🏹🏹വേട്ടക്കാരികള്‍ – 2🏹🏹 13അടിപൊളി  

ചെറിയൊരു വിഷമം തോന്നിയെങ്കിലും അത്രയെങ്കിലുമായല്ലോ എന്ന സന്തോഷത്തോടെ ഞാനും അതേപോലെ കാണിച്ചു.

ആ ജനല്‍ അടഞ്ഞു കഴിഞ്ഞും അല്പനേരം കൂടെ ഞാന്‍ അങ്ങോട്ടും നോക്കി നിന്നു. ലൈറ്റും കൂടെ അണഞ്ഞ ശേഷമാണ് പിന്തിരിഞ്ഞത്.

ജനല്‍ അടച്ച് AC ഇടാന്‍ തുടങ്ങുമ്പോള്‍ വാതിലില്‍ മുട്ട് കേട്ടു. വളരെ മെല്ലെയായിരുന്നു ആ ശബ്ദം.

ഞാന്‍ വേഗം കുറ്റിയെടുത്ത് വാതില്‍ തുറന്നു.

ദേ…മമ്മി..!!

എന്റെ ഉള്ളൊന്നു കാളി. ഈശ്വരാ മമ്മി വല്ലതും കണ്ടു കാണുമോ..!!

“നീ ഉറങ്ങിയില്ലായിരുന്നോ..?!”

അല്പം പതുങ്ങിയ ശബ്ദത്തിലായിരുന്നു മമ്മിയുടെ അന്വേഷണം.

“ഇല്ല…!!”

ആശങ്ക പുറത്തു കാണിക്കാതെ ഞാന്‍ പുഞ്ചിരിച്ചു.

മമ്മി മുറിക്കകത്തേക്ക് കയറി. എന്റെ ആശങ്ക വര്‍ദ്ധിച്ചു..എന്തോ കണ്ടിട്ടുണ്ട്..!

അകത്ത് കയറിയതും മമ്മി തന്നെ വാതില്‍ അടച്ചു.

“ഇതെന്താ AC ഇട്ടില്ലേ..?!”

വാതില്‍ അടഞ്ഞതോടെ ആ സ്വരം സാധാരണപോലെയായി. അകത്തു നിന്നും ശബ്ദം പുറത്തു പോവില്ലെന്ന് അറിയാവുന്നത് കൊണ്ടാവാം.

“ഇടാന്‍ പോവായിരുന്നു..!!”

റിമോട്ടെടുത്ത് AC ഓണ്‍ ചെയ്തുകൊണ്ട് ഞാന്‍ പറഞ്ഞു.

“പത്തു മിനിട്ട് നേരത്തെ ഇട്ടുവെച്ചാ മതിയായിരുന്നു. ഞാനും ഓര്‍ത്തില്ല..!”

മമ്മി റിമോട്ട് വാങ്ങി കൂളിംഗ്‌ സ്പീഡാക്കി.

“…വര്‍ഷ പോയതോടെ വീട്ടില്‍ ഒരുപാടാളുകള്‍ കുറഞ്ഞ പോലുണ്ടല്ലേ..! ഒറ്റയ്ക്ക് കിടക്കാന്‍ പേടിയൊന്നും ഇല്ലല്ലോ മോന്..?!”

സ്വാഭാവികമായൊരു ചിരിയോടെയായിരുന്നു ചോദ്യം.

“അയ്യേ..എന്ത് പേടിക്കാന്‍..! ശനിയും ഞായറുമൊക്കെ ഹോസ്റ്റല്‍ മുറിയില്‍ തനിച്ചു കിടന്നു നല്ല ശീലമാ..!!”

പേടിച്ചത് പോലെ ഒന്നുമില്ലെന്ന് ബോധ്യമായതോടെ ഞാന്‍ ഉഷാറായി.

“പറഞ്ഞ പോലെ..!!”

ആ കാര്യം ഓര്‍മ്മയില്‍ വന്നിട്ടെന്നപോലെ മമ്മിയൊന്നു ചിരിച്ചു.

“….ഞാനത് ഓര്‍ത്തതേയില്ല..! എനിക്കാണേല്‍ ഒറ്റയ്ക്ക് കിടക്കുന്നത് ഓര്‍ക്കാനേ വയ്യ..അയ്യോ..!!”

അങ്ങനൊരു അവസരത്തില്‍ അനുഭവിക്കേണ്ട ഭയപ്പാടിന്റെ ഒരു ലാഞ്ജന ആ മുഖത്തു തെളിഞ്ഞു.

“കുറച്ചു ദിവസമേ പ്രശ്നമുള്ളൂ..പിന്നെ താനേ ശരിയായിക്കോളും..!”

ഞാന്‍ ചിരിച്ചു.

“ഉവ്വ് താനേ ശരിയാകും…എന്റെ ജീവന്‍ ആ വഴിയങ്ങു പോകും..!”

ഒരു ഭയന്നുചമ്മിയ ചിരിയോടെ മമ്മി ബെഡ്ഡില്‍ ഇരുന്നു.

AC യുടെ തണുപ്പ് മുറിയാകെ നിറഞ്ഞു തുടങ്ങിയിരുന്നു.

പെട്ടെന്ന് പോകാനുള്ള ഒരുക്കമില്ലെന്നു തോന്നിയതോടെ ഞാനും കിടക്കയിലേക്ക് കയറിയിരുന്നു.

“….ഈ കാണുന്നപോലൊന്നുമല്ലെടാ….അടുത്ത മുറീലൊക്കെ എല്ലാരുണ്ടായിട്ടും മുറിയില്‍ തനിച്ച് കിടക്കാന്‍ എനിക്ക് പേടിയാ..! “

“എന്നാ മമ്മിയ്ക്ക് ചേച്ചിമാരുടെ ആരുടേലും കൂടെ കിടന്നൂടെ..!”

ആ ചമ്മല്‍ ആസ്വദിക്കുന്ന ഒരു ചിരിയോടെ ഞാന്‍ ചോദിച്ചു.

“മ്ഹും…നല്ല ടീമാ…! ഫ്രീഡം പോകുമെന്നും പറഞ്ഞ് അവളുമാര്‍ അങ്ങോട്ടൊന്നും അടുപ്പിക്കുകയേയില്ല. പവി ഒരു പതിനാല് വയസ്സ് വരെയൊക്കെ എന്റെ കൂടെയായിരുന്നു. മറ്റവളാണേല്‍ രണ്ടാം ക്ലാസ് മുതല്‍ കേറിയതാ ആ റൂമില്‍..!”

“അപ്പൊ ഞാന്‍ വരുന്നത് വരെ മമ്മി താഴത്തെ നിലയില്‍ ഒറ്റയ്ക്കായിരുന്നോ…!”

ആ പേടിയുടെ അളവുമായി തട്ടിച്ചു നോക്കിയപ്പോള്‍ അന്തംവിട്ടൊരു ചിരി എന്നില്‍ നിന്നുമുണര്‍ന്നു.

“ഇപ്പൊ മനസ്സിലായില്ലേ അവസ്ഥ..!!”

മമ്മിയും ഒപ്പം ചേര്‍ന്ന് ചിരിച്ചു.

“പണ്ടൊക്കെ ഒറ്റയ്ക്ക് കിടന്നു ശീലിക്കാന്‍ അമ്മ കിടന്നു വഴക്ക് കൂടുമായിരുന്നു. അന്നൊന്നുമറിഞ്ഞില്ലല്ലോ ഇങ്ങനെയൊരു ഭര്‍ത്താവിനെയും മക്കളെയുമാണ് എനിക്കായി ദൈവം കണ്ടു വച്ചിരിക്കുന്നതെന്ന്..!ഞാനാണേല്‍ പ്ലസ്ടു റിസള്‍ട്ട് വരുന്നത് വരെ അമ്മയെ വിട്ടതേയില്ല…പാവം അച്ഛന്‍..!!”

എന്തോ ഓര്‍മ്മയിലെന്ന പോലെ മമ്മിയുടെ ചിരിയില്‍ ഒരു നിറം മാറ്റം വന്നത് പോലെ തോന്നിയെങ്കിലും എന്റെ ശ്രദ്ധ അവരുടെ അമ്മയിലേക്ക്‌ പോയിരുന്നു. ഇവിടെ വന്നിട്ട് മൂന്നാഴ്ച കഴിഞ്ഞിട്ടും അങ്ങനെ ആരെയും ഇതുവരെ കണ്ടതേയുണ്ടായിരുന്നില്ല.

“അവരൊക്കെ ഇപ്പൊ എവിടാ…മമ്മിയുടെ അമ്മയും റിലേറ്റീവ്സുമൊക്കെ..!!”