><><><>>>>>
അമ്മ അത് പറഞ്ഞു കഴിഞ്ഞപ്പോൾ ഞാൻ ആകെ വല്ലാതെ ആയി…. അവൾ പറഞ്ഞത് എല്ലാം ശെരി ആയിരിക്കണം.. കാരണം അവൾക്കു എന്നോട് ശത്രുത തോന്നാനുള്ള കാര്യം ഒന്നും ഇല്ല… മാത്രമല്ല അവൾക്ക് ആരെയും ചതിക്കാനും കഴിയില്ല….
ഞാൻ വളരെ ആശയകുഴപ്പത്തിൽ ആയി… അവൾ വെറും പാവം ആണ്…. അമ്മയെ നോക്കി അമ്മയുടെ മുഖത്തു ഉള്ള ഭാവം തിരിച്ചറിയാൻ എനിക്ക് കഴിഞ്ഞില്ല..
.
.
.
“അമ്മേ… ഇനി ഞാൻ എന്ത് ചെയ്യും… അവൾക്കു എന്നോട് ക്ഷേമിക്കാൻ കഴിയുമോ… അറിയാതെ ആണേലും ഞാൻ അല്ലേ അവളുടെ ജീവിതം തകർക്കാൻ കാരണക്കാരൻ”
അമ്മ എന്നെ നോക്കി ചിരിച്ചു…… ആ ചിരിയുടെ അർത്ഥം എനിക്ക് മനസ്സിലായില്ല…. ഞാൻ അമ്മയുടെ മുഖത്തു തന്നെ നോക്കി ഇരുന്നു…
“ഡാ…. അവൾ നിന്റെ നല്ല ഫ്രണ്ട് ആയിരുന്നില്ലേ….. എന്നാലും നിനക്ക് അവളെ ഇതുവരെ മനസ്സിലാക്കാൻ കഴിഞ്ഞില്ല..”
അമ്മ പറയുന്ന കേട്ടു ഒന്നും മനസ്സിലാവാതെ ഞാൻ അമ്മയെ നോക്കി….. അമ്മ തുടർന്നു
“ഡാ ഇത്രയും കാലം നീ അവളെ പറ്റി ആലോചിച്ചില്ല എന്നാൽ അവൾ നിന്നെ ഒരിക്കൽ പോലും കുറ്റം പറഞ്ഞില്ല…..അവൾ കാരണം ആണ് നീ നാടുവിട്ടു പോയത് എന്ന് മാത്രം ആണ് അവൾ പറഞ്ഞത്…. നീ അവളെ ചതിക്കും എന്ന് അവൾ ഒരിക്കലും വിശ്വാസിച്ചിട്ടില്ല….”
അമ്മ പറയുന്ന കേട്ടു ഞാൻ ആകെ വല്ലാതെ ആയി…
“അതൊരു പാവം കൊച്ചാടാ.. കരയാൻ അല്ലാതെ ആരെയും കരയിക്കാൻ ആ കൊച്ചിന് കഴിയില്ല…. എന്റെ മോൻ അവളെ ഒരിക്കലും കരയിക്കരുത്…..
അന്നത്തെ ആ സംഭവത്തിന്‌ ശേഷം ആ കുട്ടിയെ അവളുടെ വീട്ടുകാർ അടുപ്പിച്ചില്ല… എന്നും അവരെ വിളിക്കാൻ നോക്കും അവൾ എന്നാൽ അവർ അവളുടെ സൗണ്ട് പോലും കേൾക്കാൻ നിക്കില്ല.. അത് എന്നും കരയുന്ന കാണാം ”
അമ്മ അത്രയും പറഞ്ഞപ്പോഴും എൻറെ മനസ്സ് നീറുന്നുണ്ടായിരുന്നു…… ഞാൻ കാരണം അല്ലേലും ഞാൻ നിമിത്തം അല്ലേ അവൾക്കു ഈ ഗതി വന്നത്.. എന്നെ കുറ്റബോധം വേട്ടയാടാൻ തുടങ്ങി…….
“അമ്മേ ഞാൻ എന്താ ചെയ്യേണ്ടത്….. ”
“മോൻ ഇനി ഒന്നും ചെയ്യണ്ട… ആ കുട്ടി ഇപ്പോൾ നിന്റെ ഭാര്യ ആണ് അതിനെ നീ പൊന്നു പോലെ നോക്കണം….. അവളെ ഇനി കരയിക്കരുത് ”
അമ്മ പറഞ്ഞപ്പോൾ എനിക്കു ഒന്നും തിരിച്ചു പറയാൻ കഴിഞ്ഞില്ല…… അവൾ എന്റെ ഭാര്യ ആണെന് എനിക്കു ഇപ്പോഴും വിശ്വസിക്കാൻ പറ്റുന്നില്ലായിരുന്നു… എന്നാലും ഞാൻ തീരുമാനിച്ചു എങ്ങനെ ആണേലും അവൾക്കു നഷ്ട്പ്പെട്ടത് എല്ലാം തിരിച്ചു കൊടുക്കണം…. അവളെ അവളുടെ വീട്ടുകാരുമായും ഒന്നിപ്പിക്കണം… അവൾക്കു എന്ത് താല്പര്യം ആണോ.. അങ്ങനെ ചെയ്യണം.. എന്തായാലും എന്റെ ഭാര്യ ആയി അവളെ നരഗിക്കാൻ ഞാൻ ഒരുക്കം അല്ലായിരുന്നു……
ഞാൻ എന്റെ മനസ്സിൽ ആ വാക്കുകൾ പതിപ്പിച്ചു….
പിന്നെ കുറച്ചു നേരം അമ്മയുടെ മടിയിൽ കിടന്നു വിശപ്പ്‌ വച്ചപ്പോൾ ഞാൻ താഴെ ആഹാരം കഴിക്കാൻ ആയി പോയി………
ഞാൻ പറഞ്ഞ കാര്യങ്ങൾ എല്ലാം അമ്മ എല്ലാരോടും പറഞ്ഞു….. എല്ലാർക്കും അത് വിശ്വാസം ആയി എന്ന് തോന്നിയിരുന്നു.. എന്നാലും അത് എങ്ങനെ എങ്കിലും തെളിയിക്കണം എന്ന് എനിക്ക് ഉണ്ടായിരുന്നു…. എനിക്കും അവൾക്കും നേരിടേണ്ടി വന്ന ചതി എന്താണെന്നു കണ്ടു പിടിക്കണം ആയിരുന്നു…
——————————————
താഴെ ഫുഡ്‌ കഴിച്ചോണ്ടിരുന്നപ്പോൾ ചേട്ടൻ വന്നു എന്നോട് സംസാരിച്ചു… 3 വർഷം മുൻപ്എനിക്ക് സംസാരിക്കാൻ അവസ്സരം താരതത്തിൽ എല്ലാർക്കും നല്ല കുറ്റബോധം ഉണ്ട്….
എന്നാൽ ഞാൻ എല്ലാരെയും പറഞ്ഞു ആശ്വാസിപ്പിച്ചു.. ഞാൻ പഴയതു പോലെ വീട്ടിൽ പെരുമാറാൻ തുടങ്ങി… എന്നാലും ഞങ്ങൾക്ക് നടന്നത് എന്താണെന്ന് കണ്ടു പിടിക്കണം എന്ന് എന്റെ മനസ്സിൽ ഉണ്ടായിരുന്നു….. രമിത ഇന്നത്തെ ദിവസം എന്റെ കണ്മുന്നിൽ വന്നിട്ടില്ല ഞാൻ എങ്ങനെ പ്രതികരിക്കും എന്ന് അറിയാത്തതു കൊണ്ടാകും…. എനിക്കും അവളെ ഫേസ് ചെയ്യാൻ ഒരു മടി ഉള്ളത് പോലെ…
എന്നാലും അവൾക്കു എന്നോട് വെറുപ്പ് കാണുമോ… അവൾ ഒരു പാവം ആയിരുന്നു.. അമ്മ അങ്ങനെ ഒക്കെ പറഞ്ഞേലും എനിക്ക് അവളെ ഭാര്യയുടെ സ്ഥാനത് കാണാൻ കഴിഞ്ഞില്ല….. അത് എന്റെ മനസ്സിലെ കുറ്റബോധം കൊണ്ടാവാം…. എന്നാലും എനിക്ക് അവളെ ഇഷ്ടമായിരുന്നില്ലേ…. അവളെ സ്നേഹിക്കാൻ കഴിയില്ലേ എനിക്ക്…..
