ആദി : ഇവർക്കൊക്കെ ഇത് എന്തിന്റെ കേടാ മാമാ
രാജൻ : അവരെയും കുറ്റം പറയാൻ പറ്റില്ലടാ അവർ നോക്കുമ്പോൾ എന്താ ഏതോ ഒരു പെൺകുട്ടിയെ വീട്ടിൽ കൊണ്ട് താമസിപ്പിച്ചിരിക്കുന്നു ഇവളുടെ കാര്യങ്ങൾ ഒന്നും അവർക്കറിയണ്ടല്ലോ
രാധ : ചേട്ടൻ പറഞ്ഞത് ശെരിയാ എന്നോടും ചിലരൊക്കെ പലതും ചോദിച്ചിരുന്നു
രാജൻ : അതാ ഞാനും പറയുന്നത് നമുക്ക് ഇവരുടെ വിവാഹം ഉടനെ നടത്താണം എന്താ റാണി നിന്റെ അഭിപ്രായം
റാണി : അതെ പറ്റുന്ന അത്ര വേഗത്തിൽ നടത്തണം
രാധ : വേഗത്തിൽ എന്ന് പറയുബോൾ
രാജൻ : ഈ മാസം അവസാനം നല്ലൊരു മുഹൂർത്തമുണ്ട് നമുക്ക് അന്ന് നടത്തിയാലോ
ആദി : ഈ മാസമോ അതൊരുപാട് അടുത്ത് പോയില്ലേ
രാധ : അതെ ഒരുപാട് ആളുകളെയൊക്കെ വിളിക്കാൻ ഉള്ളതല്ലേ
രാജൻ : അങ്ങനെ അധികം ആളൊന്നും വേണ്ട അത്രയും വേണ്ടപ്പെട്ടവരെ മാത്രം പങ്കെടുപ്പിച്ചുകൊണ്ടുള്ള ചെറിയൊരു താലിക്കെട്ട് അത്രയും മതി ഞാൻ അമ്പലത്തിൽ പറഞ്ഞു കാര്യങ്ങൾ റെഡിയാക്കാം
രാധ : അത് മതിയല്ലേ ആളുകൾ കൂടിയാലും പ്രശ്നമാ അപ്പോൾ നമുക്ക് ഇതങ്ങ് ഉറപ്പിക്കാം രൂപേ നിനക്ക് ഈ ഡേറ്റ് പ്രശ്നമൊന്നും ഇല്ലല്ലോ അല്ലേ
ഇത് കേട്ട രൂപ പതിയെ ചിരിക്കുക മാത്രം ചെയ്തു
മാളു : ചേച്ചിക്ക് സമ്മതമാ നാണം കണ്ടില്ലേ നമുക്ക് അന്ന് തന്നെ നടത്താം അച്ഛാ
രാജൻ : എന്നാൽ അങ്ങനെ തന്നെ അപ്പോൾ ഇനി വിളിക്കാൻ ഉള്ളവരുടെ ലിസ്റ്റ് ഒക്കെ റെഡിയാക്കിക്കോ കേട്ടോ
രാധ : ഉം ശെരി ചേട്ടാ
രാജൻ : എന്നാൽ പിന്നെ ഞങ്ങൾ ഇറങ്ങുവാ നീ നാളെ വീട്ടിലോട്ട് ഇറങ്ങ് ബാക്കി യൊക്കെ നമുക്ക് വീട്ടിൽ വച്ച് സംസാരിക്കാം
കുറച്ചു സമയത്തിനുള്ളിൽ രാജനും കുടുംബവും അവിടെ നിന്ന് പോയി
ആദി : അമ്മേ നിങ്ങള് ശെരിക്കും കല്യാണം നടത്താൻ പോകുവാണോ
അമ്മ : അല്ലാതെ പിന്നെ ഇപ്പോൾ തന്നെ വൈകി.. ഇനിയും വൈകിയാൽ ശെരിയാകില്ല
ആദി : എന്നാലും ഈ മാസം തന്നെ എന്നൊക്ക പറയുമ്പോൾ
അമ്മ : അതൊക്കെ നടന്നോളും നീ അതോർത്ത് പേടിക്കണ്ട…പിന്നെ ഞാൻ ഒന്ന് അപ്പറം വരെ പോകുവാ സുനന്തക്ക്‌ കുറച്ച് പായസം കൊണ്ട് പോയി കൊടുത്തിട്ടുവരാം
ഇത്രയും പറഞ്ഞു അമ്മ പായസവുമായി പുറത്തേക്കുപോയി
ആദി : രൂപേ അവര് പറഞ്ഞത് കേട്ടോ നമ്മുടെ കല്യാണമാണെന്ന് എത്ര നാളായി കൊതിച്ചിരിക്കുന്നതാ അല്ലേ
രൂപ : എന്നിട്ടാണോ ഇത്രയും പെട്ടന്നോ എന്നൊക്കെ ചോദിച്ചത്
ആദി : അതൊക്കെ എന്റെ ഒരു നമ്പർ അല്ലേ അല്ലെങ്കിൽ ഞാൻ കെട്ടാൻ മുട്ടി നിക്കുവാണ് എന്ന് അവർക്ക് തോന്നില്ലേ
ഇത് കേട്ടാ രൂപ പതിയെ ചിരിച്ചു ഇത് കണ്ട ആദി തന്റെ ചുണ്ടുകൾ രൂപയ്ക്ക് നേരെ കൊണ്ട് പോയി
രൂപ : ആദി വേണ്ടാ അമ്മ ഇപ്പോൾ വരും കേട്ടല്ലോ
ആദി : എത്ര നാളായി പട്ടിണിയാടി… ഇനിയെങ്കിലും ഒന്ന് സമ്മതിക്ക്‌ ഒരു മുത്തം പ്ലീസ്
രൂപ : വേണ്ട അന്ന് എടുത്ത തീരുമാനം മറന്നോഇനി കുറച്ച് നാൾ കൂടിയല്ലേ ഉള്ളു ഒന്ന് ക്ഷമിച്ചിരിക്കെടാ
ആദി : ശെരി എല്ലാം കൂടി ചേർത്ത് ശെരിയാക്കി തന്നോളാം
രൂപ : ടാ കല്യാണത്തിന് അച്ഛമ്മയെ വിളിക്കണം
ആദി : പിന്നെ വിളിക്കാതെ നമുക്ക് പോയി വിളിക്കാം
രൂപ : കഴിഞ്ഞ തവണ അച്ഛമ്മയെ കാണാൻ പോയപ്പോൾ ഇനി വരരുതെന്നല്ലേ ആന്റി പറഞ്ഞത്
ആദി : അവരോട് പോകാൻ പറ നമ്മൾ പോകും നിന്റെ അച്ഛമ്മയെ കല്യാണത്തിന് ക്ഷണിക്കും എന്താ പോരെ
രൂപ : ഉം മതി
ആദി : എന്നാൽ പിന്നെ ഇതൊക്ക ഓർത്ത് ടെൻഷൻ അടിക്കാതെ മോള് നമ്മുടെ വിവാഹത്തെ പറ്റി മാത്രം ചിന്തിക്കാൻ നോക്ക്‌ 😊
ഒരാഴ്ച്ചക്ക്‌ ശേഷം
അമ്മ : ദൈവമേ കല്യാണദിവസം ഇങ്ങ് അടുക്കുവാണല്ലോ ഇനി എന്തൊക്കെയാ ചെയ്യാൻ കിടക്കുന്നത്
ആദി : അതൊക്കെ സമയത്ത് നടക്കും അമ്മേ വെറുതെ ടെൻഷൻ ആകണ്ട
അമ്മ : എന്തയാലും ഒരുപാട് പരാതി കേൾക്കേണ്ടി വരും എല്ലാവരെയുമൊന്നും വിളിക്കണ്ട എന്നല്ലേ ചേട്ടന്റെ തീരുമാനം
ആദി : അതാ നല്ലത് ആർഭാടം ഒന്നുമില്ലാത്ത ഒരു കല്യാണം അത് മതി
അമ്മ : നമ്മൾ ഇങ്ങനെയൊക്കെ തീരുമാനിക്കുന്നു അവൾക്കും പല ആഗ്രഹങ്ങളും ഉണ്ടാകില്ലേ ആദി അതാ ഇപ്പോൾ എന്റെ ചിന്ത
ആദി : ഞാൻ ഇതിനെ പറ്റിയൊക്കെ അവളോട് ചോദിച്ചതാ അമ്മേ അവൾക്കും ഇത് തന്നെയാ താല്പര്യം പിന്നെ സ്വർണ്ണം ഒന്നും ഇല്ലെന്ന് കരുതി അമ്മ വിഷമിക്കണ്ട ആവശ്യത്തിനുള്ളത് നമുക്ക് എടുക്കാം
അമ്മ : നീ കാശ് വല്ലതും കരുതി വച്ചിട്ടുണ്ടോ
ആദി : അധികം ഒന്നുമില്ല എങ്കിലും ഉണ്ട്
അമ്മ : ഉം അത് നന്നായി എന്റെ അക്കൗണ്ടിലും കുറച്ച് പൈസയുണ്ട് എല്ലാം കൂടി വച്ച് പറ്റുന്നത് പോലെ നമുക്ക് നടത്താം
ആദി : അത് മതി അമ്മേ നമ്മുക്ക് വേറെ ആരെയും കാണിക്കാൻ ഇല്ലല്ലോ പിന്നെ ഇന്ന് ഞാനും രൂപയും കൂടി അവളുടെ അച്ഛമ്മയെ കല്യാണം ക്ഷണിക്കാൻ പോകും
അമ്മ : ടാ അവിടെ പോയാൽ പ്രശ്നമാകില്ലേ
ആദി : എന്ത് പ്രശ്നം ഞങ്ങൾ വേറൊന്നിനുമല്ലല്ലോ പോകുന്നെ
അമ്മ : ഉം ശെരി അവരെന്തെങ്കിലും പറഞ്ഞാലും പ്രശ്നം ഒന്നും ഉണ്ടാക്കിയേക്കരുത്
ആദി : അതൊക്കെ എനിക്കറിയാം അമ്മേ
അന്നേ ദിവസം വൈകുന്നേരം
ആദി : അമ്മേ ഞങ്ങൾ ഇറങ്ങുവാണേ
അമ്മ : ശെരി നോക്കി പോയിട്ട് വാ
ആദി ബൈക്ക് പതിയെ മുന്നോട്ട് എടുത്തു
രൂപ : കല്യാണ കാര്യം അറിയുമ്പോൾ അച്ഛമ്മക്ക് വലിയ സന്തോഷം ആകുമായിരിക്കും അല്ലേടാ
ആദി : പിന്നല്ലാതെ കഴിഞ്ഞ തവണ പോയപ്പോൾ എന്ത് സ്നേഹമായിരുന്നു നിന്റെ ആ ആന്റി കാരണം ഒന്നും നല്ലത് പോലെ മിണ്ടാൻ പറ്റിയില്ല
രൂപ : ടാ ആന്റി ചിലപ്പോൾ പ്രശ്നമുണ്ടാക്കും നീ ഒന്നും പറഞ്ഞേക്കരുത് കേട്ടോ അവര് ചിലപ്പോൾ അച്ഛമ്മയെ കല്യാണത്തിന് വിടില്ല
ആദി : ഞാൻ ഒന്നും പറയില്ലെടി മൊട്ടെ
രൂപ : എന്ത് മൊട്ട എനിക്ക് മുടി വളർന്നല്ലോ ഇനിയും ഈ വിളി നിർത്താറായില്ലെ
ആദി : ഇല്ല എനിക്ക് നീ എപ്പഴും മൊട്ടച്ചിയാ
രൂപ : നീ പോയേ ആദി
ആദി : ടി ചെറിയ രീതിയിൽ വിവാഹം നടത്തുന്നതിൽ നിനക്ക് വിഷമം ഒന്നും ഇല്ലല്ലോ അല്ലേ
രൂപ : ഇല്ലെന്ന് എത്ര തവണ പറയണമെടാ
ആദി : അല്ല വെറുതെ ചോദിച്ചെന്നെ ഉള്ളു
ആദി പതിയെ ബൈക്ക് ആന്റിയുടെ വീടിനു മുന്നിൽ നിർത്തി
ആദി : വാടി പോകാം
ഇത്രയും പറഞ്ഞു ആദി ഗേറ്റ് തുറന്ന് അകത്തേക്ക്‌ കയറി പിന്നാലെ രൂപയും പെട്ടെന്നാണ് വീടിനുള്ളിൽ നിന്ന് ആന്റി പുറത്തേക്കു വന്നത്
