“ എന്നിട്ട് പ്രൊഡ്യൂസറെവിടെ… ?””
സേതു അജയനെ നോക്കി..
“ അയാൾ പാലക്കാട്ട് ഒരു ഹോട്ടലിൽ ഉണ്ടെന്ന് ബഷീറ് പറഞ്ഞു… “
അജയൻ പറഞ്ഞു……
“” നീലിമയുടെ സ്റ്റാൻഡ് എന്താ…? “
സേതു അനിയനെ നോക്കി..
“” അയാളാണ് പ്രൊഡ്യൂസറെങ്കിൽ അവർ ഈ പടത്തിൽ സഹകരിക്കില്ല…”
അനിയൻ പറഞ്ഞു…
“ അതാകെ കുഴങ്ങുമല്ലോ സാറേ… ഏതായാലും നമുക്കയാളെ കണ്ടു നോക്കാം… “
സേതു വാതിൽക്കലേക്ക് നീങ്ങി…
“” എനിക്കു വലിയ പ്രതീക്ഷയൊന്നുമില്ല… അടി മേടിച്ച മാനഹാനി അയാൾക്കുണ്ടാകില്ലേ…? “”
അനിയൻ മടി പിടിച്ചു നിന്നു…
“ അത് അടി മേടിക്കാനുള്ള പണി എടുത്തിട്ടല്ലേ.. സെറ്റും ഇട്ടു.. അഞ്ചാറു സീനും ഷൂട്ടു ചെയ്തു… നിന്നു പോയാൽ അയാൾക്കു തന്നെയല്ലേ നഷ്ടം… ? “”
അനിയൻ മിണ്ടിയില്ല…
“ സാറു വാ………. ഒന്നു ശ്രമിച്ചില്ലെന്ന് വേണ്ടല്ലോ………. “
സേതു , അനിയന്റെ കൈ പിടിച്ചു വലിച്ചു…
🌺 🌺 🌺 🌺 🌺
ക്ഷേത്രത്തിലേക്ക് തിരിയുന്ന വഴിയിൽ നിന്ന് മധുമിത മറുവശത്തേക്ക് പാളി നോക്കി..
ആള് കടയിലുണ്ട്……
റോഡ് മുറിച്ചു കടന്ന് അവൾ മറുവശത്തെത്തി……
കവലയിൽ ആളുകൾ കുറവായിരുന്നു…
“” ഞാനടച്ച് പോകാൻ നിൽക്കുകയായിരുന്നു……….””
സ്വാമിനാഥൻ അവളെ കണ്ടു പുഞ്ചിരിച്ചു…
ചെറുപ്പക്കാരനാണ് സ്വാമിനാഥൻ……
സുന്ദരനായ ഇരുപത്തിമൂന്നുകാരൻ…
വെളുത്ത വട്ടമുഖം…
മിക്ക സമയങ്ങളിലും കുറ്റിത്താടി തന്നെയാണ് പ്രകൃതം…
കാവിമുണ്ടും ചന്ദനക്കളർ ഷർട്ടുമായിരുന്നു വേഷം…
കുങ്കുമവും ചന്ദനവും ചേർത്തണിഞ്ഞ കുറി നെറുകയിൽ തൊട്ടിട്ടുണ്ടായിരുന്നു…
ചിരിയോടെ തന്നെ മധുമിത പൂക്കടയുടെ മുന്നിലുള്ള അരമേശയ്ക്കു മുൻപിൽ വന്നു നിന്നു…
തൊട്ടപ്പുറത്തുള്ള ചായക്കടയിൽ നിന്ന് റേഡിയോയിൽ നിന്ന് ചലച്ചിത്രഗാനം കേൾക്കുന്നുണ്ടായിരുന്നു…”
“” ജമന്തിപ്പൂക്കൾ………. ജനുവരിയുടെ മുടി നിറയെ ജമന്തിപ്പൂക്കൾ…………”
“” ഇവിടുത്തെ തിരക്കൊക്കെ ഒന്നു കഴിയട്ടെ എന്നു കരുതിയാ ഞാൻ………. “
മധുമിത , ടേബിളിനു മുകളിൽ കിടന്ന വാഴനാരെടുത്ത് വിരലിൽ ചുറ്റി…
“” അതെന്താ മധുവിന് പേടിയുണ്ടോ… ?”
സ്വാമിനാഥൻ, ടേബിളിനടിയിലേക്ക് , കുനിഞ്ഞ് ഒരു വാഴയിലപൊതി എടുത്തു…
“” പിന്നേ…… ഇവിടുത്തെ പരദൂഷണക്കരക്കാരുടെ സർട്ടിഫിക്കറ്റ് കിട്ടിയിട്ട് വേണമല്ലോ…”
സ്വാമിനാഥൻ പൊതി അവൾക്കു നേരെ നീട്ടി…
“ ഇന്ന് അമ്പലത്തിൽ കല്യാണമുണ്ട്… തീരുന്നതിനു മുൻപ് ഒരു മുഴം ഞാൻ മധുവിന് മാറ്റി വെച്ചതാ… “
സ്വാമിനാഥൻ നീട്ടിയ പൊതി വാങ്ങി, മധുമിത മുല്ലമാല വിടർത്തി…
പിന്നിലേക്ക് കിടന്ന മുടിയിഴകൾ മധുമിത മുന്നിലേക്കെടുത്തിട്ടു…
സ്ലൈഡിൽ കോർത്ത് , അവൾ മുല്ലമാല മുടിയിൽ കോർത്തപ്പോഴും റേഡിയോയിൽ നിന്ന് പാട്ടുകേൾക്കുന്നുണ്ടായിരുന്നു…
“” ഇന്നാണ് ഈ ആകാശവാണിക്കാരേക്കൊണ്ട് എനിക്കൊരു ഉപകാരമുണ്ടായത്…… “
സ്വാമിനാഥൻ പുഞ്ചിരിയോടെ പറഞ്ഞു…
മധുമിത അപ്പോഴാണ് പാട്ടു ശ്രദ്ധിച്ചത്…
“” എന്റെ പ്രിയതമയുടെ ചൊടി നിറയെ സുഗന്ധിപ്പൂക്കൾ…….””
“” അയ്യടാ……………..””
മുടിയിഴകൾ പിന്നിലേക്കെടുത്തിട്ട് മധുമിത കവിളുകളും ചുണ്ടും വക്രിച്ചു കാണിച്ചു…
സ്വാമിനാഥൻ പുഞ്ചിരി നിർത്താതെ തന്നെ അവളെ നോക്കി നിന്നു…
നിമിഷമേറുന്തോറും മധുമിതയുടെ മുഖത്തും ലജ്ജ പരക്കുന്നത് അവൻ കണ്ടു…
കണ്ണുകൾ ഇടഞ്ഞതും അവൾ മുഖം താഴ്ത്തി…
പൂക്കടയുടെ അപ്പുറത്തുള്ള പലചരക്കു കടയുടെ മുന്നിലായി ഒരു കാർ വന്നു നിന്നു…
അധോമുഖിയായ അവളുടെ അധരങ്ങൾ പതിയെ, ഒരു പുഞ്ചിരിയാൽ വിടരുന്നത് സ്വാമിനാഥൻ കണ്ടു…
മുടിയിലെ മുല്ലപ്പൂമാറ്റ് അവളുടെ വിരിഞ്ഞ ചൊടികൾക്കിടയിലും അവൻ കണ്ടു…
നിർമ വാഷിംഗ് പൗഡറിന്റെ പരസ്യം റേഡിയോയിൽ കേട്ടു തുടങ്ങിയിരുന്നു…
🌺 🌺 🌺 🌺 🌺
പാലക്കാട് മുൻസിപ്പൽ സ്റ്റാൻഡിന് എതിർ വശത്തുള്ള ഹോട്ടലിനു മുന്നിൽ കാർ നിർത്തി, സേതുവും അനിയനും ഇറങ്ങി..
അജയൻ കൂടെ ഉണ്ടായിരുന്നില്ല..
“ കാശുണ്ടെന്ന് പറഞ്ഞിട്ട് കാര്യമില്ല… വകതിരിവ് വട്ടപൂജ്യമാ… “
സേതു പറഞ്ഞു…
അനിയൻ ഒന്നും മിണ്ടിയില്ല…
തന്റെ സിനിമയെക്കുറിച്ചുള്ള ചിന്തയായിരുന്നു അയാളെ അടക്കിഭരിച്ചിരുന്നത്.
“” ഏതോ മാർവാഡിയെ പറ്റിച്ച് അവന്റെ അപ്പൻ കുറച്ചു പണമുണ്ടാക്കി… അത് അയാളുടെ യോഗം പോലെയങ്ങ് പെരുകി…””
സേതു പറഞ്ഞു..
അവർ റിസപ്ഷനിൽ അന്വേഷിച്ചപ്പോൾ പ്രൊഡ്യൂസർ മുറിയിലുണ്ടെന്നറിഞ്ഞു…
“ അപ്പന്റെ മരണ ശേഷം മകന്റെ ഭരണമല്ലേ… ചെറുപ്രായവും…””
പ്രൊഡ്യൂസറുടെ മുറിയിലേക്ക് നടക്കുന്നതിനിടയിൽ സേതു തുടർന്നു…
റൂം നമ്പർ നോക്കി ഉറപ്പു വരുത്തിയ ശേഷം സേതു വാതിലിൽ മുട്ടി……….
രണ്ടു നിമിഷങ്ങൾക്കകം വാതിൽ തുറന്നു…
പ്രൊഡ്യൂസർ ജയകൃഷ്ണൻ തന്നെയായിരുന്നു വാതിൽ തുറന്നത്…
അയാളുടെ മുഖത്തു വലിയ തെളിച്ചമുണ്ടായിരുന്നില്ല…
“” ഇരിക്ക്……….””
ജയകൃഷ്ണന്റെ ശബ്ദത്തിനും ഗൗരവമായിരുന്നു…
അനിയനും സേതുവും കസേരയിലേക്കിരുന്നു…
മറുവശത്തെ ടീപ്പോയിൽ മദ്യക്കുപ്പിയും ഗ്ലാസ്സും ഇരിക്കുന്നത് സേതു കണ്ടു..
ഒരു നിമിഷം ആരുമൊന്നും സംസാരിച്ചില്ല…
“” ഒരുപാടു പേരുടെ ചോറാണ്… പല പ്രൊജക്റ്റും ഒഴിവാക്കി വന്നവരും ഉണ്ട്.. ഷൂട്ടിംഗ് നിന്നാൽ………. “
സേതു ജയകൃഷ്ണനെ നോക്കി…
“” ഷൂട്ടിംഗ് നിർത്താൻ ഞാൻ പറഞ്ഞോ…………? ഇല്ലല്ലോ… ആ പന്ന പൂമോളും തള്ളയും വേണ്ടെന്നേ ഞാൻ ബഷീറിനോട് പറഞ്ഞുള്ളൂ… “
ജയകൃഷ്ണൻ പറഞ്ഞതും മദ്യത്തിന്റെ ഗന്ധം പുറത്തേക്കടിച്ചു…
സേതു അനിയനെ നോക്കി…
അനിയൻ മുഖം മാറ്റി…
“”നായികയില്ലാതെങ്ങനെയാ……………?.””
സേതു ചോദിച്ചു…
“”ലവള് പുതിയ നായികയല്ലേ… അവസാനത്തെ നായികയൊന്നുമല്ലല്ലോ… “
“” നമ്മൾ ഒന്നു രണ്ട് സീൻ അവളെ വെച്ച്………. “
“” ആ ഫിലിമങ്ങ് വലിച്ചു കീറിക്കള സേതൂ… കലയെ ഉദ്ധരിക്കാനൊന്നുമല്ല ഞാൻ താൻ പറഞ്ഞിട്ട് ഈ പണിക്കിറങ്ങിയത്… ലാഭം വേണം… പിന്നെ എന്റെ സാമാനത്തിന്റെ ഉദ്ധാരണവും നടക്കണം………”…”
അനിയൻ പല്ലിറുമ്മിയത് സേതു കേട്ടു…
“”ലവളല്ലെങ്കിൽ വേറെ നായിക…… അതിനു പറ്റുമെങ്കിൽ ഷൂട്ടിംഗ് തുടരാം… അല്ലെങ്കിൽ ഉണ്ടായ നഷ്ടം ഞാൻ സഹിച്ചു…… “
ജയകൃഷ്ണൻ അവസാന വാക്കെന്ന പോലെ പറഞ്ഞു നിർത്തി…
സേതു കസേരയിൽ നിന്ന് എഴുന്നേറ്റു…
പക്ഷേ, അനിയൻ സേതുവിനെ പിടിച്ചിരുത്തി…
“” കലയോടുള്ള അഭിനിവേശം കൊണ്ടാ ഞാനീ പണിക്കിറങ്ങിയത്…… അതാരും പറഞ്ഞിട്ടല്ല… എന്റെ തീരുമാനം മാത്രം…. നിങ്ങളീ പടം പൂർത്തീകരിക്കും എന്ന് ഉറപ്പുണ്ടെങ്കിൽ ഞാൻ നീലിമയെ പറഞ്ഞു വിടാം… “
ജയകൃഷ്ണന്റെ മിഴികൾ കൂർത്തത് അനിയൻ കണ്ടു..
“” ഞാൻ കൊണ്ടുവന്നവരെല്ലാം കൂടിയാ എന്നെ ഒതുക്കാൻ ശ്രമിക്കുന്നത്… കാരണമെന്താണെന്നു തുറന്നങ്ങു പറയാം.. കള്ളുകുടിയും പെണ്ണുപിടിയുമൊന്നും അനിയൻ സംവിധാനം ചെയ്ത പടത്തിൽ മാത്രമേ ഉണ്ടായിട്ടുള്ളൂ… ലൊക്കേഷനിൽ ഉണ്ടായിട്ടില്ല… “”