🐝🐝തേനമൃതം – 4🐝🐝 Likeഅടിപൊളി  

“ഓക്കേ..നോട്ട് ബാഡ് . ബെറ്റർ ലേറ്റ് ദാൻ നെവർ എന്നല്ലേ. എനിവേ ഗുഡ് ലക്ക്..”

“അപ്പോ ശരി സാർ.”

“ഓക്കേ, നമുക്ക് വീണ്ടും കാണാം. കാണണം.😉”

“ഷുവർ സാർ.😉😉”

അവളും തിരിച്ചതേ നാണയത്തിൽ പ്രതികരിച്ചു. ഇവളാള് കൊള്ളാല്ലോ. ഹിഹി.
നിഷയുമായി ഞാൻ എമറാൾഡ് അപ്പാർട്മെന്റ് കൺസ്ട്രക്ഷൻ സൈറ്റിലേക്ക് പുറപ്പെട്ടു. അവിടെ വിളിച്ചറിയിക്കാതെയാണ് ചെന്നത്.

ചെന്നിറങ്ങിയപ്പോൾ തന്നെ ആകെ വശപ്പെശക് ലക്ഷണമാണ്. രണ്ട് ഇൻറ്റേൺ പയ്യന്മാരെ പണിയേൽപ്പിച്ച് ഓവർസിയറും സൂപ്പർവൈസറും മുങ്ങിയിരിക്കുകയാണ്. മൂന്ന് നാല് ദിവസമായി അവർ ഇങ്ങോട്ട് വന്നിട്ട് എന്നാണ് അറിയാൻ കഴിഞ്ഞത്.

മെറ്റീരിയൽസ് കൂടി നോക്കിക്കളയാം എന്ന് കരുതി ഞാൻ അങ്ങോട്ടേക്ക് പോയി. ഒന്നേ നോക്കേണ്ടി വന്നുള്ളൂ. സർവത്ര മായം. ഗ്രേഡ് കുറഞ്ഞ മണലും പാറപ്പൊടിയും മുതൽ ഉപയോഗിക്കുന്ന ചുടുകട്ട വരെ മിനിമം ക്വാളിറ്റി പോലും ഇല്ലാത്തവയാണ്.

ഞാൻ ആ ഇൻറ്റേൺ പയ്യന്മാരെ നന്നായി ഫയർ ചെയ്തു.

“സൂപ്പർവൈസറും ഓവർസിയറും വന്നില്ലെങ്കിൽ ഓഫീസിൽ വിളിച്ചറിയിക്കണമെന്ന് നിനക്കൊന്നും അറിയാൻ പാടില്ലേ? എഹ്ഹ്? നേരാംവണ്ണം അവനവൻ്റെ ജോലി ചെയ്യാത്ത ഒരു മക്കളും ഇവിടെ തുടരണമെന്നില്ല.”

“സോറി സർ.” അവന്മാർ നിന്ന് തല ചൊറിഞ്ഞു.

“തൽക്കാലം രണ്ടും പോയി ജോലി നോക്ക്. ബട്ട് ഡോണ്ട് റിപ്പീറ്റ് ദിസ്.”

“സാർ.”

അവന്മാർ പോയതും ഞാൻ നിഷയുടെ നേരെ തിരിഞ്ഞു.

“നിഷാ, കോണ്ടാക്ട് ദാറ്റ് ബാസ്റ്റർട്സ് ഇമ്മീഡിയറ്റ്ലി. എന്നിട്ട് വേഗം ഇങ്ങോട്ട് വരാൻ പറ. അവന്മാരറിയാതെ ഈവക വ്യാപക ക്രമക്കേടുകൾ ഒരിക്കലും നടക്കില്ല. പത്തുമിനിറ്റിനകം അവന്മാരോട് ഇവിടെ വരാൻ വിളിച്ച് പറയ്.”

അങ്ങനെ എൻ്റെ നിർദ്ദേശപ്പ്രകാരം അവന്മാർ പെട്ടെന്ന് തന്നെ വർക്ക് സൈറ്റിലെത്തി. സൂപ്പർവൈസറിൻ്റെ പേര് ഹരീഷ് എന്നാണ്. പുള്ളി അച്ഛൻ്റെ കാലം മുതൽക്കേ ഇവിടുത്തെ സ്റ്റാഫാണ്. മറ്റവൻ അനീഷ്. ഇവന്മാർ രണ്ടുംകൂടി വിചാരിക്കാതെ ഇമ്മാതിരി ക്രമക്കേട് നടക്കില്ല. രണ്ടിനും നല്ലതു പോലെ കൊടുത്തു.

***

“കട്ട് മുടിക്കാൻ ഇതെന്താ വല്ല ഗവൺമെന്റ് പ്രോജക്ട് ആണെന്ന് കരുതിയോടാ പന്ന നായിൻ്റെ മക്കളേ? കമ്പനിയുടെ റെപ്പ്യൂട്ടേഷൻ തകർക്കുന്ന ഈ പരിപാടി കാണിച്ച നീയൊന്നും ഇനിയിവിടെ വേണ്ട.”

വിനു അവർക്ക് നേരെ ആക്രോശിച്ചു.

“ഹ! അതെന്ത് പരിപാടിയാ സാറേ. ഈ കമ്പനി സാറിൻ്റെ കുടുംബ സ്വത്താണെന്ന് കരുതി എന്തും ആവാമെന്നാണോ? സാറിന് നിയമം ഒന്നുമറിയില്ലേ? ഒന്നാമത് ഞങ്ങൾ എന്താണ് ചെയ്തത്? തെളിവ് വല്ലതും ഉണ്ടോ? പിന്നെ അങ്ങനെ ഇങ്ങനെയൊന്നും ഞങ്ങളെ പുറത്താക്കാൻ പറ്റില്ല. അതിന് മുപ്പത് ദിവസം മുന്നേ കാരണം കാണിക്കൽ നോട്ടീസയക്കണം. ഇതിനെപ്പറ്റിയൊന്നും ഒരു പിടിയുമില്ലല്ലേ ഹ ഹ ഹ.”

ഓവർസിയർ അനീഷാണ്. അപ്പോഴേക്കും വിനുവിൻ്റെ ഉറച്ച കൈകൾ അവൻ്റെ മുഖത്ത് പതിഞ്ഞിരുന്നു. തല്ലുകൊണ്ട് തിണർത്ത കവിൾത്തടവും പൊത്തിപ്പിടിച്ച് നിൽക്കാനെ അവന് കഴിഞ്ഞുള്ളൂ.

“ഛീ! നാവടക്കെടാ നായെ. നീയൊക്കെ എന്നെ നിയമം പഠിപ്പിക്കാറായോ? നിന്നെയൊക്കെ പിരിച്ചുവിട്ട് ഞാൻ തിരിച്ചൊരു കേസ് കൊടുത്താൽ എനിക്ക് നഷ്ടപരിഹാരം തരാൻ നീയൊക്കെ വീടിൻ്റെ ആധാരം വരെ വിൽക്കേണ്ടി വരും. എന്നെക്കൊണ്ട് അതൊന്നും ചെയ്യിപ്പിക്കരുത്. മര്യാദക്ക് നീയൊക്കെ പോയാ നിങ്ങക്ക് തന്നെ കൊള്ളാം.”

വിനു നിഷയ്ക്ക് നേരെ തിരിഞ്ഞു.

“നിഷാ, മൂർത്തി സാറിനെ വിളിച്ച് വേഗം ഇവന്മാർക്കുള്ള ഡിസ്മിസ്സൽ ഓർഡർ തയാറാക്കാൻ പറയ്. വിത് ഇമ്മീഡിയറ്റ് എഫെക്ട്. ഒപ്പംതന്നെ അക്കൗണ്ട്സിൽ വിളിച്ച് ഇന്നുവരെയുള്ള ഇവന്മാരുടെ എല്ലാ ഇൻസെന്റീവ്സും കൊടുത്തേക്കാൻ പറയ്.”

“ഓക്കേ സർ..”

“നിന്നെയൊന്നും ഇനി എൻ്റെ കൺവെട്ടത്തോ ഓഫീസിൻ്റെ പരിസരത്തോ കണ്ടുപോകരുത്.”

അവർ അതിന് സമ്മതം മൂളി പോയി. വിനുവും നിഷയും തിരികെ ഓഫീസിലേക്ക് പുറപ്പെട്ടു.

***

പ്രാരംഭഘട്ടത്തിൽ തന്നെ കയ്യോടെ പിടികൂടിയതുകൊണ്ട് മെറ്റീരിയൽ കോസ്റ്റ് അല്ലാതെ വലിയ നഷ്ടങ്ങളൊന്നും ഉണ്ടായില്ല. പിരിച്ചുവിട്ടവന്മാർക്ക് പകരം കമ്പനിയിലെ വിശ്വസ്തരായ രണ്ടു പിള്ളേരെ ചുമതല എളപ്പിച്ചു. എല്ലാ വർക്ക് സൈറ്റിലും വരും ദിവസങ്ങളിൽ തന്നെ ഒരു മിന്നൽ വിസിറ്റ് നടത്താൻ ഞാൻ തീരുമാനിച്ചു.