🎪 കൊച്ചിൻ കാർണിവൽ 🎪 – 1 4അടിപൊളി  

“ഇനി മേലാൽ ഇമ്മാതിരി വർത്തമാനം പറഞ്ഞു ശല്യം ചെയ്താൽ, ഇടിച്ചു ഒരു സൈഡ് ഞാൻ തകർത്തിക്കളയും ” അതും പറഞ്ഞു ആ രൂപം അവിടെ നിന്നും മടങ്ങിപോകുന്നത് ഒരു മിന്നായം പോലെ ഞാൻ കണ്ടു.

വേദന ഒട്ടും സഹിക്കാൻ വയ്യ. ആറടി അടുപ്പിച്ചു പൊക്കമുള്ള എന്നെ എത്ര എളുപ്പത്തിലാണവൾ അടിച്ചു താഴെയിട്ടത്. എങ്ങനെയൊക്കെയോ തറയിൽ നിന്നുമെഴുന്നേറ്റ് അവിടുള്ള സ്ലാബിൽ കയറി ഞാൻ ഇരുന്നു. വയർ പൊത്തി മുഖം മറച്ചു ഞാനിരുന്നു. മെല്ലെ മെല്ലെ എന്റെ കണ്ണുകൾ അടഞ്ഞടഞ്ഞു വന്നു.

“അഭി.. ടാ.. പോകാം..”അനിയണ്ണന്റെ ശബ്ദം കേട്ട്, ഞാൻ തല ഉയർത്തി നോക്കി.

“ങേ.. ഇത് എന്താടാ പറ്റിയത് “എന്റെ ചുണ്ടിന്റെ അറ്റത്ത് ചെറുതായി പൊടിഞ്ഞിരുന്ന ചോര കണ്ട് അണ്ണൻ ചോദിച്ചു.ഞാനും അപ്പോഴാണ് ചോര ശ്രദ്ധിക്കുന്നത്. അവിടെ നടന്ന സംഭവങ്ങളൊക്കെ ഞാൻ അണ്ണനോട് പറഞ്ഞു.

“ഇതെന്താ വെള്ളരിക്ക പട്ടണമോ.. നീ വാ പോലീസ് സ്റ്റേഷനിൽ പോകാം..”കലിപ്പ് മോഡിൽ അനിയണ്ണൻ പറഞ്ഞു.

“ഏയ്.. വേണ്ട…ആളുമാറി സംഭവിച്ചതാവും.

“അതുകൊണ്ട്.. നീ എന്തിനാ കണ്ടവൾമാരുടെ  തല്ല് കൊള്ളുന്നത്..നീ വാ.

“അയ്യോ.. അണ്ണാ…വേണ്ട. നാറ്റ കേസ് ആകും.”എങ്ങനെയൊക്കെയോ ഞാൻ അണ്ണനെ സംസാരിച്ചു കൂൾ ആക്കി.

നല്ല വേദനയുണ്ട്, എങ്ങനെയൊക്കെയോ ബൈക്കിൽ കേറി വീട്ടിലെത്തി. രാത്രി കിടക്കാൻ കുറച് വൈകി, വേറൊന്നുമല്ല നല്ല വേദന. മുഖത്ത് കിട്ടിയ പഞ്ച് പിന്നേയും കുഴപ്പം ഇല്ലായിരുന്നു, പക്ഷെ വയറ്റിൽ കിട്ടിയ ചവിട്ട്…ഹമ്മാ 🤧.

രാവിലെ അനിയണ്ണനാണ് വിളിച്ചുണർത്തിയത്.

“അഭി.. ടാ.. എണീക്ക്..

“മ്മ്.. എന്താ അണ്ണാ….”ഉറക്കച്ചടവോടെ ഞാൻ ചോദിച്ചു.

“നീയിത് നോക്കിയേ…”കയ്യിലിരുന്ന മൊബൈൽ എനിക്കുനേരെ നീട്ടിക്കൊണ്ട് പറഞ്ഞു.

കണ്ണ് തിരുമിയ ശേഷം ഞാൻ മൊബൈൽ വാങ്ങി നോക്കി. ഒരു ന്യൂസ്‌ ലിങ്ക് ആയിരുന്നു. ഓപ്പൺ ചെയ്ത് ന്യൂസ്‌ ഹെഡിങ് വായിച്ചപ്പോൾ തന്നെ ഞാൻ പണി മണത്തു.

“അർധരാത്രി കൊച്ചി നഗരത്തിൽ യുവാവിനെ തല്ലി യുവതി ” 🤧. ഒരു വീഡിയോ ക്ലിപ്പ് കൂടി ന്യൂസിൽ ഉണ്ട്. അവൾ എന്റെ കൂമ്പിനിട്ട് ചവിട്ടുന്നതും, മുഖത്തു പഞ്ച് ചെയ്യുന്നതും.കാറിൽ ഇരുന്ന് എടുത്ത വീഡിയോ ആണ്.വീഡിയോ ആംഗിൾ കണ്ടിട്ട്,അവൾ വന്ന കാറിൽ ഇരുന്ന് എടുത്തതാകാനാണ് സാധ്യത. ദൈവഭാഗ്യത്താൽ എന്റെ മുഖം കാണാൻ കഴിയില്ല. അവളുടെ ബാക്ക് സൈഡ് വ്യൂ ആണ് വിഡിയോയിൽ. അവൾ നിൽക്കുകനതിനാൽ എന്റെ ഫേസ് മറഞ്ഞു, പക്ഷെ ശരീരം കാണാം. ഒരു പയ്യനെ പെണ്ണ് അടിച്ച് തറയിലെട്ടതാണെന്ന് ഒറ്റ നോട്ടത്തിൽ മനസിലാകും.ന്യൂസിന്റ കമന്റ്‌ സെക്ഷൻ ഒന്ന് കാണേണ്ട കാഴ്‌ച തന്നെ ആയിരുന്നു.

“ഇവനൊക്കെ ആണ് ആണോ..?, അവൻ ഞരമ്പൻ ആവും,നല്ല തണ്ടും തടിയും ഉണ്ടായിട്ടെന്തിനാ ഒറ്റ അടിക്ക് ബോധം പോയല്ലോ, പെണ്ണ് മാസ്., ഇവൾക്ക് ചോദിക്കാനും പറയാനും ആരുമില്ലേ..?”

ഇങ്ങനെ രണ്ട്പേരുടെ പക്ഷം പിടിച്ചുള്ള കമെന്റുകൾ നിര നിരയായി വന്നു. പക്ഷെ, അധികവും എനിക്കുള്ള ഊക് ആയിരുന്നു.

“മൈര്.. ന്താ അണ്ണാ ഇതൊക്കെ..?ഞാൻ എന്ത് ചെയ്തിട്ടാ…?” സങ്കടത്തോടെ ഞാൻ ചോദിച്ചു.

“ടാ.. നീ വിഷമിക്കാതെ. എന്തായാലും മുഖം ആരും കണ്ടിട്ടില്ല ”

“എന്നാലും എനിക്ക് അറിയാമല്ലോ അണ്ണാ…ആ പെണ്ണിനെ ജീവിതത്തിൽ ആദ്യമായാ ഞാൻ കാണുന്നത്. അതും എന്റത്ര സൈസ് പോലുമില്ല.. നാണക്കേട്…🥺”

“ടാ.. പോലീസിൽ കംപ്ലയിന്റ് ചെയ്യണോ..?

“അയ്യോ. വേണ്ട. അവസാനം ഞാൻ നാറും. ഇതിന്റെ പിറകിൽ വേറെ വല്ല ഇഷ്യൂ ഉണ്ടെങ്കിൽ അതും എന്റെ തലയിലാവും.

“മ്മ്…നീ വിഷമിക്കാതെ. കഴിഞ്ഞത് കഴിഞ്ഞു. ഇനി നീ മൂഡ് ഓഫ്‌ ആയി ഇരിക്കേണ്ട…ഞാൻ ഇറങ്ങുവാ  ഓഫീസിൽ പോയി വരാം.”

അനിയണ്ണൻ ആശ്വപ്പിക്കാനായി അതും പറഞ്ഞു പോയെങ്കിലും ലോകം മൊത്തം നാറിയവനെ അതിന്റെ വേദന മനസിലാകുള്ളൂ 🤧.

എന്നാലും ആരാവൾ? കാണാൻ എന്തൊരു ലുക്ക്‌’എന്നിട്ട് കയ്യിലിരിപ്പോ 🤧.ആളാരാണെന്ന് നാട്ടുകാർക്ക് അറിയില്ലെങ്കിലും, എനിക്ക് അറിയാമല്ലോ…ഹൊ.. അപമാനം 🥺.

എത്രയൊക്കെ ശ്രമിച്ചിട്ടും ഇന്നലെ നടന്ന കാര്യങ്ങൾ മനസ്സിൽ നിന്നും പോകുന്നില്ല, ഇടക്ക് ഇടക്ക് കയറി ആ ന്യൂസ്‌ ലിങ്കും കമന്റും കൂടി നോക്കുമ്പോൾ കുറച്ചു കൂടി ഡെസ്പ് ആവും. എങ്ങനെയൊക്കെയോ അന്നത്തെ ദിവസം തള്ളി നീക്കി.