സിനേറിയോ 2
Sineriyo Part 2 | Author : Maathu
[ Previous Part ]
‘ ഹോ.. ‘
മുഖത്ത് തന്റെ കൈ കൊണ്ടടിച് പ്രേത്യക ഒരു തരം ഫീലിംഗ് തീർക്കാണ് ആദി..ആരെ കാണരുതെന്ന് വിചാരിച്ചോ അയാളെ തന്നെ വർഷങ്ങൾക്ക് ശേഷം കാണേണ്ടി വരുന്നവന്റെ അവസ്ഥ.
‘ഈൗ പൂറിയെന്തിനാ ഇപ്പൊ ഇങ്ങട് എഴുന്നള്ളിയെ….ശ്ശോ ഞാനെന്തിനാ കക്കൂസി പോണന്ന് പറഞ്ഞെ ഛേ…. ഹോ എന്ത് ചെയ്താല ഇതങ്ങു മാറുക…കണ്ണാടിയിൽ തലയടിച് പൊട്ടിച്ചാലോ വേണ്ടാ.. കൈ കൊണ്ട് അടിച് പൊട്ടിച്ചാലോ…അല്ലേൽ വേണ്ട ടൈൽസ് അടിച് പൊട്ടിച്ചാലോ…ശെടാ ഞാനെന്തിനാ ഇപ്പൊ ഇങ്ങനെയൊക്കെ ചിന്തിക്കുന്നേ.. ഏതായാലും ഈ നിമിഷം മരിക്കുന്നതിന് മുന്പേ ഉണ്ടാകണ്ടേതല്ലേ ജസ്റ്റ്‌ ഫേസ് ഇറ്റ് ആദി, ഫേസ് ഇറ്റ്. കാമോൺ ബ്രീത് ഇൻ മ്ഫ്….. ബ്രീത് ഔട്ട്‌ ഹാ…..ബ്രീത് ഇൻ മ്ഫ്….ബ്രീത് ഔട്ട്‌ ഹാ…..ഉഫ് എമ്മാതിരി കള്ളിന്റെ മണം… ഒന്ന് പല്ല് തേച്ചിറങ്ങാടാ നാറിയെന്ന് മനസ്സാലെ പറഞ് ബ്രഷുമെടുത്ത്‌ കുറച്ച് നേരം തേച്ചു..
ഇനിയും ഇതിനകത്ത് നിന്നാ എനിക്ക് വല്ല വയറിളക്കവുമാണെന്ന് ആ വന്നവള് തെറ്റിദ്ധരിക്കും ഇറങ്ങിയേക്കാം..
ഹാളിലേക്ക് കടക്കുമ്പോ വന്നവളുണ്ട് ടേബിളിൽ കയ്യും കുത്തി ഒരു കൈകൊണ്ട് ടേബിളിൽ വച്ചിരുന്ന വെയിറ്റ് കറക്കി എന്തോ ചിന്തിച്ചോണ്ടിരിക്കുന്നു..വെള്ള കളറിലുള്ള കുർത്തയാണ് വേഷം.. ഇളം ക്രീം കളറിൽ നിറഞ്ഞിരിക്കുന്ന എംബ്രോയ്‌ഡറി മിനുക്കു പണികൾ ആ വസ്ത്രത്തിന്റെ മാറ്റു കൂട്ടിനിന്നു .. അതിന്റെ കൂടെ തന്നെ അതേ നിറത്തോടു കൂടിയ ഷാളും പാന്റും..നൂലുപോലെയുള്ള കൊലുസിട്ട കാലുകൾക് കൂടുതൽ ഭംഗിയെകാനായി പിങ്ക് മൗവ് കളറിനാൽ അലങ്കിതമായ കാൽ നഖങ്ങളും . ഇടതു കയ്യിലായി കുത്തിയിട്ടുള്ള ചിറകുകൾ വിടർത്തി പറന്നുകൊണ്ടിരിക്കുന്ന മൂന്നു നാല് പ്രാവുകളുടെ ടാറ്റുവിന് മുകളിൽ ആ സ്വാർണ ബ്രേസ്ലെറ്റ്‌ കയ്യുടെ ചലനത്തിനനുസരിച് മുന്നിലേക്ക്‌ പിന്നിലേക്കും ഊർന്നിറങ്ങികൊണ്ടിരുന്നു.. കാതുകളിലായി രണ്ട് ചെറിയ ജിമ്മിക്കി കമ്മൽ പള്ളിയിലെ മണിയിളകുന്ന പോലെ തെന്നി കളിച്ചു കൊണ്ടിരുന്നു ..
കഴുത്തിലായി സ്വർണത്തിന്റെ ചരട് പോലെയുള്ള നേർത്ത മാലയും .. അതിന്റെ ഭംഗി കൂട്ടുവാനായി നിക്ഷിത അകലത്തിൽ പിടിപ്പിച്ചിട്ടുള്ള സ്വാർണ മുത്തുകളും…ആകെയുള്ള ഒരു മാറ്റം വലിട്ടെഴുതികൊണ്ടിരുന്ന കണ്ണുകൾ ഇന്ന് ശൂന്യമാണ്.. എന്നാലും മൊത്തത്തിൽ ആളൊരു അഭൗമസൗന്ദര്യവതിയായിത്തന്നെയണ്.എന്താല്ലേ നിമിഷങ്ങൾക്കൊണ്ട് ഞാൻ എന്റെ മുന്നിൽ പ്രതിഷ്ട്ടിച്ചിരിക്കുന്ന ആ സൗന്ദര്യത്തെ അണു വിടാതെ എന്റെ നഗ്ന നേത്രങ്ങൾക്കൊണ്ട് ഒപ്പിയെടുത്തില്ലേ…
കല്യാണം കഴിഞ്ഞിട്ട് ഒന്ന് അങ്ങാട് മിനിഞ്ഞിട്ടുണ്ട്.. അജിത്തിന്റെ ഒരു ഫാഗ്യം.. അല്ല എന്നിട്ട് ആ മൈരൻ എവിടെയാണാവോ..
…രക്തം തറയിൽ ചിന്തി ചിതറി കട്ട പിടിച് കിടക്കുന്നുണ്ട്…അപ്പുറത്തായി നാല് ബാഗുകളുടെ ഇടയിൽ ഒരു മൂല തകർന്ന ഗ്ലാസിനാൽ ഇരിക്കുന്ന കുഞ്ഞു മേശക്കരികിൽ ചിന്നിച്ചിതറിയ ഒരു ഓൾഡ് മങ്കിന്റെ കുപ്പിയും ഗ്ലാസും അതിന്റെ കുറച്ചപ്പുറത്തായി വേറൊരു ഓൾഡ് മങ്കിന്റെ കുപ്പിയും ഇരിക്കുന്നുണ്ട്.
ടേബിളിൽ മാട സ്വാമി തലേന്ന് രാത്രി വച്ചിട്ട് പോയ ജെഗ്ഗ് ഇരിക്കുന്നുണ്ട്.. കണ്ടപ്പോ എന്തോ കുടിക്കണമെന്ന് മോഹം.
മട മടാന്ന് വെള്ളം കുടിച് തിരിച് വച്ച് ചേച്ചിയുടെ അടുത്തുള്ള കസേരയിലേക്കിരുന്നു.
:ഗാതേച്ചി യെപ്പോ വന്നു..
ഇന്നേ വരെ ഉണ്ടാക്കിയെടുത്ത കൃത്യമ അപരിചിതത്യം മറച്ചു വച്ച് ഒന്ന് സംസാരിക്കാൻ ശ്രേമിച്ചു.
:ഹേ
:അല്ല. എപ്പോ വന്നെന്ന്
:ഇന്നലെ രാത്രി
:ഓ…. കുടിച്ചത് കുറച്ചു ഓവറായത് കൊണ്ട് ഒന്നും ഓർമയില്ല..
:നീ എന്നാടാ കുടിക്കാനോക്കെ തുടങ്ങിയെ
:ആ ചോദ്യത്തിന് എന്ത് പ്രസക്തിയാ ചേച്ചി .. ആണുങ്ങളായ കുറച്ചു കുടിച്ചെന്നു വരും ചിലപ്പോ വലിച്ചെന്നും വരും അങ്ങനെയല്ലേ…ചേ..ച്ചി
ഒരു പ്രേത്യേക രീതിയിൽ ഞാനത് പറഞ്ഞവസാനിപ്പിച്ചപ്പോ ചേച്ചിയുടെ മുഖം ഇരുണ്ട് കൊണ്ട് താഴ്ന്നു പോയി..
പറഞ്ഞത് സങ്കടമായെന്ന് തോന്നുന്നു.. കൊറച്ചു സങ്കട പെടട്ടെ…അല്ല പിന്നെ.. ഈ പൂറി തന്നെയല്ലേ എന്നോടും ഇത് പറഞ്ഞത്.
:അല്ല ചേച്ചി അജിത്ത്‌ വന്നില്ലേ കൂടെ
കൂടുതൽ നേരം അവളുടെ ആ ദേവി മുഖം ദുഃഖഭാവത്തിൽ കാണാനുള്ള മനസ്സില്ലാഞ്ഞിട്ട് കുറച്ചു നിമിഷം ആ സ്ഥായിയായ ഭാവം കണ്ട് ആത്മസതൃപ്തിയടഞ് അടുത്ത ചോദ്യമെറിഞ്ഞു…
ഞാനെന്തോ ചോദിക്കാൻ പാടില്ലാത്തത് ചോദിച്ച പോലെയാണോ അതോ ചേച്ചി കേൾക്കാൻ പാടില്ലാത്ത എന്തോ ഒന്ന് കേട്ടപ്പോലെയാണോ ചേച്ചിയന്നേരം എന്നയൊരു നോട്ടം നോക്കി..ഒരു തരം അത്ഭുത ഭാവം.
കുറച്ചു നേരം എന്റെ മുഖത്ത് നോക്കിയിട്ട് ഒന്നും കണ്ടെത്താൻ പറ്റാഞ്ഞിട്ടാണെന്ന് തോന്നുന്നു മറുപടി വന്നു.
:ഇല്ലാ.. വന്നില്ല..
:അതെന്തേ
:ഒന്നുല്ല…നീ നാട്ടിലെ വിശേഷം വല്ലതും അറിയാറുണ്ടോ
:നാട്ടിലെ എന്ത് വിശേഷം അറിയാനാ ചേച്ചി…. വല്ലപ്പോഴും ചേട്ടൻ വിളിക്കുമ്പോ വല്ലതും പറയാന്ന് അല്ലാതെ എനിക്കെന്താറിയാനാ…അല്ലേലും അറിഞ്ഞിട്ടിപ്പോ എന്തിനാ
അത് പറഞ് കഴിഞ്ഞപ്പോൾ കുറച്ചു നിമിഷം നിശബ്ദതയിലായിരുന്നു… എനിക്കാണേൽ ചോദിക്കാൻ ഒന്നും വായെന്ന് വരുന്നുമില്ല.. ചേച്ചിയാണെ ഒന്നു മട്ട് പറയുന്നുമില്ല.. ആ നിശബ്ദതയെ കീറി മുറിച്ചത് ടേബിളിലിരിക്കുന്ന ഫോൺ കണ്ണമ്മേന്ന് വിളിച് കരയാൻ തുടങ്ങിയപ്പോയാണ്.
ചേച്ചിയോട് കാൾ എടുക്കാനാണെന്നുള്ള സിഗ്നൽ കൊടുത്തിട്ട് അടുക്കളയിലേക്ക് നടന്നു..
നാട്ടീന്ന് ചേട്ടനാണ്.
:ഹലോ
:നിന്നെ എത്ര ടൈം വിളിച്ചടാ ഞാൻ
:എപ്പോ
:ഇന്നലെ രാത്രി
:ഓ.. അത് നീയെയായിരുന്നോ..
:ആ.. ഞാൻ തന്നെ
:അല്ല എന്തിനാണാവോ വിളിച്ചേ
:അത് .. നീ ട്യൂഷന് പൊയ്‌കൊണ്ടിരുന്നില്ലേ ഒരു കുട്ടിയുടെ അടുത്ത്
:ഗാതേനെയാണോ ഉദേശിച്ചേ
:അതെ അവളതന്നെ.. അവളെന്റെയടുക്കലേക്ക് വന്നിരുന്നു…നിന്റെ അഡ്രസ്സും ചോദിച്ചു കൊണ്ട്..
:ഈ ഉത്തരമായിരുന്നു ഞാൻ ഇത്രയും സമയം ആലോചിച്ചു കൊണ്ടിരുന്നത്…എന്റെ അഡ്രസ് എങ്ങനെ ഇവൾക്ക് കിട്ടീന്ന്…ആളിവിടെ എത്തീക്കിണ്.. അല്ല എന്തിനാണ് എന്ന് ചോദിച്ചോ
:അവൾക്കെന്തോ അവിടെയുള്ള കമ്പനിയിൽ ജോലി റെഡിയായിട്ടുണ്ട്.. അവിടെ ആകെ അറിയാവുന്നത് നിന്നെയല്ലേ അത് കൊണ്ട് ചോദിച്ചതാന്നാ പറഞ്ഞെ
:ഏതായാലും വന്ന് കേറിയപ്പോ തൊട്ട് ഐശ്വര്യമാണ്.
