” എടാ അണ്ണാ, നിന്റെ വായക്ക് ഞാൻ പ്ലാസ്റ്റർ ഒട്ടിക്കും, ഓരോന്ന് പറഞ്ഞാൽ “…. ദീപ്തി അലറി
ഹരി ആകെ ഡെസ്പ് ആയിരുന്നു അന്ന്. പഴയ കോളേജ് ജീവിതം, ഡാലി, എല്ലാം കണ്മുന്നിൽ തെളിഞ്ഞു മറഞ്ഞു കൊണ്ടിരുന്നു..
ചെറിയ ഫ്ലാഷ് ബാക്ക്, ഹരിയെ കുറിച്ച്…
അച്ഛമ്മ, അമ്മ, ചേച്ചിമാർ… ഇതായിരുന്നു ഹരിക്ക് ഇവരായിരുന്നു ഹരിക്ക് സ്ത്രീകൾ. അതുകൊണ്ട് തന്നെ പുറത്തും സ്ത്രീകളോട് ബഹുമാനത്തോടെ മാത്രമേ ഹരി കണ്ടിരുന്നുള്ളൂ, സംസാരിച്ചിരുന്നുള്ളൂ…
സ്കൂൾ പഠനം അച്ചാച്ചൻ തുടങ്ങി വച്ച ട്രസ്റ്റിന്റെ പേരിൽ ഉള്ള സ്കൂളിൽ. നിഴൽ പോലെ തന്റെ രണ്ടാമത്തെ ചേച്ചി, തന്നെക്കാൾ ഒന്നര വയസ്സ് മൂത്ത, തന്നെക്കാൾ ഒരു ക്ലാസിനു മുകളിൽ പഠിച്ചിരുന്ന ചേച്ചി ഉണ്ടായിരുന്നു സ്കൂളിൽ.
” നീ വേണം അവനെ നോക്കാൻ “… വീട്ടിൽ എപ്പോഴും കെട്ടിരുന്ന വാക്കുകൾ, വേദ വാക്യം പോലെ ആണ്, ഹരിയുടെ രണ്ടാമത്തെ ചേച്ചി ആയ ഹിമ മനസ്സിൽ കൊണ്ട് നടന്നിരുന്നത്.
അതുകൊണ്ട് തന്നെ, ഹരി എന്ത് ചെയ്യുന്നോ, അത് അതേ പോലെ വീട്ടിൽ കൊണ്ട് പോയി കൊളത്തി കൊടുക്കൽ ആയിരുന്നു ചേച്ചി ഹിമയുടെ പണി. അതിൽ ചിലതു ചെന്നതെന്നുതോ, അച്ഛന്റെന്ന് ഹരിക്ക് കിട്ടുന്ന അടിയിലും.
പത്തു കഴിഞ്ഞ് പ്ലസ് വൺ, പ്ലസ് ടു കാലഘട്ടം, ബോയ്സ് സ്കൂളിൽ. എഞ്ചിനീയറിംഗ് വീണ്ടും ഹിമയുടെ കോളേജിൽ. ഭാഗ്യത്തിന് ഹിമ കമ്പ്യൂട്ടർ എഞ്ചിനീയറിംഗ് ആയിരുന്നു എന്ന് മാത്രം.
എല്ലാവരോടും, ആൺ, പെൺ വ്യത്യാസമില്ലാതെ പെരുമാറിയുന്ന, എപ്പോഴും ചിരിച്ചു കൊണ്ട് പെരുമാറിയിരുന്ന, ബാച്ച് ഫസ്റ്റ് ആയിരുന്ന, ഹരിയോട് സെക്കന്റ് ഇയർ അവസാനത്തെ കോളേജ് ട്രിപിന്നിടെ ആണ്, ബാച്ച് മേറ്റ് കൂടെ ആയ ഡാലി വന്ന് ഹരിയോട് ഇഷ്ടം പറയുന്നത്, തന്റെ കൂട്ടുകാരികളെ കൂട്ടി കൊണ്ട്. (അതിൽ ഒരാൾ ആണ് അഞ്ചു).
ശരിക്കും അത്ഭുദ പ്പെട്ട ഹരി, ആദ്യമൊക്കെ ഒഴിഞ്ഞു മാറി നടന്നു എങ്കിൽ കൂടെ, ക്ലാസ്സിലും, അല്ലാതെയും തന്നെ ചൊറിഞ്ഞു കൊണ്ടിരുന്ന ഡാലിയെ, പതിയെ ഹരിക്കും ഇഷ്ടപ്പെടാൻ തുടങ്ങി.
ഡാലി അധികം വൈകാതെ തന്നെ, ഹരിയുടെ എല്ലാം എല്ലാം ആയി. ഡാലിയെ ആത്മാർഥമായി ജീവന് തുല്യം സ്നേഹിച്ച ഹരി, അറിയുന്നുണ്ടായിരുന്നില്ല, അവൾക്ക് അവൻ ഒരു ടൈം പാസ്സ് ആയിരുന്നു എന്നുള്ളത്.
വീട്ടുകാരുടെ പേര് പറഞ്ഞു കൊണ്ട്, കള്ള കണ്ണീർ ഒഴുക്കി, ഡാലി ഹരിയെ വളരെ നൈസ് ആയി ഒഴിവാക്കിയപ്പോൾ, ഡാലിക്ക് വേണ്ടി, തനിക്ക് ഡാലിയെ കിട്ടാൻ വേണ്ടി, അച്ഛനോട് കാൽ പിടിച്ച് കരഞ്ഞു പറഞ്ഞു ഹരി, അവളുടെ വീട്ടിൽ പോയി സംസാരിക്കാനും മറ്റും ആയി..
ഉറക്കം വരാത്ത ഹരി, ചില ഫ്രണ്ട്സിൽ നിന്നും, മദ്യത്തിന്റെ ലഹരി അറിഞ്ഞു തുടങ്ങി, ഉറങ്ങാൻ മദ്യത്തിന്റെ ലഹരിയെ ആശ്രയിച്ചു തുടങ്ങി.
മകന്റെ പോക്ക് കണ്ടു നിൽക്കാൻ ആവാതെ, അച്ഛന്റെ നേരെ കയ്യുർത്തിയ ഹരിയെ, ഹരിയുടെ അമ്മ കരഞ്ഞു കൊണ്ടാണ് തല്ലി വീട്ടിൽ നിന്നും പുറത്താക്കിയത്, ഇറങ്ങി പോകാൻ പറഞ്ഞത്..
……………………………………………………….
ദിവസങ്ങൾ മുന്നോട്ട്…..
വരുമ്പോൾ എല്ലാം കൂടെ ഒന്നിച്ചു വരുക എന്ന് കേട്ടിട്ടില്ലേ, അതാണ് അന്ന് നടന്നത്…
തിരക്ക് പിടിച്ച ദിവസം, ക്ലയന്റ് പ്രസന്റാഷനിൽ വന്ന പിഴവ്, ദേവൂന്റെ പി ടി എ മീറ്റിങ് കാരണം, വീണയുടെ അവധി………..
ഓഫീസിൽ ഉള്ളവർ തല താഴ്ത്തി ഇരിക്കുകയാണ്, തങ്ങളുടെ കൂടെ തെറ്റിന് ആണ് ഹരി ഉള്ളിൽ തെറി കേൾക്കുന്നത് എന്ന് ഉള്ള അറിവ്.
പക്ഷെ പതിവിന് വിപരീതമായി ഒന്ന് ഉണ്ടായി…
ഹരിയുടെ ശബ്ദം ഉയർന്നു കേട്ടു തുടങ്ങി…. ആയിഷയുടെയും ഹരിയുടെയും ശബ്ദം ഒന്നിനു മുകളിൽ ഒന്നായി അലറി..
എന്തൊക്കെയോ വീണുടയുന്ന ശബ്ദങ്ങളും കൂടെ ആയതോടെ ഓഫീസിൽ ഉള്ളവർ ആയിഷയുടെ ഓഫീസിനടുത്തേക്ക് കുതിച്ചു..
വാതിൽ തുറന്ന് കഴുത്തിലെ ഓഫീസ് ബാഡ്ജ് വലിച്ചൂരി കൊണ്ട്, ദേഷ്യത്തിൽ മുഖവും കണ്ണും ചുവന്നു തുടുത്ത ഹരിയെ കണ്ട്, എല്ലാവരും പിന്നിലോട്ട് മാറി. ഹരിയുടെ ഇങ്ങനെ ഒരു മുഖം ആരും കണ്ടിട്ടില്ല ഇതുവരെ, അഞ്ചു പോലും..