🐝🐝തേനമൃതം – 4🐝🐝 Likeഅടിപൊളി  

എൻ്റെ ഊഹം തെറ്റിയില്ല. ഞാനുദ്ദേശിച്ച ആൾ തന്നെയായിരുന്നു അത്. എൻ്റെ മുഖത്ത് അവളെ പ്രതീക്ഷിക്കാതെ കണ്ടതിലുള്ള സന്തോഷം നന്നായി പ്രതിഫലിച്ചിരുന്നു. അവളുടെ മുഖത്തും ഒരു അത്ഭുതവും സന്തോഷവും ഞെട്ടലും ഞാൻ കണ്ടു.

സമീറ മിസ്സ്!!! എൻ്റെ സമീറ..

ഞങ്ങൾ അങ്ങനെ പരിചയം പുതുക്കി. ഞാനവരെ ഇരുന്ന് സംസാരിക്കാനായി ഫുഡ് കോർട്ടിലേക്ക് ക്ഷണിച്ചു. ഞങ്ങളങ്ങനെ അവിടിരുന്ന് രണ്ടു കോഫി ഒക്കെ പറഞ്ഞ ശേഷം സംസാരിച്ചു. ഞാനിതിനിടക്ക് എൻ്റെ വിശേഷങ്ങൾ മുഴുവൻ പറഞ്ഞു. ഇപ്പോഴത്തെ എൻ്റെ നിലയും വിവാഹവും അങ്ങനെയെല്ലാം. എല്ലാം കേട്ട ശേഷം അവൾ എന്നെനോക്കി സന്തോഷത്തോടെ പുഞ്ചിരിച്ചു.

“ഞാനിത്രയൊക്കെ പറഞ്ഞിട്ടും മിസ്സെന്താ ഒന്നും മിണ്ടാതിരിക്കുന്നേ? ഇനി മിസ്സിൻ്റെ വിശേഷങ്ങളൊക്കെ പറയ്.”

“ഓ, എനിക്കെന്ത് വിശേഷം ആടാ. ഇവിടെ ഒരു പ്രൈവറ്റ് യൂണിവേഴ്സിറ്റിയിൽ ഗസ്റ് ആയി പഠിപ്പിക്കുന്നു. കിട്ടുന്ന ചെറിയ വരുമാനത്തിൽ നിന്ന് എങ്ങനെയൊക്കെയോ ജീവിച്ചു പോകുന്നു. അല്ലാതിപ്പോന്താ പറയ്യാ.”

“ഞാനന്നേ പറഞ്ഞതല്ലേ മിസ്സെ, എനിക്കൊരു നല്ല കാലം വന്നാൽ ഞാൻ ഒപ്പമുണ്ടായിരുന്നവരെ കൈവിടില്ലെന്ന്? ഞാൻ മിസ്സിന് എൻ്റെ കമ്പനിയിൽ ഒരു]ഉ ജോലി ഓഫർ ചെയ്യട്ടെ? അത് വെറുതെ നമ്മൾ തമ്മിൽ ഉള്ള ബന്ധം കൊണ്ടാണെന്ന് വിചാരിക്കണ്ട. ശരിക്കും അതിനുള്ള പൊട്ടൻഷ്യൽ മിസ്സിനുള്ളതു കൊണ്ടുതന്നെയാണ്.

ഞങ്ങടെ ഇന്റേൺസിനെ ട്രെയിൻ ചെയ്യാനും ഗ്രൂം ചെയ്യാനും ആയിട്ട് ഒത്തിരി കാലമായിട്ട് ഞാനൊരു ഇൻസ്ട്രക്ടറെ അന്വേഷിച്ചു കൊണ്ടിരിക്കുവായിരുന്നു. പെർമനന്റ് പോസ്റ്റിങ്ങ് ആണ് ഞാൻ ഉദ്ദേശിക്കുന്നത്. ഈ ജോലി വിട്ടെങ്ങും പോകേണ്ടി വരില്ല. എന്ത് പറയുന്നു?”

“എടാ, അതല്ല പ്രശ്നം. ഞാൻ നിന്നെ മുതലെടുത്തതാണെന്ന് പിന്നീട് നിനക്ക് തോന്നാൻ പാടില്ല.”

“ദേ, ഇനി ഇമ്മാതിരി വർത്തമാനം പറഞ്ഞാൽ ഞാൻ കളഞ്ഞിട്ട് പോവും കേട്ടോ. പൂർണ്ണ മനസ്സോടെയാണ് ഞാനാ ജോലി ഓഫർ ചെയ്തത്. അൽപ്പം ബുദ്ദിമുട്ടിച്ചാലും എനിക്കൊരു കുഴപ്പവുമില്ല.”

അവളുടെ ആ വർത്തമാനം ഇഷ്ടപ്പെടാതെ അൽപ്പം നീരസത്തോടെ തന്നെ ഞാനിത് പറഞ്ഞു.

“സോറി ടാ. ഇനി ഇങ്ങനൊന്നും പറയില്ല.” അവൾ ചിരിച്ചുകൊണ്ട് പറഞ്ഞു.

ഞാൻ അൽപ്പം മാറി കുറച്ചു ഫോൺകാൾ ചെയ്തു തിരിച്ചുവന്നു. അവളുടെ ജോലിയുടെ കാര്യം എല്ലാം ഞാൻ ഇതിനകം ശരിയാക്കിയിരുന്നു.

“അപ്പൊ മറ്റന്നാൾ കൊച്ചിയിലെത്തി ജോയിൻ ചെയ്യണം. അവിടെ കമ്പനി വക ഫ്ലാറ്റിൽ താമസവും ശരിയാക്കിയിട്ടുണ്ട്. എന്താ?”

അവളുടെ കണ്ണുകൾ നിറഞ്ഞുവന്നു.

“ഇതിനൊക്കെ ഞാനെങ്ങനാ നിന്നോട് നന്ദി പറയുക?”

“ദേ ദേ…ഇതൊരു സെന്റി സീനല്ല. പിന്നെ നന്ദിയൊന്നും വേണ്ട.”

അവൾ ചിരിച്ചു. ഞാനും.

ഞങ്ങളങ്ങനെ സംസാരിച്ചിരുന്ന് നേരംപോയി. പോകാറായപ്പോൾ അവളെന്നെ കൂടി ക്ഷണിച്ചു. ഞാൻ ആദ്യം ഒഴിഞ്ഞുമാറിയെങ്കിലും അധികം മസിലു പിടിക്കാതെ ഒടുവിൽ അവളോടൊപ്പം പോകാൻ തീരുമാനിച്ചു.

ഞങ്ങൾ അവിടെയെത്തി. അവൾ ഒരു ചെറിയ അപ്പാർട്മെന്റിലെ രണ്ടാം നിലയിലേക്കാണ് എന്നെ കൊണ്ടുപോയത്. അവളൊരു വാതിലിന് മുന്നിലെത്തി കാളിംഗ് ബെൽ അമർത്തിയതും ഒരു 19-20 വയസ്സ് പ്രായം വരുന്ന പെൺകുട്ടി വന്ന് വാതിൽ തുറന്നു. അടുത്ത ഫ്ളാറ്റിലേതാവും.

അവളുടെ ചോദ്യങ്ങൾക്ക് ഉത്തരം പറഞ്ഞ ശേഷം ഞാൻ റിലേറ്റിവ് ആണെന്ന് സമീറ പരിചയപ്പെടുത്തി. അവൾ എന്നെയൊന്ന് നോക്കി ചിരിച്ച ശേഷം പോയി. ഞാനും മിസ്സും അകത്തുകയറിയതും അവൾ വാതിലടച്ചു കുറ്റിയിട്ടു.

“വാ…”

അവളെന്നെ ക്ഷണിച്ച ശേഷം മുന്നേ നടന്നു. അവളുടെ പിറകേ നടന്ന് റൂമിലെത്തിയ ഞാൻ സ്‌തബ്ധനായി. അവളുടെ ബെഡ്‌റൂമിൽ ഒരു തൊട്ടിൽ! അതിൽ ആറുമാസം മുതൽ ഒരു വയസ്സുവരെ പ്രായം തോന്നിക്കുന്ന ഒരു കൊച്ചുകുഞ്ഞ് സുഖമായുറങ്ങുന്നു.

ഞാനവളെയും കുഞ്ഞിനേയും മാറിമാറി നോക്കി. എൻ്റെ ഞെട്ടലപ്പോഴും മാറിയിരുന്നില്ല.

സമീറയുടെ മുഖത്ത് ഒരു ചിരിയുണ്ടായിരുന്നു. അവളെൻ്റെ നേരെ തിരിഞ്ഞു.