കുറച്ചു കഴിഞ്ഞപ്പോൾ ഒരു പയ്യൻ എന്റെ അടുത്ത് വന്നു സംസാരിക്കാൻ തുടങ്ങി…
“ചേട്ടാ കുറേനാൾ ആയല്ലോ… കണ്ടിട്ട് ഇവിടെ ഇല്ലായിരുന്നോ….?
“ആട.. കുറച്ചു നാൾ ഇല്ലായിരുന്നു…”
ഞാൻ ഓരോന്ന് സംസാരിച്ചു ഇരുന്നു അവന്റ കൂടെ……
“ചേട്ടൻ നാട്ടിൽ നിന്നു പോയ സമയത്തു കിച്ചു ചേട്ടൻ നാട്ടിൽ ഉണ്ടായിരുന്നു… ഇപ്പോഴും ഉണ്ടെന്നു തോന്നുന്നു ചേട്ടൻ കണ്ടോ “
കിച്ചുവിന്റ പേര് കേട്ടപ്പോൾ ദേഷ്യം വന്നു എങ്കിലും ഞാൻ മിണ്ടാതിരുന്നു……. ഞാൻ ഒന്നും പറയുന്നില്ല എന്ന് കണ്ട അവൻ പിന്നെയും ചോദിച്ചു…
“ചേട്ടൻ ഇപ്പോഴും കിച്ചു ചേട്ടനും ആയി പിണക്കം ആണോ……?
എനിക്കു പിന്നെ അവിടെ ഇരിക്കാൻ തോന്നിയില്ല.. ഞാൻ മറുപടി പറയാതെ എണിറ്റു നടന്നു.. അവനും പിന്നെ ഒന്നും ചോദിച്ചും ഇല്ല…. കിച്ചുവിന്റ പേര് കേട്ടപ്പോൾ അവൻ ചെയ്ത ചതി ആണ് ഓർമ്മ വന്നത്.. എന്നാൽ ഉടൻ തന്നെ അത് മനസ്സിൽ നിന്നു മാറ്റി…
ഇപ്പോൾ രമിത ആയിരുന്നു മുഴുവൻ…. ഇന്ന് അവളോട്‌ അവളുടെ വീട്ടുകാരെ പറ്റി ചോദിക്കണം എന്ന് കരുതി ഞാൻ വീട്ടിൽ പോയി….പിന്നെ പോയി ഒന്ന് ഫ്രഷ് ആയി… രാത്രി ഫുഡും കഴിച്ചു റൂമിൽ അവൾക്കു വേണ്ടി കാത്തിരുന്നു……
ഇപ്പോൾ അമ്മയ്ക്കും ചേട്ടത്തിക്കും ഒപ്പം അവളും വീട്ടിലെ ജോലികൾ ഒക്കെ ചെയ്യുന്നുണ്ട്… വീട്ടിലെ ഒരുപാട് അംഗത്തെ പോലെ ആണ് അവൾ ഇപ്പോൾ ഇവിടെ…
കുറച്ചു കഴിഞ്ഞപ്പോൾ അവൾ റൂമിൽ വന്നു… കുളിക്കാൻ കയറി… ഞാൻ അവിടെ ഫോണും നോക്കി ഇരുന്നു….
അവൾ കുളിച്ചു ഇറങ്ങി…. കിടക്കാൻ ആയി വന്നതും ഞാൻ ഫോൺ മാറ്റി വച്ചു അവളെ വിളിച്ചു..
“മാളു ”
“എന്താ ”
“വീട്ടുകാരെ കാണണം എന്നില്ലേ…..?
ഞാൻ അവളോട്‌ ചോദിച്ചപ്പോൾ അവൾ ഒന്നും മിണ്ടിയില്ല. നോക്കിയപ്പോൾ ആ മിഴികൾ നിറഞ്ഞു ഒഴുകുക ആയിരുന്നു.. എനിക്ക് അവളെ എങ്ങനെ സമാധാനിപ്പിക്കണം എന്ന് അറിയില്ല… അവൾക്കു വീട്ടുകാരെ കാണാൻ ഉള്ള അധിയായ ആഗ്രഹം ഉണ്ടെന്നു എനിക്കു മനസ്സിലായി….
“ഡോ താൻ എന്തിനാ ഇങ്ങനെ കരയുന്നെ….. താൻ സമാധാനിക്ക്…”
“അന്നത്തെ പ്രേശ്നത്തിന് ശേഷം വിട്ടുകാർക്ക് എന്നോട് വെറുപ്പാണ്…എന്നെ അവർ പിന്നെ വീട്ടിൽ കയറ്റിയില്ല…. ഞാൻ ഒരുപാട് വട്ടം കാണാനും സംസാരിക്കാനും ശ്രെമിച്ചു.. എന്നാൽ അവർ അതിനു തയാറായില്ല….”
അവൾ പിന്നെയും കരയാൻ തുടങ്ങി….. എന്നെ അത് വല്ലാതെ വിഷമിപ്പിച്ചു..
“മാളു താൻ കരയാതെ നമുക്ക് എല്ലാം ശെരിയാക്കാം….. നാളെ നമുക്ക് തന്റെ വീട്ടിൽ പോകാം…. ഞാൻ അവരോടു സംസാരികം… ഞാൻ തനിക്കു തന്റെ വീട്ടുകാരെ എല്ലാം തിരിച്ചു തരാം ”
“അവർ സമ്മതിക്കില്ല….. അവർക്കു ഒന്നും മനസ്സിലാകില്ല.
“നീ വിഷമിക്കണ്ട ഞാൻ നടന്നത് എല്ലാം പറയാം… അവർ മനസ്സിലാക്കാതിരിക്കില്ല….. നമുക്ക് നോക്കാം താൻ കരയാതെ ഇരിക്ക്..”
അവൾക്ക് വലിയ പ്രതിക്ഷ ഇല്ല എങ്കിലും അവൾ ഞാൻ പറഞ്ഞ കേട്ടു ഒന്ന് കരച്ചിൽ നിർത്തി എന്റെ മുഖത്തു നോക്കി….. ഞാൻ എല്ലാം ശെരിയാകും എന്ന് പറഞ്ഞു കിടന്നു നാളെ രാവിലെ അവളെ കൊണ്ട് അവളുടെ വീട്ടിൽ പോകണം എന്ന് ഉറപ്പിച്ചു.
അവളും ബെഡ് ന്റെ ഒരു അറ്റത്തു കിടന്നു…
———————————–
രാവിലെ അമ്മയോടും എല്ലാം അവളുടെ വീട്ടിൽ പോകുന്ന കാര്യം എല്ലാം പറഞ്ഞു.അമ്മയ്ക്കും സന്തോഷം ആയി… ഞങ്ങൾ രണ്ടു പേരും രാവിലേ തന്നെ വീട്ടിൽ നിന്നും ഇറങ്ങി അവളുടെ വീട്ടിലേക്കു ഏകദേശം 60km യാത്ര ഉണ്ട്… അത് കൊണ്ട് തന്നെ ചേട്ടന്റെ കാറിൽ ആണ് യാത്ര… ആദ്യമായിട്ടാണ് ഞാനും അവളും ഒരുമിച്ചു യാത്ര ചെയ്യുന്നത്….
ഞാൻ കാർ എടുത്തു അവൾ എനിക്ക് ഒപ്പം ഫ്രണ്ടിൽ തന്നെ കയറി… യാത്രയിൽ ഉടനീളം അവൾ എന്തൊക്കയോ ആലോചിച്ചു ഇരുന്നു… ഞങ്ങൾ പരസ്പരം ഒന്നും തന്നെ സംസാരിച്ചില്ല….. വണ്ടിയിൽ പാട്ടു കേട്ടുകൊണ്ട് ഞാൻ മുന്നോട്ട് പോയി… എങ്ങനെ എങ്കിലും അവളുടെ വീട്ടുകാരെ കാര്യം പറഞ്ഞു മനസ്സിലാക്കണം എന്ന് ഞാൻ ഉറപ്പിച്ചാണ് ഈ യാത്ര…….
അവളുടെ മുഖത്തു വീട്ടുകാർ എങ്ങനെ പ്രീതികരിക്കും എന്നോർത്ത് നല്ല ടെൻഷൻ ഉണ്ടായിരുന്നു.. വീട്ടിലേക്ക് പോകാൻ ഉള്ള വഴി അവൾ തന്നെ ആണ് പറഞ്ഞു തന്നത്… ഞാൻ അവളുടെ വീടിനു മുന്നിൽ തന്നെ കാർ നിർത്തി… വലുതല്ല എന്നാൽ ചെറുതുമല്ല അല്ല എന്നാ തരത്തിൽ ഉള്ള വീട്…
വീടിനു മുന്നിൽ കാർ നിർത്തിയപ്പോൾ അവളുടെ അച്ഛൻ ആരാന്നു നോക്കാൻ മുന്നോട്ടു വന്നു. അവളുടെ അച്ഛനെയും അമ്മയെയും അന്ന് കല്യാണത്തിന് കണ്ട് പരിചയം ഉണ്ടായിരുന്നു. … അദ്ദേഹം മുന്നോട്ട് വന്നതും കാറിൽ നിന്ന് ഇറങ്ങുന്ന ഞങ്ങളെ കണ്ടു മുഖം വല്ലാതെ ആയി… അവൾ അങ്ങോട്ട്‌ നടന്നു ഒപ്പം ഞാനും…..
അവളുടെ അച്ഛൻ ദേഷ്യത്തോടെ അവളോട്‌ പറഞ്ഞു…
“നിന്നോട് ഈ വീടിന്റെ മുന്നിൽ വന്നു പോകരുതെന്ന് പറഞ്ഞിട്ടില്ലെടി….. പിന്നെ എന്തിന് നീ വന്നു ”
“അച്ഛാ ഞാൻ…….”
അദ്ദേഹം പറഞ്ഞത് കേട്ടു അവൾ കരഞ്ഞു കൊണ്ട് പറഞ്ഞു… അവൾക്കു പറയാൻ കഴിഞ്ഞില്ല.. അവൾ വിഥുമ്പി കരഞ്ഞു പോയി… ഇതെല്ലാം കേട്ടു അവളുടെ അമ്മ വീടിന്റെ മുന്നിൽ വന്നിരുന്നു… അവർ അവളെ കണ്ട് ഒന്നും ചെയ്യാൻ പറ്റാതെ നിന്നു
“നീ എന്നെ അങ്ങനെ വിളിക്കരുത്…. കുടുംബത്തിന് നാണക്കേട് ഉണ്ടാക്കാൻ ജനിച്ചവളെ….”
അങ്ങേരു ദേഷ്യത്തോടെ എന്തൊക്കയോ വിളിച്ചു പറഞ്ഞു അവൾ ഇതെല്ലാം കേട്ടു കരഞ്ഞു കൊണ്ട് കാറിനു നേരെ ഓടി… എന്നാൽ ഞാൻ അവിടെ തന്നെ നിന്നു…
“സർ, ഞങ്ങൾക്ക് പറയാൻ ഉള്ളത് ഒന്ന് കേൾക്കാൻ ഉള്ള മനസ്സ് കാണിക്കു..അവൾക്ക് പറയാൻ ഉള്ളതും കേൾക്കു ”
ഞാൻ വളരെ ദയനീയമായി അദ്ദേശത്തോട് പറഞ്ഞു…
“നീ ഒന്നും പറയണ്ട… എനിക്കു കേൾക്കുകയും വേണ്ട… ആ പിഴച്ചവളെയും വിളിച്ചു കൊണ്ട് ഇവിടുന്നു പോകാൻ നോക്ക്….”
അവളെ പിഴച്ചവൾ എന്ന് പറഞ്ഞതും എന്റെ ദേഷ്യം ഇരച്ചു കയറി…ഞാൻ അങ്ങേരെ കലിപ്പോടെ നോക്കിയിട്ട് പറഞ്ഞു….
“നിങ്ങൾ ഒരു തന്ത ആണോ… ഇനി അവളെ കുറിച്ച് ഒരു വാക്ക് പറഞ്ഞാൽ അവളുടെ അച്ഛനാണെന്നു ഞാൻ നോക്കില്ല…. പിന്നെ നിങ്ങള്ക്ക് ഒരിക്കലും അവളെ മനസ്സിലാക്കാൻ കഴിഞ്ഞിട്ടില്ല…. അവൾ ഒരു പാവം ആണ്.. അവൾ ഒരു തെറ്റും ചെയ്തിട്ടില്ല…. എന്നിട്ടും നിങ്ങൾ അവളെ ആവശ്യം ഇല്ലാത്തൊക്കെ പറഞ്ഞു.. ആ പാവത്തിനെ കരയിച്ചു……
ഞാൻ വളരെ അധികം ദേശ്ത്തോടെ തന്നെ അതെല്ലാം പറഞ്ഞു…. അങ്ങേര് അതെല്ലാം കേട്ടു നിന്നു…
“ഞാൻ ഒരിക്കൽ കൂടി ഇവിടെ വരും.. പക്ഷെ അന്ന് ഞങ്ങൾക്ക് ഉണ്ടായ പ്രേശ്നത്തിന് എല്ലാം ഒരു പരിഹാരം ആയിട്ടായിരിക്കും വരുന്നത്… അന്ന് താൻ ഒരുപാട് വിഷമിക്കും തന്റെ മകളെ ഓർത്തു… അവളെ പറഞ്ഞതിന് എല്ലാം താൻ അന്ന് ഒരുപാട് കരയും…”
ഞാൻ ഇതെല്ലാം പറഞ്ഞു നേരെ കാറിനു അടുത്ത് നടന്നു…. അവൾ കാറിന് ഉള്ളിൽ ഇരുന്നു കരയുക ആയിരുന്നു…. ഞാൻ നേരെ കാർ എടുത്തു തിരിച്ചു വീട്ടിലോട്ട് പോകാൻ ഉള്ള യാത്ര തുടങ്ങി…. പോകുന്ന വഴിയിൽ എല്ലാം അവൾ കരയുക തന്നെ ആയിരുന്നു… എനിക്കു അവളെ എങ്ങനെ സമാധാനിപ്പിക്കണം എന്ന് ഒരു പിടിയും കിട്ടിയിരുന്നില്ല..
