ഫൈസി : അവൻ ഉമ്മാടെ പി എ മാത്രം അല്ല, അവൻ എന്റെ ഫ്രണ്ട് ആണ്,, ഒരുപക്ഷെ ആകെ ഉള്ള ഒരു ഫ്രണ്ട്.
ആയിഷക്ക് മുഖത്ത് ഏറ്റ അടിയായിരുന്നു ഫൈസിയുടെ വാക്കുകൾ..
അനുവും വീണയും തല താഴ്ത്തി ഇരുന്നു.
ആയിഷ ഫൈസിക്ക് നേരെ അലറി : അതെ, അവൻ നിന്റെ ഉമ്മ ആയ, എന്നെ ബിച്ച് എന്ന് വിളിച്ചു. ആർ യൂ ഹാപ്പി…
അനു : നീ എന്തിനാ ആയിഷ ഫൈസിയോട് ചൂടാവുന്നത്.
ഫൈസി ഫോൺ എടുത്തു പറഞ്ഞു : എല്ലാവരും രണ്ടു മിനിറ്റ് മിണ്ടാതിരിക്കണം. പറ്റുമോ..
ആയിഷ: ഞാൻ പറഞ്ഞത് വിശ്വാസം ഇല്ലാത്തോണ്ട് വിളിച്ചു ചോദിക്കാൻ ആവും അല്ലെ..
ആയിഷക്ക് സങ്കടം വന്നു…
ഫൈസി പറഞ്ഞു : അല്ല, എനിക്കറിയാവുന്ന ഹരി, സ്ത്രീകളെ ചീത്ത വിളിക്കണ ടൈപ്പ് അല്ല,, അതുകൊണ്ട് എനിക്കറിയണം, ഉമ്മയെ അവൻ അങ്ങിനെ പറഞ്ഞോ എന്ന്. പറഞ്ഞെങ്കിൽ എന്തിന് പറഞ്ഞു എന്ന് എനിക്കറിയണം, കാരണം ഇങ്ങൾ എന്റെ ഉമ്മ ആണ്.
ആയിഷ സൈലന്റ് ആയി, ബാക്കി ഉള്ളവരും..
ഫൈസി ഹരിയെ ഫോൺ വിളിച്ചു സ്പീക്കറിൽ ഇട്ടു..
ഹരി : എടാ മോനെ….
ഫൈസി: എവിടാണ്..
ഹരി : xxxx ബാറിൽ… മൂന്നാമത്തെ പെഗ് കയ്യിൽ പിടിച്ചു കൊണ്ട്, മുന്നിലെ കറുത്ത് മൊരിഞ്ഞ ചിക്കന്റെ കഥ കേട്ടിരിക്കുന്നു.
ഫൈസി ചിരിച്ചു കൊണ്ട് : നല്ല കഥ ആണേൽ പറഞ്ഞു തരാൻ മറക്കരുത്..
ഹരി : ഷുവർ ബ്രോ..
ഫൈസി : സൊ…
ഹരി : അപ്പോൾ കേട്ടല്ലേ.. ഞാൻ ജയിച്ചു മോനെ, ജയിച്ചു…
ഫൈസി : എന്ത് ജയിച്ചു എന്ന്?..
ഹരി : അന്റെ ഉമ്മ, യൂ ആർ ഫയർഡ് എന്ന് പറയണതിന് മുന്നേ ഞാൻ ഐ ക്വിറ്റ് എന്ന് പറഞ്ഞു. അന്റെ ഉമ്മാക്ക് തോൽക്കാൻ ഇഷ്ടമല്ലാത്തോണ്ട് മിക്കവാറും കലി പിടിച്ച് ഇരിക്കുകയായിരിക്കും ഇപ്പോൾ..
ഫൈസി ചിരിച്ചു കൊണ്ട് : പിന്നെ, അങ്കകലി ആണ്..
ഹരി : കുറെ കുപ്പി പൊട്ടി കാണുമല്ലോടാ…
ഫൈസി : മ്മ്മ്.. ഒറ്റ ഡൌട്ട്, അല്ലെങ്കിൽ ചോദ്യം, എന്റെ ഉമ്മയെ നീ തെറി വിളിച്ചോ?.. എനിക്ക് ഉത്തരം വേണം..
ഹരി : യെസ്, വിളിച്ചു. ബിച്ച് എന്ന് വിളിച്ചു. അല്ല, ശരിക്ക് പറഞ്ഞാൽ, you ungrateful bloody bitch എന്നാണ് വിളിച്ചത്.
ആയിഷയും വീണയും അനുവും പരസ്പരം നോക്കി… ആയിഷ മുഷ്ടി ചുരുട്ടി..
ഫൈസൽ : എന്തുകൊണ്ടാ വിളിച്ചത്?.
ഹരി : നിന്നോടിത് എങ്ങിനെയാ പറയുക… മ്മ്മ്….. എനിക്ക് ഏറ്റവും ഇഷ്ടമുള്ളത്, ഈ ലോകത്ത് ആരെയാ എന്ന് നിനക്ക് അറിയാലോ?..
ഫൈസൽ : നിന്റെ അമ്മയെ…
ഹരി : ഹാ,, അങ്ങിനെ ഉള്ള എന്നോട്, എന്റെ അമ്മയുടെ പിറന്നാൾ ദിവസമായ ഇന്നലെ തന്നെ, എന്റെ അമ്മക്ക് തെറി പറഞ്ഞാൽ ഞാൻ എങ്ങിനെയാ പ്രതികരിക്കേണ്ടത്..
വീണയും അനുവും ഫൈസിയും ഒരേ നിമിഷം ആയിഷയുടെ മുഖത്തേക്ക് നോക്കി..
ഹരി : സൺ ഓഫ് ബിച്ച്.. മലയാളത്തിൽ, വേശ്യയുടെ മകനെ എന്ന്… സ്ത്രീയായി പോയി, അല്ലെങ്കിൽ ചുരുട്ടി കൂട്ടി ഓഫീസിലെ ജനലിൽ കൂടെ പുറത്തിട്ടേനെ ഞാൻ..
ഫൈസി : മ്മ്മ്..
ഹരി : വേറെന്തും ഞാൻ സഹിച്ചേനെ, എന്നെ മാം രണ്ടു തല്ലു തല്ലിയാൽ പോലും ഞാൻ നിന്ന് കൊണ്ടെനെ. പക്ഷെ ഇത്… കയ്യിന്നു പോയി. സോറി വായെന്ന്…
ഫൈസി : ഓക്കേ ടാ,, അടുത്ത പരുപാടി എന്താ,,, ഐ മീൻ ജോബ്. എക്സാമൊക്കെ ക്ലിയർ ആയ സ്ഥിതിക്ക്..
ഹരി : സർട്ടിഫിക്കറ്റ് ഒക്കെ ആയി വരുമ്പോഴേക്കും ടൈം ആവില്ലേ.. അതും പോരാഞ്ഞിട്ട്, യുവർ ഉമ്മെടെ കാരക്റ്റർ വച്ച്, ഇവിടെ ഉള്ള കമ്പനികളിൽ എന്നെ ബ്ലാക്ക് ലിസ്റ്റ് ചെയ്യിപ്പിക്കാൻ ഉള്ള ചാൻസ് വരെ ഉണ്ട്….. സൊ നെക്സ്റ്റ് ജോബ്, യോഗ ട്രൈനെർ കം സ്വിഗ്ഗി ഡെലിവറി.
ഫൈസി : ആഹാ, നീ യോഗയും പഠിച്ചിട്ടുണ്ടോ?..
ഹരി : ചെറുതായി..കളരിടെ ഒപ്പം, യോഗ, ഉഴിച്ചിൽ… എല്ലാം പൊടി തട്ടി എടുക്കണം.. പഴയ ആ മെയ്വഴക്കം ഇല്ല ഇപ്പോൾ..
ഫൈസി : മ്മ്… പിന്നെ…. ഉമ്മാക്ക് വേണ്ടി ഞാൻ സോറി പറയുന്നു..