” വന്നു കേറിയപ്പോഴേ നിങ്ങൾ ഇക്കാനെ വേഷമിപ്പിക്കാൻ തുടങ്ങിയ.. ഉമ്മ പോയി ഇക്കാക്ക് എന്തേലും കഴിക്കാൻ എടുക്ക് ” എന്ന് പറഞ്ഞു അവൻ ഉമ്മയെ വിളിച്ചോണ്ട് പോയി.. ഞാൻ ഉപ്പാടെ അടുത്ത തന്നെ ബെഡ്ഡിൽ ചാരി ഇരുന്നു…പതിയെ കണ്ണ് അടച്ചു… ഞാൻ കാരണം ഇവർക്ക് എല്ലാം വിഷമം ആയി കാണും എന്ന് ആലോചിച്ച എന്റെ കണ്ണിൽ നിന്ന് ചെറുതായി വെള്ളം വന്നു..കുറച്ചു നേരം അവിടെ ഇരുന്ന ശേഷം ഞാൻ അവിടെ നിന്ന് എഴുനേറ്റു.. നടക്കാൻ തുടങ്ങിയപ്പോൾ ഉപ്പ എന്റെ കയ്യിൽ കയറി പിടിച്ചു…
” മോനെ നീ എപ്പോഴാ വന്നേ.. നീ വരുന്ന കാര്യം ആരും എന്നോട് പറഞ്ഞില്ലാലോ
” ഉപ്പ സന്ദോഷത്തോടെ ചോദിച്ചു
“ഷാജിത.. ഷാജിതാ. ഇങ്ങ് വന്നേ നീ ” ഉപ്പ ഉമ്മയെ വിളിച്ചു.. ഉമ്മ അവിടേക്ക് വന്നു..
“എന്തിനാ മനുഷ്യ ഈ കൂവി വിളിക്കണേ ഞാൻ ഇവിടെ തന്നെ ഉണ്ടല്ലോ ” ചെയ്തോണ്ട് ഇരുന്ന പണി പകുതി വെച്ച് നിർത്തി വരേണ്ടി വന്ന ദേഷ്യത്തിൽ ഉമ്മ പറഞ്ഞു..
“നീ എന്തെ ഇവൻ വരുന്ന കാര്യം എന്നോട് പറയാഞ്ഞേ ” ഉപ്പ ചോദിച്ചു..
” നിങ്ങൾക്ക് ഒരു സർപ്രൈസ് ആയിക്കോട്ടെ എന്ന് കരുതി ” ഉമ്മ ഉപ്പാനെ നോക്കി കൊക്രി കട്ടി
“ഇങ്ങനെ പോയ മോനെ നിന്റെ ഉമ്മയെ അധികകാലം നിനക്ക് കാണാൻ പറ്റൂല്ല ” വാപ്പ ചിരിച്ചുകൊണ്ട് പറഞ്ഞു..
“അതെന്തേ ഞാൻ മരിച്ചുപോകുമോ ” ഉമ്മ ചോദിച്ചു..
” ഇല്ല ഞാൻ നിന്നെ കൊല്ലും.. ഹ ഹ ഹ” ഉപ്പ ഒറക്കെ ചിരിച്ചുകൊണ്ട് പറഞ്ഞു
” ദേ മനുഷ്യ ഇങ്ങനെ ആണേൽ നിങ്ങളെ ഞാൻ കൊല്ലും ആദ്യം.. ” ഉമ്മാ കപട ദേഷ്യത്തിൽ പറഞ്ഞു..
” ദേ ചെക്കാ വല്ലോം കഴിക്കാൻ വേണേൽ വരാൻ നോക്ക്.. ദോ നിന്റെ ഉപ്പയെം വിളിച്ചോ.. ” എന്ന് പറഞ്ഞു ഉമ്മ നടന്ന അങ്ങ് പോയി…
” മോനെ നീ പോയി കഴിച്ചോ.. ഞാൻ ഒന്ന് കുളിച്ചു ഫ്രഷ് ആയിട്ട് വരാം ” എന്ന് പറഞ്ഞു ഉപ്പ എഴുനേറ്റ് പോയി ഞാൻ എഴുനേറ്റ് കഴിക്കാനും പോയി..
ഞാൻ കിച്ചണിൽ ചെന്നപ്പോ ഉമ്മ മാത്രെ ഉണ്ടായിരുന്നുള്ളു… ഞാൻ അവിടെ ഉമ്മാടെ അടുത്ത പോയി നിന്ന്.. ഉമ്മ എന്തോ ചെയ്തുകൊണ്ട് നിക്കുവാന്.. ഉമ്മാടെ കണ്ണിൽ നിന്ന് വെള്ളം വരുന്നുണ്ട്..
” എന്ത് ഉമ്മ ഇങ്ങനെ കരയണേ ” ഞാൻ ഉമ്മയെ ചേർത്ത് പിടിച്ചു കണ്ണ് തുടച്ചുകൊണ്ട് ചോദിച്ചു…
” നിന്റെ ഉപ്പ എന്നോട് ഇങ്ങനെ ഒക്കെ സംസാരിച്ചിട്ട് തന്നെ എത്ര കാലം ആയെന്ന് അറിയോ.. നീ വന്നപ്പോ തന്നെ നിന്റെ ഉപ്പാക്ക് എന്ത് സന്ദോഷം ആയി ” ഉമ്മ എന്റെ മുഖത്ത് നോക്കി ആണു അത് പറഞ്ഞെ….
“അതുകൊണ്ട് അല്ലെ എന്റെ ഷാജിത കുട്ടി ഞാൻ ഇനി ഗൾഫിൽ പോകുന്നില്ല എന്ന് തീരുമാനിചെ ” ഉമ്മാടെ രണ്ട് കവിളിയും വേദനിക്കണ്ടു പിടിച്ചുകൊണ്ടു ഞാൻ പറഞ്ഞു
“നീ സത്യായിട്ടും പോണില്ലേ ഇനി ” ഉമ്മ സന്തോഷം കൊണ്ട് ചോദിച്ചു ഉമ്മാടെ കണ്ണുകളിൽ തിളക്കം കാണുന്നുണ്ടായിരുന്നു
” സത്യമായിട്ടും പോകുന്നില്ല.. ഇനി ഇവിടെ തന്നെ നിൽക്കുകയാണ്” ഞാൻ ഉമ്മയെ ചേർത്തുപിടിച്ചുകൊണ്ട് പറഞ്ഞു..
അപ്പോഴേക്കും ഉപ്പ അടുക്കളയിലേക്ക് കയറി വന്നു
” എന്താണ് ഉമ്മയും മോനും കൂടെ ഇവിടെ ഒരു സ്നേഹപ്രകടനം ” ഉപ്പ ചോദിച്ചു
” അതെന്ത് മനുഷ്യാ ഞങ്ങൾക്ക് ഇവിടെ സ്നേഹപ്രകടനങ്ങൾ നടത്തിക്കൂടെ” ഉമ്മ ഉപ്പാടെ അടുത്തു ചോദിച്ചു
” അയ്യോ നടത്തിക്കോ നടത്തിക്കോ ” ഉപ്പ ഒരു ചിരി ചിരിച്ചുകൊണ്ട് പറഞ്ഞു
” നിങ്ങളുടെ മോൻ ഇനി ഗൾഫിൽ പോകുന്നില്ല നമ്മുക്ക് വേണ്ടി.. നമ്മളെ നോക്കി ഇവിടെ തന്നെ നിൽക്കുകയാണെന്ന് ” ഉമ്മ ഉപ്പാടെ അടുത്ത് പറഞ്ഞു..
” ആഹാ അത് സന്തോഷമുള്ള കാര്യമാണ് എങ്കിൽ മോൻ ഇനി പോകണ്ട ” ഉപ്പ ഉള്ളിൽ സന്ദോഷം ഉണ്ടെങ്കിലും പുറത്ത് പുറത്ത് കാട്ടാതെ പറഞ്ഞു
അതും പറഞ്ഞു ഉപ്പ പുറത്തേക്ക് പോയി..
” മനസ്സിൽ ഒരുപാട് സന്തോഷമുണ്ട് നിന്റെ ഉപ്പാക്ക്.. അത് പുറത്ത് കാണിക്കാനുള്ള മടി കൊണ്ടാണ് അവിടെ നിക്കാതെ പുറത്തേക്കു പോയത് ” ഉമ്മ പച്ചക്കറി അരിഞ്ഞ് കൊണ്ട് പറഞ്ഞു..
” എന്താ ഉമ്മ ഒരു തവണ എന്നോട് ഇത് പറയാതിരുന്നത് പറഞ്ഞിരുന്നെങ്കിൽ ഞാൻ അപ്പോഴേ തിരികെ വരുമായിരുന്നല്ലോ” ഞാൻ ഉമ്മാനോട് തിരക്കി
” പറയണമെന്നുണ്ടായിരുന്നു പക്ഷേ പറഞ്ഞു നീ നിന്റെ കാലിൽ നിൽക്കട്ടെ പോയി നിനക്ക് മടുക്കുമ്പോൾ തിരികെ വരട്ടെ എന്ന് നിന്റെ ഉപ്പ പറഞ്ഞു അതുകൊണ്ട് ആണു നിന്നോട് പറയാതെ ഇരുന്നത് ” ഉമ്മ പറഞ്ഞു..
അങ്ങനെ ഞങ്ങൾ അവിടെ സംസാരം തുടർന്നുകൊണ്ട് ഇരുന്നപ്പോൾ ഉപ്പ എന്നെ അങ്ങോട്ട് വിളിച്ചു.. ഞാൻ ഹാളിലേക്ക് പോയി…
” നിനക്കിപ്പോൾ നിസ്കാരം ഒക്കെ ഉണ്ടോ” ഉപ്പ കയ്യിൽ ഇരുന്ന പത്രം നോക്കികൊണ്ട് എന്നോട് ചോദിച്ചു..
“ഇടയ്ക്കൊക്കെ ഉണ്ട് ഉപ്പ”ഞാൻ താഴേക്ക് നോക്കി തല തടകിക്കൊണ്ട് ഒരു മടിച്ച ഭാവത്തിൽ പറഞ്ഞു…
” ആ ഇനി അഞ്ചുനേരവും പള്ളിയിലേക്ക് വന്നോണം എന്റെ കൂടെ ” ഉപ്പ എന്നോട് കൽപ്പിച്ചു…
“വരാം ഉപ്പ ” ഞാൻ പറഞ്ഞു..
അപ്പോഴേക്കും ഉമ്മ ഫുഡ്‌ എടുത്ത് ടേബിളിൽ വെച്ച്..
“വാ എല്ലാരും കഴിക്കാം ” ഉമ്മ പറഞ്ഞുകൊണ്ട് വെള്ളം എടുക്കാൻ ഉള്ളിലേക്ക് പോയി..
“ജുനു എന്തെ ഉമ്മ.. അവനെ പിന്നെ കണ്ടില്ലല്ലോ ” ഞൻ ഉമ്മാടെ അടുത്ത് ചോദിച്ചു..
“ആ അത് നീ അറിഞ്ഞില്ലല്ലോ.. ഓന് ഒരു കുട്ടി ഇണ്ട്.. കെട്ടുന്ന് ഒക്കെയാ പറയണേ.. ഏത് നേരോം അതിനെ വിളിച്ചോണ്ട് ഇരിക്കലാണ് ഓന്റെ പണി ” ഉമ്മ വെള്ളം എടുത്തോണ്ട് വന്നുക്കൊണ്ട് പറഞ്ഞു…
“എന്ത് ഉമ്മ എന്നെ കുറിച് ഇവിടെ പറയണേ..” ജുനു അങ്ങോട്ട് വന്നു കൊണ്ട് ചോദിച്ചു…
” ആ എന്തേലും അവനെ പറ്റി പറഞ്ഞ ഉടനെ ഇറങ്ങി വരും.. ഒന്നുല്ല മോനെ.. അന്റെ കുട്ടി എന്ത് പറയുന്ന “ഉമ്മ അവനെ കളിയാക്കിക്കോണ്ട് ചോദിച്ചു..
“അങ്ങനെ ഇങ്ങൾ ഇപ്പൊ വിശേഷം അറിയണ്ട.. ഞാൻ കെട്ടിക്കൊണ്ട് വന്നിട്ട് ഇങ്ങൾ വിശേഷം അറിഞ്ഞ മതി..” അവൻ കഴിക്കാനായി ഇരുന്നുകൊണ്ട് പറഞ്ഞു….
“ഞാൻ കെട്ടി പോകുന്നെന്ന് മുന്നേ നീ കെട്ടി പോകുമോ ജുനു ” ഞാനും അവനെ കളിയാക്കിക്കൊണ്ട് ചോദിച്ചു…
“ഒന്നും പറയാൻ പറ്റൂല്ല.. ഇങ്ങൾക്ക് വേണേൽ നേരത്തെ കെട്ടി പൊക്കോ ഇല്ലേൽ ഞാൻ ആദ്യം കെട്ടും ” അവൻ എന്നെ നോക്കി ചിരിച്ചുകൊണ്ട് പറഞ്ഞു…
ഉപ്പ ഇതെല്ലാം കേട്ട് ചിരിച്ചുകൊണ്ട് തന്നെ ഇരുന്നു….
“മതി മതി.. കല്യാണം ഒക്കെ പിന്നെ ഇപ്പൊ കഴിക്കാൻ നോക്ക് “.. ഉമ്മ അത് പറഞ്ഞപ്പോ എല്ലാം ഒതുങ്ങി അങ്ങനെ ഫുഡ്‌ ഒക്കെ കഴിച്ചിട്ട് ഞാൻ ഒന്ന് കിടന്നു.. ളുഹർ സമയം ആയപ്പോ ഉമ്മ വന്നു വിളിച്ചു…