ആന്റി : എന്താ രണ്ടും കൂടി ഇങ്ങോട്ട് വരരുതെന്ന് നിങ്ങളോട് പറഞ്ഞിട്ടുള്ളതല്ലേ
രൂപ : ഞങ്ങൾ അച്ഛമ്മയെ കാണാൻ വന്നതാ
ആന്റി : അവരെ കാണാൻ എപ്പോഴും ഇങ്ങനെ വരണം എന്നില്ല വല്ലതും പറ്റിയാൽ ഞാൻ വിളിച്ചറിയിച്ചോളാം
ഇത് കേട്ടാ ആദി പതിയെ പല്ലുരുമി
രൂപ : ഇങ്ങനെ ദുഷ്ടത്തനം പറയല്ലേ ആന്റി
ആന്റി : എന്റെ വീട്ടിൽ എന്ത്‌ പറയണം എന്ന് ഞാൻ തീരുമാനിക്കും
ആദി : രൂപേ നീ ഇവരോട് സംസാരിച്ചുകൊണ്ട് നിൽക്കാതെ പോയി പറയേണ്ടത് എന്താണെന്നു വച്ചാൽ പറയ്
ആന്റി : എങ്ങോട്ട് പോയി പറയാൻ ഞാൻ അവരെ ഇങ്ങോട്ട് വിളിക്കാം ഇവിടെ വച്ച് പറഞ്ഞാൽ മതി
തള്ളേ ഇങ്ങോട്ട് വാ പുന്നാര മോള് കാണാൻ വന്നിട്ടുണ്ട്
ആന്റി അകത്തേക്ക്‌ നോക്കി വിളിച്ചു പറഞ്ഞു
അല്പസമയത്തിനുള്ളിൽ അച്ഛമ്മ വീടിനു പുറത്തേക്ക് എത്തി
ആന്റി : ഹോ നടത്തണം കണ്ടാൽ ഞാൻ ഇവിടെയിട്ട് എല്ലാം പണിയും ചെയ്യിക്കുകയാണെന്ന് തോന്നുമല്ലോ തിന്നുക കിടക്കുക ഇത് മാത്രമല്ലെ ചെയ്യുന്നുള്ളൂ ഇത്രയും അവശത വേണ്ട
അച്ഛമ്മ : രൂപമോളോ വാ മോളെ എന്താ അവിടെ തന്നെ നിന്നത്
രൂപ : വേണ്ട അച്ഛമ്മേ ഞാൻ കയറുന്നില്ല ഒരു കാര്യം പറയാൻ വന്നതാ
ഇത് കേട്ട അച്ചമ്മ ആന്റിയെ ഒന്ന് നോക്കിയ ശേഷം അവരുടെ അടുത്തേക്ക്‌ ചെന്നു
അച്ഛമ്മ : അവള് കയറേണ്ട എന്ന് പറഞ്ഞു അല്ലേ
രൂപ : ഹേയ് സാരമില്ല അച്ഛമ്മേ
അച്ഛമ്മ : എന്റെ കുഞ്ഞിന് സുഖമാണോ
രൂപ : ഉം സുഖം
“മോനോ “.
“സുഖമാ അച്ഛമ്മേ ഞങ്ങള് കല്യാണം വിളിക്കാൻ വന്നതാ ”
“കല്യാണമോ ”
രൂപ : അതെ ഈ മാസം 24ന് ഞങ്ങളുടെ കല്യാണമാ ഇവിടെ ക്ഷേത്രത്തിൽ വച്ച് തന്നെയാ അച്ഛമ്മ വരണം
ഇത് കേട്ട അച്ഛമ്മയുടെ കണ്ണുകൾ നീറഞ്ഞു
“പിന്നെ വരാതെ എന്റെ കുട്ടികളെ അനുഗ്രഹിക്കാൻ ഞാൻ അവിടെ ഉണ്ടാകും മോനോടാ നന്ദി പറയേണ്ടത് നീ ഇവളെ കൊണ്ട് പോയില്ലായിരുന്നെങ്കിൽ ഇവൾക്ക് ഇങ്ങനെ ഒരു ജീവിതം കിട്ടില്ലായിരുന്നു ”
ആദി : എന്താ അച്ഛമ്മേ ഇത് സന്തോഷിക്കേണ്ട സമയമായിട്ട്… പിന്നെ അച്ഛമ്മക്ക് ഇവിടെ ബുദ്ധിമുട്ടുണ്ടെങ്കിൽ ഞങ്ങളുടെ കൂടെ വാ എന്റെ വീട്ടിൽ താമസിക്കാം
“വേണ്ട മോനെ ഇങ്ങനെ കിടന്ന് ഓരോന്ന് പറയുമെങ്കിലും അവളെന്നെ ഉപദ്രവിക്കാറൊന്നുമില്ല എനിക്കിവിടെ ഒരു പ്രശ്നവുമില്ല ”
ആന്റി : എന്താ ഇതുവരെ സംസാരിച്ചു കഴിഞ്ഞില്ലേ തള്ളയെ കൂടെ കൊണ്ട് പോകാൻ വല്ല പ്ലാനും ഉണ്ടെങ്കിൽ അത് നടക്കില്ല കേട്ടല്ലോ അവരോടുള്ള ഇഷ്ടം കൊണ്ടൊന്നുമല്ല ആളുകളുടെ മുന്നിൽ ഞാൻ മോശകാരിയാകും അമ്മായി അമ്മയെ അടിച്ചിറക്കി എന്നായിരിക്കും നാളെ ഓരോന്ന് പറഞ്ഞു നടക്കുക
അച്ഛമ്മാ : ഞാൻ ഒരിടത്തേക്കും പോകുന്നില്ല പോരെ
ആന്റി : എങ്കിൽ ഇങ്ങ് വാ സംസാരമൊക്കെ മതി
ഇത് കേട്ട രൂപ ആന്റിയുടെ അടുത്തേക്ക്‌ എത്തി
ആന്റി : എന്താടി
രൂപ : എന്റെ കല്യാണമാണ് നിങ്ങളൊക്കെ അല്ലാതെ എനിക്ക് വിളിക്കാൻ വേറെ ആരുമില്ല ആന്റി വരണം അച്ഛമ്മയെയും കൊണ്ട് വരണം എനിക്ക് സ്വത്തും പണവും ഒന്നും വേണ്ട എന്നെ ശപിക്കാതിരുന്നാൽ മാത്രം മതി
ആന്റി : ഞാൻ എന്തിനാടി നിന്നെ ശപിക്കുന്നെ എനിക്ക് വരാൻ പറ്റുമോ എന്നറിയില്ല തള്ളയെ വിട്ടേക്കാം
ആദി : ശെരി രൂപേ നമുക്ക് ഇറങ്ങാം
ഇത് കേട്ട രൂപ പോകാനായി ഒരുങ്ങി
ആന്റി : നിക്ക് ഞാൻ ഇപ്പോൾ വരാം
ഇത്രയും പറഞ്ഞു ആന്റി വീടിനുള്ളിലേക്ക്‌ പോയി അല്പസമയത്തിനുള്ളിൽ ഒരു ബോക്സുമായി തിരികെ എത്തി
ആന്റി : ഇതാ കുറച്ച് സ്വർണ്ണമാ വച്ചോ
ആദി : വേണ്ട ആരുടെയും ഔദാര്യം അവൾക്ക് വേണ്ട അവൾക്കുള്ളത് ഞാൻ വാങ്ങി കൊടുത്തോളാം
രൂപ : വേണ്ട ആന്റി അല്ലെങ്കിലും ഇതൊന്നും ഞാൻ ഇടാറില്ല
ആന്റി : എനിക്ക് നിന്നോട് സ്നേഹം ഉള്ളത് കൊണ്ടുന്നുമല്ല ഇത് തരുന്നത് നിന്റെ അച്ഛന് നിനക്ക് വേണ്ടി എടുത്ത് വച്ചിരുന്നതാ തരുന്നതിന് മുൻപ് അയാള് പോയി ഇത് ഇവിടെ ഇരുന്നിട്ട് ഒരു കാര്യവുമില്ല കൊണ്ട് പൊക്കൊ
അച്ഛമ്മ : വാങ്ങിച്ചോ മോളെ എന്റെ കുഞ്ഞിന്റെ ആത്മാവിന് സന്തോഷമാകും
ആന്റി : പിടിക്കുന്നെങ്കിൽ പിടിക്ക് എനിക്ക് വേറെ പണിയുണ്ട്
ഇത്രയും പറഞ്ഞു രൂപയുടെ കയ്യിൽ അത് വച്ച് കൊടുത്ത ശേഷം അവർ അകത്തേക്ക്‌ പോയി
രൂപ പതിയെ ആദിയെ നോക്കി
അച്ഛമ്മ : അച്ഛൻ തന്നതാണെന്ന് കരുതിയാൽ മതി അവളെ കൊണ്ട് ഇപ്പോൾ ഇങ്ങനെ തോന്നിച്ചത് നിന്റെ അച്ഛൻ തന്നെയാ
രൂപ : ശെരി അച്ഛമ്മേ
ഇത്രയും പറഞ്ഞു രൂപ ആദിക്കൊപ്പം പുറത്തേക്ക് നടന്നു
രൂപ : ഞാൻ വേണമെന്ന് കരുതി വാങ്ങിയതല്ല
ആദി : അതിന് ഞാൻ ഒന്നും പറഞ്ഞില്ലല്ലോ
രൂപ : എന്നാലും…
ആദി : കുഴപ്പമൊന്നും ഇല്ലെടി നിന്റെ അച്ഛൻ വാങ്ങി വച്ചതല്ലേ അച്ഛമ്മ പറഞ്ഞത് പോലെ നിന്റെ അച്ഛന് സന്തോഷമായി കാണും
ഇത് കേട്ട രൂപയുടെ കണ്ണുകൾ പതിയെ നിറഞ്ഞു
**************************
അങ്ങനെ കല്യാണദിവസം എത്തി കുറച്ചു പേരെ വിളിച്ചാൽ മതി എന്ന് കരുതിയെങ്കിലും എല്ലാവരെയും വിളിച്ചു വന്നപ്പോൾ കുറച്ചധികം ആളുകൾ ആയി പോയി എങ്കിലും ഒരു കുറവും ഇല്ലാതെ തന്നെ കല്യാണം നടന്നു ഏറെ നാളത്തെ കാത്തിരിപ്പിന് ശേഷം ആദി എന്റെ കഴുത്തിൽ താലി ചാർത്തി ചെറിയ വിറയൽ ഒക്കെ ഉണ്ടായിരുന്നെങ്കിലും ആദി അതൊക്കെ അഡ്ജസ്റ്റ് ചെയ്തു അച്ഛമ്മയോടൊപ്പം ആന്റിയും വിവാഹത്തിന് വന്നു പക്ഷെ ദൂരേ നിന്ന് നോക്കുക മാത്രമാണ് ചെയ്തത് കല്യാണം കഴിഞ്ഞ ഉടനെ അച്ഛമ്മയെ കൊണ്ട് പോകുകയും ചെയ്തു വിഷ്ണു ഏട്ടൻ നേരത്തെ തന്നെ എത്തിയിരുന്നു വിവാഹകാര്യം പറഞ്ഞപ്പോൾ പുള്ളിയുടെ ഒരു സന്തോഷം കാണമായിരുന്നു എന്തൊ ഗിഫ്റ്റൊക്കെയായിട്ടാ പുള്ളി വന്നത് വിഷ്ണു ഏട്ടൻ ഇപ്പോൾ എസ് ഐ സെലക്ഷനോക്കെ പാസായി നിക്കുവാണ് പിന്നെ സ്നേഹ ചേച്ചിയും രാജീവ് ഏട്ടനും അവരും വന്നിരുന്നു രാജീവ് ഏട്ടൻ ഇപ്പോൾ രഞ്ജി സെലക്ഷന് പോകാൻ തയ്യാറെടുക്കുവാണ് കിട്ടുമെന്ന് പ്രതീക്ഷിക്കാം പിന്നെ സ്നേഹചേച്ചി പല സാമൂഹിക പ്രവർത്തനങ്ങളുമായി മുന്നോട്ട് പോകുന്നു ആരതി ചേച്ചി uk യിലാണ് അതുകൊണ്ട് വരാൻ പറ്റിയില്ല പിന്നെ ഗീതുവും ഫാമിലിയും വന്നിരുന്നു അവൾക്കും കല്യാണാലോചനകൾ നടക്കുന്നുണ്ട് പിന്നെ മാളു ഞങ്ങളുടെ കല്യാണം നടന്നതിൽ അവൾക്കാണ് ഏറ്റവും സന്തോഷം പിന്നെ അജാസ് മാത്രം വന്നില്ല കോളേജ് കഴിഞ്ഞതോടെ അജാസ് വീട് മാറി പിന്നെ പിന്നെ ആദിയുമായുള്ള കണക്ഷൻ കട്ടായി അവനെ വിളിക്കാൻ പരമാവധി നോക്കി പക്ഷെ നടന്നില്ല ഇപ്പോൾ എവിടെ ആണാവോ…
