പരുപാടികളും ഭക്ഷണവും കഴിഞ്ഞു സീനിയേഴ്സിന് ഓരോരുത്തരായി അവരുടെ ഓർമ്മകൾ പങ്കുവെക്കാൻ തുടങ്ങി
സ്വപ്നാ മിസ്സ് : ടാ രാജീവേ ഇനി നീ പറ എങ്ങനെയുണ്ടായിരുന്നു ഈ മൂന്നു വർഷം
ഇത് കേട്ട രാജീവ് പതിയെ മൈക്ക് കയ്യിലെടുത്തു
രാജീവ് : ഇപ്പോൾ എന്താ പറയുക..ഉം എന്തായാലും പരുപാടിയൊക്കെ നന്നായിട്ടുണ്ട് കേട്ടോ ഞങ്ങളെ ഇറക്കി വിടാൻ ആണെങ്കിലും നിങ്ങള് ഒറ്റക്ക് ഇതൊക്കെ ചെയ്തില്ലേ പിന്നെ ഇവിടുത്തെ ക്രിക്കറ്റ് കളി മിസ്സാകും അതാണ് ഒരു വിഷമം പിന്നെ മിസ്സിന്റെ തെറിയും അത് കേൾക്കാതെ ഇനി എങ്ങനെ ജീവിക്കും എന്നാണ് ഞാൻ ഇപ്പോൾ ആലോചിക്കുന്നത് ”
മിസ്സ് : മതിയെടാ മതി…
രാജീവ് : പിന്നെ എന്താ… ഉം ഇത്രയൊക്കെ ഉള്ളു ഒന്നും പറയാൻ കിട്ടുന്നില്ല… ഇനി സ്നേഹ പറയട്ടെ അവളെ കണ്ടാൽ അറിയാം പറയാൻ മുട്ടി നിക്കുവാണെന്ന്
ഇത്രയും പറഞ്ഞു രാജീവ് മൈക്ക് സ്നേഹക്ക് നൽകി
സ്നേഹ : ആദ്യം തന്നെ ഇത്രയും നല്ല സെന്റ് ഓഫ് ഒരുക്കിയതിന് നിങ്ങൾക്ക് ഒക്കെ ഒരുപാട് നന്ദി എന്നായാലും ഒരു ദിവസം പോയല്ലേ പറ്റു അതുകൊണ്ട് എനിക്ക് വലിയ വിഷമം ഒന്നുമില്ല പിന്നെ ഞാൻ ഉണ്ടാക്കിയ സൗഹൃദ ഇവിടെ ഇല്ലേ അതിന്റെ പേരിൽ ഞാൻ എന്നും ഓർമ്മിക്കപ്പെടും എന്ന് കരുതുന്നു ഗീതു, സാന്ദ്രാ എന്റെ ക്ലബ്ബിനെ നന്നായി കൊണ്ട് പോകണം കേട്ടോ പിന്നെ നിങ്ങളെ എല്ലാവരെയും ഞാൻ ഒരുപാട് മിസ്സ് ചെയ്യും ഈ കോളേജ് എനിക്ക് ഒരുപാട് ഓർമ്മകൾ തന്നിട്ടുണ്ട് ഞാൻ കാരണം ചിലർ സന്തോഷിച്ചിട്ടുണ്ട് അതിൽ എനിക്കും ഒരുപാട് സന്തോഷം ഉണ്ട് അതാണ് എന്റെ ഏറ്റവും വലിയ സമ്പാദ്യം പിന്നെ ചിലർ വേദനിച്ചിട്ടുമുണ്ട്
ഇത്രയും പറഞ്ഞു സ്നേഹ വിഷ്ണുവിനെ നോക്കി
“അവരോടൊക്കെ ഞാൻ ക്ഷമ ചോദിക്കുവാണ് പിന്നെ നാളെ മുതൽ ഇവിടെ വരാൻ കഴിയില്ലല്ലോ എന്ന് ഓർക്കുമ്പോൾ എന്തോ ഒരു വിഷമം ”
സ്നേഹയുടെ കാണ്ണുകൾ പതിയെ നിറഞ്ഞു
മിസ്സ് : ഉം മതി മതി… ചുമ്മാ സന്തോഷത്തോടെ പോകേണ്ട ഒരു ദിവസമായിട്ട് ഞങ്ങളൊക്കെ ഇവിടെ തന്നെ കാണും തോന്നുമ്പോൾ ഇങ്ങോട്ടേക്കു വാ
സ്നേഹ : സോറി ഞാൻ അല്പം ഇമോഷണലായി… എന്നാൽ ശെരി ഇനിയും ഓരോന്ന് പറഞ്ഞു നിങ്ങളെ വെറുപ്പിക്കുന്നില്ല
ഇത്രയും പറഞ്ഞു സ്നേഹ മൈക്ക് താഴേക്ക് വച്ച ശേഷം സ്റ്റേജിൽ നിന്നിറങ്ങി
മിസ്സ് : ഇനി ആരാ… വിഷ്ണു നീ ഒന്നും പറഞ്ഞില്ലല്ലോ വാ വന്ന് സംസാരിക്ക്
വിഷ്ണു : എനിക്ക് ഒന്നും പറയാനില്ല മിസ്സേ
മിസ്സ് : ചുമ്മാ കളിക്കാതെ വാടാ എല്ലാവരും സംസാരിച്ചല്ലോ പിന്നെന്താ നിനക്ക്
വിഷ്ണു : ഈ സംസാരമൊക്കെ ബോറു പരുപാടിയാ ഞാൻ അവരോടൊക്കെ നേരിട്ട് സംസാരിച്ചിട്ടുണ്ട്
മിസ്സ് : ടാ കളിക്കാതെ വാ
ഇത് കേട്ട വിഷ്ണു സ്റ്റേജിലേക്ക് വന്ന് മൈക്ക് വാങ്ങി
“എനിക്കങ്ങനെ പ്രത്തേകിച്ച് ഒന്നും പറയാനില്ല എല്ലാവരും നല്ല പോലെ പഠിക്കുക പിന്നെ ഒരു പ്രശ്നങ്ങളിലും പോയി ചാടാതെയും നോക്കണം ഞാൻ പോകുന്നു എന്നൊന്നും കരുതണ്ട എന്തെങ്കിലും ആവശ്യം ഉണ്ടെങ്കിൽ ഒന്ന് വിളിച്ചാൽ മതി ഞാൻ പറന്നിങ്ങു വരും അപ്പോൾ എല്ലാവരോടും ഒരിക്കൽ കൂടി യാത്ര ചോദിക്കുന്നു ”
ഇത്രയും പറഞ്ഞു വിഷ്ണു മൈക്ക് തിരികെ നൽകി
കുറച്ച് പേർ കൂടി സംസാരിച്ച ശേഷം പ്രോഗ്രാം അവസാനിച്ചു കോളേജ് ടൈമിന് ശേഷം എല്ലാവരും പോകുവാനുള്ള ഒരുക്കത്തിൽ
ആദി : എന്താടി ഇങ്ങനെ വിഷമിച്ചിരിക്കുന്നെ
രൂപ : അവരൊക്കെ പോകുകയല്ലേടാ
ആദി : പിന്നെ പോകാതെ എന്നും ഇവിടെ പഠിക്കാൻ പറ്റുമോ അടുത്ത വർഷം നമ്മളും പോകണം
രൂപ : എന്നാലും… എന്തോ ഒരു വിഷമം പോലെ
ആദി : ഉം എല്ലാവർക്കും വിഷമം ഉണ്ടെടി അതൊക്കെ പയ്യെ മാറികോളും
പെട്ടെന്നാണ് വിഷ്ണു അങ്ങോട്ടേക്ക് എത്തിയത്
വിഷ്ണു : നിങ്ങളെന്താ പോകുന്നില്ലേ
ആദി : പോകാൻ ഇറങ്ങുവായിരുന്നു ചേട്ടാ അപ്പോൾ ഇവൾക്ക് വലിയ സങ്കടം