സ്വാതന്ത്ര്യം – 1

ഞാൻ ഓരോന്ന് ആലോചിച്ചു ബാത്രൂമിൽ കയറി കുളിച്ചു ഒരു ടി ഷർട്ടും ട്രാക്ക് പാന്റും ഇട്ട് താഴേക്ക് ഇറങ്ങി . ഹാളിൽ എല്ലാരും ഇരിപ്പുണ്ട്
“അമ്മു നീ അമ്മയോട് കാണിച്ചത് ഒട്ടും ശരിയല്ല എത്ര വർഷം കഴിഞ്ഞു കാണുവാ നേരിട്ട് നിന്നെ , ഒന്നുമില്ലേലും അത് നിന്നെ പെറ്റ അമ്മയല്ലേ ടി ”

ദേവി ചിറ്റയാണ് ശ്രീദേവി യുടെ അമ്മ . അവൾ അമ്മയുടെ തോളിൽ തൂങ്ങി അവിടെ നില്പുണ്ട് , ഞാൻ ഒന്നും മിണ്ടാൻ പോയില്ല അമ്മ ഡൈനിങ് ടേബിളിൽ തല വച്ചു കിടപ്പുണ്ട് എന്നെ കണ്ടതും ചാടി എണീറ്റു

“മോളെ വാ എന്തെങ്കിലും കഴിക്കാം ”

അമ്മയുടെ മുഖത്ത് സങ്കടം ഉണ്ട് . പക്ഷേ എനിക്ക് ഒരു സങ്കടവും തോന്നിയില്ല

“ദേവി ചിറ്റേ.. ഞാൻ എന്റെ അമ്മയെ കണ്ടിരുന്ന പോലെ സ്വന്തം അമ്മയായി ഇവരെ ഇവിടെ കണ്ടിരുന്ന ഒരാൾ ഉണ്ടായിരുന്നു , നിങ്ങൾക്ക് ഒക്കെ ഓർമയുണ്ടോ ന്ന് അറിയില്ല , എന്നെ കടന്നു പിടിച്ച ആ വടക്കെതിലേ ചെക്കനെ തല്ലിയപ്പോ ഒരു കൈയബദ്ധം പറ്റിയത് ആണെന്ന് കരഞ്ഞു പറഞ്ഞിരുന്നു അവൻ ഓർമയുണ്ടോ നിങ്ങൾക്ക് ഒക്കെ ? അവസാനം ഈ വീട്ടു മുറ്റത് കൂടെ പട്ടിയെ വലിച്ചിഴച്ചു കൊണ്ടുപോകുന്ന പോലെ കൊണ്ടുപോയപോ ആരും ഒരക്ഷരം മിണ്ടിയിരുന്നോ ,??

പോട്ടെ ഞാൻ കരഞ്ഞു പറഞ്ഞു ഒന്ന് രക്ഷിക്കാൻ , ആരെങ്കിലും ചെയ്‌തോ?? ന്നിട്ട് ഇപോ സെന്റിമെൻസും കൊണ്ട് വന്നിരിക്കുന്നു വെറുപ്പാണ് എനിക്ക് ഇവിടം പിന്നെ ഇപോ വന്നത് എന്റ വളർത്തചൻ ഒരാൾ കാരണമാണ് പിന്നെ എനിക്ക് എന്റെ അച്ചുവേട്ടനെ രക്ഷിക്കണം അത് മാത്രമേ ഇപോ എന്റെ മനസിൽ ഉള്ളൂ വേറെ ഒന്നും ആരും എന്നോട് പറയണ്ട എനിക്കോട്ടും അറിയുകയും വേണ്ട. ”

“ഞാൻ അതും പറഞ്ഞു വീണ്ടും റൂമിലേക്ക് നടന്നു ”

കുറച്ചു കഴിഞ്ഞപ്പോ ദേവി ചിറ്റ റൂമിലേക്ക് വന്നു

“മോളെ നീ എല്ലാം മറന്നു കള, ചേച്ചി അന്നത്തെ പോലെ അല്ല ഇപോ നീ ഉപേക്ഷിച്ച് പോയെ പിന്നെ അവൾ മര്യാദക്ക് ഒന്നു ചിരിക്കുന്നത് പോലും ഞാൻ കണ്ടിട്ടില്ല നിന്റെ അച്ചന്റെ നിർബന്ധം കൊണ്ടാണ് അന്ന് ചേച്ചി ഒന്നും ചെയ്യാതെ നിന്നത് “
“വേണ്ട ദേവി ചിറ്റേ എന്നെ അതൊന്നും ഇനി ഓർമിപ്പിക്കണ്ട ചിലപ്പോ ഞാൻ ഇവിടുത്തെ താമസം തന്നെ മാറ്റി കളയും , അന്ന് കിടന്നു കരഞ്ഞ പൊട്ടി പെണ്ണൊന്നും അല്ല ഞാൻ ഇപ്പോൾ ”

“ആ ഞാൻ പറഞ്ഞു ന്നെ ഉള്ളൂ അവരൊക്കെ വയസ്സായി ഇനി എത്ര നാൾ ഉണ്ടാവും ന്ന് പോലും അറിയില്ല പിന്നീട് ദുഃഖിക്കേണ്ടി വരരുത്. പിന്നെ നീ അച്ചനെ ഒന്ന് പോയ്‌ കാണു നീ വരും ന്ന് അറിഞ്ഞ മുതൽ ഉറക്കം പോലും ഇല്ലാതെ കിടക്കുവാ പുള്ളി ”

ഞാൻ ഒന്നും മിണ്ടിയില്ല

“കാണില്ലേ നീ?? അതോ താഴെ പറഞ്ഞ പോലെ തന്നെ ആണോ ”

‘കാണാം ചിറ്റേ.. പിന്നെ താഴെ പറഞ്ഞ നിലപാട് തന്നെ എനിക്ക് ഉള്ളൂ ”

ഞാൻ അത് പറഞ്ഞപ്പോ തന്നെ ചിറ്റ റൂം വിട്ട് ഇറങ്ങി പോയി , ഞാൻ കുറച്ചു നിറം ആ

ബെഡിൽ. കണ്ണടച്ചു കിടന്നു

ഒന്ന് മയങ്ങി പോയിരുന്നു എണീറ്റപ്പോൾ റൂമിൽ ശ്രീദേവി ഇരുപ്പുണ്ട്

“ചേച്ചി എണീറ്റ … വ ”

“എങ്ങോട്ട് എന്താ പെണ്ണേ നീ ഇവിടെ വന്നിരിക്കുന്നെ നിനക്ക് പഠിക്കാൻ ഒന്നും ഇല്ലേ ? അല്ല നീ സ്കൂളിൽ പോയല്ലേ??”

” ഇന്ന് ചേച്ചി വരുന്ന കൊണ്ട് ലീവ് ആണ് , ചേച്ചി വ നമുക്ക് അച്ഛച്ചനെ കാണാം ”

“ആ ഞാൻ വന്നോളാ നീ ഇപോ പോ”

“എനിക്ക് ഫോണ് ??” അവൾ ചിണുങ്ങി

” വാങ്ങി താരം പെണ്ണേ നീ കിടന്നു ചിണുങ്ങാതെ ഇപോ പോ ”

അവൾ ഇറങ്ങി പോയി , ഞാൻ പതിയെ എണീറ്റ് അച്ചന്റെ റൂമിലേക്ക് പോയി . റൂമിലേക്ക് കയറി ചെല്ലുമ്പോ തന്നെ എനിക്ക് ആകെ എന്തൊക്കെയോ തോന്നി ഇത്ര വർഷങ്ങൾക്ക് ശേഷം കാണുവാണ് ആകെ നരയൊക്കെ കേറി വല്ലാതെ ആയിരുന്നു അച്ഛൻ കണ്ണടച്ചു കിടക്കുവായിരുന്നു , എന്റെ സാമീപ്യം അറിഞ്ഞപ്പോ തന്നെ കണ്ണു തുറന്നു
“മോളെ…. ” ആകെ സങ്കടത്തോടെ വിളിച്ചു

ഞാൻ ഒന്ന് ചിരി വരുത്തി

“നിനക്ക് എന്നോട് തീർത്ത തീരാത്ത വെറുപ് ആണെന്ന് അറിയാം മോളെ.. എന്നാലും നീ വന്നല്ലോ എനിക്ക് അത് മതി ഇനി സമാധാനമായി കണ്ണടക്കാം ”

ഞാൻ ഒന്നും മിണ്ടിയില്ല

“നീ എന്താ മോളെ മിണ്ടാത്തത് ”

“എന്ത് മിണ്ടാനാ… എനിക്ക് ഒന്നും സംസാരിക്കാൻ ഇല്ല ”

“നീ ഇപ്പോഴും ?? ”

“അതേ ഇപ്പോഴും എനിക്ക് ഒന്നും മറക്കാൻ ആവില്ല .. ഞാൻ കരഞ്ഞു തീർത്ത കണ്ണീർ നിങ്ങൾക്ക് പറഞ്ഞ മനസിലാവില്ല . നിങ്ങൾ ഒരാൾ മനസ്സു വെച്ചിരുന്നേൽ എന്റെ അച്ചുവേട്ടൻ രക്ഷപെട്ടു പോയേനെ പക്ഷെ ചെയ്തില്ല എന്നെ കൊണ്ട് ചെയ്യാൻ സമ്മതിപ്പിച്ചും ഇല്ല . ഇനി എന്താ ചെയ്യേണ്ടത് ന്ന് എനിക്ക് അറിയാം അതിനുള്ള കഴിവും പ്രാപ്തിയും ഒക്കെ എനിക്ക് ഉണ്ട് . പിന്നെ നിങ്ങളുടെ ബിസിനസ് നോക്കുന്നത് എന്റെ അച്ചൻ അതായത് എന്നെ വളർത്തിയ എന്റെ അച്ഛനോടുള്ള കടപ്പാട് കൊണ്ടു മാത്രമാണ് ”

ഞാൻ അതും പറഞ്ഞു മുറിക്ക് വെളിയിൽ ഇറങ്ങി, എന്തോ പറയാൻ പോയ അച്ഛൻ പെട്ടെന്ന് വാ അടച്ചു കിടന്നു .

………………………………………………………………….

എന്നെ റൂമിലാക്കി കുട്ടൻ ചേട്ടൻ പോയി . ഞാൻ ആകെ ചുറ്റും നോക്കി നല്ല റൂം ആണ് . ഒരു ബെഡ് അടുക്കള അത്യാവശ്യം വേണ്ട ഫർണീച്ചറുകൾ കിച്ചൻ അതിലും അത്യാവശ്യം വേണ്ട പാത്രങ്ങൾ ഒക്കെ ഉണ്ട് . ബാങ്ക് ഉദ്യോഗസ്ഥരായ ആനി ചേച്ചിയും വർഗീസ് അച്ചായനുമാണ് ഉടമകൾ, അവർ താഴെ താമസിക്കുന്നു ഒരു മോൾ ഉണ്ട് ഇസബെൽ ഇപോ ഡിഗ്രി 1സ്റ്റ് ഇയർ പഠിക്കുന്നു . കുട്ടൻ ചേട്ടൻ അവരോട് എന്താകെയോ പറഞ്ഞു റെഡിയാക്കി എന്നെ ഈ റൂമിൽ കയറ്റി എന്താവശ്യം ഉണ്ടേലും വിളിക്കാൻ നമ്പറും തന്നിട്ടാണ് പോയത് .ഞാൻ ഡ്രസ് ഒക്കെ മാറി എല്ലാം ഒന്ന് നടന്നു കണ്ടു നല്ല ക്ഷീണം ഉണ്ട് ബെഡിലേക്ക് കിടന്നതെ ഓർമയുള്ളൂ ആദ്യ അനുഭവം ആയത് കൊണ്ടാവാം നല്ലവണ്ണം കിടന്നു ഉറങ്ങി .
ഉച്ചകഴിഞ്ഞു 4 മണി ഒക്കെ ആയപ്പോൾ ആണ് എണീറ്റത് നല്ല വിശപ്പും ദാഹവും ഉണ്ട് അവിടെ ഒന്നും ഇല്ലാത്തത് കൊണ്ട് ഞാൻ താഴെ ഇറങ്ങി കട തപ്പി ഇറങ്ങി , താഴെ ആരെയും പുറത്ത് കണ്ടില്ല ജോലിക്ക് പോയി വന്നു കാണില്ല അവർ . ഞാൻ ഒരു കട കണ്ടുപിടിച്ചു അവശ്യ സാധനങ്ങൾ ഒക്കെ വാങ്ങി അടുത്തുള്ള ഹോട്ടലിൽ കയറി ഫുഡും അടിച്ചു വീട്ടിലേക്ക് തിരികെ പോന്നു . വീണ്ടും കേറി കിടന്നു ഉറങ്ങാൻ തോന്നിയില്ല എന്റെ പോർഷനിൽ വാതുക്കലേക്ക് തുറക്കുന്ന ആ ബാൽക്കണിയിൽ ഒരു കസേര എടുത്ത് ഇട്ട് ഞാൻ ഇരുന്നു . അപ്പോഴാണ് അവരെല്ലാം കൂടെ തന്ന ഫോണിന്റെ കാര്യം ഓർത്തത് ഞാൻ ബാഗ് തുറന്ന് ഫോണ് എടുത്ത് നോക്കി അതിന്റെ കൂടെ ഉണ്ടായിരുന്ന ബുക്കിൽ നിന്നും സിം ഇടുന്നതും ഒക്കെ നോക്കി അതുപോലെ ഇട്ടു , നോക്കിയ യുടെ ഒരു സാദാ ഫോണ് ആയിരുന്നു അത് പോലും എനിക്ക് മര്യാദക്ക് ഉപയോഗിക്കാൻ അറിയില്ല എന്നതാണ് സത്യം. എങ്ങനെ ഒക്കെയോ സിം ഒക്കെ ഇട്ടു കുറെ നേരം കാത്തിരുന്നപ്പോൾ അത് ആക്ടിവ് ആയി അപ്പോൾ തന്നെ ഡയറി ൽ നിന്നു നമ്പർ എടുത്തു ശിവേട്ടനെ വിളിച്ചു എത്തിയ കാര്യവും ഒക്കെ പറഞ്ഞു ഡ്യൂട്ടി യിൽ ആയത് കൊണ്ട് അധികം സംസാരിക്കാൻ ആയില്ല രാവിലെ പറഞ്ഞ സ്‌തലത്ത് ചെല്ലാൻ പറഞ്ഞു ഓരോ ഉപദേശങ്ങൾ ഒക്കെ തന്നു പെട്ടെന്ന് കട്ടാക്കി. ഞാൻ അവിടെ തന്നെ ഇരുന്ന് ഓരോന്ന് ആലോചിച്ചു , വേറെ ഒന്നും അല്ല എന്നെ അന്ന് പോലീസ് കൊണ്ടുപോകുമ്പോൾ കരഞ്ഞു കലങ്ങിയ ആ രണ്ടു കണ്ണുകൾ ഇത്രേം വർഷത്തിന് ഇടക്ക് എല്ലാ ദിവസവും ഞാൻ ഓർമയിൽ സൂക്ഷിക്കുന്ന ആ കണ്ണുകൾ ., അമ്മു അവൾ… അവളിപ്പോൾ വലിയ കുട്ടി ആയിട്ടുണ്ടാവും .. ശിവേട്ടൻ എന്റെ ശിക്ഷ കാലാവധി ഇളവ് കിട്ടി ഉടനെ ഇറങ്ങാൻ പറ്റും എന്നൊക്കെ പറഞ്ഞപോൾ ആദ്യം തന്നെ കരുതിയത് അമ്മുവിനെ കണ്ടുപിടിക്കാൻ ആയിരുന്നു പക്ഷെ കുറെ ആലോചിച്ചപോൾ അത് വേണ്ടെന്ന് വച്ചു . അല്ലേലും അവളുടെ വീട്ടിൽ ഒരു ജോലിക്കാരനെ പോലെ കഴിഞ്ഞിരുന്ന എന്നെ അവൾ ഓർകത്തു പോലുമില്ല അന്ന് ആ ഷോക്കിൽ കരഞ്ഞത് കണ്ടിട്ട് ഞാൻ ഓരോ മണ്ടത്തരങ്ങൾ ആലോചിച്ചു കൂട്ടുവാണ് , ഇപോ അവള് നല്ല പഠിപ്പ് ഒക്കെ നേടി ഒരു കല്യാണം ഒക്കെ കഴിച്ചു കാണും അപ്പോഴ ഞാൻ ഈ ജയിലിൽ നിന്നും ഇറങ്ങി ഹ ഹ .. വേദനയോടെ ചിരിക്കാൻ മാത്രമേ എനിക്ക് കഴിഞ്ഞുള്ളൂ
“എന്താ ഒറ്റക്കിരുന്നു ചിരിക്കുന്നെ??’

Leave a Reply

Your email address will not be published. Required fields are marked *