ജോലിക്കാരൻ: ഞാൻ കുറച്ചു നേരമായി വിളിക്കുന്നു നല്ല ഉറക്കത്തിൽ ആയിരുന്നു കുഞ്ഞ്
റോഷൻ: ഞാനൊന്നും മയങ്ങിപ്പോയി
ജോലിക്കാരൻ: കുറച്ചു മുന്നേ ഞാൻ വന്നു നോക്കുമ്പോൾ നല്ല ഉറക്കമായിരുന്നു ശല്യം ചെയ്യേണ്ട എഴുന്നേൽക്കുമ്പോൾ എഴുന്നേൽക്കട്ടെ എന്ന് കരുതി വിളിക്കാതെ പോയതാണ്. ഇപ്പോൾ എങ്ങനെയുണ്ട്
റോഷൻ: ഇപ്പോൾ ഒരു കുഴപ്പവുമില്ല
ജോലിക്കാരൻ: മോന്റെ കൂട്ടുകാർ വന്നിട്ടുണ്ട് അതാ ഞാൻ ഇപ്പോൾ വന്നു വിളിച്ചത് മോനെ കാത്ത് താഴെ ഇരിപ്പുണ്ട്
റോഷൻ: മണി 5 ആയോ? ഇത്രയും വൈകിയത് ഞാനറിഞ്ഞില്ല ഞാൻ വല്ലാണ്ട് ഉറങ്ങിപ്പോയി ചേട്ടൻ അവരോട് ഇങ്ങു മുകളിലോട്ട് കയറി വരാൻ പറ
ജോലിക്കാരൻ : ഞാൻ പോയി അവരെ ഇങ്ങോട്ട് പറഞ്ഞു വിടാം മോൻ എഴുന്നേറ്റ് മുഖമൊക്കെ ഒന്ന് കഴുക്
( ഇതും പറഞ്ഞു ജോലിക്കാരൻ താഴെ ചെന്ന് അവരെ മുകളിലോട്ട് പറഞ്ഞു വിട്ടു )
അരുൺ: എടാ ഇപ്പോൾ എങ്ങനെയുണ്ട്
റോഷൻ: ഒരു കുഴപ്പവും ഇല്ല സുഖമായിരിക്കുന്നു
ശരത് : ഇവനാ പറഞ്ഞത് നിനക്ക് സുഖമില്ല പനിയാണെന്ന് നീ ക്ലാസിൽ ഇല്ലാത്തതുകൊണ്ട് ഇന്ന് ഒരു രസവും ഉണ്ടായില്ല
അരുൺ: ഡാ സോറി, രാവിലെ ഞാൻ നീയാണെന്ന് കരുതിയ ഫോണിൽ അങ്ങനെയൊക്കെ പറഞ്ഞത്
റോഷൻ: അത് സാരമില്ല. പിന്നെ ക്ലാസ്സിൽ എങ്ങനെയുണ്ടായിരുന്നു ഇന്ന്
ശരത് : ശ്രീലക്ഷ്മി ടീച്ചർ നിന്നെ തിരക്കിയിരുന്നു ഇന്ന് ക്ലാസ്സിൽ
അരുൺ: വരുന്ന വ്യാഴാഴ്ചയും, വെള്ളിയാഴ്ച നമുക്ക് ക്ലാസ്സ് ഇല്ല പിന്നെ ശനിയും ഞായർ അവധിയും കഴിഞ്ഞ് തിങ്കളാഴ്ച ഉണ്ടാകു എന്താ കാരണം എന്നൊന്നും അറിയില്ല
റോഷൻ: ബുധനാഴ്ച ഡോക്ടറെ കണ്ട് ക്ലാസിൽ വരാമെന്ന് ഇരുന്നതാ ഞാൻ ഇവിടെ ഒറ്റയ്ക്ക് ഇരിക്കുക എന്ന് പറയുന്നത് വല്ലാത്ത ഒരു ബോറിംഗ് ആണ് അപ്പോഴാണ് ഈ അവധിയും കൂടി വരുന്നത്
ശരത്ത് : നിനക്ക് ബോറിങ്ങോ? ഇവിടെ നിന്റെ കയ്യിൽ എത്ര കളക്ഷൻ വീഡിയോസ് ഉണ്ട് അതെല്ലാം കണ്ട് എൻജോയ് ചെയ്യാം നിനക് അപ്പോഴ നിനക്കൊരു ബോറിങ്. നീയെന്താ ഇന്നലെ രാത്രി സംസാരിച്ചിരിക്കുമ്പോൾ ഫോൺ കട്ട് ചെയ്തത്
റോഷൻ: എടാ അത് നീ പറയുന്നത് കൃത്യമായി കേൾക്കുന്നുണ്ടായിരുന്നില്ല
ശരത് : എന്നിട്ട് നീ ലാൻഡ് ഫോണിലേക്ക് വിളിച്ചല്ലേ അമ്മ രാവിലെ എന്നോട് പറഞ്ഞിരുന്നു എന്നെ വിളിച്ചിട്ട് കിട്ടാത്തതുകൊണ്ട് നീ ലാൻഡ് ഫോണിലോട്ട് വിളിച്ചിരുന്നു
( ഇത് കേട്ടതും റോഷന്റെ ലാപ്ടോപ്പിൽ നോക്കിക്കൊണ്ടിരിക്കുന്ന അരുൺ ചെറിയ ഞെട്ടലോടെ റോഷനെ ഇടം കണ്ണിട്ട് ഒന്നു നോക്കിക്കൊണ്ട് ചെറുതായി തലയാട്ടി)
റോഷൻ: നിന്നെ വിളിച്ചിട്ട് നീ പറയുന്ന ഒന്നും കൃത്യമായി കേൾക്കുന്നില്ലായിരുന്നു. എന്റെ കയ്യിൽ പുതിയ ഒരെണ്ണം ഉണ്ട് അതിനെക്കുറിച്ച് സംസാരിക്കാനാണ് ഞാൻ ഇന്നലെ ലാൻഡ് ഫോണിൽ വിളിച്ചത് നീ വന്നു ഫോൺ എടുക്കുമെന്ന് കരുതി
( ഇത് കേട്ടതും ശരത് )
ശരത്ത് : പുതിയ ഒരെണ്ണമോ? എന്റെ പെൻഡ്രൈവ് ഇതാ നീ ഇപ്പോൾ തന്നെ അത് കോപ്പി ചെയ്തു താ
റോഷൻ: ശരത് നീയൊന്ന് അടങ്ങ് ധൃതി വയ്ക്കല്ലേ ഞാൻ തരാം
( ഇതും പറഞ്ഞ് റോഷൻ അരുണിന്റെ കൈയിൽനിന്ന് ലാപ്ടോപ്പ് വാങ്ങി അതിൽ പെൻഡ്രൈവ് കണക്ട് ചെയ്ത് കോപ്പി ചെയ്തു കൊടുത്തു)
റോഷൻ : വരുന്ന വെള്ളിയാഴ്ച വൈകുന്നേരം എന്റെ കയ്യിൽ ഇതിലും പുതിയ കുറെ ഇൻട്രസ്റ്റിംഗ് ആയ നല്ല കിടിലൻ വീഡിയോസ് വരുന്നുണ്ട് ശനിയാഴ്ച രാവിലെ വരുകയാണെങ്കിൽ തരാം
ശരത്ത് : ഞാൻ തീർച്ചയായും വരും
റോഷൻ: പക്ഷേ എനിക്ക് രാവിലെ അമ്പലത്തിൽ പോകാനുണ്ട് അവിടെ വിശേഷപ്പെട്ട പൂജ ഉള്ളതാണ് പോയേ പറ്റൂ കാര്യമായി പറഞ്ഞതാണ്
ശരത് : രാവിലെ എനിക്കത് തന്നിട്ട് നീ പൊയ്ക്കോ
റോഷൻ: എടാ ഇവിടെ എന്റെ ചിറ്റപ്പനും ജോലിക്കാരനും ഒക്കെ ഉള്ളത് നിനക്കറിയില്ലേ രാവിലെ അവരൊക്കെ അമ്പലത്തിൽ പൂജയുള്ള കാര്യങ്ങൾ കൊണ്ട് നേരത്തെ എഴുന്നേൽക്കും അവരുടെ കണ്ണിൽപ്പെടാതെ നിനക്ക് കോപ്പി ചെയ്തു തരികയും വേണം അമ്പലത്തിൽ പോകുകയും വേണം രണ്ടും കൂടി നടക്കില്ല
ശരത് : അപ്പോൾ നീ തരില്ലേ?
റോഷൻ: അങ്ങനെ ഞാൻ പറഞ്ഞോ? നീ വരുമ്പോൾ ഒരു കാര്യം ചെയ്യണം