രൂപ : ഞാൻ വെള്ളം എടുത്തിട്ടു വരാം ഗുളിക കഴിക്കേണ്ടതല്ലേ
ഇത്രയും പറഞ്ഞു രൂപ കിച്ചണിലേക്ക് പോയി വെള്ളവുമായി എത്തി
രൂപ : ഇതാ കഴിക്ക് നല്ല ചതവുണ്ടെന്നാ ഡോക്ടർ പറഞ്ഞത് ഗുളിക മുടക്കാൻ പറ്റില്ല
ആദി : എന്നെ മാത്രം തീറ്റിക്കാതെ നീയും എടുത്ത് കഴിക്ക്
ആദി പതിയെ ഗുളിക കഴിച്ചു ഇത് കണ്ട രൂപ ക്ലിനികിൽ നിന്ന് കിട്ടിയ ഓയിന്റ്മെന്റുമായി ആദിയുടെ അടുത്തേക്ക് എത്തി ശേഷം അത് മുഖത്തെ മുറിവുള്ള ഭാഗങ്ങളിൽ ഇട്ടുകൊടുക്കാൻ തുടങ്ങി
ആദി : എല്ലായിടത്തും നീലിച്ചിരിക്കുവാണല്ലോ ദൈവമേ
ഇത് പറയുബോൾ രൂപയുടെ കണ്ണുകൾ നിറഞ്ഞിരുന്നു
ആദി : ഓഹ് വീണ്ടും തുടങ്ങി ഇത് നാളെ അങ്ങ് പോകുമെടി
ഇത്രയും പറഞ്ഞു ആദി രൂപയുടെ മൂക്കിലേക്ക് പതിയെ തടകി
ആദി : എന്റെ കാര്യം മാത്രം നോക്കാതെ നിന്റെ കാര്യം കൂടി ശ്രദ്ധിക്കടി നല്ല വേദനയുണ്ടെന്ന് എനിക്ക് അറിയാം
ഇത്രയും പറഞ്ഞു ആദി പതിയെ രൂപയുടെ മൂക്കിൽ മുത്തി
രൂപ : ഒന്നുമില്ലടാ അപ്പൊഴത്തെ ഒരു വേദനയെ ഉണ്ടായിരുന്നുള്ളു
ആദി : ആ കണ്ണിലെ പാട് ഒന്ന് മാറിയതെ ഉള്ളു അതിനിടക്ക് ആ കോപ്പമ്മാര് വിഷ്ണുവേട്ടൻ വന്നത് കൊണ്ടാ ഇല്ലായിരുന്നെങ്കിൽ
രൂപ : മതി വെറുതെ ദേഷ്യപ്പെട്ട് ഉള്ള എനർജി കൂടി കളയണ്ട ഞാൻ പോയി ഒരു ചായ ഇട്ടോണ്ട് വരാം അതുവരെ മിണ്ടാതെ ഇരിക്ക്
രൂപ പതിയെ കിച്ചണിലേക്ക് പോയി
അല്പസമയത്തിന് ശേഷം
ആദി :അമ്മയെ കണ്ടില്ലല്ലോ വരേണ്ട സമയം കഴിഞ്ഞില്ലേ
രൂപ : വരുമെടാ ബസിൽ അല്ലേ ബ്ലോക്ക് വല്ലതുമായികാണും
ആദി : എന്ത് ബ്ലോക്ക് ഞാൻ ഒന്ന് വിളിച്ചു നോക്കട്ടെ
ആദി ഫോൺ എടുത്ത് അമ്മയെ വിളിച്ചു
ആദി : എടുക്കുന്നില്ലല്ലോ ദൈവമേ
രൂപ : ഇങ്ങനെ ടെൻഷൻ ആകല്ലേ ആദി അമ്മ വരും
ആദി : എന്ത് വരുമെന്ന് താമസ്സിക്കുമെങ്കിൽ ഒന്ന് വിളിച്ചു പറഞ്ഞുകൂടെ
സമയം പിന്നെയും കടന്നു പോയി
ആദി : ഓഹ് അമ്മക്കെന്താ ചെവികേൾക്കില്ലെ ഈ ഫോൺ ഒന്ന് എടുത്താൽ എന്തായി പോകും സമയം 6 കഴിഞ്ഞു ഇനിയിപ്പോൾ..
പെട്ടെന്നാണ് ആദിയുടെ ഫോൺ റിങ് ചെയ്തത് അത് അമ്മയായിരുന്നു ആദി വേഗം ഫോൺ എടുത്തു
ആദി : അമ്മ ഇതെവിടെയാ ഞാൻ എത്ര നേരമായി വിളിക്കുന്നു മനുഷ്യനെ എന്തിനാ ഇങ്ങനെയിട്ട് പേടിപ്പിക്കുന്നെ
അമ്മ : ഫോൺ സൈലന്റിലായിപോയെടാ
ആദി : ഇനി അങ്ങനെ പറഞ്ഞാൽ മതിയല്ലോ മനുഷ്യൻ ഇവിടെ.. താമസിക്കുമെങ്കിൽ എന്നെ ഒന്ന് വിളിച്ചു പറഞ്ഞുകൂടെ ഇപ്പോൾ എവിടെയെത്തി ഞാൻ ബസ് സ്റ്റോപ്പിൽ വന്ന് നിക്കാം
അമ്മ : ടാ അത് പിന്നെ ഞാൻ ഇവിടെ പെട്ടു പോയടാ
ആദി : പെട്ടുപോയോ
അമ്മ : അതെ ഇറങ്ങാൻ അല്പം വൈകി ഇനിയിപ്പോൾ രാത്രിയെ ബസ് ഉള്ളു അതിൽ പോകണ്ടെന്നാ ഇവിടെ എല്ലാവരും പറയുന്നത് പിന്നെ അങ്ങോട്ട് വരുന്ന ആരും ഇവിടെ ഇല്ലതാനും നാളെ ഇവര് തന്നെ കൊണ്ടാക്കിതരാം എന്നാ പറയുന്നെ
ആദി : അപ്പോൾ ഇന്ന് വരില്ലേ
അമ്മ : ഇവര് വിടുന്നില്ലടാ രാത്രി യാത്ര വേണ്ടെന്നാ പറയുന്നെ
ആദി : അത് ശെരിയാ രാത്രി വരണ്ട സമാധാനമായിട്ട് നാളെ വന്നാൽ മതി
അമ്മ : ഉം ശരി അവൾ അവിടെ ഇല്ലേ
ആദി : ഉം അടുത്തുണ്ട്
അമ്മ : ഫോൺ ഒന്ന് കൊടുത്തെ
ആദി : രൂപേ ഇന്നാ അമ്മക്ക് സംസാരിക്കണമെന്ന്
രൂപ : ഹലോ അമ്മേ
അമ്മ : മോളെ എനിക്കിന്ന് ഇവിടുന്ന് ഇറങ്ങാൻ പറ്റിയില്ല എന്തായാലും ഇനി നാളെയേ വരാൻ പറ്റു ഫ്രിഡ്ജിൽ മാവ് ഇരിപ്പുണ്ട് നിങ്ങൾ എന്തെങ്കിലും ഉണ്ടാക്കി കഴിച്ചോ അല്ലെങ്കിൽ അവനോട് പറഞ്ഞു എന്തെങ്കിലും പുറത്ത് നിന്ന് വാങ്ങിക്ക്
രൂപ : ശെരിയമ്മേ
അമ്മ : മോൾക്ക് ബുദ്ധിമുട്ട് ആയല്ലേ
രൂപ : ഹേയ് ഇല്ലമ്മേ അമ്മ ഇവിടുത്തെ കാര്യം ഓർത്തു ടെൻഷൻ ആകണ്ട
അമ്മ : ഉം ശെരി ഫോൺ ആദിക്ക് കൊടുക്ക്